تۇز : « قېيىنئانا..... قېيىنئانا.....»

.tuz.

	بەخت دېگەن نېمە ، ئاخىر ؟ بەخت دېگەن بىراۋنى ئاياش ، ئۇنىڭغا ياخشلىقلارنى قىلىش دېمەكلىكتۇر . بەخت دېگەن بۇ سېنىڭ مۇرۇۋۋىتىڭدىن ئۆزۈڭنىڭ ئۈنىشى ، كۆكلىشى دېمەكلىكتۇر . ئۆزىنىڭ چاچقان ياخشىلىقلىرىدىن ئەزگۈلۈكلەرنىڭ كۆپىيۋاتقانلىقىنى كۆرۈش ۋە ئەتراپىڭدا سەندىن مىننەتدار كۆزلەرنى تۇيۇش ۋە سۆيۈش ____ ئەڭ تاتلىق بەخت . سەن ھاياتتىن ئادەملەردىن بەخت تەلەپ قىلىپ ، داد سىلىشتىن ئاۋال ئوبدان ئويلىنىپ كۆر : ئۆزۈڭ نەچچە كىشىنى بەختلىك ھەم بەختىيار قىلدىڭ ؟ نەچچە كۆڭۈلنى سۆيۈندۈرۈپ ئاۋات قىلدىڭ ؟ بىر تاللا ئالمدىمۇ قۇياشنىڭ ، تۇپراقنىڭ ، سۇنىڭ ھەم ھاۋانىڭ شۇنداقلا دېھقاننىڭ ھەققى بار . ئۇنىڭغا ئىرشىش ئۈچۈن شۇ ھەقدارلارنىڭ ھەممىسىنى رازى قىلماق كېرەك . كېيىنكى ۋاقىتلاردا كۈيۈئوغۇلنىڭكىگە سىڭىپ كېتەلمىگەن  كېلىنلەرگە ۋە جاڭجىلى دائىم كوچىغا چىقىۋەرگەن قېيىنئانىلارغا ، قىزى بەختىنى تاپالمىغان ئانىلارغا ئېچىنمايدىغان بوپ قالدىم . مەن سىرتقى كۆرنىشى گۈزەل ، نازۇك دىل بىلەن ئۆزىگە ئىتىبار بىردىغان ئالىي مەلۇماتلىق تالاي ئادەملەرنى كۆرىمەن . ئەمما ئۇلار سۆزلەشكە باشلىغاندا ، ئېغىزىدىن چىققان سۆزلەرگە ئادەم ئەمەس ، تۆمۈرمۇ بەرداشلىق بېرەلمەيدۇ . بۇنداقلارنى سۆز مەنىسىنى ئاجرىتالمايدۇ دېيەلمەيمەن _ ئۇلار ياخشى بىر ھۈنەرنىڭ ، ئەمەلنىڭ ئىگىسى . ھەتتا ئىجادىيەت بىلەن شۇگلىنىۋاتقان ئادەملەردۇر ! بۇ كېلىننىڭ سۆزىگە قاراڭ : ((.. بېرىپ سوراڭ ، ئېرىمنىڭ ياقىسى ھېچقاچان كىر يۈرمىگەن ، ئۈچ ۋاقلىق تامىقىنى تەييار قىلمىغان كۈنۈم يوق ، ھەتتا ، زىننەت بۇيۇملىرىمنى سىتىپ ئۆي تۇتتۇم . ھەتتا مۇئاشىمدىن ئانامغا بىر كۆڭلەك ئېلىپ بەرگەن بولسام ئۆلەي !!! ھەممىنى شۇ ئۆيگە توشۇيمەن . ئەمما قېيىنئانام پاشا بولۋاتىدۇ . مەن ئۇنىڭ خىزمىتىنى قىلىشىم كېرەكمىش ، ئېرىمنىڭمۇ ئاكا - ئۇكۇلىرى بىلەن كارىم بولماي قالغانمىشمەن . ئەمدى ئۇلارنىڭمۇ پىتىنى تازلىشىم بارمۇ ؟!  مېنىڭ ئىككى بالامنى كىم ئۆيلەيدۇ ؟ ..... )) لېۋى -لېۋىگە تەگمەي مىدىرلاۋاتقان بۇ چوكان ئۆزىنىڭ ۋە ئېرىنىڭ ھالاللىقىنىڭ ، پاكلىقىنىڭ ، مېھنەتكەشلىكىنىڭ ھەققىدە ئۇلارنى شۇ قېيىنئانىدىن خالاس قىلىپ قويشۇمنى سورايتى . ..... ھەي ، كېلىنچەك ، شۇ كاجلىقىڭ  ساڭا گەپ ئۇقتۇرىشنىڭ ئىلاجى يوق ! سەن شۇ ھۇقۇمۇڭنى داۋام قىلىپ ، جۈپتىڭنى ئۆز ئائىلىسىدىن شارىتتىدە ئاجرىتىپ ، پۈتۈنلەي ئۆزۈڭنىڭ قىلىپ ئېلىپ چىقىپ كەت . شۇنداق قىلساڭ ، ھايات ساڭا ھېچ بولمىسا شۇنداق كەلگۈسى ئاتا قىلىدۇ : ئاپپاق كۆڭلەككە ، شېرىن تائامغا ، يېتەرلىك