غەزەل(مۇكاپاتلىق ئەسەر تاللاشقا ...)

blackrose

	(غەزەل) "ئاھ!" ئۇرۇپ ،ھەسرەت يۈتۈپ، ئۆتمىدىم ئۇندىن بۆلەك، قان قۇسۇپ، شەربەت يۈتۈپ زەرداپى خۇندىن بۆلەك. رۇخسارىڭغا تەلمۈرۈپ، كەلدىم تالاي كۈندۈز-كېچە، بولماس نىسىپ ئول ئىشقىڭ نېچە "جۇنۇن"دىن بۆلەك. يۈرىگىمنى داپ ئېتەي، چۆل-دەشتىڭدە سەيياھ- مەن! بارمىدۇ تىلى چاڭقاق،  دىلى مەھزۇندىن بۆلەك. لەۋلىرىڭگە ياقماي تېخى گەز باغلىغان لېۋىمنى، كۆردىڭمۇ ھالى خاراپ، رەڭگى زەبۇندىن بۆلەك. نالە-پەرياد قىلايىن ياقامنى چاك- چاك ئېتىپ، چۈشتى سەۋدا باشىمە يوق بىر غەم شۇندىن بۆلەك. جان بېرەرگە تەييار، ۋىسال يەتسە جاندىن بۇرۇن، ئاشىقى قەلەندەرىڭ بولمايىن ئۇندىن بۆلەك! قەلىمىم

kanat

	بەك ياخشى يېزىپسىز ،تىلى يىنىك،تۇراق قاپىيەلەر دەل جايىدا بوپتۇ،ئارۇز ۋەزىندىكى شېئىرلار ياخشى يېزىلسا ئادەمگە باشقىچە زوق بېغىشلايدۇ،يەنە يوللاپ تۇرۇڭ.

qartekin

	ناھايىتى ياخشى يېزىپسىز دوستۇم!~

akilsiz

	قىسمەن ۋەزىن چېقىشلارنى ئوڭشىۋىتىڭ يەنە ئازراق زورۇقۇش بار

blackrose

	بەكمۇ مىننەتدارمەن، كۆپ رەھمەت. كەمچىللىنى كۆرسىتىپ بېرىش مىسالى كۆيۈنۈشتۇر! دىققەت قىلاي!

hasanow

	ياخشى يېزىلىپتۇ، سۆز تۇراقلار خېلى جايىدا. ئوتتۇرا مەكتەپتىكى تىل ئەدەبيات ئوقۇتقۇچىمىز «غەزەل» دېگەن دەرىسنى ئۆتكەندە ئېسىمدە قىلىشىچە غەزەلدە ئىپادىلەنمەكچى بولغان ئىدىيەنى پاساھەتلىك ،بالاغەتكە يەتكەن، خىللانغان تىل ئارقىلىق، تۇراق قاپىيىسىنى ۋايىغا يەتكۈزۈپ يېزىش كېرەك. دەپ نەۋائىنىڭ غەزەللىرىنى ئوقۇپ بەرگەندە بەك مۇڭ بىلەن ئاڭلاپ كۆپ ئانالىز قىلغان ئىدىم.      ھازىرقى شېئىر يېزىۋاتقانلارمۇ ئىلگىرى خەت ئوقۇيالمايدىغانلاردىن ئىدى، ئۇلارمۇ ئاستا ئاستا ئوقۇش يېزىش بىلەن ئەدەبىيات سەھنىسىدىكى بۈگۈنكىدەك ئورۇنغا چىقالىغان، سىزنىڭمۇ داۋاملىق يېزىپ تۇرۇشىڭىزنى تەۋسىيە قىلىمەن.  ئادەم قىلالمايدىغان ئىش يوق، گەپ شۇ ئىشنى قىلىشقا بەل باغلاپ ئىجتىھاد قىلىشتا.                                      نالە-پەرياد قىلايىن ياقامنى چاك- چاك ئېتىپ،                                      چۈشتى سەۋدا باشىمە يوق بىر غەم شۇندىن بۆلەك.     باشىمە دىگەننى   باشىمغە   دەپ ئالسىڭىز، قەدىمكى ئۇيغۇر تىلىدا يېزىلغان غەزەللەرنىڭ پۇرىقى چىقامدىكىن دەپ قالدىم.    ئاقساقاللىق قىلىپ قويدۇم  كەچۈرۈڭ.

sultannur

	ياخشى يىزىپسىز،تىرىشىڭ قىرىندىشىم،بولسا 6-قەۋەتتىكى ھەسەنوۋنىڭ ئىنكاسىنى ئويلىشىپ باقسىڭىز بولغۇدەك.

blackrose

	رەھمەت، دوستۇم! مانا، مۇشۇنداق تەنقىدىي پىكىر بولسا ، ھەممە كىشىدە ئىلگىرلەش بولىدۇ... تىرىشىمەن.

razigulcali

	يارايسىز،تىنماي يېزىڭ  كۆپلەپ غەزەل، شۇ يازغان يازمىڭىزدىن تامسۇن ھەسەل. ئوقۇسا ئىچكەندەك بولار شەربەت، تونۇلسۇن غەزەلچىمۇ مىسراندا گەر. قەلىمىڭىز كۈچلۈككەن،تۈزەتكۈچىلەر بىز ئۈچۈن ئەينەك.مەڭگۈ توختىماي تىرىشىڭ.