ئەڭ ئىسىل بايلىق نەدە؟

mahatjan

	ئەڭ ئىسىل بايلىق نەدە؟                    بىر زىيالىدىن:           -ئەڭ ئىسىل بايلىقىمىز نەدە؟-دەپ سورىدىم.             -كىتابخانىدا،-دىدى زىيالى.             بىر تېۋېپتىن سورىدىم:            -ئەڭ ئىسىل بايلىقىمىز نەدە؟            -تەن ساقلىقتا،-دىدى تېۋېپ.             بىر ئارخېئولوگدىن سورىدىم:        -ئەڭ ئىسىل بايلىقىمىز نەدە؟         -يەر شارىدا،بولوپمۇ ئىنسانىيەت ئاياغ باسمىغان تاغ-          ئىدىر،چۆل-جەزىرىلەردە،-دىدى ئارخېئولوگ.          بىر جاھانكەزدىدىن سورىدىم:          -ئەڭ ئىسىل بايلىقىمىز نەدە؟          -پادىشاھنىڭ خەزىنىسى بىلەن باي-غوجاملارنىڭ          ئامبارلىرىدا،-دىدى جاھانكەزدى.          بىر ئوقۇغۇچىدىن سورىدىم:          -ئەڭ ئىسىل بايلىقىمىز نەدە؟          -ۋەتەن-مىللەتنى سۆيىدىغان قابىل ئوقۇتقۇچىلاردا،         -دىدى ئوقۇغۇچى.          بىر ئۆلىمادىن سورىدىم:         -ئەڭ ئىسىل بايلىقىمىز نەدە؟          -تىلىمىزدا،دىلىمىزدا،ئېتىقادىمىزدا،-دىدى ئۆلىما.          دۇنيادىكى نوپوزلۇق تىل-يېزىقتىكى كىتاپ-ژورناللارنى          تولوق ئوقويدىغان بىر دوكتور ساۋاقدىشىمدىن:          -ئەڭ ئىسىل بايلىقىمىز نەدە؟،-دەپ سورىدىم.           خەلقچىل مۇھەررىرلىرىمىز ۋە ئۇلارنىڭ قان-تەر بەدىلىگە           روياپقا چىققان ۋە چىقىۋاتقان كىتاپ-ژورناللاردۇر،-دىدى           دوكتور ساۋاقدىشىم.            ئاخىرىدا،خەلىقنقڭ يۈكسەك ھۆرمىتىگە مۇيەسسەر بولغان            خەلقپەرۋەر بىر مۇھەررىردىن:           -ئەڭ ئىسىل بايلىقىمىز نەدە؟-دەپ سورىدىم.            -ئەقلىمىزدە،-دىدى مۇھەررىر كىسىپلا.           مەن بۇ جاۋاپنى ئاڭلاپ بۇ سۇئال ھەققىدە ئەمدى يەنە            باشقىلار بىلەن مۇنازىرىلىششنىڭ قىلچە ئورنى            قالمىغانلىقىنى تولوق چۈشەنگەندەك بولدۇم.                    مەنبە؛شىنجاڭ مەدەنىيتى ژورنىلى.

kokbora520

	ھەقىقەتەن ياخشى تېمىكەن

kokbora520

	ساغلام تەندە ساپ ئەقىل

ONLY212

	ھەركاللىدا ھەر خىيال ....

altun_anqar

	مەن تېخى ئەڭ ئىسىل  بايلىق  ئىتىقادىمىز  كىملىكىمىز  بىرلىكىمىز (ئۇيۇشقاق)لىقىمىز  ئانا تىلىمىز بىلەن تەن ساقلىقىمىز  دەپ   يۈرەتتىم  ئەڭ  چوڭ  مەغلۇبىيتىمىز   مىنىڭچە ئىتىپاقسىزلىق  ساۋاتسىزلىق ئىتىقادسىزلىق ئۆزلىكنى ئۇنتۇش دەپ  يۈرەتتىم

