ئانا تىلىم ئەبجەش تىل(ساتىرا)

ap~qilam

	ئانا تىلىم ئەبجەش تىل بۈگۈن بولدى مەن ئـۈچۈن بىر يېڭى يىـل، پۈتۈن نەرسـە پارچىلاندى بولدى قىل. بىراۋلارنىڭ ئازاپلىرى ئاقسـا نېل، ئاڭلا دۇنيا ئاڭلا ئىنسان ھەمـمە بىل. جاكارلايمەن ئانا تىلىم ئەبجەش تىل. تۇغۇلۇپلا تىلىم چىقتى ‹ماما›دەپ، يىقىلساممۇ ۋايجان دېمەي‹ئەييا›دەپ. ئېغىزلانغاچ كىچىكىمدە‹نەيپۇڭ›يەپ، شۇ ۋەجىدىن دەيمەن يانا بىرلاگەپ. ئېغىزلانغاچ ئانا تىلىم ئەبجەش تىل. ‹پىڭپاڭ›ئۆيدىن كۆچۈپ چىقتۇق‹دالو›غا، ئەسسالام يوق چۈشۈپ كەتتۇق ‹ئالو›غا. بەكە-پىچاق ئالماشتى ھەم‹زاڭدو›غا، بىلىۋالسۇن سۆزلەي ماۋۇ‹ داتۇغا. بىلىۋالغىن ئانا تىلىم ئەبجەش تىل. ئوچاق بېشى‹مىچى›بىلەن ئالماشتى، قولايلىق دەپ‹شىجى› بەكمۇ قاملاشتى. ناخشا-ئۇسۇل‹دىجى›بىلەن يەملەشتى، ئەبجەش تىلمۇ ماڭا ياخشى ئەملەشتى. شۇڭا دەيمەن ئانا تىلىم ئەبجەش تىل. ‹كاڭچاڭشۈي›يوق پىجۇ ئچتۇق پەم بىلەن، ‹خەيلويىن›دەپ تۇنۇشتۇق ئۇ تەم بىلەن. بىراۋ دېسە يۈزۈڭ ئوخشار چەم بىلەن، ‹شاڭيەن›چىكىپ سۆزلەي ئاڭا غەم بىلەن. ئاز بولسىمۇ ئانا تىلىم ئەبجەش تىل. يىگىتلەرمۇ‹شۇەيگې›بولدى‹جۇبا›دا، سەتەڭلەرمۇ ئۇچۇپ يۈردى‹دىبا›دا. بۇجاھانمۇ كىچىك بولدى ‹ۋاڭبا›دا، بۇنى كۆرۈپ قايغۇرساڭمۇ ئاھ-ۋاھتا. دەيمەن مەيلى ئانا تىلىم ئەبجەش تىل. زامان بىلەن بولدۇق بىزمۇ تەڭ‹شىيۇشەن›، ئاتاق بەردى بىزگىمۇ ھەم‹مىنكاۋخەن›. يوقالمىغان‹چىن،جۇ،تاڭ›سۈي،ھەمدە خەن›، زاۋاللىققا يۈزلەندىغۇ كۈلىمەن. كۈلۈپ دەيمەن ئانا تىلىم ئەبجەش تىل. ئۇرغۇي بولۇپ قاراپ قالدىم ئۇيغۇرغا، ‹ۋېيزۇ›دېسەكۈلۈپ كەتتىم‹ۋېيۋۇئېر›غا. بىر گۈل بولۇپ يۈگرەپ چىقتىم باش قىرغا، ئەللىك يەتتە بولدى،چىقتى بىر غەۋغا. ئۇ غەۋغادۇر ئانا تىلىم ئەبجەش تىل. ‹سۈيفا،نىيۇزەي،ھەتتا ئاياغ لۇشەيدە›، كىيىم-كىچەك يۈرۈشتۈرۈش،‹شېڭسەي›دە. تاياق يىسەم مەيلى ئەمدى ‹پىدەي›دە، يەنە دەيمەن جار سالىمەن ھەر يەردە. سۆز ئاچىمەن ئانا تىلىم ئەبجەش تىل. ئورۇن ئالدۇق ئۆلگەن چاغدا ‹گۈەنسەي›دىن، ۋاپا ئىزدەپ يۈردۇق گاھى ‹تەيتەي›دىن. يۇپارمىدۇق قۇلاقنى ھەم ‹لەيلەي›دىن، شۇ سەۋەپتىن خوشالمەن بۇ تەلەيدىن. تەلەيلىكمەن ئانا تىلىم ئەبجەش تىل. ئەبجەش تىلدا ئۆلچىدىم مەن ۋىجداننى، كەچۇرمىسەڭ مەيلى مەندەك ئىنساننى. يا ساتمىدىم مال-دۇنياغا ئىماننى، يەنە دەيمەن بولسا يەنە ئىمكانى. بىلىۋېلىڭ ئانا تىلىم ئەبجەش تىل . سۆزلەي دېسەم تۈگىمەيدۇ گېپىم كۆپ، يازاي دېسەم توختىمايدۇ خېتىم كۆپ. تاپاي دېسەم دوست-يارەنلەر ئېپىم كۆپ، ئۇيغۇر بىلەن تۈزۈشكەن شۇ بىتىم كۆپ. ئۇمۇ ئىقرار ئانا تىلىم ئەبجەش تىل. مەنبەسى: ئەپچىلەم

مارشال

	ئەپچىلەم،بۈگۈن شېئىر ئوقۇغاندەك بولدۇم ماۋۇ تېماڭلىنى كۆرۈپ... رېئاللىقنى سۆزلەپسىز.

مىرشاپ

	ئەپچىلەم، شېئىرنى راستىنلا ياخشى يېزىپسىلە.  [ئانا تىلىم ئەبجەش تىل] راستىنلا ئەبجەش تىلكەن..

qolyigiti

	ئۇيغۇر تىلىمىز ھازىر شۇنداق ئەبجەشلىشىپ كىتىپ بارىدۇ . بۇ شېئېر شۇنداق ياخشى يىزىلىپتۇ

qidax

	شېئىرىڭىزدا بايان قىلغان مەزمۇنلارنى  ئانا تىلدىكى ئەبجەشلىك ئەمەس بەلكى مەدەنىيەتتىكى ئەبجەشلىكتەك ھېس قىلدىم

sutbulak

	ياخشى يىزىپسىز

!UYGHURJAN

	مەن تېخى قايسى داڭلىق يازغۇچىنىڭ يازمىسىكىن دەپتىمەن . توۋا ! مۇنبەردىمۇ ئېسىل يازغۇچىلار باركىنا . ياشاپ كېتىڭ ، بۇندىن كىيىن تېىىمۇ ياخشى ئەسەرلەرنى يېزىشىڭىزغا تىلەكداشمەن .

!UYGHURJAN

	بۇ تىمىنى نادىرلىسا بولغىدەككەن جۇما  .

ئەبرا

	قەلىمىڭىز بەرىكەت تاپسۇن قېرىندىشىم، جەمىيەتنى كۆزىتىشكە ھەم ئىپادىلەشكە ناھايتى ماھىىر ئىكەنسىز، ياشاپ كىتىڭ!

uyol

	ھەقىقەتەن ياخشى يېزىپسىز،تېخىمۇ تىرىشىڭ