خېمىيىۋى ئوغۇتنى قاچانغىچە ۋاستىلىق ئىستىمال قىلىمىز ئەزىز ھېيت

alpamix:aziz

	خېمىيۋى ئوغۇتنى قاچانغىچە ۋاستىلىق ئىستىمال قىلىمىز؟     ئەزىز ھېيت كۈن       ھازىر يېشىل يىمەكلىك،تەبىي يىمەكلىك ئىستىمال قىلىش ئومۇممىي يۈزلىنىشكە ئايلىنىۋاتقان بولسىمۇ دۆلىتىمىزدە ئادەملەر ۋە جانلىقلارنىڭ ئوزۇقلۇق جەھەتتىن ساغلام بولۇش ئۆلچىمىگە يېتىشى رەسمى كاپالەتكە ئىگە قىلىنغىنى يوق.كاپالەتكە ئىگە قىلىنمىغان تۈرلەرنىڭ بىرى جوڭگۇ پۇقرالىرىنىڭ خېمىيۋى ئوغۇتنى ۋاستىلىق ئىستىمال قىلىپ كېلىۋاتقانلىقى مەسىلىسىدۇر. ھەممىگە ئايانكى ماتۇرلۇق قاتناش ۋاستىلىرى نېفىتتىن ئايرىۋېلىنغان بېنزىن،سالياركىنى يېقىلغۇ قىلاتى.كېيىن تەبىي گازمۇ يېقىلغۇ قىلىنىدىغان بولدى.ماتۇرلۇق قاتناش ۋاستىلىرى نېفىتتىن ئايرىۋېلىنغان مايلارنى ئىستىمال قىلىدۇ دېيىلسە ھەممە ئادەم ئوخشاشلا قايىل بولىدۇ.ئەمما نېفىتتىن ئايرىۋېلىنغان قالدۇق ماددىلارنى ئادەملەر ۋاستىلىق ئىستىمال قىلىدۇ دېيىلسە نۇرغۇن ئادەم قايىل بولماسلىقى مۇمكىن.بىز سۇلياۋ ۋە باشقا بۇلغاش خاراكتىرىگە مەھسۇلاتلارنىڭ گېپىنى قويۇپ تۇرۇپ ئىنسانلارنىڭ يىمەكلىكى بىلەن بىۋاستە مۇناسىۋەتلىك بولغان خېمىيۋى ئوغۇتلارنڭ ئەشيا مەنبەسى ھەققىدە توختالغىنىمىزدا نېفىتكە بېرىپ تاقىلدىغانلىقىغا ھەرگىز كۆز يۇمالمايمىز.نۇرغۇن ئادەم خېمىيىۋى ئوغۇتنىڭ نېفىتنى ئەشيا قىلىدىغانلىقىنى بىلسىمۇ خېمىيۋى ئوغۇتنىڭ ئاشلىق زىرائەتلىرى ۋە كوكتاتلارغا ئىشلىتىلدىغانلىقىنى بىرلەشتۈرۈپ تەسەۋۇر قىلمايدۇ ياكى بىرلەشتۈرۈپ كۆز ئالدىغا كەلتۈرمەيدۇ.    خېمىيۋى ئوغۇتنىڭ دەسلەپتە مەيدانغا كېلىشى پەن-تېخنىكىدىكى يېڭىلىقنىڭ،تەرەقىياتنىڭ مەھسۇلى بولۇپ گەۋدىلەنگەن.مەھسۇلاتنىڭ مىقدارىنى ئاشۇرغان ھەتتا مەھسۇلات مىقدارىنى بىرقانچە قاتلاپ ئاشلىق،كۆكتات،مىۋە ئىشلەپچىقىرىشتا «تارىختىكى ھەرقانداق بىر دەۋرنىڭ سەۋىيىسىنى بېسىپ چۈشكەن.» بۇ ئەھۋال 20-ئەسىرنىڭ 70-يىللىرىدىكى قورساق تويغۇزۇش مەسىلىسى ھەل بولمىغان جوڭگۇدا زور ئالقىشقا ئېرىشكەن.