شادىمان بولۇڭ(پەرىشتە)

parixta1980

	شادىمان بولۇڭ ‹ھىكايە› - بارمايلىچۇ ئاداش قورقۇۋاتىمەن-دىدى،ئايپەرى ساھىپجامالغا. - قورۇققۇدەك ئىش يوق ئاداش ئۇلار شۇنداق ياخشى بالىلار،بىر كۈنلۈك سەپەر جەريانىدائۇلار بىلەن ناھايىتى ياخشى چىقىشىپ قالدىم،كۆڭلىمىز ئېچىلىپ قالىدۇ باشقا ئىش يوق. ئايپەرى يەنە گەپ قىلاي دىسە بۇ دەرتمەن دوستىنىڭ دەردىگە دەرت قوشۇپ قويىشىدىن ئەنسىرەپ دوستىنىڭ رايىغا باردى. بۇ ئىككى قىز ئۆزلىرىنىڭ ئالدىغا چىققان يىگىتلەرنىڭ ياردىمىدە رەڭگا- رەڭ چىراقلار يىنىپ تۇرغان ktw گە كىرىپ كەلدى – دە چاققانغىنە بىر ئايرىمخانىغا كىرىپ ئولتۇرۇشتى.ئايرىمخانىنىڭ ئىشىكتىن كىرىشتىكى ئۇدۇل تەرەپكە، تامغا يۆلەپ كىرىسلو تىزىلغان، ئالدىغا پاكارغىنە چاي ئۈستىلىدىن ئىككىسى جۈپلەشتۈرۈپ قويۇلغان،قارشى تەرەپكە ،كەڭ ئىكرانلىق ئالى دەرىجىلىك تېلىۋۇزۇر تامغا بىكىتىلگەن بولۇپ،ئايرىمخانا ئىچىنى سۇس يىشىل چىراق يورۇتۇپ تۇراتتى. - ھە خانىمچاقلار تارتىنماي ئولتۇرۇشسىلا، - دەپ چاخچاق قىلدى مۆمىن ئىسىملىك يىگىت ساھىپجامالغا قاراپ. ئايپەرى ئىتتىك ساھىپجامالغا قارىدى. بۇنى سەزگەن ساھىپجامال مۆمىنگە قاراپ دىدى: - ھەي ئەدەپسىز، ئوقۇتقۇچى دىگەننىمۇ شۇنداق دەمدۇ؟ - ھە، كەچۈرۈڭلار ئەسلىدە ئۇ ‹ئىنسان روھىنىڭ ئىنژىنىرلىرى› دىمەكچى ئىدى شۇنداقمۇ؟ - دىدى مۆمىننىڭ دوستى. ئايپەرى بۇگەپتىن بىر خىل تەنە قىلىش ھىسياتىنى سەزدىدە بۇ يەرگە كەلگىنىگە پۇشايمان قىلدى. - ھە قىنى بۇنىڭدىن ئىچكەچ ئولتۇرۇڭلار- ھاجىم شۇنداق دىگەچ قىزىل چاي، يىشىل چايلاردىن قىزلارنىڭ ئالدىغا قويدى ئاندىن-قىنى ساھىپجامال بۇ دوستىڭىزنى تونۇشتۇرۇپ قويمامسىز؟بىز ئۈچەيلەنغۇ كونا تونۇشلاردىن بولۇپ كەتتۇق شۇنداقمۇ ئاغىنە- دىدى دوستىغا قاراپ. - ھە راس ئاداش ئۆزۈڭنى تۇنۇشتۇرۋىتە بىلىسەن مەن ئانچە قاملاشتۇرالمايمەن- دىدى ساھىپجامال ئەركىلىگەندەك. - ئۇنىڭغا قاملاشتۇرۇش كەتمەيدۇ – دىدى ئايپەرى مۇلايىم كۈلۈپ تۇرۇپ- مىنىڭ ئىسمىم ئايپەرى. - پاھ-پاھ نىمە دىگەن چىرايلىق ئىسىملار بۇ ، ھە قىنى نۆۋەت ساڭا كەلدى دوستۇم سەنمۇ ئۆزەڭنى ... ۋاي بولدىلا سىنى مەنلا تونۇشتۇرىۋىتەي، بۇ دوستۇمنىڭ ئىسمى شادىمان  بىراق پەقەت شادىمان بولالماي ئاۋارە قىنى ئايپەرىقىز شادىمان قىلىۋەتسە ئەجەپ ئەمەس.