3-ئەۋلاد ئالامەت كۈلۈشمەك سالام خېتى

wahpa

	3-ئەۋلاد ئالامەت كۈلۈشمەك سالام خېتى                                    ئەسسالامۇ ئەلەيكۇم ، مەن ئۈچۈن بىلكوفنىڭ چاپىنىدەك ، مەتنىيازنىڭ ساپىنىدەك مۇھىم بولغان xx .      مەن سىزنى ياخشى كۆرگىلى ئەتىنى ھېساپلىغاندا بىر كۈن بولىدۇ . مىنىڭ سىزگە بولغان مۇھەببىتىم خۇددى باقىنىڭ باھارغا بولغان مۇھەببىتىدەك چوڭقۇر . گەرچە سىز بىر دۇنيادا ، مەن بىر دۇنيادا بولساممۇ ، مەن سىزنىڭ ئاشۇ ئاQ نىڭ بېشىدەك تاز باشلىرىڭىزنى ، كىچىك لەقۋانىڭ ئۆيىدەك چاڭ بېسىپ كەتكەن چىرايىڭىزنى تولىمۇ سېغىندىم .        سىزنىڭ ئۇ دۇنياغا كەتكىنىڭىزگە چىنوۋ نىكتەك بىر چۇشكۈرگنىڭىزنىڭ سەۋەپ بولغىنىنى ئويلىسام ، ساقاللىك ۋاڭنىڭ ساقىلىدەك چىرماش خىياللار چۇلغىۋالىدۇ .        قەدىرلىگىم xx ، سىز ھازىر نېمە ئىش قىلىۋاتقان سىز ؟ يەنە شۇ سېيىت ماڭقىدەك بۇرنىڭىزنى ئېقىتىپ ، ئالتۇن چىشلىق ئىتتەك ھىڭگىيىپ ، ئەسكى تامنىڭ تۈۋىدە شىياۋ D دەك پىتلىرىڭىزنى بېقىپ ئولتۇرغان سىزمۇ ؟ ۋە ياكى سۇۋادان تېرەكتەك بەللىرىڭىزنى ئېگىپ ، پالتاخۇندەك قېقىلىپ تۇرۇپ ، جامىدەك ئېغىزلىرىڭىزغا چىۋىن كىرىپ كەتكىنىنىمۇ سەزمىگەن ھالدا ، بىر نېمىلەرنى غىڭشىپ ئولتۇرغان سىزمۇ ؟ ۋە ياكى ئاھ ! دېگىنىڭىزچە ، رابىيە - سەئىدىنگە ئوخشاش سۈيى يوق دەرياغا سەكرەپ ئويناۋاتقان سىزمۇ ؟ بىر كۈنى ئەل ياتقۇ مەزگىلىدە غۇنچەمدەك بوغچىلىرىڭىزنى كۆتۈرۈپ ، ئۇياق - بۇياققا تىمسىقلاپ يۈرۈپ  قېچىپ كەتكىنىڭىزدە ، شاڭيۇنىڭ تۇتىۋېلىپ ، پارتىيە ئەزالىرىنىڭ تىزىملىكىدىكى خۇاڭشۈيۈنى قىينىغاندەك ، لىيۇخۇلەننى جادۇغا باسقىنىدەك سىزنىڭ بېشىڭىزنىمۇ ئاشۇنداق ئالغىنى ھېلىمۇ ئېسىمدە تۇرۇپتۇ .   ئۇ كېچە ماڭا بېلىكوفنىڭ پەشتاقدىن دومىلاپ چۈشكىنىدىنمۇ ئېغىر ئازاپ ئېلىپ كەلگەنىدى .  بىراق مەن خۇددى ئەلادەك تىرىشچانلىقلارنى كۆرسىتىپ ، ئۇ ئازاپلارنى دولان ياشلىرىدىكى كەنجىنىڭ ئاسىدەنى كۆرۈپ ھەممىنى ئۇنتىغىنىدەك ، ئۇنتۇپ كەتكەنىدىم .        سىزگە دېسەم  مەن شۇنى ھېس قىلدىمكى ، كۈز شامىلىدا چۇۋۇلغان كەپەم ناخشىسىنى ئېيتىپ ئولتۇرغانغا ھېچنىمە كەلمەيدىكەن . مەن شۇنى قارار قىلدىمكى مەن ئەتە دونكىخوتنىڭ دۇلدۇل ئېتىنى ئىجارىگە ئېلىپ ، ئون ئىككى مۇقامنى شىللەمگە ئارتىپ ، ئېينىشتىيىننىڭ مۇستەقىل ئىشلىيەلەيدىغان ۋە مۇستەقىل پىكىر قىلالايدىغان كىشىلەرنى يېتىشتۈرۈش ئىددىيسىنى لەقۋالىق بىلەن ئىزچىللاشتۇرۇپ ، لۇتپۇللا مۇتەللىپنىڭ يىللارغا جاۋاپ شېئىرىنى ئانچە - مۇنچە ئېسىمدە ساقلاپ ، خامىلىيوندەك ئۆزگىرىپ  ، ئېزەڭگۈلۈك بىلەن سىزنىڭ قېشىڭىزغا ماڭماقچى . قالغان گەپلەرنى يۈز كۆرۈشكەندە دىيىشەرمىز .        شۇنى بىلىپ قېلىڭكى ، مەن سىزگە خۇددى ئۇلۇغ ئانا ھەققىدە چۆچەك دىكى ئانىدەك يۈرىكىمنى قولىڭىزغا ئېلىپ بېرىشكە رازى .        ھۆرمەت بىلەن : سىزنىڭ يىغىڭىزغا كۈلۈپ ، كۈلكىڭىزگە يىغلاپ بېرىدىغان ئەخمەقلەر دەستۇرىنىڭ ئاپتورى xx دىن .        ئەسەر ئاپتورى : تۇرسۇنئەلى سىدىق

شرئەلى118

	ئىنكاس يېزىلىۋاتىدۇ،سەل ساقلاڭ....

komidiya

	قاملاشمىغان ...مۇشۇمۇ بىر ئىشتە ئەمدى ھەيييييييييييييييييييييييييييي

kukhelal

	چۈشكۈن چېراي ئىپادىسى

دۈشمەن

	يامان قىزىقكەنغۇ .........................

abdu52

	قىزىقكەن ھە!!!!!

kumkazi

	بىرخىل پەيزى ھەەە

kakkuk11

	komidiya يوللىغان ۋاقتى  2013-1-13 08:06 PM قاملاشمىغان ...مۇشۇمۇ بىر ئىشتە ئەمدى ھەيييييييييييييي ... بۇمۇ بىر تالانت