قورساق تويغۇزۇش ساغلام بولۇشنىڭ ئالدىدا تۇرىدىغان چوڭ مەسىلە بولغاچقا خېمىيۋى ئوغۇتنىڭ مەھسۇلات ئاشۇرۇش ھەتتا بىرقانچە قاتلاش جەھەتتىكى ئۈنۈمى تولۇق مۇئايەنلەشتۈرۈلۈپ پۇقرالارنىڭ سالامەتلىكىگە كۆرسىتىدىغان زىيانلىق تەسىرى نەزەردىن ساقىت قىلىنغان.رەھبەرلىك قاتلىمىدىكىلەرنىڭ ئۆتكۈرلىكى،سەزگۈرلىكى يۇقۇرى بولغاچقا ساغلاملىق ئۇچۇرى يېڭىلىقلىرىدىن خەۋەردار بولىشى ئەڭ تېز بولىدۇ.بىر بۇرادىرىمدىن ئاڭلىشىمچە يۇقۇرى دەرىجىلىك رەھبىرى كادىرلارنى ئاشلىق،ماي،كۆكتات،گۆش،مىۋە بىلەن تەمىنلەيدىغان مەخسۇس ئىشلەپچىقىرىش بازىلىرى بولارمىش.شۇ بازىلاردىكى ئېتىزلار، باغلارغا خېمىيۋى ئوغۇت،دېھخانچىلىق دورىلىرى،سۇلياۋ يوپۇق قەتئى يېقىن يولىتىلماي قىغ ۋە ئورگانىك ئوغۇتلار ئىشلىتىلىپ تەبىي بولغان ئاشلىق،ماي،كۆكتات،مىۋە،گۆش ئىشلەپچىقىرىلىپ يۇقۇرى دەرىجىلىك رەھبىرىي كادىرلار ئائىلىلىرىنى مەخسۇس تەمىنلەپ،ئۇلارنىڭ ساغلاملىغىنىڭ زىيانغا ئۇچرىشىنىڭ ئالدى ئېلىنارمىش.گەرچە يۇقۇرقى گەپ بىر مىش-مىش پاراڭ بولسىمۇ بىر ھەقىقەتنى يەنى رەھبىرىي كادىرلارنىڭ ھەممىدىن بۇرۇن ئۆز ساغلاملىقىغا كۆڭۈل بولىدىغانلىقىنى چۈشەندۈرىدۇ.ئۇنداقتا پۇقرالار-كەڭ خەلق ئاممىسىنىڭ سالامەتلىكىچۇ؟    خېمىيۋى ئوغۇت زاۋۇتلىرى ئۇيغۇر ئاپتۇنۇم رايۇنىمىزدا كەينى-كەينىدىن قۇرۇلماقتا.ئەمما خېمىيىۋى ئوغۇت باھاسىنىڭ ئۆسۈش سۈرئىتىنى توسۇپ قالالىغىنى يوق.خېمىيىۋى ئوغۇتقا بولغان ئېھتىياج بارغانسىرى ئاشماقتا.ئاشلىق زىرائەتلىرى،ئىقتىسادىي زىرائەتلەر،كوكتاتلار،سۈنىي ئورمانلار،گۈل-گىياھلار،مىۋىلىك دەرەخلەر،يايلاقتىكى ئوت-چۆپلەر...ھەممىسىگە ئىشلىتىلىدۇ.قوي،كالىلار خېمىيۋى ئوغۇت ئارلاشتۇرۇلغان يەم خەشەك بىلەن بودالسا مۇسۇلمان ئامما غەزەپلىنىدۇ.ئەمما ئوت-چۆپلەرگە ۋە يوپۇرماقلىرىنى ھايۋانلار ئوزۇق قىلىدىغان دەرەخلەرگە خېمىيىۋى ئوغۇت چېچىلسا غەزەپلىنىدىغان ئادەم يوق.