مىنىڭ ئىسمىم مۆمىنجان بىراق ئۆزەم شوخراق بالا.ئۇنداق بولسا قىزلار  مەن تاققىدە سىرىتقا چىقىپ كىرەي بولامدۇ؟- مۆمىن دوستىغا كۆزىنى قىسىپ قويۇپ چىقىپ كەتتى. - سىزمۇ ئوقۇتقۇچىمۇ؟- سورىدى شادىمان ئايپەرىگە قاراپ. - شۇنداق – دىدى ئايپەرى يەر باققىنىچە مۇلايىم كۈلۈپ – ساھىپجامال ئىككەيلەن بىر مەكتەپتە ئىشلەيمىز. ئايپەرىنىڭ چاقماق كىرپىكلىك قاپ-قارا قوي كۆزلىرى،ئالۇچىدەك ئويماققىنە لەۋلىرى،ئەدەپ بىلەن يەر بېقىشلىرى، مۇلايىمغىنە كۈلۈشلىرىگە مەستلىگى كەلگەن شادىمان يەنە سورىدى: - ھە،شۇنداقمۇ؟ سىزمۇ توي قىلغانمۇ؟ - ئەلۋەتتە – ئايپەرى ئوماققىنە كۈلدى – بىر قىزىممۇ بار تېخى. ئايپەرىنىڭ چىرايىدا بەخىت جىلۋە قىلاتتى. ئىشىك ئېچىلىپ مۆمىن كىرىپ كەلدى: - ھە تاماقلارنى بۇيرىۋەتتىم، ئەمدى بىردەم ناخشا ئېيتقاچ ئولتۇرايلى.قېنى ئارىمىزدا چولپانلار بارمۇ؟- دىدى شوخلۇق بىلەن. - ئۆزىڭىزدىن كەلسۇن،چولپان سىزدىن كەم بولماس.ئۈرۈمچىدىن كەلگۈچى ناخشا ئېيتىپ بىزنى زىرىكتۈرمىگەن ئىدىڭىز. - ئۇنداقتا قوش ئاۋازلىق ئېيتايلى جىنىم،كىلىڭە- ساھىپجامال مۆمىنگە يىقىنراق سۈرۈلدى – دە ئىككەيلەن كارا ok دا ناخشا ئېيتىشقا باشلىدى. شادىمان بولسا ئۈزلۈكسىز ئايپەرىنى كۈزۈتىۋاتاتتى.( كىيىنىشلىرى شۇنداق رەتلىك، گەپ سۆزلىرى ئورۇنلۇق، چىراي تۇرقى كىلىشكەن. ئاللا ئىگەم مۇشۇنداق بىر قىزنى ئاتا قىلسا ھە! بىراق......) شۇئارىدا ئىشىك ئېچىلىپ كۈتكۈچى قىزلار ھەرخىل قورۇمىلارنى ئەكىرىشكە باشلىدى.ئاخىرىدا بىر كۈتكۈچى قىزچاق پەتنۇسقا تىزىلغان ئالى ھاراقتىن ئىككى بوتۇلكا بىلەن ئىككى رۇمكىنى ئەكىرىپ قويۇپ چىقىپ كەتتى. - ھە قىزلار بۇنداق ئولتۇرساق زىرىكىپ قالىمىز – دىدى مۆمىن ناخشىسىنى توختۇتۇپ – ئانچە مۇنچە ئىچىشكەچ ئولتۇرايلى. - نىمە ھاراق ئىچەمسىلەر؟- دىدى ئايپەرى ئاندىن دوستىغا قارىدى. - بۇ دىگەن قىزىل ھىچنىمە قىلمايدۇ. قىنى قىنى قورۇمىلاردىن ئېلىڭلار- دىدى مۆمىن دەرھال گەپنى يۆتكەپ-لايىقىڭلاردا كۈتەلمىدۇق شۇنداق بولسىمۇ. - ئالە ئاداش –دىدى ساھىپجمال ئايپەرىگە قاراپ-تارتىنمىغىنە ھەممىمىز ئۆزئادەملەر شۇنداقمۇ يىگىتلەر؟ - شۇنداق شۇنداق ،ئېلىڭە ئايپەرى- دىدى شادىمان. مۆمىن شادىمانغا كۆزىنى قىسىپ قويۇپ بوتۇلكىنىڭ ئاغزىنى ئاچتى. - بۇ دىگەن قىزىل، پىرسەنتى تۆۋەن ھىچنىمە قىلمايدۇ.ئەلۋەتتە سىلەرمۇ ھەمدەمدە بولارسىلەر. چاتاق يوق- دىدى ساھىپجامال شوخلۇق بىلەن. -ياخشى، ئۇنداق بولسا بۇ تۈنجىسىنى قەدەھ سۆزى بىلەن مەن باشلاپ بىرەي-مۆمىن  بىلىق كۆزى قىلپ قۇيۇلغان رۇمكىنى قولىغا ئېلىپ - ھە بىز ئاللانىڭ ئورۇنلاشتۇرىشى بىلەن ساھىپجامالنىڭ ئۈرۈمچىدىن يىغىنغا قاتنىشىپ قايتىشىدا سەپەرداش بولۇپ قالدۇق،-مۆمىن  گەپنى سوزۇپ قىلىۋاتاتتى-مانا بۇ ‹تەقدىر› دىيىلىدۇ، ئەمدى بۇ رۇمكىنى سىلەردەك ياخشى قىزلار بىلەن داۋاملىق ئەسرالىشىپ تۇرىشىمىز ئۈچۈن كۆتۈرەيلى. مۆمىن بۇ رۇمكىنى ئىگىز كۆتۈرۈپ ئىچىۋەتكەندىن كىيىن يەنە بىرنى قۇيدى. - نۆۋەت سىنىڭكى. شادىمان رۇمكىنى ئاغزىغا ئاپىرىشىغا مۆمىن توۋلىدى: -ھەي ھەي قەدەھ سۆزى قىلمامسەن. شادىمان ‹ھەر ۋاقىت ئەدەپ-ئەخلاق بىزگە يار بولسۇن ›دىمەكچى بولدىيۇ سورۇننىڭ كەيپىياتىغا تەسىر يەتكۈزمەسلىك ئۈچۈن گىپىنى يۆتكىۋەتتى: -مەڭگۈ سالامەت بولىشىمىز ئۈچۈن كۆتۈرەيلى. - ھە ياخشى- دىدى مۆمىن يەنە بىر قەدەھنى لىقلاپ بولغاندىن كىيىن -بۇنى ساھىپجامال كۆتۈرىۋىتىدۇ شۇنداقمۇ. - ئەلۋەتتە – ساھىپجامال تارتىنمايلا قەدەھنى قولىغا ئالدى،بۇنى كۆرگەن ئايپەرى دوستىنىڭ كۆينىگىنى ئاستا تارتىپ قويدى.ساھىپجامال ئايپەرنىڭ كۆزىگە ھەسىرەتلىك تىكىلدى. ئايپەرى دوستىنىڭ دەردىنى چۈشىنەتتى،ساھىپجامال ھەر قىتىم يولدىشىدىن تاياق يىگەندە ئايپەرىنى ھەمراقىلىپ 2-3 رۇمكا ئىچىۋالاتتى.ئۇ بۇ ئارقىلىق ‹دەرتلىرىمنى ئۇنتۇيمەن›دەيتتى. ئويلىمىغان يەردىن مۆمىن  بۇ قىتىمقى رۇمكىنى ئايپەرىگە تەڭلىدى.ئايپەرى ھودۇقۇپ كەتتى. - مەن،مەن ھاراق ئىچەلمەيمەن. -شۇمۇ گەپ بوپتۇ، مەن سىزنى زەھەر ئىچىڭ دىمىدىم،شەربەت ئىچىڭ دەۋاتىمەن. - ئىچكىنە دوستۇم ھىچنىمە بولمايدۇ- دىدى ساھىپجامالمۇ. ئايپەرى ياردەم تىلىگەندەك شادىمانغا قارىدى.شادىمان ئايپەرىگە ئۈنسىز تىكىلىپ ئولتۇراتتى. - ماڭا قارا دوستۇم –دىدى ساھىپجامال مىنى دەپ بولسىمۇ مۇشۇ بىر رۇمكىنى كۆتۈرۋەتكىنە بولامدۇ. - قارىڭا مىنىڭ سۆزۈمگىغۇ كىرمەڭ بوپتۇ، دوستىڭىزنىمۇ مۇشۇنداق يالۋۇرغىلى سالامسىز؟- دىدى مۆمىن ساھىپجامالنى كۈشكۈرتكەندەك قىلپ. - مىنىڭ  يۈزۈمنىمۇ قىلمامسەن دوستۇم!- دىدى ساھىپجامال يالۋۇرغاندەك. ئايپەرى تەڭقىسلىقتا قالدى-دە ئاخىرى كۆزىنى يۇمۇپلا كۆتۈرۋەتتى. ھاراقنىڭ تەسىرىدە ئۇنىڭ مەزىللىرى ۋىللىدە قىزاردى.