Sony بايراقدار يانفۇن Xperia Z نى ئىلان قىلدى

xperia

	يىلدا بىر قىتىم ئۆتكۈزلىدىغان خەلقارا ئىلىكتىرون مەھسۇلاتلىرى كۆرگەزمىسى ئامرىكىنڭ لاس-ۋىگاس شەھرىدە 1-ئاينىڭ 8-كۈنى باشلىنىپ كەتتى.بۇ يېغىلىشتا كۆپلىگەن خەلقاردىكى داڭلىق ماركىلىق پەن-تېخنىكا شىركەتلىرى ئۆزلىرنىڭ مەھسۇلاتلىرنى كۆرگەزمە قىلدى. يغىلىشتا Sony  شىركىتى ئىلان قىلغان ئەڭ يېڭى يانفۇن Xperia Z كۆپچىلىك  دىققەت قىلدىغان يارقىن نوقتىغا ئايلاندى. Sony مەھسۇلات ئىلان قىلىش يېغنىدىن كۆرۈنۈش؛ Xperia Z يانفۇنى بولسا تورلاردا نەچچە ۋاقىتتىن بىرى تارقىلىپ يۇرگەنxperia yugaۋەxperia odin دىگەن يانفۇن بولۇپ بۇ يانفۇننىڭ پارامىتىرى ئەمدى ھەقىقى ئاشكارلاندى.Xperia Z بولسا Sony شىركىتى تۇنجى قىتىم ئىلان قىلغان 4يادرولۇق مەركىزى بىر تەرەپ قىلغۇچ ئىشلىتىلگەن يۇقىرى دەرىجىلىك ئەقلىيفۇن .گەرچە Sonyشىركىتى 4يادرولۇق يانفۇنىنى  باشقا رىقابەتچىللىرگە قارغان بىر مەزگىل كىيىن ئىلان قىلغان بولسىمۇ  Xperia Z يانفۇنىنى ھازىرقى بازاردىكى يۇقرى ئىقتىدارلىق يانفۇنلارنىڭ بايراقدارى قېلىش ئۈچۈن سىستىما، سەپلىمە ،قاتتىق دىتال ،يۇقرى سۈپەت ھەم ياساش تېخنىكىسى قاتارلىقلارغا ناھايىتى ئەھمىيەت بەرگەن. Xperia Z يانفۇنىغا 1080 * 1920 لىك 5 سۇڭلۇق دەرىجىدىن تاشقىرى سۈزۈك ئىكران ئىشلىتىلگەن بولۇپ رەڭ پەرىقلەندۈرۈش نىسپىتى 441 پىكسىلغا يەتكۈزۈلگەن.يانفۇننىڭ نىپىزلىكى پەقەت 7.9 مىللىمىتىر بولۇپ iphone5 بىلەن ئوخشاش.قارا،ئاق ۋە چەيزە رەڭ قاتارلىق 3خىل بىلەن تەمىنلىگەن. Xperia Z نىڭ سۈرىتى بۇ يانفۇنغا يەنە چاڭ-توزان ۋە سۇ كىرىپ كىتىشنىڭ ئالدىنى تېخنىكىسى قوللىنىلغان بولۇپ سۇدىن ۋە چاڭ -توزاندىن خاتىرجەم بولىسىز. Xperia Z يانفۇنىgsm،wcdmaۋە4g lte تورىنى قوللايدۇ. سەپلىمە جەھەتتە؛2gb لىك رام 16gbلىك ساقلاش بوشلۇقى بىلەن تەمىنلگەن بولۇپmicroSD ئارقىلىق يانفۇن سىغمىنى خالىغانچە كىڭەيتىشكە بولىدۇ.