ئەڭ ئېچىنىشلىق بولغىنى خېمىيىۋى ئوغۇتتىن ئالدى بىلەن تۇپراق ئاندىن قالسا  سۇ ،ئۆسۈملۈك،زىرائەت...قاتارلىقلار كەينىدىن جانلىقلار ئاخىرىدا ئادەم ئاستا خاراكتىرلىك زەھەرلىنىدۇ....    موھىت،ئېكىلوگىيە مەسىلىسىنىڭ يادىرولۇق ئورۇنغا قويۇلىشى تېگى-تەكتىدىن ئالغاندا ئادەم ۋە جانلىقلارنىڭ ھاياتىي بىخەتەرلىكىنى ئەڭ ئالدىنقى ئورۇنغا قويۇش ئۈچۈندۇر.موھىت مەسلىسىدە پۇقرالارنىڭ يىمەكلىك،ئوزۇقلۇقىنىڭ پاكىز،زىيانسىز بولۇشىنى تۈپ ئالدىنقى شەرت قىلىشى كېرەك.موھىت مەسلىسىدە ئىقتىسادىي تەرەقىيات ئۈچۈن ساپ موھىتنى قۇربان قىلماسلىق بۈگۈنكى دۇنيادا ئومۇمىي يۈزلىنىشكە ئايلانماقتا.ئىقتىسات بىلەن پۇقرالارنىڭ سالامەتلىكىنىڭ قايسىنىڭ موھىملىغى مەسلىسىدە ھۆكۈمىتىمىز ھازىر جەزمەن پۇقرالارنىڭ سالامەتلىكىنى ئالدىنقى ئورۇنغا قويىدۇ.شۇنداق بولغانكەن خېمىيىۋى ئوغۇت زاۋۇتلىرى،سېتىش شىركەتلىرى،تارقىتىش ۋاستىچىلىرىگە مۇۋاپىق تۆلەم بېرىش شەكلى بىلەن جوڭگۇ تەۋەسىدە خېمىيۋى ئوغۇت ئىشلەپچىقىرىشنى ئەمەلدىن قالدۇرۇش،سېتىشنى ئەمەلدىن قالدۇرنى ئەمەلگە ئاشۇرغىلى بولامدۇيوق؟        ھەممىدىن موھىمى ئەۋلادلارنىڭ ساغلاملىغىغا كۆڭۈل بۆلۈش مەسىلىسىدۇر.ھازىر ئوننەچچە ياشلىق ئۆسمۈرلەر ئىچىدە يۇقۇرى قان بېسىم،يۈرەك كېسىلى،دىئابىت قاتارلىق ئادەم 40 ياشقا بارغاندا كۆرۈلىدىغان كېسەللەر مەلۇم نىسبەتتە كۆرۈلمەكتە.چېچى ئاقىرىپ كەتكەن ياكى تاقىر باش بولۇپ قالغان بالىلار كۆپەيمەكتە...يىمەكلىكتىن ئوچۇق ئېيتقاندا خېمىيۋى ئوغۇتنى ۋاستىلىق ئىستىمال قىلىشتىن بولغان تەسىرنىڭ شۇ ئاقىۋەتنىڭ كېلىپ چىقىشىدىكى بىر سەۋەپ بولغانلىقىغا كۆز يۇمغىلى بولمايدۇ.دەرۋەقە خېمىيۋى ئوغۇت جوڭگۇ زىمىندا ئىشلەپچىقىرىلىشتىن ۋە مەھسۇلات ئىشلەپچىقىرىشقا ئىشلىتىلىشتىن توختىلسا ئىقتىسادىي زىيان بولۇپ قالماستىن مەھسۇلات مىقدىمۇ زور دەرىجىدە كېمىيىپ كېتىدۇ.لېكىن ئۇ پۇقرالارنىڭ ساغلاملىغىنىڭ قۇربان قىلىنغىنىدىن مىڭ ياخشى.تورداشلارمۇ بۇ ھەقتە ئۆز پىكرىنى ئوتتۇرغا قويۇپ باقسۇن.