بىراق شادىماننىڭ ئۈمۈتسىزلىككە تولغان كۆزلىرىگە قاراپ ھودۇقۇپ كەتتى. - كىلىڭلار ئوينىغاچ ئىچەيلى-مۆمىن  شۇنداق دەپلا ساھىپجامالنى تانسىغا تارتتى.ئۇ ساھىپجامالنىڭ قۇلىقىغا بىر نىمىلەرنى پىچىرلايتتى، ساھىپجامال توختىماي كۈلەتتى. بۇنى كۆرۈپ ئىچى پۇشقان شادىمان ئورنىدىن تۇرۇپ ئايپەرىنى تانسىغا تارتتى،ئايپەرى تارتىنغان ھالدا ئاستا ئورنىدىن تۇردى.ئايپەرىنىڭ ئىككى مەڭزى قىزىرىپ، كۆزلىرى خۇمارلىشىپ بەكمۇ ئوماقلىشىپ كەتكەن ئىدى.شادىماننىڭ ئۇنىڭغا ئىچى كۆيۈپ لەرزان ۋالىس موزىكىسىغا ماسلاشتۇرۇپ يەڭگىل پىقىرايتتى.بىر-بىرىگە ئۇرۇلغان ئىسسىق نەپەسلەردىن ھەر ئىككەيلەننىڭ يۈرىگى دۈپۈلدىمەكتە ئىدى.ئايپەرى بىردىنلا ئۆزىنى تۇتىۋالدى.ئۇنىڭ قوللىرى سۇس تىتىريتتى.ئۇ ئاستا بىشىنى كۆتۈرۈپ شادىمانغا قارىدى: -ئولتۇرايلىچۇ! شادىمان ئېغىر تىندى. - مەيلى. ئۇلار كىلىپ ئولتۇرۇشتى.مۆمىن بىردەم ئىچىپ بىردەم ئويناپ خېلىلا تەڭشىلىپ قالغان ئىدى.ساھىپجامالمۇ 3-4 رۇمكىنىڭ تەسىرىدە خېلىلا شوخلىشىپ قالدى -شادىمان، دوستۇمنى زىرىكتۈرۈپ قويماڭ جۇمۇ! شۇ ئارىدا مۆمىن سىرىتقا چىقىپ كەتتى. - ساھىپجامال بالىڭىز بارمۇ؟-سورىدى شادىمان. شۇ ھامان ساھىپجامالنىڭ چىرايىنى مەيۈسلۈك قاپلىدى. - ياق تېخى توي قىلغىلى 3يىل بولاي دىدى،بىراق تۇغمۇدۇم- ساھىپجامال بىشىنى تۆۋەن سالدى- ئۇ ئىككىمىز بەكمۇ ئامراق ئىدۇق، دەسلەپتە ۋاي دەپ ‹ھىچقىسى يوق خۇدايىم بىرەر› دەپ تەسەللى بىرىپ كەلدى، ئەمدىلىكتە ھە دىسىلا ھاراق ئىچىپ ئۇرىدىغان بولىۋالدى،يا گىپىنى ئوچۇق دىمەيدۇ ئاللا ئىگەم بىر پەرزەنىت ئاتا قىلغان بولسا دەپ تىلەپ كىتىمەن- ساھىپجامال ئۆكسۈپ-ئۆكسۈپ يىغلاپ كەتى. - بولدى دوستۇم كۆڭلۈڭنى بۇزمىغىنا خۇدايىم بىرە. ساھىپجامال كۆزيىشىنى سۈرتىۋىتىپ بىشىنى كۆتۈردى. - شۇڭا ئايپەرىگە بەكمۇ ھەۋىسىم كىلىدۇ.ئۇنىڭ ئوماققىنە بىر قىزى بار يولدىشىمۇ شۇنداق كۆيۈنىدۇ. ئىشىك ئېچىلىپ مۆمىن كىرىپ كەلدىدە ئۇدۇل شادىماننىڭ قىشىغا كىلىپ قۇلىقىغا بىر نىمىلەرنى دىيىشىگىلا شادىماننىڭ قاپىقى تۈرۈلدى. -كۆپچىلىك باريەردە مەخپى پاراڭ سىلىشقا بولمايدۇ جۇمۇ-دىدى ساھىپجامال. -سىزگىمۇ ھازىر دەپ بىرىمەن قىنى جۈرۈڭ-مۆمىن  شادىمانغا كۆزقىسىپ قويۇپ ساھىپجامالنىڭ قولىدىن تارتتى.