مەرھۇم رۈستەم قاراجىمنىڭ قىسقىچە تارىخى

artuq

	(مەرھۇمنىڭ جىنازا نامىزىدا  مەرھۇم بىلەن 20 يىلدەك بىر جامە مەسچىتتە خاتىپلىق قىلغان ئابدۇغېنى قاراجىمنىڭ بۇ زاتنىڭ ھايات پائالىيىتى توغرىسىدا  قىسقىغىنە چۈشەندۈرۈشى)    مەشھۇر دىنىي زات رۈستەم قاراجىم 2012-يىلى 12-ئاينىڭ 28-كۈنى (جۈمە) جۈمە نامىزىغا تاھارەت ئېلىۋاتقاندا ئۇشتۇمتۇت قازا قىلدى .بۇ خەۋەر تەڭرى تېغىنىڭ جەنۇبى ۋە شىمالىغا چاقماق تىزلىكىدە يېتىپ بېرىپ نۇرغۇن جامائەت كۆز يېشى قىلدى ۋە مەرھۇمنىڭ ئائىلىسىگە ۋە ئاخىرەتلىكى ئۈچۈن دۇئا قىلدى.مانا بۈگۈن نەچچە مىڭلىغان جامائەت  بۇ زاتنىڭ جىنازا نامىزىغا داخىل بولۇپ تۇرماقتىمىز. مەشھۇر ئۆلىما ئارلىقنى يىراق كۆرمەي  سوغوقنى سوغوق ،ئىسسىقنى ئىسسىق دىمەي ئارلىقنى يىراق كۆرمەي مىڭلىغان جامائەتنىڭ ئۆلۈم مۇسىبەتلىرىگە بارغان ،ئايەت ھەدىسلەرنى شەرھىلەپ تەسەللى بەرگەن بۈگۈن شۇ ئەمگىكىنىڭ نەتىجىسىنى كۆردى. مەرھۇم 1942- يىلى ئاتۇش شەھرىگە قاراشلىق ئازاق يېزىسىنىڭ  تۈۋەن ئىشتاچى كەنتىدە  ئۆستەڭ بويى مەھەلىسىدە تالىپ ئاخۇن  ئىسىملىك بىر دىھقان ئائىلىسىدە دۇنياغا كەلگەن.ئانىسى ئايىمخان رۈستەم قاراجىمنى تۇغۇپ تۇغۇت ئورنىدا ئۆلۈپ كەتكەن.بۇ زات شۇ مەھەلىدە يېڭىدىن پەرزەتلىك بولغان بىر نەچچە ئايالنى ئىمىپ چوڭ بولغان.دادىسى ۋاپات بولغاندىن كىين شۇ يۇرتتىكى ساۋۇت قارى ۋە ئەبەت قارىملار بۇ زاتنى ئۆز تەربىيىسىگە ئېلىپ مۇرەتتەپ قارى قىلىپ يىتىشتۈرۈپ چىققان.بۈگۈن بۇ يەردە رۈستەم قاراجمدەك مەشھۇر جامائەت ئەربابىنىڭ يىتىشىپ چىقىشىغا ئاساس ئۇل سالغان ئاشۇ خالىس توھپىكارلارغا ئاللانىڭ رەھمىتىنى تىلەيمىز.    شۇنىڭدىن كىيىن بىر قېتىملىق مەرىكە مەيدانىدا رۈستەم قاراجىمنىڭ مۇڭلۇق قىرائىتىدىن تەسىرلەنگەن ئوتتۇرا ئاسىيا بۇغرا دىنىي داشۆسىنى پۈتتۈرگەن مەشھۇر دىنى ئالىم ئەمەت داموللامنىڭ نەزىرى چۈشۈپ ئۆز تەربىيىسىگە ئالغان.بۇ زات مەدرىسلەردە يېتىپ ئىلىم تەھسىل قىلغان.ئىلىم مەرىپەت ئوچۇقىدا پىشىپ يىتىشىپ تاۋلانغان،ئەمەت دامۇللامنىڭ ئىشىكىنى ھەيدەپ يىراق يېزا -قىشلاق سەھرالارنى كەزگەن،ئىلىم بۇلاقلىرىدىن سۇ ئىچىپ تويۇنغان. مەرھۇم  ناتىقلىقى ،خۇش پېئىللىقى بىلەن ئاممىباپ چاقچاقلىرى بىلەن، كىشىلەر بىلەن چىقىشىپ ئۆتۈدىغان ئىسىل ئەخلاقى بىلەن ئۆزىنىڭ دىنىي خىزمىتىنىڭ ساغلام تەرەققى قىلىشى پۈتكۈل يۇرت جامائەتنىڭ ئىتتىپاقلىق ،مۇقۇملۇقى ئۈچۈن تىگىشلىك تۆھپە قوشقان، ۋە زور قاتناش ھادىسلىرىنىڭ ئوڭۇشلۇق بىر تەرەپ قىلىنىشىغا تىگىشلىك تۆھپە قوشقان. مەرھۇمنىڭ خىزمىتى گويا كەتمەننى قولىدىن چۈشۈرمەي ھاردىم - تالدىم دىمەي ئېتىزلىقتىن كىرمەي بىر ئۆمۇر ئىشلىگەن دىھقاننىڭ ھەركىتىگە ئوخشايدۇ.مەرھۇمدا ھەقىقى ھۆرمەتكە خاس خاراكتىر  خۇسۇسىيەت بولۇپ مىجەزى مۆتىدىل خۇش چاقچاق ، ھەركىمنىڭ ئۆز ئەھۋالىغا قارىتا مۇئامىلە قىلىدىغان خۇسۇسىيتى بار ئىدى .بۇ خىل پەزىلەت پۈتكۈل خەلق ئاممىسىنىڭ مۇھەببىتى ۋە ھۆرمىتىنى قوزغىغان .خەلق بۇ زاتنى مەڭگۈ ئۇنۇتمايدۇ.مەرھۇمنىڭ ۋاپاتىدىن  ھەممىمىز شۇنى ھىس قىلدۇقكى قىسقىغىنە ھاياتىمىزنى مەنىلىك ئۆتكۈزۈشىمىز،خەلق قەلبىدە ياخشىلىقتىن  ئۆچمەس ئىز قالدۇرشىمىز زور ياخشى بىر ئىش. ئاخىرىدا مەرھۇمنىڭ ئاللاھنىڭ رەھمىتىگە مۇيەسسەر بولىشىنى تىلەيمىز ئەلۋىدە ئۇستاز ياتقان يىرىڭىز جەننەتتە بولسۇن.  امىن!

مارشال

	مەرھۇمغا جەننەت ئىنئامى تىلەيمەن. ھەقىقەتەن دىننى سۆيگەن ھەمدە ئۆلىمالىق خىزمىتىنى ياخشى قىلغان دىننىي ئالىم ئىكەنتۇق. ئاتۇشلۇق دوستلاردىن سوراپ باقسام،مىسىر ئەزھەر ئۇنۋىرسىنتىدا ئوقۇغان زاھىر داموللا ھاجى دەپنە مۇراسىمىغا قاتناشمىغان ئوخشايدۇ؟ئۇ كىشى ھازىر نېمىش قىلىۋاتقاندۇ؟

artuq

	مارشال يوللىغان ۋاقتى  2013-1-12 06:41 PM مەرھۇمغا جەننەت ئىنئامى تىلەيمەن. ھەقىقەتەن دىننى سۆي ... ئۇ كىشىنى مەنمۇ بۇ ئۆلۈمدە كۆرمىدىم ،بەلكىم سودا ئىشلىرى بىلەن چەتئەلدە بولسا  كىرەك.

sutbulak

	مەرھۇمغا ئاللاھ جەننەتتىن ئورۇن بەرگەي،ياخشى ئۇستاز ئىدى

abdulahad

	مەرھۇمنىڭ تارىخىدىن خەۋەردا قىلغىنىڭز ئۈچۈن ئاللاھتىن سىزگە رەھمەت تىلەيمەن!

rustorahbar

	ئاللاھنىڭ بۇيرىقى بىلەن ئاتۇشتىكى كاتتا دىنى زات رۇستەم قارى ھاجىم 2012.12.28..كۈنى يەنى ئۇلۇغ جۈمە كۈندە كۆز يۇمدى شۇ سەۋەپلىك ئۆشبۇ مەرسىيەدە پىقىر رەھمەتلىك قارى ھاجىمغا بولغان ھۆرمىتىمنى بىلدۈرمەكچى. مەرسىيە ئاڭلا دۇنيا مۇسىبەتتە ئاتۇشۇم، ھەيران قالما كىتىپ قالسا گاھ ھۇشۇم. چىدالماستىن يىغلىماقتا تۈمەن كۆز، ياش تۈكمەكتە ئاسمانمۇ دەپ يۇلتۇزۇم. يۇرتىمىزنىڭ كۆزى كەتتى ئالەمدىن، ئانا يۇرتۇم ئىڭرىماقتا ماتەمدىن. ئوخشاپ قالدۇق ئەمالاغا ھەمىمىز، بىزلەر ئۈچۈن ئەۋزەل ئىدى ھاتەمدىن. تەغدىر ئىكەن ھەي..دەپ قالدۇق چارىسىز، ھىدايەتكە كىممۇ باشلار قارىسىز. كاتتادىنى ئالىم ئىدى ئەل گۇۋاھ، ھۆرمەتلەيتۇق شۇ سەۋەپلىك بارچىمىز. جان ئاتاممۇ رەھمەتلىكنى چوڭ بىلىپ، قويۇپتىكەن رۇستەم دېگەن ئىسمىمنى، مانا ئاتام قالدى بۈگۈن ئۇھ سىنىپ، ئاڭلىغاندا تۆگەپتۇ دەپ رىزقىنى. رۇستەم قارى ھاجىم، كەتتى ئەلۋىدا، قان يىغلاتتى ھەمىمىزنى بۇ جۇدا. مەرسىيەگە ئاجىز كەلدى قەلىمىم، ياتقان جايى جەننەت بولسۇن ئېھ خۇدا. 2012.12.29... رۇستەم قاراسۇ.......ئاتۇش كېچڭىز

137166676

	رەھمەت سىزگە .

elhamjan88

	ئاللاھدىن مەرھۇمنىنىڭ جەننىتى بۇلىشىنى تىلەيمەن

nijad520

	مۇشۇنچىلىك بولسمۇ بىلۋالغىنمىزمۇ ياخشى .   تولۇقراق بىلدىغان قىرىنداشلار بولسا ئايماي ئەۋەتسىكىن دىگەن ئۇمۇدتە ~~ مەرھۇمنىڭ ياتقان يىرى جەننەتتە بولغاي

kixan

	ئۇلۇغ ئاللاھ مەرھۇمنىڭ ياتقان يېرنى جەننەتتە قىلسۇن ( ئامىن )