پايخان بولغان ئەقىدە ــــ پوۋىست

amannisa

	بۇ زورىخان بىلەن پەزىلەتخانلار يەنە نىمە ئويۇنلارنى ئوينايدىكىن؟

amannisa

	بىچارە نائىلە گە بەك ئىچىم ئاغرىپ قالدى.........

╰︶￣原地守候

	ھايۋانلار....

nazpari

	7-باپ    پەزىلەتنىڭ تېلىفۇنىنى ئىلىپلا يولغا چىققان كېرىم ئوچۇق دەرۋازىنى ئىتتىرىپلا كىرىۋەردى. زورىخانلارنىڭ كېرىمنىڭ كىلىشىدىن خەۋىرى بولغاچقا، ئىشىكنى ئەتەي ئوچۇق قويۇپ قويغان ئىدى. ھويلىدىكى ئاياغ تىۋىشىنى ئاڭلاپ مېھمانخانىدىن يۈگۈرۈپ چىققان زورىخان كېرىم بىلەن ئىشىكتىلا دوقۇرۇشۇپ قالدى. سالام-سەھەتلەردىن كىيىن ئاشخانىغا ماڭغان زورىخان كېرىمنىڭ قىممەت پۇللۇق كىيىملىرىگە، قاملاشقان بوي-بەستىگە زوقلانغىنىچە ئۇنىڭ كەينىدىن بىردەم ھاڭۋاققىنىچە قاراپ تۇرغاندىن كىيىن ئاشخانىغا كىرىپ كەتتى. ‹‹ئەسلى جۈرئەتكە يىپىشىۋالماي مۇشۇ كېرىمنى كەلتۈرگەن بولساقمۇ بولاتتىكەن. جۈرئەتقو كىرىمنىڭ ئالدىدا مال-دۇنيا جەھەتتە قولىغا سۇمۇ قۇيۇپ بېرەلمەيتتى. مۇشۇ پەزىلەت دىگەن دىۋەڭ بىر ئوبدان ئائىلىنىمۇ بۇزغىلى سالدى......›› زورىخان شۇلارنى ئويلىغاچ تاتلىق تۈرۈم تىزىلغان پەتنۇسنى كۆتۈرۈپ پەرىشان ھالدا مېھمانخانىغا كىردى.   -چاقىرىپتىكەنسەنغۇ؟    قىسقىلا سالامدىن كىيىن كېرىم ئاۋال ئېغىز ئاچتى.    -ئاۋۇ كۈنى سىنى چاندۇرۇپ قويامدىكىن دەپ بەكلا ئەنسىرىگەنتىم. ياخشى ھەممە ئىشلار جايىدا پۈتتى.    ئۇزۇن ئۆستۈرۈلگەن تىرناقلىرىغا قىپقىزىل لاك سۈرىۋالغان پەزىلەت تىرنىقىنى كوچىلاپ تۇرۇپ دىدى.    -نەدە جايىدا پۈتىدۇ. سەنغو غىپپىدىلا تىكىۋىتىپ قۇتۇلدۇڭ. جۈرئەت دىگەن ھارىمىنىڭ قوللىرى بازغاندىن پۈتۈلگەندەك قاتتىق ئىكەن. شۇ كۈنى تاس قالدىم ھوشۇمدىن كەتكىلى. قارىسام ئۆيدىكىلەرمۇ مۇشۇ ئىش توغۇرلۇق بىشىمنى بەكلا ئاغىرتىۋەتتى. مەن ۋاز كىچەيمىكى.....    بەخىرامان ھالدا تىرنىقىنى كوچىلاپ ئولتۇرغان پەزىلەت ئىتتىكلا بىشىنى كۆتۈردى. ئۇنىڭچە بولغاندا كېرىم ھازىر يىنىۋالسا ھەرگىز بولمايتتى. پەزىلەت تۈزگەن پىلانلىرىنىڭ تېخى ئۈچتىن بىرى پۈتكەن تۇرسا. بۇ پىلانلار كېرىم بولمىسا ئاسانلىقچە ئەمەلگە ئاشمايدۇ. پەزىلەت يېڭىدىن تەرگۈزگەن قېشىنى ھىمىرىپ، ئەركىلەپ ناز بىلەن سۆز باشلىدى.    -كېرىم ئاكا، سەن بۇنداق دىگىنىڭ بىلەن نائىلەنى ياخشى كۆرىسەنغۇ. ئۇ قاراپ تۇرۇپ خەقنىڭ خوتۇنى بولۇپ كەتسە سەن چىدامسەن. ئەخمەق....ياخشىراق ئويلىشىپ باق.    پەزىلەت كىرىمگە تىكىلىپلا قالدى. كېرىمنىڭ سۆزلىرى ئۇنى ئالدىرىتىپ قويغانىدى.    -سەن ئۇنداق دىگىنىڭ بىلەن ئانام-داداملاردىن بۇرنى-قۇلۇقۇمىچە تىل ئاڭلىۋالدىم. دۇنيادا قىزلار بىر نائىلەلا بولمىسا. بولدى مەن ئۇنىڭدىن كەچتىم.    -ھەي ئەخمەق. ئاڭلىسام شۇ كۈنى جۈرئەتنىڭ بىر نەچچە تىپىكى بىلەن نائىلەنىڭ بويىدىن ئاجراپ كىتىپتۇ. مەن چوڭ دوختۇر بولمىساممۇ ئازراق بولسىمۇ دوختۇرلۇقتىن خەۋىرىم بار. تۇنجى قېتىملىق بالا چۈشۈپ كەتسە، بۇ ئادەت خاراكتىرلىك چۈشۈككە ئايلىنىپ قالىدۇ. پەرزەنتلىك بولالمىغانسىرى جۈرئەت نائىلەدىن ئۆزى ئاسانلا ۋاز كەچمەمدۇ.    -نېمە...نېمە دىدىڭ. نائىلەنىڭ بويىدىن ئاجراپ كىتىپتۇما؟ ئاپلا .........    كېرىم يوق ساقىلىنى يۇڭداپ، پۇشۇلداپ ئولتۇرۇپ كەتتى. پۇرسەتنى غەنىمەت بىلگەن زورىخانمۇ گەپكە ئۈن قوشتى.    -كېرىم بالام. تۈنۈگۈن ئايىمخان ئاچام تېلىفۇن قىپتىكەن. بۈگۈن نائىلەنى دوختۇرخانىدىن ئىلىپ چىقىمىز. ئەتە يۇرتىغا بىرىپ كەلمەكچىكەن. بىچچارە نائىلەنىڭ ئەزەلدىن تېنى ئاجىز بولغاچ بۇ قېتىم سەل ئۇزاقراق يېتىپ قالىدىغان ئوخشايدۇ دىدى. پەزىلەت دىگەندەك بالىلىق بولالمىغان ئەر، ئۇنداق خوتۇننى ساقلاپ نېمە قىلىدۇ.    زورىخاننىڭ دىقماق گەۋدىسىنى ئېرغاڭلىتىپ كىلىپ يىنىدا ئولتۇرىشى بىلەن كېرىم ئازراق يىرگەندى. ئاتا-ئانىسىنىڭ تاپا-تەنىسى ئۇنى خېلىلا << ئادەم >> قىلىپ قويغانىدى.    -جۈرئەتنىڭ دادىسى غۇلام ئاكام جۈرئەت كىچىك ۋاقتىدىلا ئۆلۈپ كەتكەن. گەرچە جۈرئەت دادىسىز مۇھىتتا چوڭ بولغان بولسىمۇ، بەك غۇرۇرى كۈچلۈك يىگىت. ئەسلىدە مەن ئۇنىڭ رىسقىغا چاڭ سالماسلىقىم، ئېناق ئائىلىنى بۇزماسلىقىم كېرەك ئىدى. ئەمدى سىلەرمۇ ئويۇنۇڭلارنى يىغىشتۇرىۋىلىڭلار. بولمىسا مەن بۇ سىرنى، بىز بىرلىشىپ ئوينىغان ئويۇنلارنى تۇققانلار ئارىسىغا يېيىۋىتىمەن.      