ساھىپجامال مۆمىنگە نازلىق دومسۇيۇپ قويۇپ ئايپەرىگە قارىدى: - مەن چىقىپلا كىرەي. شادىمان بىلەن ئايپەرى خېلى ۋاقىت ئۈنسىز ئولتۇرۇشتى. -سىز بۇيەرگە نىمە دەپ كەلدىڭىز؟- شادىمان ئايپەرىگە تىكىلىپ تۇراتتى. ئايپەرى بۇ سۇ ئالدىن ھەيران بولغان ھالدا شادىمانغا قارىدى. - بۇ نىمە دىگىنىڭىز؟ -ئايپەرى سىز بۇيەرگە كىلىپ يولدىشىڭىزغا يۈزكىلەلەمسىز؟- شادىماننىڭ ئاۋازى مۇلايىم چىقاتتى. ئايپەرى تېخىمۇ ھەيران قالدى. -مەن يولدىشىمغا يۈز كىلەلمىگۈدەك ھىچ ئىش قىلمىدىم. - نىمە؟ ھىچ ئىش قىلمىدىم؟-شادىماننىڭ ئاۋازى مەسلىكتىنمۇ ئەيتاۋۇر خېلىلا يۇقۇرى چىقىپ كەتتى -  سىز يولدىشىڭىزغا ‹ مەن مۇنداق يەرلەرگە بارىمەن، مۇنداق بالىلار بىلەن ئولتۇرىمەن ›دەپ قويۇپ كەلدىڭىزمۇ؟ - بىراق ،مەن... -سىز ھاراق ئىچتىڭىز، مۇشۇ ھالىتىڭىز بىلەن ئەشۇ سەبى ئوقۇغۇچىلىرىڭىزغا يۈز كىلەلەمسىز؟ مۇشۇ ھاراقتىن خۇمارلاشقان كۆزلىرىڭىز بىلەن ئەشۇ ئوماق قىزىڭىزنىڭ كۆزىگە قارىيالامسىز؟ ئايپەرىنىڭ ئەمدىلا 2 ياشقا كىرگەن ئەشۇ ئوماق قىزى كۆز ئالىدىغا كىلىشىگىلا لەسسىدە ئولتۇرۇپ قالدى. - ماڭا قاراڭ ئايپەرى – دىدى شادىمان ئايپەرىنىڭ يىنىغا كىلىپ ئولتۇرۇپ – بۇ يالغۇز سىزنىلا دىگىنىم ئەمەس،بىزنىڭ ھۆرمەتكە سازاۋەر ئوقۇتقۇچىلىرىمىز مۇشۇنداق يەرلەردە تىمىسقىلاپ يۈرسە،كەلگۈسى ئەۋلاتلارنىڭ ئەھۋالى نىمە بولماقچى؟ مىھرىبان ئانىلىرىمىزنىڭ ساپاسى مۇشۇنچىلىك بولسا بالىلىرىمىزنىڭ ئەھۋالى نىمە بولماقچى؟بۇلارنى ئويلاپ باقتىڭىزمۇ؟ ئايپەرى ئۆكسۈپ-ئۆكسۈپ يىغلىۋەتتى. شادىمان ئايپەرىنىڭ مۈرىسىگە قولىنى قويدى: -بولدى كۆڭلىڭىزنى بۇزماڭ،بەلكىم سىز بۇ يەرگە خۇشاللىق ئىزدەپ كەلگەنسىز ۋە ياكى  دوستىڭىزنىڭ كۆڭلىنى ئاياپ كەلگەنسىز.بۇنىڭ ھاجىتى يوق.چۈنكى خۇشاللىق ئائىلىڭىزدە.دوستىڭىزنىمۇ بۇيەرگە كەلمەيلا خۇشاللىققا ئىرىشتۈرەلەيسىز.مەن بۇنىڭغا ئىشىنىمەن. ئايپەرى ئاستا بىشىنى كۆتۈرۈپ ياش يۇقى كۆزلىرىنى شادىمانغا تىكتى.بۇنى كۆرۈپ شادىماننىڭ يۈرىكى پىژژىدە ئېچىشقاندەك بولدى-دە: -كەچۈرۈڭ ،كۆڭلىڭىزنى رەنجىتىپ قويدۇم – دىدى مۇلايىملىق بىلەن. - ياق مەن سىزگە رەھمەت ئېيتىمەن- ئايپەرى ئاستا ئورنىدىن تۇردى- مەن ماڭاي. -خەير – خوش – شادىمان ئايپەرىنى كۆزى قىيمىغان ھالدا ئۇزىتىپ قويدى- شادىمان بولۇڭ. مەنبە:پەرىشتە

