ئۇيغۇرتىلى (مۇكاپاتلىق ئەسەر پائالىيتىگە)

ئازىغ

	ئەسسالامۇئەلەيكۇم ۋەرەھمۇتۇللاھى ۋەبەركاتىھۇ،قېرىنداشلار !بۇ مېنىڭ مىسرانىم مۇنبىرىگە  بىرىنجى قېتىم  خەت  يېزىشىم  ،  مۇنبەرگە بىر نەچچە قېتىم تىزىملاتتىم ،  لېكىن  ئۆگنىش ۋە باشقا ئىشلار بىلەن  ئالدىراش بولۇپ    كېتىپ مۇنبەرگە كۆپ كىرەلمىگەچكە كىرسەممۇ تېمىلاردىن ھوزۇرلىنىپ قويۇپلا ئىنكاس يېزىشقا ئۈلگۈرەلمەي چىقىپ كەتكەچكە تىزىملاتقان نۇمۇرلىرىم تازلىنىپ كەتتى ، ئەلھەمدۇلىللا ، ئاللاھنىڭ ئىرادىسى بىلەن مۇنبەرگە خەت يېزىش يازغاندىمۇ ئەسەر يوللاشتەك بۇ خۇشاللىق ئىشنىڭ ۋاقتى -سائىتى بۈگۈن كەپ قاپتۇ ، بۇنىڭ ئۈچۈن ئاللاھ ئىگەمگە شۈكرىلەر ئېيتىمەن .  مەن يېزىقچىلىققا قىزقىمەن ، ‹قاغا قاق ئىتەر ، ئۆز كۆڭلىنى خوش ئىتەر › دېگەندەك قاملاشتۇراممىساممۇ ئانچە مۇنچە  ئۇنى بۇنى يېزىپ ئۆز كۆڭلۈمنى خوش قىلىپ يۈرۈيمەن ۋە يازغانلىرىمنى دادامئەلھەمدۇلىللا ، ئاللاھنىڭ ئىرادسىغا ۋە يېقىن دوسىتلىرىمغا ئوقۇپ بېرىپ كۆڭلۈمنى ئاۋۇندۇرۇپ يۈرۈيمەن . دادام ۋە دوسىتلىرىم  يازغانلىرىمنى گېزىت -ژورناللارغا بىرىپ بېقىشمنى ، مۇنبەرلرگە يوللاپ بېقىشمنى تەۋسىيە قىلغان  بولسىمۇ  تا بۈگۈنگىچە بۇ ئىشقا ئۇرۇنمىغان ئىدىم . ئۇلۇغ رەببىم بۈگۈن بىر پارچە ئاددىي يازمامنى قېرىنداشلار بىلەن ئورتاقلىشىش نىيتىنى دىلىمغا ساپتۇ ، قېرىنداشلارنىڭ مەندەك بىر ‹‹بالا ھەۋەسكار›› نىڭ كەمچىللىكرىنى كۆرسىتىپ بېرشىنى ، يول كۆرسىتىپ ياردەمدە بولىشىنى ئۈمۈد قىلىمەن . ئۇيغۇرتىلى    ئۇيغۇرتىلى ئۇيغۇردەك يېشىل يازنىڭ ئىسسىق -ئىسسىق كۈنىدە چاڭقاپ كەتكەن ئوتۇنچى ئىچكەن دوغدىنمۇ ئېسىل . ئۇيغۇرتىلى چاقنايدۇ چولپان يۇلتۇزدەك نەچچە مىڭ يىللىق توغراقنىڭ قوۋزىقى بىلەن غولى ئارسىدا ، تەكلىماكاننىڭ ئېچىلىپ ققالغان كونا يارسىدا ، قۇم ئاستىدا كۆمۈلۈپ ياتقان باربىت تارىسىدا . ئاق ئاتقا مىنگەن بىلگە خاقان ئۇيغۇرتىلىدا چۈشۈردى پەرمان خاقانىنىڭ ياڭراق ئاۋازى سەردارلارنىڭ تېنىگە دەرمان نەچچە ئەسىر ئۆتكەندە بۈگۈن ئۇيغۇرتىلى دىلىمغا دەرمان . سان- ساناقسىز ئالىم ،ئەدىپلەر ئۇيغۇرتىلىدا يازغاچقا ئەسەر پەن كۆكىدە قۇچماقتا زەپەر . ئۇيغۇرتىلى ئەجەپ يۇمشاق ، يېپىشقاق مۇلايىم ھەم چىقىشقاق ... بىراق بۈگۈن ئۇنىڭ تېرسىگە چىقتى قىچىشقاق . ئۇيغۇرتىلى نەۋائىنى قىلدۇرغان نەۋا خارلىماڭلار ئۇيغۇرتىلىنى مەن ئىگەمگە قىلىمەن دەۋا . ئۇيغۇرتىلى ئاينىڭ شولىسى ئاي نۇرىدا يورۇيدۇ دىلىم سۆيىمەن سېنى ، سۆيىمەن سېنى سۆيىمەن سېنى ئەي ئانا تىلىم . ئۇيغۇرتىلى كەتمەيدۇ يۈتۈپ نەچچە مىڭ يىل كەتسىمۇ ئۆتۈپ تۇنيۇقۇقتەك،مويۇنچۇردەك قويىمىز ئۇنى تاشلارغا پۈتۈپ ياشايمىز سۆيۈپ ، يۈرەككە پۈكۈپ . بۈگۈندىن نەچچە مىڭ يىل بۇرۇنقى قەبرىستالىقتا ئاپئاق بىر تال باش ئىسكىلىتى پىچىرلايدۇ ئۇيغۇرتىلىدا . بۈگۈندىن نەچچە مىڭ يىل كېيىن، يەسلىدە ئۈچ تۆت ياشلىق ئۇيغۇر باللىرى ۋىچىرلايدۇ ئۇيغۇرتىلىدا ئۇيغۇرتىلى مىڭ قۇياش بولۇپ نۇر چاچىدۇ سەبى دىلىدا . ئۇيغۇرتىلى پارلايدۇ مەڭگۈ ، ئۇيغۇرتىلى چانمايدۇ مەڭگۈ ...                            ( گۇاڭدۇڭ دوڭگۈەن دە يېزىلدى ،شەندۇڭ جىنەندە يوللاندى) تولۇقلىما مەزمۇن (2013-1-17 11:02 PM): ققالغان--قالغان ، قەبرىستانلىقتا--قەبرىستاندا