مەركىزى بىر تەرەپ قىلغۇچىغا 1.5 گىرتسلىك Qualcomm MDM9215M / APQ8064 تۆت ئۆزەكلىك cpuۋە Sony شىركىتى يېڭىدىن تەتقىق قىلغانSony Mobile BRAVIA Engine 2 سۇرەت ماتورى،Adreno 320لىك گىرافىك بىر تەرەپ قىلغۇچ((GPU)) سەپلەنگەن .2.0لىكmicroUSB چىتىش ئىغىزى،4.0لىك كۆكچىش، رادىيو،سىمسىز يوللاش تېخنىكىسى ۋە يېقىن ئارلىق تېخنىكىسىNFC قاتارلىقلار يان-تىلفۇننىڭ ئىختىدارىنى تىخمىمۇ موللاشتۇرىدۇ. ئاپرات جەھەتتە 13مىليونلۇق كامېرا ئورۇنلاشتۇرۇلغان بولۇپ 1080p-30fps لىك يۇقرى ئىنىقلىقتا  ۋىدېيو غا ئالالايدۇ.سۇرەت تارىتقاندا ۋە ۋىدېيوغا ئالغاندا  HDR نى قوللايدۇ.ئالدى ئاپراتىغا 2.2 مىليونلۇق سۈزۈك ئاپرات ئورۇنلاشتۇرۇلغان بولۇپ ئالدى ئاپراتىدىمۇ1080p-30fpsلىك يۇقرى ئېنىقلىقتا سىنغا ئېلىش ئەمەلگە ئاشۇرۇلغان. Sonyشىركىتى بۇ يانفۇنغا Android OS, v4.1.2سىستىمسى (Jelly Bean) ئىشلەتكەن بولۇپ Android OS, v4.2گە كۆتۈرىلدىغانلىقىنى ئۇقتۇردى. بۇ يانفۇننىڭ 3-ئايلاردا   C6603،  C6602ياكى l36hدىگەندەك ناملار بىلەن بازارغا چىقىدىغانلىقىنى مۆلچەرلەنمەكتە. Sony Xperia Z نىڭ ئىلانى؛ كەڭ يانفۇن ھەۋەسكارلىرغا Sony يانفۇنلىرنىڭ سىپتىلغى، ئىختىدارنىڭ ئۆزىدىن يۇقرى سەپلىملىك يانفۇنلاردىنمۇ ياخشى ئىشلەيدىغانلىقى،ئاپراتنىنڭ سۈزۈكلىكى ھەم ئانا تىلمىزنىمۇ 100% قوللايدىغانلىقى ئېنىق. Sony Xperia Z يانفۇنى پات يېقىندا بازارغا كىردىغان بولۇپ ،سۈپەت ،سەپلىمە جەھەتتە ناھايىتى ياخشى ئىشلەنگەن بولۇپ ئىكرانىنىڭ5 سۇڭ بولۇشىغا قارماي يانفۇن ناھايىتى نېپىز ھەم ئەپچىل ئىشلەنگەن.ئىكرانىنىڭ رەڭ پەرىقلەندۈرۈش نىسپىتىمۇ 441 پىكسىلغا يەتكۈزۈلگەن بولۇپ ھازىرقى بازاردىكى 99 پىرسەنىت ئىكرانلارنىڭ ئىنىقلىقىدىن زور دەرىجىدە ئېشىپ كەتكەن.مۇشۇ نوقتىلاردىن قارغاندا بۇ يانفۇن ھازىرۋە بۇندىن كىيىن يۇقرى دەرىجىلىك يانفۇن سېتىۋىلىشنى ئويلاۋاتقانلارنىڭ ئەڭ ياخشى تاللىشى بولالايدۇ..

