پەخىرلىك پۇتبول چولپىنىمىز بارى جىياڭسۇ شۈنتيەن كوماندسىغا ئەزا

yusup823

	بىر نەچچە ئاي  ئىلگىرى ، خاڭجۇ يىشىل شەھەر كوماندىسىدا توپ تىپىۋاتقان ئۇيغۇرلارنىڭ پەخىرلىك چولپىنى بارىنىڭ كوماندىدىن قوغلانغانلىق خەۋىرى ھەممىمىزنى قايغۇغا سالغانىدى . مەن شۇ چاغدىلا ئىشنىڭ بۇنچە ئاددىي ئەمەسلىكىنى پەملىگەن ئىدىم . دىگەندە بۇ يىل  قىش پەسىللىك يۆتكىلىش بازىرى ئىچىلىشى بىلەنلا ، جياڭسۇ شۈنتىيەن كوماندىسى دەرھال بارىنى سىتىۋالغانلىقىنى جاكارلىدى . ھەر قايسى ئاخبارەت ۋاستىلىرى بۇ ئىشىنى بەس - بەستە خەۋەر قىلىدى ، خاڭجۇ يشىل شەھەر كومانىدىسى ئىپادە بىلدۈرۈپ ، ئۇ بىزگە خائىنلىق قىلدى دىدى . بىر كەسپىي پوتبولچىنىڭ كەسپىي ھاياتىنىڭ ئاخىرلىشىش خەۋىپىگە قارىماي ، توپ تىپىۋاتقان كوماندا بىلەن بولغان مۇناسىۋەتنى ئۈزىشىدە چوقۇم ئىككى خىل سەۋەپ بار . 1 . ئۇ چوقۇم باشقا بىر كوماندىنىڭ ئىنىق قوبۇل قىلىش ئوقتۇرىشىغا ئىرىشكەن ، 2 . ئۇنىڭ كوماندىدا توپ تىپىشكە سالاھىيىتى قالمىغان ، يەنى ئۇ داۋاملىق زاپاس ئەزا بولۇشقا رازى بولمىغان . ئاخبارات ۋاستلىىرىنىڭ خەۋىرىگە قارىغاندا ، بۇ يىل ياز پەسىللىك مۇسابىقە ئاخىرلاشماي تۇرۇپ ، جياڭسۇ شۈنتيەن كوماندىسى دىرىكتورلىرى بارىنىڭ ۋاسىتىچىسى بىلەن ئالاقىلىشىپ ، ئەگەر بارى بۇ يىل خاڭجۇ يىشىل شەھەر كوماندىسى بىلەن بولغان توختامنى بىكار قىلىپ ، ئەركىن توپچى (ھىچقانداق كوماندا بىلەن توختام تۈزمىگەن) بولالىسىلا ، بىز يۇقىرى مائاش بىلەن بارىنى قوبول قىلىمىز دەپ ئىپادە بىلدۈرگەن . بۇ خىل ئەھۋال ئاستىدا ، بارى بۇ يىللىق دەرىجىدىن تاشقىرى بىرلەشمىدە نەتجىسى ئىنتايىن ناچار بولغان ، باشقۇرىلىشى قالايمىقان خاڭجۇ يىشىل شەھەر كوماندىسىدىن ئايرىلىشنى قارار قىلغان . بۇنىڭ بىلەن بارىنىڭ كوماندىدىن ھەيدىلىشىدىن ئىبارەت بۇ ئاتالمىش بارى ۋەقەسى كىلىپ چىققان . ئاخبارات ۋاستىلىرى مۇنىلارنى كۆرسەتتى : بارى ۋەقەسى پەقەت ھەممەيلىدىغان بىلىدىغان بىر مەخپىيەتلىك خالاس ، بارىنىڭ كوماندىدىن ھەيدىلىشىنى ئۇنىڭ ناچار ئىپادىسى ئەمەس دەل شۈنتيەن كوماندىسى كەلتۈرۈپ چىقارغان ، ئەلۋەتتە بارى ئۆزىنى تۇنۇتقان يىشىل شەھەر كوماندىسىغا خائىنلىق قىلماسلىقى  كىرەك ئىدى ، لىكىن كەسپىي پوتبولچى بولۇش سۈپىتى بىلەن ئۇنىڭ تېخىمۇ يۇقىرى سەۋىيەلىك كوماندىدا توپ تىپىش ئارزۇسىنىڭ بولىشى خاتا ئىش ئەمەس . بۇنداق ئىش مەيلى جوڭگودا ياكى ياۋروپادىكى بەش چوڭ بىرلەشمىدە بولسۇن ناھايىتى كۆپ ، پەقەت بۇ ئىشنى يىشىل شەھەر كوماندىسى قوبۇل قىلالمىدى دىدى . مەيلى نىمە دەيلى ، مەيلى بۇ ئىشتا قانداق ئويۇنلار ئوينالغان بولسۇن ، بارى بۇ يىل ئاسىيا چىمپىيۇنلىقنى تالىشىش مۇسابقىسىگە قاتنىشىش سالاھىتىگە ئىرىشكەن ، ئالدىنقى يىللىق بىرلەشمە مۇسابىقىدە 4 كۈچلۈك كوماندىنىڭ ئىچىگە كىرگەن جىياڭسۇ شۈنتيەن كوماندىسى بىلەن توختام تۈزدى . شۇنىڭ بىلەن بىللە بارى بىلەن بىللە دۆلەت ئولىمپىك كوماندىسىدا توپ تەپكەن ۋۇ شىمۇ بۇ كوماندىغا قىتىلدى . ئۇلارنىڭ يىللىق ئىش ھەققىي قانچلىك بولىدۇ دىگەن مەسلىدە ، شۈنتىيەن كوماندىسى بۇ ئىككى ماھىرنىڭ يىللىق مائاشى بەلكىم 12مىليۇن يۈەن بولىشى مۇمكىن دىدى . (بۇ يەردە دىيىلگىنى ئىككەيلەن جەمىي مائاشى ) خەۋەر مەبنەسى : http://www.yangtse.com/system/2013/01/10/015892835.shtml ياڭزى كەچلىك خەۋەرلەر تورى تەرجىمە قىلىپ ئۆزلەشتۈرۈپ يوللىغۇچى قەشقەردىن : يۈسۈپقارى

