ئەرلەر ۋە مەسئۇلىيەت(ماقالە)

akyupurmak

	ئەرلەر ۋە مەسئولىيەت ئەتىراپىمىزدىكى بەزى ئائىلىلەرنىڭ ئەھۋالى مىنى ئەرلىك مەسئۇلىيەت ھەققىدە ئويلىنىشقا مەجبۇر قىلدى. كېچىنى ھاراق ياكى قىمار سورۇنلىرىدا ئۆتكۈزۈپ ئۆي يادىغا يىتىپ قالسا تاڭ ئاتارغا يېقىن كىلىپلا جاھاندىن بىخەۋەر دۈم يېتىپ ئۇخلايدىغان، ئۆينىڭ بار-يۇقى بىلەن كارى بولماي ئۇنىڭ بۇنىڭ بىلەن دوس تارتىشىپ ئۆزى بىلگەن سەنەمگە دەسسەيدىغان ئەرلەرگە ئېچىنسام، ئۇلارنىڭ زىيانكەشلىكىگە ئۇچىراپ ھەمىشەھەسىرەت يۈتۈپ ياشاۋاتقان؛ تىل، تاياق زەربىسىدە  دىللىرىنى يارا  قىلىۋاتقان ئاياللارغا، ئىككى ئوتتۇرىدا قىسىلىۋاتقان بالىلارغا ئىچىم ئاغىرىيتى. ئەقىلىمنى بىلسەم ئائىلىمىزدە ئىككى ئىنىم تۇغۇلغىچە بولغان ئارلىقتا دادم بىردىنبىر ئەركىشى ئىدى. خىزمىتى سىرتتا بولغاچقا بەزىدە نەچچە ھەپتىلەپ ئۆيگە قايتالمايتى، ئۆيدە بولغان ۋاقىتلىرىدا بولسا بىردەم، بىكار تۇرمايتى. ئۇتۇن يارىدىغان، قويغا ئوت ئالىدىغان، باغ پەرۋىش قىلىدىغان، ئۆيدىكىلەرنىڭ تۇرمۇش لازىمەتلىكىنى تەييارلايدىغان ئىشلارنى يىتىشەلىگىنىچە قىلاتتى.دادام يوق ۋاقىتلاردا بولسا ئانام ھەم خىزمەت ھەم ئائىلە ئىشلىرى بىلەن چارچىسىمۇ قىلچە ۋايسىماي دادام يىتىشەلمىگەن ئىشلارنى ئۈستىگە ئالاتتى.مەن بىلىدىغان ئۇرۇق تۇققان قۇلۇم-قوشنىلار ئىچىدىمۇ ئەر-ئايال ئىناق ئۆتىدىغانلارنىڭ ئائىلىسى بەركەتلىك، كۈنلىرى خۇشال-خۇرام ئىدى. مەن كىچىك ۋاقتىمدىن باشلاپ بىلىدىغان جەڭگە-جىدەلدىن خالىي بەخىتلىك ياشىغان ئائىلىلەر بىلەن ھازىر كۆپ ئۇچىرىتىدىغان چۈشكۈن كەيپىياتتىكى بىر قىسىم ئائىلىلەرنىڭ ئەھۋالى نىمىشقا ئوخشىمايدىغانلىق ھەققىدە ئويلىنىپ قالدىم.خۇلاسەم شۇ بولدىكى: ئەرلەردە مەسئۇلىيەت ئېڭىنىڭ بۇلۇش بولماسلىقى ئائىلىنىڭ بەخت-سائادەتلىك بۇلۇش-بولماسلىقىنىڭ  ئاساسى ئىكەن. ئەرلەرنىڭ ئارىسىدا ئائىلە بىلەن سىرتنىڭ ئىشلىرىنى مۇۋاپىق بىر تەرەپ قىلىپ، ئۆزىنى قەدىرلەپ، زىممىسىدىكى ئائىلە ۋە خىزمەت مەسئولىيتىنى  تۇلۇق ئادا قىلىپ خىزمەتتە ئۇتۇققا، ئائىلىدە بەختكە ئىرىشىپ ھەممىنى رازى قىلىدىغانلار، ئۆزى ھەرقانچە جاپا-مۇشەققەت تارتسىمۇ ئائىلىسىدىكىلەرنى تەڭلىك تاتقۇزماي، ھالال