ئۇيغۇرچە ئاتايلى ئايلارنى

tugluktomur

	ئۇيغۇرچە ئايلار ھەممە ئاينىڭ قاتار- قاتار ، ئۇيغۇرچە ئىسىملىرى بار. ئۇيغۇرچە ئاتايلى ئايلارنى، ئاناتىلمىزنى قىلماي خار. بىرىنچى ئايدۇر ( قەھرىتان) ، سوغاق بولغاچقا قەھرىمان. توڭدۇرىدۇ نى بايلارنى . بولسىمۇ ھەتتا پەھلىۋان. ئىككىنچى ئاينى( ھوت )دەيدۇ ، كەتمەن سېپىنى تۇت دەيدۇ. باھار شامىلى ھۇشقۇيتۇپ ، ئەمدى كىتىدۇ جۇت دەيدۇ. ' ئۈچىنچى ئاينى (نورۇز) دەر. يېڭىلانغاچقا ھەممە يەر. ئويغىنار بار چە كائىنات ، ھاياتلىق ئۈچۈن تۆكۈپ تەر. تۆتىنچى ئاينى ( ئۈمۈد) دەر ، ئۈمۈدكە تولغاچ ھەممە يەر. سەكرىشىپ تاي  قوزىلارمۇ ، ئۆز بەختى ئۈچۈن چاچار زەر. (باھار) دەر بەشىنچى ئاينى ، گۈللەتكەچكە قاقىر ساينى. ھەرخىل كىسەل قېچىپ كىتەر ، ھاۋاسى ئاي قىلغاچ لاينى. ئالتىنچى ئاينى(سەپەر )دەر ، سەپەر قىلغان تاپقاچ زەپەر. چۈنكى ئالەم بەك راھەتلىك ، توڭلاشتىن يوق ھېچبىر ئەسەر. يەتتىنچى ئاينى (چىللە) دەر ، ئورما خىمان بەرگەچكە زەر. يەنە مولدۈر كۆيۈك ئاپتاپ ، تاۋلاپ چىقار ھەقىقى ئەر. سەككىزىنچى ئاي (تومۇز)دۇر ، ئۆستەڭ بويى بەك ھوزۇردۇر. دىمىق بولغاچقا بۇئايدا ، مىۋىلەر پىشىپ پۇزۇردۇر. توققۇزىنچى ئاي (مىزاندۇر) ، 'خاسىيەتلىك بىر ئىماندۇر. ناغرا سۇناي تويلار قىزىپ. خەلقىم ھەرياندا  مىھماندۇر. ئونىنچى ئاينى ( ئوغۇز)دەر، بولغاچقا بارچە بوغۇز يەر. مىۋىلەر پىشىپ مەي بولۇپ، ئورۇقمۇ بولار مۈڭۈز ئەر. ئونبىرىنچى ئاي (ئوغلاق)تۇر ، ئىسسىق تۇرمايدۇ  ئويناقتۇر. ئانار ،ئۈزۈم دەرەخلىرى ، كۆمۈلۈپ يەرگە ياتماقتۇر. ئون ئىككىنچى ئاي (كۆنەك) تۇر ، جاندار كۈنلىرى تۈنەكتۈر. شۇڭا كۆنەك ئاتالغان ئۇ، جاندارغا كۆنەك يۆلەكتۈر. قەدىرلەيلى  تىلىمىزنى، رۇسلاپ باغلاپ بىلىمىزنى. قەدىرلىمىسەك تىلىمىزنى ، خەقلەر چىقىرار يىلىمىزنى. 2012- يىلى12- ئاي 21- كۈنى

xunqilik~san

kar0923

	بۇنىڭغا مۇناسىۋەتلىك تېمىدىن ئىككىسى ئېلان قىلىنغانغۇ دەيمەن .   رەھمەت قېرىندىشىم يەنە بىر قېتىم ئەسكە ئالدىم .

abdulahad

	باركاللا!

anatil100

	بولسا ھەممە ئايلارنى،،بارلىق يەر-جاي ناملىرىنى،ئائىلە ئىلىكتىر ئۈسكىنىللىرىنى،ۋە تۇرمۇشتا كۆپ ئۇچۇرايدىغان بارلىق ئاتالغۇلارنى ساپ ئۇيغۇرچە ئاتاپ ئۇنتۇلۇشقا باشلىغان ئۇيغۇرچە ئاتاللغۇللىرىمىزنى ھەممە جايغا ئۇمۇملاشتۇرساق.. تىما ئىگىسىگە تەشەككۈر...

يازغۇچى

	مەن يەنىلا كۆنۈپ قالغان بويىچە ئاتاي. يانۋار، فېۋرال، مارت... مۇشۇ ياخشى.

qiqak1219

	قالتىس يېزىپ قويۇپسىز ، ئون ئىككى ئاينىڭ ئۇيغۇرچە ئاتىلىشىنى ، كۆپ رەھمەت

a.sayrami

	تىمىڭىزغا تەشەككۈر! ھەربىرئاينىڭ ئالاھدىلىكىنى شىېئىر شەكىلدە ياخش يۇرۇتۇپ بېرىپسىز.

jarulla77

	توغرى دەيسىز . رەخمەت

oygan-维

	توغرا ھەممىمىز ئانا تىمىلىمىزنى قەدىرلەيلى.