qidax

	مەن بارىغا ئىشىنىمەن . ئۇھەرگىزمۇ خاتا قارار چىقارمايدۇ. پۇتبولچىلىقىمىز گۈللەپ ياشنىغۇسى. بىز ئۇلارنى ھەرۋاقىت قوللايمىز. بىز ئۇلارنىڭ مەستانىسى.

ئەخمەد

	ئېچىلمايدىغان سىر يوق ھە؟؟ ئىشقىلىپ ئادەمنى قارلايدىغان ، يالغاننى راست قىلىپ جاكارلايدىغان ئىشلار بىلەن خوشۇم يوق،ئاخىر بىركۈن ئاشكارلىنىدۇ!

yurkimzida

	مۇشۇبالىنىڭ پۈتۈن بىرمەيدان مۇسابىقسنى كۈرەپ باقسام بولاتتى مەن!

nazigul8

	قابىلىيەتلىكلەر قاندالا ئىشلارغا دۇچ كەلسۇن، مۇشۇندا ھەرگىز كۆمۈلۈپ قالمايدۇ، بارىنىڭ بارلىق ئىشلىرىغا ئۇتۇق تىلەيمەن!

شرئەلى118

	بارى بىلەن تېلفۇن زىيارىتى . فىلىم باشلىنىپ 11مىنۇتلۇق يەردىن باشلاپ كۆرۈڭ .

tohtihan1

	يالغانچىنىڭ قۇيرۇقى بىر تۇتام ، بارىنىڭ ئۇ يالغانچى بەتنامچىلارنى ئوڭدا قويغانلىقىغا خۇش بولىۋاتىمەن .

Azizan

	مەن بىر ئېغىز گەپ قىلسام قىزغىنلىقىڭلارغا سۇ سەپكەندەك بولمىسۇن . لۈچېڭ ( يېشىل شەھەر ) بارىنى ئېلىپ قالمىغان بولسا ، ئۇنىڭغا نۇرغۇن قۇربانلىقلارنى بېرىپ ، پۇرسەت يارىتىپ بەرمىگەن بولسا ، ھەتتا ئاسىيا قىتئەسىدىكى ئەڭ يۇقىرى سەۋىيەدىكى مۇسابىقە بولغان ئاسىيا چېمپيونلىرىدا مەيدانغا چىقىش پۇرسىتى بەرمىگەن بولسا ، بارى بەلكى دابازادا چاپان كەمەر سېتىۋاتقان بولۇشى مۇمكىن ئىدى . بىر كوماندا ئۆزى تەربىيىلەپ ۋە يېتۈشتۈرۈپ چىققان توپچىغا نىسبەتەن ، بەك يۇقىرى تەمىنات بېرىشنى خالىمايدۇ ، بۇ پەقەت دۆلىتىمىزدىلا ئەمەس ، بەلكى پۈتۈن دۇنيادا شۇنداق ، بۇنداق ۋاقىتتا بارىنىڭ ئارقا-ئارقىدىن توختامنى باھانە قىلىپ كۇلۇب بىلەن پۇت تېپىشىشى ، مېنى بەكمۇ ئۈمىدسىزلەندۈردى . ئۇنىڭ شۇنتيەنگە بارغىنى ياخشى بوپتۇ ، ئىشلارنى يېڭىدىن باشلىشىنى ئۈمىد قىلىمەن . چۈنكى شۈنتيەنمۇ بۇ يىل ئاسىيا چېمپيونلىرىغا قاتنىشىدۇ .

TEM^TAS

	مەن خىەلقىمنىڭ پىكىرىگە قوشولىمەن !

خەلىفە

	Azizan يوللىغان ۋاقتى  2013-1-14 02:35 PM مەن بىر ئېغىز گەپ قىلسام قىزغىنلىقىڭلارغا سۇ سەپكەندە ... بۇرادەر ئۇنى بەك كەم سۇندۇرىۋىتىپسىز ھەر قانچە بولسىمۇ خەلىقئارا چوڭ بازاردا چاپان ،كەمەر ساتماستى ئۇنداق دىيىشنىڭ ئورنىدا شىنجاڭدىن چىقالمىغان بۇلاتتى دىسىڭىزمۇ بۇلاتتى،لۇچىڭ ئۇنى بىكاغا ئەتىۋارلىمايدۇ ئەتىۋارلىغۇچىلىكى بار ھەم ئۆزلىرىنىڭ مەنپەتىنى كۆزلەپ قۇربانلىق بەردى ئۇمۇ شۇنىڭغا يارىشا شۇلار ئۈچۈن توپ تەپتى ئىستىقبالى بىر پۇتبولچى ئۈچۈن ئۆزىنىڭ رولىنى تىخىمۇ جارى قىلدۇرالايدىغان ئورۇنغا يۆتكىلىشى تەبئى،ئۇنداق تالانتى بار پۇتبولچىلار ساناقلىق ئۇنىڭغار پۇرسەت بەرمىدى ئۇنى شۇ مۇسابىقىغا قاتناشتۇرماي ئامالى بولمىدى،