پۇلغا ئىگە بولغان ، ئەمما ، پەرزەنتلىك ، قېرىنداشلىق ، ئادىمىيلىك قەرىزلىرنى ئۇنتۇغان ئاشۇ ھايۋان سۈپەت ئېرىڭ قاتتىق كۆرگۈلۈككە ئۇچرايدۇ : يا ساقايمايدىغان كېسەل ئىغىر دەرتكە گىرىپتار بولىدۇ ، يا ئىشلىرى ئىلگىرى باسمايدۇ ، ئەل ئقچىدە قەدىرسىزلىنىدۇ ... ۋەھاكازا . سېنىڭ بولسا شورىڭغا شور قوشىلىۋېرىدۇ : ئۆيۈڭدە بەرىكەت ، خاتىرجەملىك بولمايدۇ ، پەرزەنتلىرىڭ ئۆزۈڭگە ھەم بىر - بىرىگە كۆيۈمسىز ، بىمېھىر بولىدۇ . سەن قېينىئاناڭنى قايسى تىل بىلەن جاراھەتلىگەن بولساڭ ، ئاشۇ تىل بىلەن سىنى تىلغايدۇ . ئەنە شۇ ۋاقىتتا توۋا قىلدىغان مېھراپ تاپالمايسەن . قېينىئاناڭنىڭ روھى بولسا ئائىلەڭدە چىقىراپ تۇرىدۇ . جۈپتىڭنىڭ باغۋىنى قېينىئاناڭ ، قۇياشى قېينىئاتاڭ ئىدى . ئۇ سۇ ئىچىپ چوڭ بولغان تۇپراق سەن كېلىن بولۇپ چۈشكەن ئائىلە ئىدى .ئاشۇلارنى رازى قىلغان تەقدىرىڭدىمۇ ، جۈپتىڭگە پەقەت ئەللىك پىرسەنت لايىق بولالايسەن ، خالاس ! ئاخر ئۇلار تىرناق بلەن ئەت ئەمەسمۇ ؟! يەنى بىر كېلىننىڭ ئېيتقانلىرىنى ئاڭلاڭ : -ئانامنىڭگە كېتىپ ، ئىككى ھەپتە تۇرۇپ قېلىپ كەلسەم ، قېينىئانام ئۆيۈمنى ئېچىپ ، بىزنىڭكىدە ياشاپتۇ ، ھەتتا مېھمان بولۇپ كەلگەن قېينىئاچاممۇ مېنىڭ كۆرپەمدە يېتىپتۇ . بىر لۆڭگەم ھويلىدا يۈرۈپتۇ ! ماڭا ئەڭ ئەلەم قىلغىنى شۇكى ، ئۇلار مەندىن كەچۈرۈم سورمىدى ! چىرايلىق كۆزلىرىنى كۆزۈمگە قاداپ ، خۇددى مېنى سوراق قىلۋاتقاندەك ئاچچىقلىنىپ ، مېنى ئېغىز ئىچىشقا قويماي گەپ ياغدۇرۋاتقان بۇ كېلىنچەك ئاشۇ كۈندىن بىرى كۆز ئالدىمدىن كەتمەيدۇ . ئۇنىڭ مۇلاھىزىسىز ، ئەندىشسىز ، ھېسسىز ، مېھرىسىز ۋايساشلىرى ئەسەبىلىرىمگە خىيالەن تاشتەك جەملىنىدۇ ۋە خىيالىمدىن شۇنداق سۆزلەر ئۆتۈشكە باشلايدۇ : " سىنىڭ ئۆيۈڭگە قېينىئاناڭ ئون بەش كۈن ئەمەس ، ئۆمۈرۋايەت ھەقداردۇر . بۇ ئۆينىڭ ئۇلىنى كىم قويدى ، سىنى كېلىن قىلىپ ئېلىپ كەلگۈچە كىم تېلىقتى ؟ كېلىن ئەكەلسەم ، تۆرىگە ئۆتسەم ، دەپ كىم كۈن - تۈنلىرى ئارزۇ - ھەۋەس قىلدى ؟ شۇ قېينىئاناڭ ئەمەسمۇ ؟ سىنىڭ ھېسابىڭغا ئۆتكەن يىگىرمە بەش ياشلىق جۈپتىڭ قېينىئاناڭنىڭ يىگىرمە بەش ياشلىق ئۆمرى ئەمەسمۇ ؟ يىگىرمە بەش يىللىق تاپقان -تۇتقىنىنى ، چىرايىنى ، قۇۋۋىتىنى ، ئارزۇ -ئارمانلىرىنى پەرزەنتىگە ئۆتكۈزمىگەنمىدى شۇ ئايال ؟! سەن ئاۋال ئەمدى ئۆچكە كىرگەن يەنى بىرى بىرگە كىرگەن گۈدەكلىرىڭنى يىگىرمە بەشكە كىرگۈزۈپ كۆر . سېنىڭ ئىسمىڭ دىلئازاردۇر !!!!!!!! دىلئازار دېگەن ئۆز بەختسزلىكىنى ئۆز تىلى بىلەن يارتىدۇ . ئۆزۈڭدىن كۆر ، ئۆزۈڭدىن كۆر ...... " مەنبە : كېلىن بولۇش ئىلمى يوللىغۇچى : تۇز

