قاردىكى باھار

Gulxat08

	قاردىكى باھار ئاق لىباسقا ئورۇنۇپتۇ كەڭ زىمىن، قىش زىننىتى چېچەك ئاچقاچ چېھرىدە، تارام-تارام  گىرەلەشكەن چىغىر يول، نۇرغا تولغان بىر خاسىيەت سېھرىدە. چىچەكلەرگە قونغان گويا كېپىنەك، رەڭدار بۇندا ھاياتلىقنىڭ جۇلاسى، زىمىستاندا چىراي ئاچقان گۈلباھار، ناز جىلۋىگەر تەبىئەتنىڭ رەناسى. ئاقلىق تامان ئېيتىلغان بىر لىرىك كۈي، سالغاچ شۇ دەم قەلىبلەرنى لەرزىگە، يۈرەكتە ئوت زىمىستانمۇ يەنچىلگەن، قويماي ئۇنى بۇ پەسىلدە ئەركىگە. قار كۈيىدىن چۈشكەچ شاتلىق ساماغا، بارچە دىلدا بىر خوشاللىق ئەۋجىسى، قونغاندىكى پارچە-پارچە بەرگدىن، جىلۋە ئۇرغان پاك بىغۇبار مەۋجىسى. مەنبە:مەن 2013-يىل1-ئاينىڭ14-كۈنى.

AynaK

	سىز سەدەپمۇ ؟ http://bbs.xjzjxh.com/forum.php?mod=viewthread&tid=4001

AynaK

	جىلۋە ئۇرغان پاك بىغۇبار مەۋجىسى، ھاياتلىقتىن ئىزدەر  يەنە نىسىۋە. ئۆتەر ئۆمۈر شۇنداق كۈتۈپ ئارماننى، يەنجىلسىمۇ چىن ئەقىدە بەزىدە. قار لەپىلدەپ كۆمۈپ تاشلار ھەممىنى، لېكىن ئىنسان يەنە ياشار  ئۈمىتۋار. پاك كۆڭۈلنى چىن ساداقەت كۈلدۇرسە، بەخىت سۆيۇپ كۈلەر ھەركىم شوخ باھار. (  ئەينەك)  ئەسىرىڭىزنى ياختۇردۇم

lawa0998

	زىمىستان سوغ قىشنىڭ ئىزغىرىن سوغۇق شامىلى، كۆزۈمدىن ئۈزگەندە تارام-تارام ياش. لەۋلىرىم تىترەيدۇ تىنىقىم كۈچسىز، زىمىستان ئۈستۈمگە بولماقتا ھاپاش. كۆڭۈلگە غەش سېلىپ ئۆتتى ۋەھىمە، بىر بوغۇق سادانى يۇتتى ئاھ-! ئورمان. قۇتىراپ چاتقالدا ياتقان ياۋۇزلۇق، بەلكىم بىر قۇش بالىسى تالاشقاندۇ-جان. ماكانسىز قۇزغۇنلار قونسا تېرەككە، تۆكۈلدى بىتىۋىش قۇرىغان ياپراق. قەھىرلىك تۈنلەرگە بېرىپ كۆپ بەدەل، بىچارە دەرەخلەر قالدى يالىڭاچ.... پەسىللەر ئۆرگىلىپ ئەزۋەيلىدى قىش، تۇمانغا ئورالدى ئۈمۈت يۈلتۈزۈم. ئامانلىق تىلىسەم ئىللىق باھارغا، كىرىستال ئاق قارغا لىق تولدى قولۇم. .................................شېئىرىڭىزنىڭ ئىچىدە بۇ شېئىر چۈشتىن رىئاللىققا يۈزلەندى، خالمىسىڭىز جىددى تەھرىرلىۋېتىمەن،

kakkuk11

	بولسىمۇ زىمىستان يۈرگىم خۇشال ، قەلبىمنى ئىللىتتى قاردا ئۈنگەن گۈل . كۆڭۈللەر كۆڭۈلدىن سۇنى ئىچكەندە ، مېھرىدىن لەۋلىرىم بولماقتا ھۆل .

Gulxat08

	AynaK يوللىغان ۋاقتى  2013-1-14 01:59 PM سىز سەدەپمۇ ؟ ئەسسالام ئەينەك! سىزنى بۇ مۇنبەردە ئۇچراتقىنىمدىن خۇشالمەن!

Gulxat08

	lawa0998 يوللىغان ۋاقتى  2013-1-14 02:16 PM زىمىستان سوغ قىشنىڭ ئىزغىرىن سوغۇق شامىلى، شىېئىرىڭىز شۇنچىلىك ياخشى چىقىپتۇ،ئوخشاش بىر مەنزىرنىڭ ئوخشىمىغان ئوبىكىتقا بولغان تەسىرى ئوخشىمىسا كېرەك...................شېئىرىڭىزنىڭ مۇۋاپىقىيىتى  بىلەن سىزنى تەبرىكلەيمەن!

Gulxat08

	kakkuk11 يوللىغان ۋاقتى  2013-1-14 02:49 PM بولسىمۇ زىمىستان يۈرگىم خۇشال ، قەلبىمنى ئىللىتتى قار ... يانداشمىڭىزدىن سۈيۈندۈم،رەھمەت سىزگە!

kakkuk11

	Gulxat08 يوللىغان ۋاقتى  2013-1-14 03:09 PM يانداشمىڭىزدىن سۈيۈندۈم،رەھمەت سىزگە! ئەرزىمەيدۇ . مەن ياخشى شېئىر كۆرسەملا ياندىشىپ كۆنۈپ قاپتىكەنمەن. شۇ

nazigul8

	ئاق لىباسلىق زىمىن قوينىدا، قار گۈللىرى ئۇسۇللار ئوينار. بۇلبۇل كېلىپ سايرىسا بىرگە، بولار شۇندا قىشتىمۇ باھار.