parlak/889

	سونىي بۇ يانفوننى ئالامەت ياساپتۇ، تاشقى سۈپىتىمۇ ئىنتايىن كۆركەم، سەپلىمە جەھەتتىمۇ ناھايىتى يۇقىرى، ئالما5  بۇنداق رىقابەتچىلىرىنىڭ ئالدىدا قىيىن ئەھۋالدا قالىدىغان بولدىدە، 5-ئايدا گەلەكسى ئېس4 چىقىدۇ تېخى،

huxqiray

	2013-يىلىدىن باشلاپ sony  ئايرىم شىركەت  ،  ericsson ئايرىم شىركەت بولۇپ كەتتىمۇ ياكى ھازىرمۇ بىرمۇ ؟ ئۆتكەندە بىرخەۋەر كۆرگەن ئىدىم بۇنىڭدىن كىيىن يەنى 2013-يىلدىن باشلاپ sony ericsson مەۋجۇت بولمايدۇ چۈنكى sony شىركىتى بىلەن ericsson شىركىتىنىڭ 10يىللىق توختىمى توشتى ھەر ئىككىلىسى ئايرىم ئۆز ئالدىغا مەھسۇلات ئىشلەپ چىقىرىدۇ دەۋاتاتتى... ماۋۇ مەھسۇلاتمۇ يامان ئەمەستەك قىلىدۇ ، ھەممىسى ئالمىغا جەڭ ئېلان قىلىش بىلەنلا بولۇپ كەتتىغۇ ، نوكىيا شىركىتى بۇلتۇر تارتقان نەچچە يۇز مىليۇن زىيىنىنىڭ دەردىدە لۇمىيا920 نى ئىشلەپ بازارغا سېلماقچى ئەمدى سونىي شىركىتى ماۋۇنى ئىشلەپتۇ ... بۇمۇ ياخشى بولغىنى رىقابەت قانچە كۈچلۈك بولسا پايدا ئالىدىغىنى بىز خېرىدارلار .... يەنى شۇنى قىستۇرۇپ قوياي بىلىدىغانلار ياردەم قىلىڭلار . مىنىڭ سونىي st18i تىلفۇنۇم بارئىدى ، بۇلتۇر ئالغان ئىشلىتىپ 2ئايدەك بولغاندا سۇغا چۈشۈپ كىتىپ ئىكران چىرىقى يۇرۇماس بولۇپ قالغان ، ئىكراندىكى مەسىلە دەپ ئىكراننى باشقا سالدۇرسام ئەمدى پەقەتلا ئېچىلماس بولۇپ قالدى ، بەنزىدىكى مەسىلىكەن دەيدۇ ، بەنزىسىنى تاپقىلى بولامدۇ ؟ ئۇزاق بوپ كەتتى بىكا ياتىدۇ ئوڭشىتىپ قوياي دېگەن ...

Suchi

	Xperiaبۇرادەرنىڭ بۇ تېمىسىدىن سۆيۈندۈم،مەن تېلېفوندىن بەكرەك تېمىنىڭ تىلىغا قىزىقتىم،تېما تىلىدا ئىمكان بار ئەبجەش تىل ئىشلىتىلمىگەن،ئاتالغۇلار ئاساسەن ئۇيغۇرچە بولۇپ،ئوقۇغان كىشىگە بىرخىل يېقىملىق،چۈشىنىشلىك تۇيغۇ بېرىدۇ.تېمىدا سۈرەتلەرنىڭ كىرىشتۈرلىشىمۇ،ئىزاھات چۈشەنچىلەرمۇ لايىغىدا ئورۇنلاشتۇرۇلغان.مۇشۇنداق تىلى پاكىزە تېمىلارنىڭ كۆپلەپ يوللىنىشىنى ئۈمۈت قىلىمەن!تېما ئىگىسىنىڭ مۇشۇ ھەقتە كۆپرەك ئىزدىنىشىنى،تىل ئىشلىتىشتە تېخىمۇ مۇكەممەللىك قوغلىشىشىنى ئۈمۈت قىلىمەن!

Suchi

	مەزكۇر تېلېفونغا ئائىت ئەڭ يېڭى خەۋەر(قەھرىتاننىڭ 11-كۈنى14:58)دە،قەھرىتاننىڭ15-كۈنى بېيجىڭدە ئاخبارات ئېلان قىلىش يىغىنى ئېچىپ چوڭ قۇرۇقلۇقتا سېتىش پەردىسى ئېچىلىدىكەن،باھاسى تەخمىنەن 4298يۈئەن بولىشى مۆلچەرلەنمەكتە ئىكەن.

kapitan115

	مەن ئىزچىل مۇشۇ ماركىدىكى تىلفۇن ئىشلىتۋاتقان،بۇخىل تىلفۇننىڭ بۇرۇنقى ئەقىلى ئىقتىدارى يوقلىرىمۇ ئۇيغۇرچىنى قوللايتتى ،تېخى يېقىندىلا سونىي st25iدىن بىرنى ئالغانتىم.ئەمدى ماۋۇ بازارغا چىقسىلا ئاپامغا دەپ بىرنى ئاغۇزمىسام...

سۇمۇرۇغ

	مۇشۇ تېلڧڧڧڧڧڧڧڧڧڧڧفۇننى ئالسام بولغۇدەك،رەسمىي بازارغا چىققاندا.

alipuyghur

	ئېكرانى بەش سۇڭ بولسا سەل چوڭمۇ قانداق.مىنىڭچە 4 سۇڭ ياكى 4.3 سۇڭ بولغان بولسا بەك مۇۋاپىقتى.لىكىن باشقا سەپلىملىرى ھەقىقەتەن بۇلدىكەن،

baytura

	مېنىڭ يانفۇنۇممۇ سونىنىڭ ،كامېراسى 12 مىلىيۇن پىكسىل ،شۇنداق سۈزۈك