مىسۋاك بىلەن+تەم پاكۇنىڭ سