سىزنىڭ خوتىنىڭىزمۇ چىرايلىق

sutbulak

	سىزنىڭ خوتىنىڭىزمۇ چىرايلىق       مۇھەممەدئىمىن ھەسەن      مەن بىر كۈنى كوچا ئاپتۇبۇسىدا كىتىۋىتىپ يىنىمدا تۇرغان بىر نەچچە يىزا ياشلىرنىڭ شەھەرنىڭ ئاياللىرى نىمانچە چىرايلىق،يۈزلىرى شۇنداق پارقىراق ئادەمنىڭ قارىغانسىرى قارىغۇسى كىلىدىكەن، بىزنىڭ خوتۇنلىرىمىز قاچان قارىسا پەلپەتۈش،ئاغىرىقچان،ھەم قىرى چىراي كۆرنىدۇ،كىيىم-كىچەكنىمۇ ياراشتۇرۇپ كىيىشنى بىلمىگەن،خوتۇن دىگەننى شەھەردىن ئالمىغان ئادەمنىڭ جىنى يوق،شۇنىڭغىمۇ شەھەرگە كىرگەن ئادەمنىڭ چىققۇسى كەلمەيدۇ......دىگەن گەپلىرى قۇلۇقۇمغا كىرىپ قالدى.مەن بۇ ياشلارغا سىلەرنىڭ خوتۇنىڭلار تۇغۇلىشىدىلا ئاشۇنداق كۆرۈمسىز تۇغۇلغان بولغىيمىتى،سىلەر بىلەن توي قىلماستا ئاشۇنداق ئاغىرىقچان قىرى چىراي قىزلارمىدى؟ياق. ئۇلار خۇددى شەھەرنىڭ قىزلىرىدەك شۇنداق گۈزەل بىجىرىم قىزلار ئىدىغۇ،بۇلارنى ئاشۇنداق كۆرۈمسىز كىسەل كۆرپىسى،قىرى چىراي قىلىپ قويغىنى دەل سىلەرنىڭ جاپالىق ئىتىز-ئىرىق ئىشلىرىڭلار تۇتۇن يانىدىغان ئوچاقلىرىڭلار،ئىس-تۈتەككە تولغان ئۆيلىرىڭلار ئەمەسمۇ دىگەنلەرنى دىگۇم كەلدى.      يەنە ئۇلارغا سىلەر خوتونۇڭلارغا باشقا ئاياللارغا كۆيۈنگەندەك كۆيۈنۈپ باقتىڭلارمۇ؟باشقا ئاياللارغا قارىغان مىھىرى-مۇھەببەتلىك كۆزلىرىڭلار بىلەن قاراپ باقتىڭلارمۇ؟ دىگەنلەرنى دىگۇم كەلدى.بەكمۇ ئەپسۇس بۇلار ئاپتۇبۇستىن چۈشۈپلا شەھەرگە سىڭىپ كەتتى.بۇ ياشلارنىڭ سۆزلىرى مىنى بىر قىسىم يىزا ياشلىرىنىڭ ناچار تۇرمۇش ئادەتلىرىنى ئىسىمگە سالدى.بۇ بىر قىسىم ياشلارنىڭ ئىقتىسىادنىڭ تەرەققى قىلىشى،يىزالارنىڭ شەھەرلىشىش قەدىمىنىڭ تىزلىشىىشى ئىلىپ كەلگەن ئەبزەل پۇرسەتتىن توغرا پايدىلانماي،قەدىمىنى خاتا بىسىپ،شەھەرنىڭ گۈزەل ئەخلاقلىرىنى ۋە ئىلغار مەدىنىيتىنى قۇبۇل قىلماي،ئەكسىچە ناچار موھىتقا ئۆزىنى قارغۇلارچە ئىتىش نەتىجىسىدە،بىر ئوبدان كىلىشىپ قالغان خوتۇنلىرىنى ياراتماي،توي قىلىپ  بىرەر بالىسى بولا بولمايلا ئاجىرىشىپ كىتىدىغان،بالا يىتىم قىلىش ئاجىرىشىش دىگەنلەرنى ئويۇن ئورنىدا كۆرىدىغان ناچار قىلمىشلىرى بارغانسىرى ئەۋىج ئالماقتا،يەنە بىر قىسىم ياشلار خوتۇننى تۈگۈمەس ئۆي ئىشلىرى ۋە ئىتىز-ئىرىق ئىشلىرىغا بەنت قىلىپ قويۇپ ئۆزلىرى بولسا شەھەرگە كىرىۋىلىپ ھەرخىل ئويۇن تاماششا ناچار كۆڭۈل ئىچىشلار بىلەن كۈن ئۆتكۈزۈپ،خوتۇنى مىڭ بىر جاپا مۇشەققەتلەر بىلەن تاپقان پۇللىرىنى باشقا ئاياللارغا خەجلەيدىغان ئۇششاق-چۈششەك ئىشلار ئۈچۈن خوتۇننى ئۇرىدىغان،ئاغىرىپ قالسا داۋالاتماي تاشلاپ قويىدىغان خورلاش قىلمىشلىرنى سادىر قىلىپ بىگۇناھ باللىرىنى يىتىم قىلىپ ئاتىسىز قالدۇرماقتا.     بۇ خىل كىشلەر تەرىپىدىن ئاجىرشىش سەۋەپلىك تاشلىۋىتىلگەن بىر قىسىم بىچارە ئاياللار نىمە قىلارنى بىلەلمەي گاڭگىراپ تۇرمۇشتا ئىغىر قىيىنچىلىق تارتىپ يامان يولغا كىرىپ قالماقتا،يەنە بۇلار تەرىپىدىن يىتىم بالىغا ئايلانغان بالىلار باش پاناھسىز ھەم تەربىيچىسىز قىلىپ،تۇيۇق يولغا كىرىپ قىلىپ سەرگەردان بالىلار توپىغا قوشۇلۇپ جىنايەت گىرداۋاىغا بىرىپ قالماقتا،يەنە بىر قىسىم يىزا ياشلىرى بولسا خۇددىنى بىلمەي ئەخلاق ۋىجىدان ۋە غورۇرنى يوقۇتۇپ جەمىئەتتىكى ئەڭ ناچار پەسكەش قىلىقلار بىلەن شۇغۇللىنىپ ئاخىرقى ھىساپتا ئۆزلىرىگە ئەيدىس كىسىلىنى يۇقتىرۋىلىپ ھەم بىگۇناھ پاك ئاياللىرىغىمۇ يۇقتۇرۇپ  بۇ بىچارە جاپاكەش ئاياللارنى ئەيدىسنىڭ چاڭگىلىدا نابۇت قىلماقتا.مەن بۇ خىل ياشلارغا ئۆز ھاياتىڭلارنى بەخىتلىك ئائىلەڭلەرنى قەدىرلەڭلار،چۈنكى سىلەرنىڭ خوتۇنىڭلارمۇ چىرايلىق،گەپ قانداق كۆز بىلەن قاراشتا قانداق كىيىم-كىچەك كىيىشتە،سىلەر ئەمدى قانداق قىلماقچى؟ ئاشۇ جاپاكەش خوتۇنىڭلارنىڭ سەمىمى پاك مۇھەببىتىگە ۋە ئۇلارنىڭ سىلەرگە بولغان ساداقىتىگە قانداق جاۋاپ بىرشىنى ئويلاۋاتىسلەر دىگەنلەرنى قايتا-قايتا دىگۈم كەلدى.     ئاپتور:  قاغلىق ناھىيە شاتلىق دوختۇرخانسىدىن

tax☆kampit

	مىنىڭچە بۇ يىزا ياشلىرىلا ئەمەس بەلكى نۇرغۇن ياشلاردا بار بولغان ئورتاق،قوشناڭنىڭ قوش كۆرنىپتۇ،2كۆزى تۆت دىگەندەك ھەممە ئادەم قولدىكى بەختنى بىلمەيدۇ.قولدىن چىقىپ كەتكەندە ئاھ ئۇرىدۇ. يىزا ياشلىرى دەپ ئالغىنىڭىز تازا ياخشى بولماپتۇ.قالدىسىنى ئۆزىڭىز بىلىۋېلىڭ.

faruk063

	شۇ ئەمەسمۇ، بىر چىرايلىق خوتۇننى ئەرلەر قىلىدىغان ئىشقا سالسا، ئۇلاردىكى لاتاپەت، نازاكەت، ئەۋرىشىملىك، نازۇكلۇق يوقالمامتى. ئاياللار يىنىك، چاققان، ئىنچىكە ئىشلارنى قىلىشقا يارىتىلغان تۇرسا، ئېغىر ئىشلارنى قىلسا، ئۇلارنىڭ تېنى ئەرلەرنىڭ بەدىنىگە ئوخشىغىلى تۇرسا قانداقمۇ ئۇلار چىرايىنى يەنە ساقلىيالايدۇ؟ شەھەرنىڭ ئاياللىرى كۈندە گىرىم ئىچىدە، ئۆزىنى ئاسراپلا يۈرسە چىرايلىق بولىدۇ- دە. ھەممە ئۆز خوتۇنىغا كۆيۈنسە، ئۇلارمۇ ئۆزىنى ئاسراشنى بىلسە ئۇلارمۇ چىرايلىق.

faruk063

	جەنۇبنىڭ ئاياللىرىغا ھەيران قالىمەن. ئۇلار ئېتىز- ئېرىق ئىشلىرىنى قىلىدىكەن، ئەتىگەندە چىقىپ ئېتىزلىقتىن ماللىرىغا ئوت- چۆپ ئەكىرىدىكەن.... تۈگىمەس ئىشلار... ئۇلارمۇ كۆنۈپ كېتىپتۇ. ئۇلار ئەرلىرىنىڭ ئورنىدا جاپا تارتىدىكەن. نېمىدىگەن پىششىق ئاياللاردۇ بۇ. ئەرلىرىنىڭ يۈكىنى يېنىكلىتىدىكەن.

kusanbay

	چىرايلىق چىرايلىق ئەمەس .كويگەن چىرايلىق

kar0923

	ئاشۇنداق گەپنى ئاغزىدىن چىقارغان بارلىق ئەرلەرگە لەنەتلەر بولغاي . نۇمۇس قىلىشماي بىر يەرنىڭ بەگزادىسىدەك ئولتۇرۋېلىپ خۇتۇننى ئائىلە خىزمەتچىلىكىگە سېتىۋالغاندەك ئىشقا سالسا خۇتۇنلار بالدۇر قېرىماي ، بالدۇر ئەسلى سۈپىتىنى تاشلىماي نە چارە .       خوتۇننى ئالغۇچە ئۇندىقم بۇندىقىم دەپ ھەسەل سۆزلەپ ئەۋىلىپ ، ئەمرىگە ئۆتكەندىن كېيىنلا ئەسلى قېپىدىن چىقىدىغان ئەرلەر ئاز ئەمەس . سىز ئايالىڭىزنى ھەقىقي ياخشى كۆرۈپ ئالغانكەنسىز ئۇنى چۇقۇم قەدىرلىشىڭىز ، ئاسرىشىڭىز ، كۈيىنىشىڭىز كېرەك .

xukri01

	ئۇنىمۇ دىدۇق بۇنىمۇ دىدۇق ھەممىدىن شەرمى ھايا بىلەن يۇرگەنلەر ھەممىدىن چىرايلىق .

armi

	ئاشۇنداق  يۈزسىز  ئەرلەرنى  ئاللاھ  ئىگەم بالدۇرلا  قېرىتىپ  مۈكچەيتىۋەتكەن  بولسىدى   ئاندىن  ئاياللارنىڭ  قەدىرىگە  يىتىپ  ئاياللىرىنى تىخىمۇ  چىڭ  تۇتۇشقا  ،  تىخىمۇ  ئەتىۋارلاشقا   باشلايتتى .

musilina

	ئۆزگە باققا كۆز سالماڭ،ئۆز گۈلىڭىز چىرايلىق، باشقا يارغا قارىماڭ،ئۆز يارىڭىز چىرايلىق. ئەي ئەر، بىلىپ قېلىڭكى،سىزگە ئەڭ كۆيىنىدىغىنى ،سىزنى كۈتىدىغىنى يەنىلا ئۆزىڭىزنىڭ ھەقلەپ نىكاھلاپ ئالغان خوتۇنى....(قىسمەن  بى كۆيۈم، ھازازۇل....ئاياللارنى ھېسابقا ئالمىغاندا)

بانكىر

	مىنىڭ بىر ياغاچچى دوستوم: خوتوننى بىكارغا ئالمايدۇ، ئالغاندىن كىيىن، ئۆينىڭ ئىشىنى قىلىپ، چوڭ ئۆينىڭ تامىقىنى ئىتىدۇ، كىرىنى يۇيىدۇ، چارۋىنى باقىدۇ، بۇ ئىشنى قىلمايمەن دەيدىغان خوتوننى  مەن ئالمايمەن دەپ يۈرىتتى. تىخىچە خوتونمۇ ئالماپتۇ.