مارشال

	مەن يېزامدىكى ئىشنى سۆزلەپ بېرەي: يېقىندا ماۋۇ بىزنىڭ سەھرادا ھەرقايسى كىچىك كەنتلەرگە 100مو يەرگە ئورگانىك ئوغۇت تۆكسە،ھەربىر مو يەرگە 100يۈەن بېرىش توغۇرلۇق بىر ياخشى خەۋەر كەلدى.لېكىن،بۇ ئىش دېھقانلىرىمىزغا تازا خوشياقمىغان چېغى بار،بىزنىڭ مەھەللىدىمۇ 100مو دېگەن بىر توتەن يەردە سانغا توشماي،كەنت مۇدىرى بىزنىڭ ئۆيگە تېلفۇن قىپتۇ.كەنت مۇدىرى بىزنىڭ ئىككى ئۆستەڭنىڭ ئارلىقىدىكى 18مو يەرگە ئورگانىك ئوغۇت تۆكسە،ئاۋۇ پىلانلانغان 100مو ئۆلچەمگە توشمىغان پىلانغا قوشىۋاتىدىغان بولدۇق دېدى. بۇنداق تەييار كېلىدىغان پۇل ماڭا بەكلا خوشياقىدۇ ھەمدە ئالغان ئورگانىك ئوغۇتنىڭ يەرگىمۇ كۆپ پايدىسى بولغاچقا،شۇ كۈنىلا قىغ بازىرىدىن 10مىڭ يۈەنلىك قىغ ئەكىپ شۇ باغقا تۆكۈپ قويدۇق.ھېساپتا بىزنىڭ ئائىلىنىڭمۇ 20مو يەر ھۆكۈمەت موسىغا 100يۈەندىن بېردىغان پىلانغا كىرىپتۇ.10مىڭ يۈەن خەجلىگەن بىلەن 2000يۈەن بېرىدۇ ئەمەسمۇ... لېكىن،ئاۋۇ 200مۇ كېلدىغان توتەندىكى كىشىلەر نېمىنى ئويلىدى،مەنمۇ بەك بىلمىدىم،تەييار بېردىغان پۇلنى ئازراق ئېلىشقا تىرىشماي،ۋاقىت ئۆتكۈزۋاتقىننى ئويلىسام،دېھقانلىرىمىزنىڭ خىمىيىلىك ئوغۇتقا بەكلا ئۆگىنىپ قالغانلىقىنى تۇلۇق ھېس قىلىپ يېتەلەيمەن. يېقىندا،نەشپۈتلۈك باغلاردا چېچىلدىغان توختىتىپ قويۇش دەپ بىر دارا چىقىپتۇ،بەزى ئۇيغۇر دېھقانلىرى خەنسۇ يولداشلارغا يېرىنىڭ كۆكىنى ھۆددىگە بېرىپ نۇرغۇن بېغىنى نابۇت قىلدى. بىزنىڭ مەھەللىدىمۇ ئىككى كىشى ئەرز قىپ باقتى،توختىتىپ قويۇش دارىسى چېچىپ ئۆلتۈرۋەتتى ،تۆلەپ بەرسۇن دەپ،لېكىن،تەكشۈرۈش گۇرۇپىسى ھاۋانىڭ تەسىرى دەپ يەكۈنلەپ كېتىپ قالدى. ھەر قېتىم شۇ باغدىن ئۆتسەم،ئىچىم ئۆرتىنىپ كېتىدۇ.

kukhelal

	تىمىنى ئوقۇمۇدۇم.تىمىدىكى سوئالىڭىزغىلا جاۋاب بىرەي.قارا ئاققا،قىزىل كۆككە ئايلانغا چاغدا.......... بولمىسا بىز بىقىپ بولالمايمىزدە.

awatbag

	بىزنىڭ يۇرىتتانەچچەيىلنىڭ ئالدىلىرىدايىزارەھبەرلىرى بەلگىلەپ بەرگەن ئوغۇتتىن بىرەجىڭ ئەمەس بىرتال ئوغۇت كەم قالسىمۇيەرنى تېرىغىلى قويمايىتتى،كۈزگى بۇغدايغائىشلىتىدىغان ئوغۇتقا6.ئايلارداپۇل تاپشۇراتتۇق،بۇيرۇق سوققۇچىلارنىڭ ئېغىزىنىڭ ئۇپراش ھەققلىرى بولساكىرەك بىرمۇنچەپۇل قوشۇلۇپ ئوغۇتنىڭ بازارداسېتىلىۋاتقان باھاسىدىن خېلىلاقىممەت باھاداپۇل يىغاتتى،ئوغۇت سالماي ئەمەس بەلگلەنگەن ئۆلچەمگەيەتمەي تۇرۇپ يەرتېرىش مۇمكىن ئەمەستى. بۇلتۇرئانچەبەك كۈچەپ كەتمىگەنتى مەن تېخى ئەمدى يەرلىك ئەمەلدارلارمۇئوغۇتنىڭ زىيىنىنى تونۇپ يەتكەن چېغى دەپتىمەن،بىرقتىملىق يىغنغاقاتناشقاندابىلدىمكى ئۇلارئەمدى پۈتۈن كۈچ بىلەن مۇقۇملۇق خىزمىتىنى چىڭ تۇتۇپ ئىشلەمىش،دىھقانلارئاچ قېلىپ ئۆلەمدۇيايەرتېرامدۇئۆزىنىڭ ئىشىمىش.