xadman0997

	مېنىڭ  مۇنبەر  ئىسمىنى  ئېلىپسىزغۇ  ھە .

musilina

	ھەممە يىگختلەر مۇشۇ شادىماندەك بولغان بولسا ،نېمە دېگەن ياخشى بولاتتى ھە،ئۇ ۋاقىتتا يولدىشى،بالىسىنى ئۇنتۇپ ئويۇنغا بېرىلگەن ئايپەرى،كۈنپەرىلەرمۇ يوق بولغان بولاتتى.... ئەھمىيەتلىك تېمىىڭزغا تەشەككۈر...

sawapkar

	بۇنى كۈرۈپ  شادىمان بۇلالمدىم https://uyghur-archive.com/misranim/thread-96202-1-1.html

شاتئاي

	تېما داۋامىي ياخشى داۋام قىپتۇ.ھەممىلا كىشنىڭ كۆڭلى قارا،نىيتى بۇزۇق بولىۋەرمەيدۇ.ئېسىل يىگىتلەرنىڭ تۈگەپ كەتكىنى يوق.ياخشى ھېكايىكەن.

shiwirghan

	ھەممىلا كىشنىڭ كۆڭلى قارا،نىيتى بۇزۇق بولىۋەرمەيدۇ.ئېسىل يىگىتلەرنىڭ تۈگەپ كەتكىنى يوق ئېسىل يىگىتلەرنى KTVدىن ئىزدەڭلار، ئەخمەق قىزلار![

shiwirghan

	ھىلىمۇ خۇدا بىر ساقلاپتۇ ، ۋاقتىدا چىقىپ كەتكەچ . ‹ياخشى دوستۇمنىڭ كۆڭلىنى ئاياپ بويۇمدا قالدى ›دىگەندەك بولماپتۇ . ئىرى بار خوتۇنغا KTVدا نىمە بار يات ئەرلەر بىلەن ؟ھېچ بىلمىدىم !

ap~qilam

	يەنىلا ئويلىنىش باسقۇچىدا........................ ئەسەر ۋەقەلىكى ياخشى ئېلىنىپتۇ ، قەلىمىڭىزگە سىياھ قاچىلاپ بەرگەن بولسام تېخىمۇ كېڭەيتىپ يېزىپ باقسىڭىز بوپتىكەن دېگەن ئۈمۈدتىمەن

aa0998

	شاتئاي يوللىغان ۋاقتى  2013-1-12 12:01 AM تېما داۋامىي ياخشى داۋام قىپتۇ.ھەممىلا كىشنىڭ كۆڭلى قا ... قولڭىزغا دەت كەلمىسۇن توغرا دەيسىز ياخشى ئادەملەرنىڭ تۈگەپ كەتكلى يوق