قارلاردىن ياسىدىم ۋەتىنىم سېنى

bahwanbiz

	قارىغايدىن ياسىدىم ۋەتىنىم سېنى قۇرۇتلار قېنىڭنى شورىمۇسۇن دەپ قارلاردىن ياسىدىم ۋەتىنىم سېنى . قىممەتلىك غازاڭنىڭ نالىسى ئۈچۈن، پارچىلىنار جەڭگاھتا دېكابىر تېنى . جەڭگاھتا يىقىلار بۇۋامنىڭ تېنى، ئازگالغا ئاقماقتا بىھۇدە قېنى. كېسلاتا تۆكمەكتە يالغانچى باھار، دەريادىن ياسىدىم ۋەتىنىم سېنى. پولاتتىن ياسىدىم ۋەتىنىنم سېنى، تۇرايلى داتلارنىڭ قولىدىن نېرى . رىشتىمىز ھېملىشىپ بولساق قۇم قەغەز، خەندەكتە قالامدۇ لۇتپۇللا تېنى. قۇملاردىن ياسىدىم ۋەتىنىم سېنى، ياۋرۇپا يەنە بىر كەلمەمسەن قېنى؟ قۇلىپنىك غولىدا يېيىلاي دەيمەن، ئى. مەھمۇد باغرىڭغا تەرمەمسەن مېنى. توغراقتىن ياسىدىم ۋەتىنىم سېنى ، پادىچى بالىلار تونۇمدۇ سېنى ؟ يۈرەكنىڭ شەكلىنى سىزىغان بولساق، خاتىرىجەم چىقمامدۇ ئىپارخان جېنى. ئالمىدىن ياسىدىم ۋەتىنىم سېنى، چۆللەرنى كۆرسەتتى  باغلىرىم مېنى. شېھىتكە شاھادەت ئوقۇلماي تۇرۇپ، بەك بالدۇر سوۋىدى رىزۋانگۈل تېنى. ئۈزۈمدىن ياسىدىم   ۋەتىنىم سېنى ، مەنبە يوق توختىدى كارىزنىڭ قېنى. ھەسەرەت ئىلكىدە كۆمۈردەك كۆيۈپ، ئاچىل دەپ يىقىلدى ئا. خالىق تېنى . ئاناردىن ياسىدىم ۋەتىنىم سېنى، يەرمەنكە داڭلىغاچ ساتىدۇ سېنى. مېھراپنى چايانلار قاپلىغاچ ئېسىت كۆمەچكە ئايلاندى ئا.موللام نېنى. نەشپۈتتىن ياسىدىم ۋەتىنىم سېنى، ھەر لەھزە چىقمايدۇ خەلقىمنىڭ يېلى. ئەجداتلار كىملىكى يۈتكەچكە قۇملۇق ، بىچارە مۇقامنىڭ تۆكىلەر قېنى. قارىغايدىن ياسىدىم ۋەتىنىم سېنى، باغرىغا باغلىسۇن چوققىلار مېنى. يېڭى بىر ئەتنىڭ يامغۇرى ئۈچۈن ، كۈنلۈكتىن ۋاز كەچتۇق ، بوپتىلا قېنى. ئا. مۇھەممەت باغۋەن شېئىرى تولۇقلىما مەزمۇن (2013-1-16 12:20 PM): داڭگالدىن  ياسىدىم ۋەتىنىم سېنى قۇرۇتلار قېنىڭنى شورىمىسۇن دەپ قارلاردىن ياسىدىم ۋەتىنىم سېنى . ناتىۋان غازاڭنىڭ نالىسى ئۈچۈن، پارچىلىنار جەڭگاھتا دېكابىر تېنى . جەڭگاھتا يىقىلار بۇۋامنىڭ تېنى، ئازگالغا ئاقماقتا بىھۇدە قېنى. كېسلاتا تۆكمەكتە يالغانچى باھار، دەريادىن ياسىدىم ۋەتىنىم سېنى. پولاتتىن ياسىدىم ۋەتىنىم سېنى، تۇراي دەپ داتلارنىڭ قولىدىن نېرى . رىشتىمىز ھېملىشىپ بولساق قۇم قەغەز، خەندەكتە قالامدۇ لۇتپۇللا تېنى. سايرامدىن ياسىدىم ۋەتىنىم سېنى كەڭسايغا تۆكۈلدى ئارغىماق قېنى. قويىۋەتمەي ئوغلۇمنى يايلاقلىرىغا، چۈشۈمدە نوقىدى ئوغۇزخان  مېنى. داڭگالدىن ياسىدىم ۋەتىنىم سېنى، يىمەكتە چۆمىلە ئۇۋىتىپ سېنى. بىر ئازغۇن ئېتىقاد توستى يولۇمنى، قەۋمىمگە بىر ئۆمۈر سوۋىتىپ مېنى. شىۋاقتىن ياسىدىم ۋەتىنىم سېنى مۇڭ بىلەن تۆكۈلدى نوزۇكنىڭ قېنى. سەجدىلەر ھەقىيقى زاتقا بارمىغاچ يات ئەلدە قالدىغۇ غېنىنىڭ تېنى. مىڭ ئۆيدە ياسىدىم ۋەتىنىم سېنى، ياۋرۇپا يەنە بىر كەلمەمسەن قېنى؟ مەھمۇدنىڭ تىلىدا شاخلىناي دەيمەن نەۋائى بېغىڭغا تەرمەمسەن مېنى. توغراقتىن ياسىدىم ۋەتىنىم سېنى ، پادىچى بالىلار تونارمۇ سېنى ؟ يۈرەكنىڭ شەكلىنى سىزىغان بولساق، خاتىرىجەم چىقمامدۇ ئىپارخان جېنى. ئالمىدىن ياسىدىم ۋەتىنىم سېنى، چۆللەرنى كۆرسەتتى  باغلىرىم مېنى. شېھىتكە شاھادەت ئوقۇلماي تۇرۇپ، بەك بالدۇر سوۋىدى رىزۋانگۈل تېنى. ئۈزۈمدىن ياسىدىم   ۋەتىنىم سېنى ، مەنبە يوق توختىدى كارىزنىڭ قېنى. ھەسىرەت ئىلكىدە كۆمۈردەك كۆيۈپ، <ئاچىل> دەپ يىقىلدى ئا. خالىق تېنى . ئاناردىن ياسىدىم ۋەتىنىم سېنى، يەرمەنكە داڭلىغاچ ساتىدۇ سېنى. مېھراپنى چايانلار قاپلىغاچ ئېسىت كۆمەچكە ئايلاندى ئا.موللام نېنى. نەشپۈتتىن ياسىدىم ۋەتىنىم سېنى، ھەر لەھزە چىقمايدۇ خەلقىمنىڭ يېلى. ئەجداتلار كىملىكى يۈتكەچكە قۇملۇق ، بىچارە مۇقامنىڭ تۆكىلەر قېنى. قارىغايدىن ياسىدىم ۋەتىنىم سېنى، باغرىغا باغلىسۇن چوققىلار مېنى. يېڭى بىر ئەتىنىڭ تۇمارى ئۈچۈن ، ئۆتمۈشتىن ۋاز كەچتۇق ، بوپتىلا قېنى. ئا. مۇھەممەت باغۋەن شېئىرى

يولتۇز

	بۇ شىئىرنى ئۇقۇغاندىكى ھسياتىمنى ئىپادىلەشكە ئاجىزلىق قىلدىم ، سىزگە قايىلمەن .

ap~qilam

	يەنە نېمىلەردىن ياسايسزىكىن ، چىنلىق ئېنىق ئىپادىلىنىپتۇ ، ئاپىرىن ،

Gulxat08

	ئوقۇدۇم ۋەتەنگە سۆيگۈ مېھرىڭنى مىسرادا يۈز ئاچقان نۇرلۇق چېھرىڭنى تامچىدى كۆز ياشلار ھاياجان ئىچرە مۇجەسسەم قىلماققا سېنىڭ سېھرىڭنى. ...............................................................

bazarbay

	بۇ شىېر مەن كۆرگەن شىېرلارنىڭ سەردارىكەن بەك خۇشبولدۇم ئاللاھ سىزگە رەھمەت ئاتاقىلسۇن قېرىندىشىم

ANSWER

abdulahad

	نادىر