lawa0998

	دىھقانلارنىڭ تۇرمۇشى ئاخباراتتىكى ھاللىق سەۋىيەدىن تولىمۇ يىراقتا....... تېخى ئۇلار دۆلەتنىڭ تۆۋەن تۇرمۇش كاپالىتى ئارقىلىق ‹‹ھاللىق››سەۋىيەگە ئاساس سالماقتا..... دۆلەت پۇخرالارنى بۇ خىل ساغلاملىق پاراۋانلىقىغا سەپەرۋەر قىلىمەن دەيدىكەن-چوقۇم  ئۇلارنىڭ بۇلغانما دىھقانچىلق مەھسۇلات كىرىمىنىڭ ئورنىنى تولۇقلاشقا دائىر ئەمىلى ئىگىلىك شەكلىنى ئوتتۇرىغا قويىشى كېرەك. ھەممىگە نەپ ئئېلىپ كېلىدىغان ئىگىلىك شەكلى قايسى؟ بۇ دەل دۆلەت زىيانسىز ئىشلەپچىقىرشقا قاراتمىلىقى بار ھالدا مەبلەغ ئاجىرتىش، دۆلەت مالىيەسىدىن بېرىلىدىغان بۇ مەبلەغنى ،تۆۋەندىكى رەھبەرلەر ئۆزىنىڭ قارىغۇلارچە سىياسەت (ساقىلى بولۇش، روپاچ بولۇش، دىندا ئوقۇش.........قاتارلىق)لىرىگە ئاساسەن ‹‹قايتا سۈزىۋېلىش ھەركىتى››دىن خالى ھالدا ئاۋامنىڭ قولىغا يېتىش قاتارلىق ئەمىلى قەدەملەر ئومۇملىشىشى كېرك، شۇنداق بولغاندىلا دۆلەت پۇخرالىرىغا كۆيۈنگەن، ئاۋام دۆلەتنىڭ ساغلام پۇخراسى بولغان ھىساپلىنىدۇ-دەپ قارايمەن.

taxna5005

	بىزنىڭ بەدەنلىرىمىزمۇ ئۇغۇتسز ياشىيالماس بۇپقالغانمىكى دەيمەن ھازىرغىچە!، خۇددى ئاققا خۇمار بۇپقالغان كىشى ئاق چەكمىگىچە خۇمارى بېسىلمىغانغا ئوخشاش.

、ئىزھار

	بۇنىڭغا ئامال يوقمىكىن دەيمەن```````

diyarm

	ھازىر يەرگە خىمۋى ئوغۇت سالمساق يەردىن زىيان چىقىدۇ ، ھازىرىمۇ تاس قالدۇ -زىيان چىققىلى ؟ خىمۋى ئوغۇتنى چەكلەشتىن بۇرۇن مال باھاسنى چەكىلۋىتىپ چەكلىسە بولارمىكى؟كادىرلارغا مال ئۆسسە تولوقلما بەرگەن بىلەن دىھقانغا تولۇقلما بەرمەيدۇ ، گەپنىڭ قىسقىسى ئوغۇت سالماي تىرسابازارغا ئاپىرىپ سىتىشقا ئەمەس ئۆزنىڭ قورسقنى باققۇدەكمۇ ئاش چىقماسلقى مومكىن ، يەنمۇ يىتەر ئاشلق باھاسى بىر ئىزدا تۇرغىلى خىلى يىللار بولدى ئەمما باشقا ماللارنىڭ باھاسى بىرقاتلاپ ئۆسۈپ بولدى ، قىسقىسى ئوغۇت سالماي تىرساق شەھەرلىكلەر بىزدىن بەكرەك ئاچ قىالدۇ ،

wolf007

	خىمىۋى ئوغۇت چاچمىسا ئىتىزدىن تاس قالىدۇ ئوت -چۆپتىن باشقا نەرسە چىقمىغىلى ، نەچچە ئون يىل خىمىۋى ئوغۇت چىچىش نەتىجىسىدە يەرلەرمۇ شۇنىڭغا كۆنۈپ قالدى، ئامال يوق. ئۇنى تۈزەش ئۈچۈن، نۇپۇس ئازايسا، ئاشلىق باھاسى ئۆرلىسە، ئاندىن ئاستا -ئاستا ھەل قىلىۋالغىلى بولىدۇ ،

faeza

	ناھايىتى ياخشى تىمىنى ئوتتۇرىغا قۇيۇپسىز . ھەممىمىز ئويلاشقا تىگىشلىك مەسىلە بۇ .