كېرىم شۇنداق دەپلا پىشىنى قاققان پىتى چىقىپ كەتتى. گۈلدۈرى بار يامغۇرى يوق بۇ كېرىمنىڭ بۇنداق قۇرۇق پوپوزىلىرىنى كۆپ كۆرگەن پەزىلەت تامدەك تاتىرىپ تۇرۇپ قالغان زورىخاننى قولىدىن تارتىپ ئولتۇرغۇزۇپ قويۇپ سۆز باشلىدى.    -نائىلەنىڭ يۇرتىغا بارىدىغان خەۋىرى راستمۇ ياكى سەن ئىچىڭدىن ئويدۇرۇپ چىقىرىۋالدىڭمۇ؟    -ئەلۋەتتە راست. ئايىمخان ئاچام يىغلاپ تۆكۈلۈپلا كەتتى. ئۇ نائىلەگە بەكلا ئامراق ئىكەن. پەزىلەت - دىدى زورىخان ئاۋازىنى ئامال بار سىلىق چىقىرىشقا تېرىشىپ - قاراپ تۇرۇپ بىر نارەسىدىنىڭ جىنىغا زامىن بولدۇق. بىر ئېناق ئائىلىنى بۇزۇش ئالدىدا تۇرىۋاتىمىز. سەن ئەتراپىڭغا قاراپ باقساڭ، سېنى قوغلىشىۋاتقان باشقا يىگىتلەرمۇ بارغۇ. ھىچ بولمىسا كېرىمنىڭ ئائىلە شارائىتىمۇ ياخشى. شۇنى ئويلىشىپ باق بولمىسا.....    -ۋاي ئانا بولدى قىلە. ئۆز ۋاقتىدا ئۆزۈڭ مېنى مەجبۇرلاپ جۈرئەتنى قولغا كەلتۈرۈشكە بۇيرىغان. مەن ئۇنىڭ ئۈچۈن ئاز ئەجىر قىلدىممۇ. ئەمدى بولغاندا نىيىتىڭدىن يان دىسەڭ قانداق بولىدۇ. ئەڭ ياخشىسى بۇ ئويۇننى ئۆزۈم يالغۇز داۋاملاشتۇرسام بولىدىغان ئوخشايدۇ.    -قانداق داۋاملاشتۇرىسەن؟    جىددىيلەشكەن زورىخان پەزىلەتكە تېخىمۇ يىقىن سۈرۈلدى. ئانىسىنىڭ بۇ ھالىتى غىدىقىنى كەلتۈرگەن پەزىلەت پۇتلىرىنى مىنگەشتۈرۈپ ئولتۇرۇپ :-    -قارىسام جۈرئەت يېزىدا ئىشلەپ بەك ھېرىپ، ئاش-تاماقتىن قىينىلىپ قالغاندەك قىلىدۇ. مەنمۇ خىزمىتىمنى يېزىغا يۆتكەي دەيمەن.    -ساراڭ بوپسەن. ئىلىشىپ قاپسەن. نېمە بار ساڭا ئۇ توپىلىق سەھرادا. بۇ يەردىكى خىزمىتىڭمۇ ياخشىغۇ.....    زورىخاننىڭ ئاچچىقتىن پۇلتىيىپ چىققان كۆزىگە قارىغان پەزىلەت ھىچ ئىش بولمىغاندەك بەخىرامان ھالدا ئورنىدىن تۇرۇپ دېرىزە ئالغا بارغاچ دىدى.    -نېمە بولاتتى. 