sawapkar

	كاتتا بايلىق دىگەن شۇدۇر تىنىڭ ھەرقاچان ساق بولسا ، كىسەل رەنجى-مۇشەقەتلەر يېپىشماستىن يىراق بولسا . دىلىڭنى ئاسمانۇ غەمنىڭ بۇلۇتلىرى تۇسۇپ تۇرماي، ئۇمۇتۋارلىق نۇرى چاقناپ قۇياش كەبى  چىراق بولسا . تەنەسسۇمدە كۇلۇپ تۇرساڭ قەلبىڭ ئىچرە تۇلۇپ تۇرساڭ، گۇزەل ئارزۇ-غايىلىرىڭ قايناپ تۇرغان سۇزۇك بۇلاق بولسا. بىلىڭنى باغلىساڭ مەھكەم نىشانلاپ مۇشكۇل مەنزىلنى، ئۇمۇتسىزلىك ئۆزى شەيتان بۇلۇپ بۇيۇن ئىگىپ چۇلاق بولسا. بىھۇدە خام خىيال ئۇيۇنلاردىن دىلىڭنى يىراق قىلساڭ، پىتنە -پاسات نەزىرىڭدىن  قاچسا ھەريان ئۇزاق بولسا. ئەسلەپ تۇرساڭ دائىم ھەقنى تەۋرەنمىسەڭ توغرا يولدا ، گۇل ئۇندۇرسەڭ ئىزلىرىڭدىن چاچار خۇشبۇي پۇراق بولسا. پۇلۇڭ كەڭرى بولسىمۇ، قەلبىڭ بولسا كەڭ  ئاسمان كەبى ، يارو بولسا خاتىرجەملىك،تىچلىق ساڭا ئىناق بولسا. ياخشىلىق قىل ھەممە جايدا بول ياخشىنىڭ ياخشىسىدىن، بايلىق شۇدۇر ياخشى نامىڭ تىللاردا داستان قۇشاق بولسا ئاپتۇر سەۋەپكار

sargarda

	مەندىن   سورىسىڭىز      ئىككىللەنمەي    ،   يانچۇقتىكى    نەق  پۇلدا  دەيمەن . مېنىڭ نەزىرىمدە ھالال   يول  بىلەن  بىلەن كۆپ پۇل تاپالىغانلىق ،  جەمىيئەت مىللەتكە   تۆھپە   قوشالىغانلىق   ھەقىقىي   بىلىم  ۋە  ئەقىل ـ پاراسەتتۇر  . بۇندىن  باشقىسى   ئۇسۇرۇق  گەپ  ... قىلىدىغان  ئىشى  يوق  ،   ئەتە  ئۆزىنىڭ  نېمە  ئىش  قىلدىغانلىقىنى  بىلمەيدىغان بىكار   تەلەپ  ،   لايغەزەل  ،  نىشان  ـ غايىسىز  تورداش  ،  تۇل  خۇتۇنلارنىڭ   ماڭا قۇرۇق  ۋەز   سۆزلەپ  ،  ئىنكاسىمنى   نەقىل  ئالماسلىقىنى  ئۈمىد قىلىمەن .

abdulahad

	بۇ ئەقىل قانداق ئەقىل!؟ ياراتقان رەببىنى تونۇپ ئۇنىڭ بۇيرۇق- تۇسۇقلىرىغائىتائەت قىلدۇرالايدىغان ئەقىلمۇ!؟ ياكى دۇنياۋى، بەزى ئىشلاردا مۇۋاپپىقيەتكە نائىل قىلغان ئەقىلمۇ!؟

يولتۇز

	مىنىڭچىمۇ تەن ساقلىق ئەڭ ئىسىل بايلىق ساغلام بولغاندىلا ئاندىن ھەرقانداق ئىشنى قىلغىلى بۇلىدۇ ، ساغلام بولمىسا ئەقىلنىمۇ پۇلنىمۇ ......ئىشلەتلىكى بولمايدۇ

-ئۈمىد-

	ساپ ياشايلى،پاك ياشايلى!