kanat

	مۇكاپاتقا ئىرىشىشىڭىزگە تىلەكداشمەن،ھەقىقەتەن ياخشى يېزىپسىز،سۆيۈندۈم،داۋاملىق نادىر ئەسەرلىرىڭىزنى يوللاپ تۇرغايسىز.

qidax

	ئۇيغۇر تىلىنىڭ بۇرۇنى،بۈگۈنى ۋە ئەتىسىنى ياخشى يورۇتۇپ بېرىپسىز. ئەتىسىىنىڭ پارلاق بولۇشىنى ئۈمۈد قىلىمىز.

kumkazi

	سۆز-ئىبارىلەر بەكلا چانلىق ھەم جايىدا ئىشلىتىلىپتۇ . ياخشى يېزىپسىز .

shiwirghan

	ئىسىل ، ھەقىقەتەن ياخشى چىقىپتۇ ، مۇكاپاتقا ئېرىشىشىڭىزدە گەپ يوق . ئۇيغۇر باللىرى بۇ قېرىندىشىمىزنى قوللاپ بېلەت تاشلىمايلىمۇ !

aa0998

	شۇنداق ياخشى يېزپسىز مۇنبەردىن يوقاپ كەتمەڭ!!!

iltebir

	مۇساپىرچىلىقتا يېزىلغان بۇ ئەسەر چوقۇم ياخشى نەتىجىگە ئېرىشىدۇ.

uhud

	ياخشى يىزىپسىز داۋاملىق تىرىشىڭ .

qog

	ياخشى ىزىپسىز مۇكاپاتقا ئىرىشىشىگە تىلەكداشمىز.

abdurahman5

	رەھمەت ئۇيغۇرۇم،رەھمەت