4 يىل ئىلگىرى مېنى مۇھەببىتىمدىن مەجبۇرى ئايرىۋىتىپ جۈرئەتكە يىقىنلىشىشقا زورلىغان سەنغۇ. مېنىڭ ھىسياتىم بىلەن ھىسابلاشماي مېنى ئۆزۈڭنىڭ كېچىكىگە كىرگۈزگىنى يەنە سەنغۇ. جۈرئەت توي قىلىپ بولغاندىن كىيىنمۇ ئۇنىڭ ئېناق ئائىلىسىنى بۇزغىلى سالغان، مۇشۇ ئويۇنلارنى پىلانلىغان باش پىلانلىغۇچى سەنغۇ. ئەمدى بولغاندا ماڭا بۇنداق دىسەڭ قانداق بولىدۇ.    زورىخاننىڭ گەپ قىلىشقا تەمشەلگەن ئىغىزى ئۈمچەيدى.  كېچە-كۈندۈز يېتىم قىزىنى دەپ سوققان يۈرىكى موجۇلدى، ئاغرىدى. پەزىلەت ئۇنىڭ بىر تاللا قىزى، يۈرەك پارىسى ئىدىغۇ. زورىخاننىڭ قىلغانلىرىمۇ پەزىلەت ئۈچۈنغۇ. پەقەت ئادەمنى خاتا تاللاپ قويغان يېرى بار شۇ. جۈرئەتنىڭ ئۆزىنىڭ پەرىزاتتەك گۈزەل قىزىنى تاللىماي، نەدىكى بىر ياقا يۇرتلۇقنى تاللىغىنىدىن جىلە بولۇپ، ئۆچ ئالماقچى بولغان يېرى بار شۇ .........    -بولدى، مېنى كەچۈر قىزىم. لىكىن نېمە ئىش قىلماقچى بولساڭ، ئالدى بىلەن ماڭا مەسلىھەت سالغىن. مەن بەرىبىر سىنىڭ ئاناڭ!    - .....................    پەزىلەتنىڭ ئۆزىگە مۇنداقلا قاراپ قويۇپ يەنە دىرىزە تەرەپكە قارىشى، ئۆزىنىڭ گىپىنى جاۋابسىز قالدۇرىشى ئېغىر كەلگەن زورىخان كۆزلىرىدىن سىرغىپ چىققان ياشلىرىنى داكا رومىلىنىڭ ئۇچى بىلەن بىسىپ سۈرتكىنىچە داستىخاننى يىغىشتۇرۇپ ئىلىپ چىقىپ كەتتى. بۇنىڭدىن كىيىنكى قەدەمنى قانداق بىسىنى ئويلاپ دېرىزە ئالدىدا ئۇزاق تۇرغان پەزىلەت كۈننىڭ قانداقسىگە تىز كەچ بولۇپ كەتكەنلىكىنى تۇيمايلا قالغانىدى.

mahliya

	مەن تىخى زورىخان بىلەن كېرەمنى ئانا-بالا ئوخشايدۇ دىسەم ئۇنداق ئەمەسكەندە...........

soygu7654321

	داۋامىغا تەشنامان

muslina216

	بۇ ھاياتلىق ئاجايىپ قىسمەتلەر بىلەن بېزەلگەنكەن مۇشۇنداق .....

╰︶￣原地守候

	يەنە تۈگەپ كېتىپتۇ، بەك قىزىقىپ قالدىم.

satkiz

	ئۆزى ئىرىشەلمىگەن بەخىتكە باشقىلارنىمۇ ئىرىشتۈرمىگەن ، نىمىدىگەن كۆزى كىچىك ، ناچار ئادەملەردۇ بۇ ؟

kapitan115

	زورىخان دىگەن چۆچەكلەردىكى يەتتە باشلىق يالماۋۇزنىڭ ئۈزىكەنغۇ،قىزى تېخىمۇ رەزىلكەن....