خۇراپات

barisjan

	(مۇھەممەتجان راشىدىن ) يەريۈزىنى ئارىلاپ بىزنى تاپقان خۇراپات، جىمى ئەلدە شاللىنپ،بىزگەياققان خۇراپات، نادانلىقنىڭ تونىنى بىزگەياپقان خۇراپات، گادايلىقنىڭ ئۇرۇقىنى بىزگەچاچقان خۇراپات، «بەخىت»دىسەك بېرەلمەي،بىزدىن قاچقان خۇراپات. تىڭشاپ باقسام ۋەزىنى،«خانىقادا يات» دەيدۇ، ئۇزۇن كىيىپ پېرىجە،«قوپماي تەسۋى تارت» دەيدۇ، ئاياللارنى«يۈزۈڭگەقاراچۈمبەل ئارت»دەيدۇ، «ئۆمۈربۇيى بازاردا ناسىۋال،ماتاسات»دەيدۇ، تۈگەل تۇتقان يولىدائەگىزئاققان خۇراپات، «تەغدىر»دەيدۇ،باشلايدۇ بىزنى ئۇدۇل قەبرىگە، ھەقىقەتنى تېگىشەر سالا قىلىپ سەۋرىگە، قول قوشتۇرۇپ تۇرماقنى ئۇدۇم قىلدۇق نەۋرىگە، كۈنۈپ كەتتۇق شۇڭلاشقا تاغدەك جاپا-جەبرىگە، دۈشمەنلەرنىڭ قولىدا بولدى قاپقان خۇراپات، «تاشقا چاچقىن،بەختىڭدىن كۆر»نى ئەلگەئۆگەتكەن، خۇراپاتتۇر ئەجىرسىز قىلىپ بىزنى تۈگەتكەن، ئاياللارنى غەپلەتتە مەڭگۈ ئۇچاق پۈۋلەتكەن، تىرىكلىكنى ئەزەلدىن تەغدىر بىلەن كۆزەتكەن، «ئالغا!»دىسە،ئاران بىر سەراپ ئاچقان خۇراپات، تىلاۋەتنىڭ،ئىخلاسنىڭ ئەڭ ياخشىسى شۈكۈر دەپ، پەرەنجىنى پەزىلەت،ناشۈكۈرلەر كۇپۇر دەپ، كېلىۋەرسۇن بىز بىلەن ئاشۇ ئەسكى سۇپۇر دەپ، ئايغا چىقماق بولغاننىڭ يۈزلىرىگە تۈكۈردەپ، ئايدا يۈرسە ئىنسانلار،ئۇخلاپ ياتقان خۇراپات، شۇ ئىخلاسنى ئۇلۇغلاپ پېتىپ كەلدۇق پاتقاققا، بۇ دۇنيادا ئايلاندۇق ئەڭ ئالدىنقى ئەخمەققە، «يامان!»دىسە،جۈرەت يوق كەچتە كىگىز قاقماققا، ئىسكەنجىگە كۆنمىسەك،باغلاپ سۆزلەر ئەخلاققا، جىمى ئىشنى بىر ئەپلىك دىنغا چاتقان خۇراپات. ئارا ئايدا توي قىلسام،كېتەرمىشمەن ئايرىلىپ، شامدا خوراز چىلىسا،ئۆلەرمىشمەن جايلىنىپ، شۇنداق دىدى بىر موللام ئەتەي ماڭا قايرىلىپ: «قەغەز تۇتساڭ تەرەتكە قالارمىشسەن ئايلىنىپ ....» لايىقلاشماي زامانغا،لايغا پاتقان خۇراپات. يۈرسەم ياخشى بولارمىش مازارلارنى ئارىلاپ، كىملەر ئىچتى،كىم چەكتى؟يۈرسەم ياكى مارىلاپ، ئىچىپ قويسام بىر شىشە،«دەھرىي!»دىدى قارىلاپ، تالايلارنىڭ مېنىڭدەك يۈرەك-باغرىنى يارىلاپ، بوران بولۇپ شاخلاردىن غورا قاققان خۇراپات. ئامىراق كېلۇر ئەزەلدىن جاپاسى يوق بىنەمگە، ئىخلاسى يوق زاۋۇتقا،قىزقسىمۇ گىلەمگە، قۇيۇپ بەرسەڭ قايىتماقچى ساپان بىلەن سۆرەمگە، ئۇسۇل ئويناپ ھارمىدى ھەجەپ كونا سەنەمگە، ياستۇقىدا قەدىمنىڭ خورەك تارتقان خۇراپات. تىرىكىدە سۆرەتكە چۈشسە گۇناھ بولامىش، ئاخىرەتتە ئۇ بىزدىن ئۆزىگە جان سورامىش، يىرىك دىسەك زاغرىنى،خۇدا شۇ ئان ئۇرامىش، ھۇۋۇش قونغان مەھەللە سۇ بولسىمۇ قۇرامىش، نادانلارغا بىھۇددە گۇناھ ئارتقان خۇراپات. يانچۇقىدا پەتىۋا،بورمىلايدۇ قۇرئاننى، ئىلغىمايدۇ خۇراپات نۇمۇس بىلەن ۋىجداننى، شىھىتلەرنى تىللايدۇ جىقاراق بەرسە بىر ناننى، تۆرەلگەن ئۇ دۇنياغا بېقىش ئۈچۈن بىر جاننى، ئون ئۈچ ياشلىق قىزلارنى پۇلغا ساتقان خۇراپات. تۇرسا بىزگە بۇ ئالەم تۆت-بەش كۈنلۈك قۇنالغۇ، ياسالمىساق بىر لامپا ياكى دەزمال،ئۈنئالغۇ، قاششاقلىقتا كۈن ئۆتسە،خەلقىمىزگە ئۇۋالغۇ؟ مارسلارغا ئۇچقانلار ئايغا سالدى تۇرالغۇ، پۇتىمىزغا ئەزەلدىن پالتا چاپقان خۇراپات.