ئەمگەك بىلەن تۇرمۇشىنى قامداپ، ئۆز ئەمەلىيتى بىلەن بالىلىرىغان ئۈلگە بۇلىدىغانلار يەنىلا كۆپ ئىدى. ئۇلار ھەر قاچان ئۆزىنى ئائىلىنىڭ تۈۋرۈكى، ئائىلىدىن ئىبارەت مۇقەددەس كىچىك ۋەتەننىڭ مەڭگۈلۈك سادىق قوغدىغۇچىسى، بالىلىرى ۋە ئەۋلادلارنىڭ ئاتىسى ئىكەنلىكىنى ئۇنۇتمىغانلار! شۇڭا ئۇلارنىڭ ئائىلىسىدە داۋام قىلىدىغىنى— مەسئۇلىيەتچانلىق ئارقىلىق  بارلىققا كەلگەن قانائەت، تىرىشچانلىق، بەرىكەت. ئۇلارغا ھەر كىمنىڭ ھەۋىسى كەلمەي قالمايدۇ. ئەمما باشتا تىلغا ئېلىنغىنىدەك ئۆزىنىڭ ئادىمىيلىك خىسلىتىنى يۇقاتقانلارمۇ ئۇچىراپ تۇرىدۇ. گەرچە ئۇلار ئاز بىر قىسىمنى ئىگىلىسىمۇ لىكىن كۆزگە ئالاھىدە تاشلىنىپ تۇرىدۇ. رەتسىز كىيىم-كىچەك، خۇنۈك چىراي، قوپال گەپ-سۆز، ئىللىقلىقنى يۇقاتقان تەرتىپسىز ئائىلە، مۇھتاجلىق، مانا بۇلار ئاشۇ خىل ئەرلەرنىڭ تۇرمۇش مۇھىتى. خۇتۇنلىرىنىڭ : ـــــ ئۆيدە ئۇن، ماي تۈگىدى، ــــ دىگەن ئىلتىجاسىغا ئەرنىڭ قوپاللىق بىلەن بەرگەن: ــــــ مۇلازىمەت شىركەتلىرىگە تىلفۇن بەرسەڭلا ئەكىلىپ بەرمەمدۇ، مىنى ئاۋارە قىلما! ـــــــ دېگەن جاۋابى ئىختىيارسىز ھالدا ئوغىمىزنى قايناتسا قايسىبىر ئائىلىدىكى يەنە شۇ خىلدىكى ئىلتىجاغا ئەستايىدىللىق بىلەن: ــــــ خاتىرجەم بۇلۇڭلا ئانىسى، مەنلا بولسام ئۆيدە ھەممە نەرسە بۇلىدۇ، سىلى خامنى پىشۇرۇشنىڭ غېمىنى قىلىڭلا، يوقنىڭ غېمىنى مەن قىلاي دەپ جاۋاپ بەرگەن ئەرلەرگە ھەۋىسىم كىلىدۇ. ئاتىلىرىمىز «خۇتۇن كىشىنىڭ پۇلى ئەر بېشىغا توقماق» دەپ  خۇتۇنىنىڭ پۇلىغا قاراپ قېلىشنى، خۇتۇنىنى بىر كىمگە ھاجەتمەن قىپ قۇيۇشنى ئۆزىنىڭ ئەركەكلىك غورورنى يەرگە ئۇرغانلىق دەپ قاراپ  مەردانىلىق بىلەن ھەممە مەسئولىيەتنى ئۆز ئۈستىگە ئالغان ئىكەن. بۈگۈنكى كۈندە ئۆزىگە لايىق تاللايدىغان بىر قىسىم ئەرلەر ئالدى بىلەن بولغۇسى ئايالىنىڭ ئىش ئورنىنى ۋە ئىش ھەققىنى ئويلىشىدىغان، بەزىلەر بىر قاپ تاماكا ئېلىش ئۈچۈن خۇتۇنىنىڭ قۇلىغا تەلمۈرىدىغان، يەنە بەزىلەر: ــ خۇتۇن- بالىلىرىم نىمە يە، ــ دېگەننى ئويلىماي  بارلىق پۇلىنى يانچۇقىغا سېلىۋېلىپ قىمار  ھاراق، ۋە ئاللىقانداق ئۇيۇن-تاماشا سورۇنلىرىدا پۇلنى سۇدەك خەجلەيدىغان، پۇل سورىغان خۇتۇن بالىلىرىغا: ـــــــ سەن ماڭا پۇل تېپىشىپ بەرگەنمۇ دەپ قوپال تىگىدىغان، ئۆزىنىڭ ئەرلىك غورورىنى قايرىپ قۇيۇپ،نى-نى پەسكەش ئىشلارنى قىلىشتىن يانمايدىغان  ئىشلار ئۇچىراپ تۇرىدۇ.  