lokmanhakim

	دۇنيادا ھەممىدىن كىلىن بولماق تەس، بىراۋلارنىڭ قىزىغا قىينائانا بولماق ئاندىن تەس

مىرشاپ

	بەك ياخشى يوللاپسىز......... بەزى ئۆزىنى سورىمايدىغان كىلىنلەرگە ساۋاق بولغۇدەك.......... قېينىئانا بىلەن كىلىن چىقىشالمايدىغان ئىشلەر كۆپىنچە ئائىلىدە مەۋجۈت........

xaxmas

	نادىر تېما  . تەربىيۋى ئەھمىيتىگە گەپ توغرا كەلمەيدۇ

كارۋان

	ئەسلى بۇرۇنراق پىنسىيىگە چىقسىڭىز بولۇپتىكەن،ئارقا بەت ئىشلىرى بىلەن يوللىيالماي قالغان ئېسىل تېمىللىرىڭىزنى ئەمدى يوللاۋاتىسىز ئەمەسمۇ.

nazila998

	قىممىتى بار ياخشى تىما  ، بۇنى يىڭى توي قىلغان  ، توي قىلىش ئالدىدا تۇرغان  ياشلار ھەم ئوغۇل ئۆيلەشكە ئالدىراۋاتقان ئانىلار بىر كۆرۈپ قويسا بولغۇدەك ،

يولتۇز

	ياخشى كىلىنگە يامان قېىيىن ئانا ، يامان كىلىنگە ياخشى قېيىن ئانا

sutbulak

	ياخشى يىزىپسىز باركاللا تەربىۋى ئەھمىيتى يۇقۇرى ئىكەن

ali010

	ياخشى كىلىنگە يامان قېىيىن ئانا ، يامان كىلىنگە ياخشى قېيىن ئانا قىرندىشم ياخشىلق ئادەمنىڭ قەلبدە بولدۇ!يامانلىقمۇ شۇ!ئەگەر باغۋەن چولگە بارسمۇ ئۆز ئەجرى بلەن چولنمۇ باغ قىلدۇ .ھورۇن بپەرۋا ئادەم باغنىمۇ چوللەشتۇرۋتدۇ .دىمەكچى مەن چوقۇم ئۆزگەرتىش كىرەك ئسلاھ قلىش كىرەك