lawa0998

	بۇ- خوراپات ھازىرمۇ تېخى تەخىتتىن چۈشكىنى يوق..............

qaraxani

	بۇ تېكستنى ئۆمەرجان ئالىم ناخشا قىلىپ توۋلاپ ھەممىمىزگە تونۇتسىمۇ خۇراپات يەنىلا مەھەللىمىزدىن نېرى كەتمىدى...

tewelgha

	بىزدە خۇراپاتنىڭ يېلتىزى بەك چوڭقۇر ،ئىسلام دىنىنى بىزگە تارقاتقۇچىلار ،ئەينى چاغدا ئۆز  مەنپەئەتى ئۈچۈن ، تەپەككۈرسىز  دوگما پېتى باشقىلارغا مەجبۇرى سېڭىدۇرۇش ۋاستىسىدىن پايدىلاندى. نۇرغۇن خەلىق  ئۇنى ۋەھىمە ئىچىدە قوبۇل قىلدى .شۇڭا ئۇلار  ئالاھ ياراتقان مەۋجۇدتلارنىڭ مەۋجۇت بولۇش ،ئۆزئارا باغلىنىش قانونىيەتلىرى ئۈستىدە تەپەككۈر قىلىشتىن  قۇرقتى .نەتىجىدە خۇراپاتلىققا داغدام يول ئېچىلدى .ھېلىھەم نۇرغۇن جايلاردا خۇراپاتلىققا بازار بار ،سەۋەبى ،مىھراپتا تۇرۇپ ئۇلۇغ ئىسلام بىلەن خۇراپاتلىقنى ئارىلاشتۇرۇپ ۋەز ئىتىدىغانلار تۈگىگىنى يوق .

nazigul8

	ئىلمىي بىلىم ئېلىشتىن ئۆزىنى قاچۇرغانلار ياكى ئىلمىي بىلىم ئېلىش پۇرسىتى بولمىغانلار،  ئاسانلا خۇراپاتلىقنىڭ تەسىرىگە ئۇچرايدۇ دەپ قارايمەن. تېخى تەرەققى قىلمىغان چەت يەرلەردە، بولۇپمۇ توي-تۆكۈن ئىشلىرىدا ۋە ئاغرىپ قالغانلارنى خۇراپاتلىققا ئىشىنىپ دوختۇرغا كۆرسەتمەسلىك ئىشلىرىدا خۇراپاتلىقنىڭ تەسىرى بەك ئېغىرمىكىن. مۇشۇ خۇراپاتلىق ئازايغان كۈنى ئۇيغۇرلارنىڭ ئەھۋالى تېخىمۇ ياخشىلىنىپ كېتىدىغاندەك، ھازىرقى بەزى ئەھۋاللاردا قالمايدىغاندەك بىلىنىدۇ ماڭا. شۇنداق كۈنلەرمۇ كېلەر بىر كۈن!

gilasmurabbasi

	موللا داخانغا بارىدىغانلارمۇ بار  21-ئەسىردە.

baywetqe

	خۇراپىيكەنمىز،نادان ئىكەنمىز دەپ ھەممىنى بىريولىلا ئىنكار قىلىۋېتىش،يوقىتىپ قويۇشنىڭ ئۆزىمۇ چېكىدىن ئاشقان نادانلىق. بۇنداق قىلمىشنىڭ ۋەزنى تارىخىمىزدىكى ئۆزمەدەنىيەت جاۋاھىراتلىرىمىزنى ئۆز قولىمىز بىلەن چېقىپ ۋەيران قىلىشتىن قېلىشمايدۇ. ئەنئەنە بىلەن يېڭىلىقنىڭ ئۆتۈشۈشى ياكى بىر-بىرىنى تولۇقلىشىنىڭ مۇۋاپىق بولۇشى ئىجتىمائىيەت تەڭپۇڭلۇقى ئۈچۈن ئىنتايىن زۆرۈر.

danixman1

Azizan

	سۈف . يامان بولىدۇ ، ئانداق دېمەڭلار دەيمەن ... سۈف ...