ئۇنىڭغا قاراپ،_ ئەر دىگەن خۇتۇن بالىلىرىىنىڭ ھاجىتىدىن چىقىشنى بىلىپ نىكاھىغا ئالىدۇ،_    دەپ مەيدىسىگە مۇشلاپ ئائىلىنى راۋرۇس باشقۇرىدىغان ئەرلەر قانداق ئەرلەردۇ دەپ ئويلاپمۇ قالىمەن. ئەل ئارىسىدا ئوغۇل تۇغۇلسا جىمى جاھان خۇش بۇلىدۇ دەپ ئوغۇللارنى ئەزىزلەيدىغان ئادەت بار.  بۇ ئەلۋەتتە دىيانەتلىك، ۋاپادار باھادىر ئەرلەرنى ئۇلۇغلاش ھىسياتىنى ئىپادىلەيدۇ. ئائىلىدە ئەرلەر تۈۋرۈكلۈك رول ئوينايدۇ. ئۇلارئائىلىدىن ئىبارەت  بۇ كىچىك ۋەتەندە   ھەر بىر   ئادەمگە ئوخشاش كۆز بىلەن قارىيالىسا ئۇلارنى بېقىش تەربىيلەشكە ئوخشاش مەسئۇلىيەتنى ئۈستىگە ئالالىسا يۇلۇققان  قىيىنچىلىق مۇشەققەتلەردە كۆكىرەك كىرىپ  ئالدىغا چىقالىسا ئاندىن ئائىلە مۇكەممەل، خاتىرجەم بۇلىدۇ،   ئائىلە باشلىقى قانداق يولغا باشلىسا ئائىلە ئەزالىرى شۇ يولغا ماڭىدۇ. ئائىلە باشلىقى ئۆزى توغرا يولغا ماڭالماي ئائىلە ئەزالىرىدىن دۇرۇسلۇقنى كۈتسە سۆگەتتىن ئامۇت تاما  قىلغاندەك قۇرۇق گەپ بۇلۇپ قالىدۇ،مىللەتنىڭ قۇدىرەت تېپىپ جاھانغا تۇنۇلۇشىدىكى ئىقتىسادىي كەشپىياتلاردا ئەقىل-پاراسىتىنى غورۇر ئىپتىخارىنى قوغداشتىكى مەرتلىك تەلەپ قىلىدىغان مەيدانلاردا مەردانىلىك جاسارىتىنى نامايەن قىلىدىغىنى، ۋەتەننىڭ جاھاندىىكى ئەل ئامان مۇھىتىنى يارىتىدىغىنى ئاياللارنىڭ روھىنى باغلاپ جەمەت، مىللەت،  نەسەبى ۋە مەنىۋىيتىگە پاكىزلىق ئۇرۇقىنى چاچىدىغىنى، پەرزەنتلەرگە ئۈلگە بۇلۇپ ئۇلارنىڭ قەلبىگە ھاياتنى سۈيۈش ھەققىدە مېھنەت مەشئەل ياقىدىغىنى_ ئالدى بىلەن يەنىلا ئاشۇ ئەركەكلەر. ئارىمىزدا ئەنە شۇنداق ئىسىل پەزىلەتلىك خىسلىتى بىلەن ھەممىنى سۈيۈندۈرۈپ  كىلىۋاتقان پەخىرلىك ئوغلانلىرىمىز ئاز ئەمەس، ئۇلاردىن ئىلىم-پەن ساھەسىدە نەتىجە قازىنىپ  ئالىم كەشپىياتچى ئاتىلىپ مىللەتكە ئۆزىنى  بەخىش ئەتكەنلەر،   ئۆزى شۇغۇللىنىۋاتقان كەسىپ ئارقىلىق ئەلگە تۇنۇلىۋاتقانلار، ئاتا-ئانىسىغا ۋاپادار ئوغۇل، پەرزەنتلىرىگە مېھىرىبان ئاتا، ئايالىغا كۈيۈمچان ھەمىراھ بۇلۇپ ئۆز بۇرچىنى تۇلۇق ئادا قىلۋاتقانلارمۇ بار. ئەپسۇسكى ئادىمىيلىك پەزىلەتنىڭ ئۇنتۇلۇشىدىن شەكىللىنىدىغان  ئىممۇنىتىت كۈچى ئاجىز بىر قىسىم ئەرلەرنىڭ ۋۇجۇدىغا ئېتقادتسىزلىق، غورۇرسىزلىق ئىللەتلىرىنىڭ يۇقۇملۇق كىسەلگە ئوخشاش كۈندىن كۈنگە ئېغىرلىشىپ  يامىرىشى ئادەمنى ئېچىندۇرىدۇ، ئۇلاردىكى بۇ خىل مەسئۇلىيەتسىزلىك ئاياللار ئىچىدىكى بۇزۇلۇش ۋە پاسىقلىقنىڭ ھەسسىلەپ كۆپىيىشى ۋە ئەۋلادلار ئارىسىدا ئازغۇنلۇقنىڭ ئەۋج ئېلىشىنىڭ مەنبەسى، مەسئۇلىيەتسىزلىكنىڭ         قۇربانىغا ئايلانغان ئاياللارنىڭ كۆزىدىن ئاققان ياش سەبىي پەرزەنتىنىڭ يۈرىكىگە ئىز  سالىدۇ، ئۇلار ياكى بىچارە باغىرى سۇنۇق چوڭ بۇلىدۇ، ياكى ئاتىسىنى دوراپ ئادىمىيلىكنى يۇقاتقان مەنىۋىيتى پۈچەك يارامسىزلاردىن بۇلۇپ چوڭ بۇلىدۇ، بۇنداق چۈشكۈن روھتىكى تەرتىپسىزلىك ئىچىدە ياراملىق پەرزەنتنىڭ تەربىيلىنىپ چىقىشىدىن قانداقمۇ ئۈمىد كۈتكىلى بولسۇن، غورور ۋىجداندىن سۆز ئېچىلسا ئۆزىنى جاھاندا بىر سانايدىغان،   ئەمما ھەقىقى غورور ۋىجداننىڭ مەسئۇلىيەتتىن دىرەك بىرىدىغىنىنى چۈشەنمەي ئائىلە ئەزالىرىغا ئۆزىنى كۆرسىتىپ پەخىرلىنىپ ئۆتىدىغانلار ھەقىقەتەن ئادەمنى ئۈمىدسىزلەندۈرىدۇ. بىر ئائىلىنىڭ تۈۋرۈكى ۋە  گۈلى  بۇلۇپ كىلىۋاتقان ئەر بىلەن ئايالغا نىسبەتەن ئېيتقاندا ھەر بىرىنىڭ ئۆزىگە خاس مەسئولىيىتى بۇلىدۇ بىراق زۆرۈر تېپىلغاندا سىنىڭ ئىشىڭ، مىنىڭ ئىشىم دەپ ئايرىپ ئولتۇرماستىن بىر بىرىگە يۈكلەنگەن ئىشلارنى مۇۋاپىق ئۇرۇنلاشتۇرۇشتىن   ھەقىقى مۇھەببەت كۆيۈمچانلىق  بارلىققا كېلىدۇ، بۈگۈنكى كۈندە ئاياللار جەمىيەت ۋە ئائىلىدە كەسىپنىڭ يۈكىنى تەڭ كۆتۈرۈپ تۇرمۇش سەۋىيسىنىڭ ياخشىلىنىشنى تەڭ      ئۈستىگە ئالدى. كىشلەرنىڭ ئىقتىساد ۋە مەدەنىيەت ساپاسىنىڭ ياخشىلىنىشىغا ئەگىشىپ مۇقىم ھالدا ئەرلەرنىڭلا ئۇرۇنلىشىنى كۈتۈپ تۇرىدىغان بىر قىسىم ئېغىر ئىشلارمۇ تەدىرىجى ئاسانلاشتى، ئۇنىڭدىن باشقا ئىگىلىك تىكلەش يوللىرىنىڭ كەڭ تۈردە  ئېچىلىشىغا ئەگىشىپ ھەر خىل مۇلازىمەت تۈرلىرى راۋاجلىنىپ تۇرمۇش لازىمەتلىكلىرى بىر تىلفۇن بىلەنلا ئىشىك ئالدىدا ھازىر بۇلۇپ، ئەزەلدىن ئەرلەر ئۈستىگە ئېلىشقا تىگىشلىك دەپ قارىلىپ كىلىۋاتقان بىر