سۆيۈملۈك ‹لۈكچەك›

parixta1980

	سۆيۈملۈك ‹لۈكچەك› ‹ھىكايە› ئابدۇقاھار ئۆزى كىچىك بولغان بىلەن چوڭ - كىچىك ھەممەيلەننىڭ ھۆرمىتىگە سازاۋەر يىگىت ئىدى.دادىسىدىن 10 يېشىدىلا ئايرىلىپ قالغان ئابدۇقاھار ئانىسى ئامىنەنىڭ تەربىيەسىدە جىگەرلىك يىگىت بولۇپ چوڭ بولدى.ناھىيلىك باشلانغۇچ مەكتەپنىڭ مۇنەۋۋەر ئوقۇتقۇچىسى ئامىنە بالىلىرىنىڭ چوڭى، ئۆزىنىڭ پەخرى، يولدىشى ئالىمجاننىڭ تەۋەرۈكى بولغان ئوغلى ئابدۇقاھارنى ياخشى تەربىلەشنى ئۆزىنىڭ باش تارتىپ بولمايدىغان مەجبۇرىيتى دەپ ئويلايتتى.شۇڭا دائىم ئوغلىغا: - قارا ئوغلۇم سەن دىگەن ئوغۇل بالا، ئىككى سىڭلىڭنىڭ باشپاناھى، ئائىلىمىزنىڭ تۈۋرىكى شۇنىڭ ئۈچۈن مەردانە،جىگەرلىك يىگىت بولۇشۇڭ كىرەك- دەپ، تەربىيە بىرەتتى. بىر قېتىم باشلانغۇچ مەكتەپنىڭ 4- يىللىقىدا ئوقۇۋاتقان ۋاختىدا ئۇ مۇئەللىمدىن قاتتىق ئازار يىدى.ئەسلى ئىش مۇنداق بولغان ئىدى. دەرس ۋاختىدا يىنىدىكى ساۋاقدىشى قەغەزدىن ياسىغان بىر پاقىنى ئۇنىڭغا كۆرسىتىپ‹قاھار ماڭاقارا،ماڭا قارا بۇنى ئوينايلىچۇ›دىدى.قاھار ئۇنىڭغا قاراپ ‹جىم ئولتۇرە› دىيىشىگىلا بۇنى كۆرۈپ قالغان مۇئەللىم: -قاھار زۇۋانىڭنى يىغىپ ئولتۇر، ھېلى بىكار- دەپ ۋاقىرىدى. -مەن گەپ قىلمىدىم مۇئەللىم ئەخمەت جىم ئولتۇرمايۋاتىدۇ. -نىمە مەن بىلەن جاۋاپلاشقۇدەك بولدۇڭمۇ تېخى!- مۇئەللىم شۇنداق دىگىنىچەكىلپ قاھارنى تەستىكىگە بىرنى سالدى.بۇ ناھەقچىلىككە چىدىمىغان ئابدۇقاھار مۇئەللىمگە قاراپ: - مۇئەللىممۇ مۇشۇنداق بولامدۇ؟ ئىسىت سىزنىڭ مۇئەللىم بولۇپ قالغىنىڭىز!-دىگىنىچە مەئەللىمنىڭ‹ھەي نىمە دەۋاتىسەن؟توختا ماڭا قارا!›دىگىنىگىمۇ قارىماي سىنىپتىن چىقىپ ئۇدۇل مەكتەپ مۇدىرىنىڭ ئىشخانىسىغا كىردى: -مۇدىر مەن بۇنداق مۇئەللىمنىڭ قولىدا ئوقۇمايمەن. - نىمىشقا ئەمدى شاكىچىك؟-مەكتەپ مۇدىرى بۇ مۇنەۋۋەر ئوقۇغۇچىغا ئامراق ئىدى.ئابدۇقاھا بولغان ئىشنى ئاچچىقى بىلەن سۆزلەپ بەردى. -شۇنداقمۇ؟- دىدى مەكتەپ مۇدىرى مۇلايىملىق بىلەن- ئۇنداقتا سەن خاپا بولما بولامدۇ ،ئۇ مۇئەللىم بىلەن مەن سۆزلىشىپ باقاي. بۇ ئىش ھېلىقى مۇئەللىمەنىڭ ئابدۇقاھاردىن ئەپۇ سورىشى بىلەن ئاياقلاشتى. شۇنداق قىلىپ ئابدۇقاھاردا ياماندىن قورقمايدىغان،ياخشىنى بوزەك قىلمايدىغان خاراكتىر يىتىلدى.ئۇنىڭ ناھەقچىككە چىدىمايدىغان مىجەزى مەھەللىدىكى،مەكتەپتىكى جىدەللەرگە تولائارلىشىپ قېلىشىغا سەۋەپ بولدى-دە ‹ قاھار لۈكچەك › دىگەن نامغا ئىگە بولۇپ قالدى. بىراق ئۇ بىر سۆيۈملۈك لۈكچەك ئىدى. چۈنكى ئۇ بۇنداق جىدەللەردە زۇمىگەرلەرنى ئايىماي ساۋايتتى.   تەقدىر بەزىلەرنى پەپىلەپ بوران-چاپقۇندىن خالى ‹ پارنىكتا ئۆسكەن مايسا ›قىلسا،بەزىلەرنى چۆلدە ئۆسكەن ‹بوران-چاپقۇنغا چىداملىق توغراق › قىلىدىكەن. ئابدۇقاھار تولۇق ئوتتۇرنىڭ 2- يىللىقىغا چىققاندا دادىسىنى ئېلىپ كەتكەن يوشۇرۇن يۈرەك كىسىلى ئانىسىنىمۇ تۇيۇقسىزلا ئېلىپ كەتتى...... يىغلاپ-قاخشاپ ئانىسىنى ئۇزاتقان ئابدۇقاھار ئويلىنىپ ئىككى سىڭلىسىنى ئوقۇتۇش ئۈچۈن ئۆزى ئوقۇشتىن چىكىنىشكە مەجبۇر بولدى. ئۇ ئۇرۇق- تۇققانلارنىڭ ‹سىلەرنى بىز ئوقۇتىمىز ›دىگىنىگىمۇ قارىماي ئۆزى ئوقۇشتىن چىكىنىپ ئاقىدىغان ھۆنەر- ساتىراچلىققا شاگىرتلىققا كىردى. زىھنى ئۆتكۈر ۋە ئىرادىلىك ئابدۇقاھار بىر يىل ئۆتە-ئۆتمەيلا ئۇستىسىنىڭ بارىلىق ھۆنىرىنى ئىگەللەپ دۇككان ئايرىدى ۋە ئۇرۇق-تۇققانلارنىڭ ياردىمىدە ناھىينىڭ مەرگىزىگە چوڭ بىر ساتىراچلىق دۇككىنى قۇرۇپ ئۈستىگە‹لۈكچەك گۈزەللىك سالونى› دىگەن ۋىۋىسكىنى ئاستى.ئۇ خېرىداردىن باھا تالاشمايتتى،قولى ئەپچىل ئىدى. شۇنىڭ ئۈچۈنمىكىن دۇككىنى ئاۋات، تىجارىتى ياخشى ئىدى.شۇنداق قىلىپ ئۇ ناھىيدە كۆزگە كۆرۈنگەن شەخسلەردىن بولۇپ قالدى.چوڭ سىڭلىسى ئالمىرەنى ئالى مەكتەپكە يولغا سالدى،كىچىك سىڭلىسى ئاسىيە بۇيىل ئوتتۇرا مەكتەپكە چىقتى.ئۇ ئەمدى سىڭىللىرىنى خاتىرجەم ئوقۇتالايتتى. شۇنىڭ بىلەن ئۇ  ئۇرۇق-تۇققانلارنىڭ تېپىشتۇرىشى بىلەن ئالى مەكتەپنى پۈتتۈرۈپ يىڭىلا ئوقۇتقۇچىلىققا ئورۇنلاشقان ئايجامال ئىسىملىك چىرايلىق بىر قىز بىلەن توي قىلىۋالدى. ئۇلار بىر يىللىق توي خاتىرە كۈنىنى دوستلىرى بىلەن بىللە خاتىرلىمەكچى بولۇشتى. -ئاداش - دىدى ئايجامالنىڭ دوستى زۇمرەت چاخچاق قىلپ- لۈكچەك ئىرىڭ خېلى مەرت جۇمۇ سىنىڭ . - شۇنداق – دىدى تۇرمۇشىدىن ئىنتايىن رازى بولغان ئايجامال بەخىتكە چۈمۈلگەن ھالدا – ئۇ دىگەن بىر سۆيۈملۈك لۈكچەك دىگىنە. كاتتا ئايرىمخانىدىكى يۇمۇلاق ئۈستەل  تۈرلۈك ئىسسىق-سوغۇق قورۇمىلار بىلەن لىق تولغان ئىدى. - قىنى مىھمانلار بەھوزۇر ئېلىڭلار – دىدى ئابدۇقاھار خۇشال ھالدا. توزدەك ياسانغان ئايجامالمۇ دوستلىرى ئالدىدا ئىرىدىن پەخىرلەنگەن ھالدا خۇشال ئولتۇراتتى.تاماق يىيىلىپ بولغاندىن كىيىن موزىكا باشلاندى-دە مىھمانلار جۈپ-جۈپ بولۇپ تانسىغا چۈشۈشتى. ئابدۇقاھارمۇ سۆيۈملۈك ئايالىنىڭ تاتلىق كۈلۈشلىرىگە مەپتۇن بولۇپ تانسىغا چۈشتى. كىيىنكى قىتىملىق موزىكا باشلىنىشى بىلەن ئابدۇقاھارنىڭ دوستى ۋايىت ئايجامالنى تانسىغا تارتتى.ئابدۇقاھار ئايالىغا تىكىلىپ تۇراتتى. ئايجامال نىمە قىلىشىنى بىلمەي ئاستا ئورنىدىن تۇردى.ئابدۇقاھار تاماكىسىنى كۈچەپ تارتقىنىچە سىرىتقا چىقىپ كەتتى. قايتىپ كىرگەندە ئايجامال ۋايىت بىلەن تانسا ئويناۋاتاتتى. ئابدۇقاھار ئورۇندۇققا كىلىپ ئولتۇرىشىغا موزىكا ئاياقلاشتى.ئايجامال ئىرىنىڭ كۆڭلىدىكىنى بىلگەندەك خىجىل بولۇپ ئۈستەل يىنىغا كىلىشىگە ئابدۇقاھارنىڭ زەربە بىلەن ئۇرۇلغان تەستىكىدىن سەنتۈرلۈپ بېرىپ تىزىلغان ئورۇندۇقلارغا يىقىلدى.ئەمدىلا ئولتۇرۇشقا تەمشىلىۋاتقان ئاياللار چۇقىراشقىنىچە كىلىپ ئايجامالنى يۆلەشتى. - ۋۇي ئابدۇقاھار نىمە قىلغىنىڭىز بۇ؟ -ئىسمى- جىسمىڭىزغا لايىق لۈكچەك ئىكەنسىز. - ياق! – دىدى ئايجامال تەستەكتىن قىزارغان مەڭزىلىرىنى سىلاپ تۇرۇپ – ئۇنىڭ قىلغىنى توغرا. ئۆز ئايالىنى چىن يۈرىكىدىن قوغدىيالايدىغان ئەركەكلا ھەقىقى ئەر ھىسابلىنىدۇ.ئۇ بىر سۆيۈملۈك لۈكچەك. ئەرلەر بىردىن – بىردىن ۋايىتنى ئەيىپلەشتى. خىجىللىقتىن نىمە قىلارىنى بىلمەي قالغان ۋايىت ئاستا سورۇندىن چىقىپ كەتتى. مەنبە:قەلەم

نۇرنىسا

	نىمە دەي....... مىنىڭ قەلبىمدە غايىۋانە بىر لۇكچەكبار، لىكىن مەن ئۇنىڭ ئۇنداق تانسا-پانسا بىلمەسلىكىنى، ئوينىماسلىقىنى ئۇمۇت قىلىمەن.

yasinawut

	يەنىلا شۇ تانسا ، ھەي ....

بەرگى

	ھەقىقەتەن ياخشى يىزىلغان ھيكايە ئىكەن .

malman

	لاۋزا ھارامتاماقلار، دوستى ئەمەس ئۇنداق ھ...قىزلار. لەنەت ئۇنداق ‹‹دوست›› لارغا. دوستۇڭ يۈرەككە تىقىدۇ پىچاقنى، دۈشمىنىڭ بەدەنگە. ئادەم دىگىلى بولامدۇق ئۇنداق نېمىلەرنى. يەنە كېلىپ، يالغان لۆكچەككەن ئاۋۇ ئابدۇ بىرنېمە دېگە. خوتۇنىنى يېرىم كېچەدە تانسىخانىغا ئاپارغاندىكىن.

lokmanhakim

	ياخشى يىزىپسىز  بولۇپمۇ ماۋزۇسى ئادەمنىڭ دىققىتىنى بەك تارتىدىكەن

armi

	مىنىڭ  يولدىشىم  تانسا  ئويناشنى  بىلمەيدۇ  يۇ  ، ئەمما  قىزلارنىڭ  قاندىقى  چىرايلىق  ،  يەنە  قانداق  كىيىم  كەيسە تىخىمۇ  چىرايلىق  ،  بەك  مودا  شۈشەن  يۈرىيدۇ  لارغا   بەك  ھەۋەس  قىلىدۇ  .  شۇڭا  مەن  بەك  كۈنلەيمەن  يولدىشىمنى .

yurkimzida

	نۇرنىسا يوللىغان ۋاقتى  2013-1-10 02:03 PM نىمە دەي....... مىنىڭ قەلبىمدە غايىۋانە بىر لۇكچەكبار، لى ... مىنىڭچە  سىز  بۇ تىمىنى ئۇقۇپ بولغۇچە سەل قىينىلىپسىز  ھە! سىزگە دىسەم 5قول تەڭ ئەمەس،تەڭ بولىشمۇ مومكىن ئەمەس.بۇ جاھان ئاشۇ بەش قولدەكلا ھەدە! كىچىكنام تۇرۇپ ئادەمگە ئىش ئۈگەتتى دىمەڭ يەنە!!!!!!!!!!!!!!!!!

yurkimzida

	armi يوللىغان ۋاقتى  2013-1-10 03:14 PM مىنىڭ  يولدىشىم  تانسا  ئويناشنى  بىلمەيدۇ  يۇ  ، ئەمما   ... ئۆي بۇزلىدۇ دەپ ئاڭلىغان مەن ،خاتۇن كىشى كۈنلىسە!!!!!!!!! سىزچۇ ،ئاڭلىغانما؟