ئانا يوق ئۆيلەردە قىيامەت قايىم

qaraxani

	ئانا يوق ئۆيلەردە قىيامەت قايىم             نۇردىن ئىبراھىم جىلال                           بەزىلەر قۇياشنى ئۇلۇغ دەيدىكەن،                           مېنىڭچە ئانىدىن ئۇلۇغ نەرسە يوق.                           قۇياشتا يوق بەلكىم ئانىدىكى نۇر،                          چىن خىسلەت،پاك مېھرى ئۇنىڭدا تولۇق.                          ھوزۇرى باشقىچە ئانا بار ئۆينىڭ،                          ئانىسىز دۇنيانىڭ رەڭگى زەپران.                          ئانىسىز يىگەن ئاش سىڭمەيدۇ ئاسان.                          ئانىسىز بولماق تەس جەسسۇر،نەۋقىران.                          ئانىنى كۈيلەيمەن شۇڭا ھەر دائىم،                          ئانىسىز ئۆيلەردە قىيامەت قايىم.                         ئانىنىڭ مېھرىدە ئىللىيدۇ ئالەم،                         ئانىنىڭ قەھرىدە ھەققانىي كېسىم.                         ئانىسىز دىلدا غەم،يۈرەكتە غەم،                         ئانىسىز قالغانلار ھەر جايدا يېتىم.                         نېمە بار شىپالىق ئانا مېھرىدەك،                         ئۇنىڭسىز نە قىلسۇن ھاياتتا رېتىم.                         ئانامنىڭ يوقلىقى بىلىنەر شۇئان،                         دۇچ كەلسەم داۋانغا ھەر چاغ،ھەر قېتىم،                         ئانىنى كغيلەيمەن شۇڭا ھەر دائىم،                         ئانا يوق ئۆيلەردە قىيامەت قايىم.                        ھەر كۈنى بالىلار ئۆيگە كىرىپلا                        سورايدۇ ئەڭ ئاۋۋال ‹‹ ئانام قېنى››دەپ.                       پەرزەنىتكە دوزاتۇر،تۆت تامنىڭ ئىچى،                       تۇرمىسا ئۆيدە ئۇ ئىللىق پۇت تىرەپ،                       ئانىنىڭ قولىدا جىمىكى پەرۋىش،                       ئانىلىق ئۆيلەرگە كەتمەيدۇ چىراق.                       ئانىنىڭ يولىدا ئىلگىرلەش،ئۆرلەش،                       ئۇ بولسا ئاي تولۇن،ھەر يان يالتىراق.                       ئانىنى كۈيلەيمەن شۇڭا ھەر دائىم،                       ئانا يوق ئۆيلەردە قىيامەت قەيىم.                      يىغلىما ئى بالا ئانام يوققۇ دەپ،                      بېشىڭدا كۆتەرگىن ئانىسى بارلارنى،                      بىر ئانا كۈلكىسى مىڭ تىللاغا تۇغ،                      ئانىسىز ئېرىمەس تېغىڭدا قارلار.                      ئانىلار قەلبىدە مىڭ قۇياش تەپتى،                      ئانىدىن باشلىنار باھار ھەم يازلار،                      ئانىلار قولىدا دۇنيا بىر بۆشۈك،                     ئانىدىن تۇغۇلغان نى ھۆكۈمدارلار.                     ئانىنى كۈيلەيمەن شۇڭا ھەر دائىم،                     ئانىسىز ئۆيلەردە قىيامەت قايىم.                     ئايرىما ئانىنى ياخشى-يامان دەپ،                    ھەر كىمگە ئۆزىنىڭ ئانىسى ياخشى،                    ئانىدۇر رەھنامە،ئانىدۇر مەكتەپ،                    ئانىسى ياخشىنىڭ بالىسى ياخشى،                    دۇنيانىڭ ئىشى كۆپ،ھاياتنىڭ غېمى،                    ئاناڭنى يوقلاپ تۇر ئايدا بولسىمۇ،                    ئۇ تەمە قىلمايدۇ سەندىن ھېچ نېمە،                   ئۇ رازى يىلدا بىر سېنى كۆرسىمۇ،                   ئانىنى كۈيلەيمەن شۇڭا ھەر دائىم،                   ئانا يوق ئۆيلەردە قىيامەت قايىم.                   قىز بولساڭ ئاناڭنىڭ مېھرىبانى بول،                   ئاز قالدى،سەنمۇھەم بولىسەن ئانا،                   ئاناڭغا سادىق بول،گەر بولساڭ ئوغۇل،                  ئۇ كەتسە تىرىلىپ كەلمەيدۇ يانا.                  مەيلى قىز-ئوغۇل بول چىقارما ئەستىن،                  ئاناڭنىڭ سېنى دەپ تارىتقان دەردىنى،                  سورىقى بار چوقۇم قىلغان-ئەتكەننىڭ،                  شۇ ئۇلۇغ كىم بىلسە ئاتا قەدرىنى!                  ئانىنى كۈيلەيمەن شۇڭا ھەر دائىم،                  ئانا يوق ئۆيلەردە قىيامەت قايىم.       مەنبە؛ ‹‹بورتالا گېزىتى›› 2011.10.14

hekmat110

	نەق يىزىلىپتۇ ،ئانا يۇق ئۆيدە قىيامەت!

akbar999

	ھەقىقى    ئېييتىپ  سىز    ئانا يوق  ئۆيدە  چىراغمۇ   يانمايدۇ   ،    ۋەياكى   كۇلكۇمۇ  بولمايدۇ   .   مەيلى   ئۆزڭىزنىڭ  بولسۇن   ياكى    ئېرىڭىزنىڭ   ئانسى   بولسۇن   ھاياتلىقىنى   مەزى   بىلىڭلا   قېرىن   داشلار! بىلڭلاكى     جەننەت  ئانىڭىز  نىڭ   تاپنى  ئاستىدا   ! اللا   رەخمەت   ئاتا   قىلسۇن !

yasinawut

	توغرا ئىيتىلغان سۆز ، ئانسى بارلار قەدىرگە يەتمەيدۇ . ئانىسى يوقلار ئانام دەپ قاقشايدۇ  . ...........

qukan0998

	ياىشى يىزلىپتۇ . ئاتىسى بارنىڭ تىغى بار ، ئانىسى بارنىڭ بىغى . ئانا يىتىم گۇل يىتىم ، ئاتا يىتىم تۇل يىتىم . ئالتۇن باش ئاتاڭغا قالغىچە ، پاقما باش ئاناڭغا قال . ( ماقال - تەمسىل )

rustorahbar

	قېرىندشىم سىز بورتالادىنمۇ؟؟

qaraxani

	rustorahbar يوللىغان ۋاقتى  2013-1-14 11:20 PM قېرىندشىم سىز بورتالادىنمۇ؟؟ ئۆتكەندە يوللىغان ‹‹ئاھ بوزقىر›› دىگەن شېئىردىنمۇ بىلمىدىڭىزمۇ قوماندانىم؟

rustorahbar

	بىلمەپتىمەن كاپىتان كەچۈرگەيسىز مەنمۇ بۆرتالادا ئەمەسمۇ شۇڭا .............

musilina

	ئاتا -ئۆينىڭ تۈۋرىكى، ئانا -ئۆينىڭ چىرىقى. ئانىسىز ئۆي -خۇددى مازاردۇر...

axkar

	يەنە بىر ئانىنى : « كەل » دىدى مازار .       ئانا دەپ  مۇڭلاندى « يىغلاڭغۇ » ئاشكار.