قىسىم ئىشلاردا قۇلايلىق يارىتىلدى ، بۇنىڭ بىلەن تەبىي ھالدا ئەرلەرنىڭ ئائىلىدىكى يۈكى يىنىكلىدى، ئەكىسىچە ئاياللارغا ۋاقىت ئۇرۇنلاشتۇرۇش جەھەتتە جىددىيچىلىكنى كەلتۈرۈپ چىقاردى، بۇ جەرياندا بىر قىسىم ئەرلەر ئائىلىدە پەرزەنتلەر بىلەن ئاتا-ئانا ئوتتۇرسىدىكى كۈيۈنۈش، مىھىر-مۇھاببەت ئارقىلىق بەركەت تاپىدىغانلىقىنى تۇنۇپ، سىرتىنىڭ ئىشلىرىدىن بىكار بولغان چاغلىرىنى ئائىلىدىكى ئۆزى قىلالايدىغان ئىشلارغا بېغىشلاپ ئايالىنىڭ يۈكىنى يىنىكلىتىپ ئائىلە ئىللىقلىقىدىن بىرلىكتە بەھىرىمەن بولدى، يەنە بىر قىسىم ئەرلەر بولسا:  ـــــــ ئۆي ئىشى ئىش ئەمەس، ئەر سىرتنىڭ ئادىمى، ئۆي ئىشىنى ئايال قىلىشى كىرەك،ـــــــ دەپ بىر تەرەپلىمە قاراشتا بۇلۇپ ئائىلە ئىشلىرىنىڭ ۋە پەرزنت تەربىيلەش ئىشلىرىنىڭ سىرتىدا قالدى، ئۇلار ئائىلىدە ئەرلەرنىڭ كۆڭۈل بۈلۈشىنى كۈتۈپ تۇرغان ئېغىر ئىش ۋە چوڭ-كىچىك مەسىلىلەرنىڭ ئالدى بىلەن كىچىك ئىشلاردىن باشلىنىدىغانلىقىنى، ھەر قانداق ئىشتا ئەرلەرنىڭ مۇقەددەس مەسئولىيتى بارلىقىنى ئۇنتۇدى ۋە  ئۆزىنى چەتكە ئالدى، نەتىجىدە بۇنداق ئائىلە نە ئىقتىسادىي جەھەتتىكى خاتىرجەملىكتىن نە كۆڭۈللۈك تۇرمۇش لەززىتىدىن بەھىر ئالالمىدى، ئەرلەر مۇقىم ھالدا بىر ئىنسانلا ئەمەس بەلكى جەمىيەت ئىناقلىقىنىڭ مەنبەسى ھىساپلانغان كىچىك ئەمما مۇقەددەس ئائىلىدە ھەممىنى يىتەكلىيەلەيدىغان ھەممىنى تەربىيەلەيدىغان ئائىلە باشلىقى ئۇ ھەر قاچان ئۆزىنىڭ ئۆيىگە ھەمداستىخان بۇلۇپ، بىر قاچا ئىسسىق تاماق يىيىشنى تۆت كۆزى بىلەن كۈتىۋاتقان مېھىرىبان خۇتۇنى بارلىقىنى پەرزەنتى بارلىقىنى ئىسىدىن چىقارمىسا، ھاراق، قىمار ۋە بىمەنە ئۇيۇن تاماشىغا سەرپ قىلىدىغان ۋاقتىنى ئۆگىنىشكە، گېزىت ۋە تىلۋىزۇر كۆرۈش، باللىرىنىڭ ئۆگىنىشىگە يىتەكچىلىك قىلىش، بىرلىكتە سەيلە-ساياھەت قىلىش قاتارلىق ئەھمىيەتلىك ئىشلارغا ئاجىرىتىپ ئائىلىنى ئىللىق ماكانغا ئايلاندۇرالىسا ئاندىن ئائىلىدىن باشلانغان بۇنداق ئىناقلىق، مېھىر-مۇھەببەت، جەمىيەتكە يۈزلىنىپ ئىناق جەمىيەت بەرپا قىلىشتا بۇ كىچىك ۋەتەندىكى ئائىلە باشلىقىنىڭ رولى ئەلۋەتتە چوڭ بولغان بۇلاتتى! مەنبەسى: ئىلگىرى كومپيوتېرىمدا ساقلاپ قويغان ماقالە ئىدى.

