ئاتا

ayishe

	چۈشلىرىمگە كىرىپ باقمىدىڭ، رەنجىگەنمۇ مېنىڭدىن ئاتا؟ رەنجىش ساڭا راۋا ئىش ئەمەس، ئاجىزەڭدىن ئۆتتى نە خاتا؟ يورۇق ئالەم شۇنچە قاراڭغۇ، يوقلاپ ئۆتتى ھازا نەچچە رەت ئايمۇ مۆكتى بۇلۇت كەينىگە يۆلەنچۈكسىز قالدىمغۇ ئەبەد كۆرۈنىسەن گاھى كۆزۈمگە، تۇمانلارغا بولىسەن ھەمراھ شۇنچە يىراق ،يىراق يەردىمۇ؟ ئۈنۈم يەتمەي،يۈرىگىم يارا. جۈدەپ كەتتى باغرىم ئېزىلىپ ئىزىڭ پۇراپ يىغلايدۇ يۈرەك كىمدىن كەلگەن ئۆلۈم نۆۋىتى تاپالمىدى سېنىڭدىن بۆلەك يىغلاپ قالدىم يىراق قىرلاردا يىغلاپ قالدىم  كۆرەلمەي يۈزۈڭ يىغلاش بىلەن ئاتمايدىكەن تاڭ ۋەسىيەت بولدى ئاخىرقى سۆزۈڭ

musilina

	ئاتا -ئۆينىڭ تۈۋرىىك، ئانا -ئۆينىڭ گۈلى. ئاتىسىندىن ئايرىلغانلار ،قاناتىدىن قايرىلغانلار... بەك مۇڭلۇق چىقىپتۇ شېئىرىڭىز، يۈرىكىم ئېزىلدى شېئىرىڭىزنى ئوقۇپ....