faruk063

	ساقال- بۇرۇت بولسىلا ئەر بولماس، توپا بولسىلا يەر بولماس.

خەلىفە

	ئەر دىمەك جەڭچى دىمەك جەڭچى دىمەك قوغدىغۇچى دىمەكتۇر  جەڭچى  ۋەتىنىنى خەلىقىنى چىگرىنى قوغدايدۇ ئۇنداق قىلالمىسا لاياقەتلىك جەڭچى ھىساپلانمايدۇ ئايال دىگەن ۋەتەن بىلەن ئوخشاشتۇر

-ئۈمىد-

	faruk063 يوللىغان ۋاقتى  2013-1-14 12:27 PM ساقال- بۇرۇت بولسىلا ئەر بولماس، توپا بولسىلا يەر بولم ... قوللايمەن

faeza

	ھازىرقى ئەرلەرنىڭ كۆپ قىسمى مەسئولىيەتسىز بۇلۇپ كەتتىمۇ نىمە دەپ ئويلاپ قالدىم ، چۇنكى مەن دائىم دىگۈدەك شىنجاڭ خەلق رادىئو ئىستانىسى سەنئەت قانىلىنىڭ ھەر ئاخشىمى كەچ سائەت 9 دە قۇيۇلىدىغان «تۈن تىۋىشلىرى » پروگراممىسىنى ئاڭلايمەن . بۇ پروگراممىدا %90 مەسلىھەت سورىغۇچى ئايال كىشى .  ھەتتا رىياسەتچى مەۋلۇت ئىبراھىممۇ ئەرلەرگە ئۆيگە قايتىڭلار دەپ خىتاپ قىلماقتا .   ئەگەر سىز بۇ پروگراممىنى توردىن ئاڭلىماقچى بولسىڭىز تۈۋەندىكى ئۇلانمىنى چىكىپ ئاڭلاڭ !   تۈن تىۋىشلىرى پروگراممىسى

مىرشاپ

	ئەرلەر ئۆينىڭ تۈۋرۈكى .......ئەركىشى ئەرلىك مەسئولىيىتىنى ، ئاتىلىق بۇرچىنى تۇلۇق جارى قىلدۇرالماي تۇرۇپ ئۆيىنىڭ بەركىتىدىن ۋە پەرزەنتلىرىنىڭ ئىنسابىدىن ئۆمۈت كۈتىشى بىر بىمەنىلىك........

TEM^TAS

	ئوغول تۇغۇلسا جاھان تىتىرەيدۇ ، قىز تۇغۇلسا جاھاننىڭ يىرىمى تىتىرەيدۇ . دىمەك ئوغول ،ئەركەك بولوپ ياشىغان ئىكەنمىز . ئەركەكلىك بۇرچىمىزنى ھەرقانداق يەردە ئىجرا قىلىشىمىز لازىم . ھەرقانداق يەردە دىسەم ،قالايمىقان ئادەم ئۇرۇپ- سوقاپ ، بىزنىڭ ئەخلاقىمىزدىن چىكىنىپ كىتىپ ،مەن دىگەن ئەركەك دەپ بىمەنە ئىشلارنى قىلىپ قويماسلىقىمز كىرەك . ئەركەكلىك بۇرچىمىزنى تولوق ئىجرا قىلش ،بىزنىڭ باش تارتىپ بولمايدىغان مەجبۇرىيتىمىز .          ‹‹ يىگىت قەسەم ئىچمەيدۇ ،يىگىتنىڭ سۆزى قەسەم››

akyupurmak

	faeza يوللىغان ۋاقتى  2013-1-14 02:02 PM ھازىرقى ئەرلەرنىڭ كۆپ قىسمى مەسئولىيەتسىز بۇلۇپ كەت ... سىز دەۋاتقان بۇ پىروگرامما بىزنىڭ باي ناھىيىمزدە چىقمامدا؟ مەنمۇ ئادەتتە رادىيو ئاڭلايمەن، شىنجاڭ خەلىق رادىيو ئىستانسىسىدا كەچ سائەت 9دا سىرداشلار كۇلۇبى پىروگراممىسى بىرىلىدۇ

akkapa

	يىگىت قەسەم ئىچمەيدۇ........ بۇ گەپكە پەقەت ئىشەنمەيمەن .قۇرۇق گەپبۇ .قىزلار ھەرگىز ئىشەنمەڭلار.

taranqi127

	بەك ياخشى تېما يۇلاپسىز ،  ئاشۇ بىر ئازغۇن ئەرلىرىمىزنى ئۇلۇغ ئاللاھ ئىگەم تۇغرا يۇلىلارغا باشلىغاي .....................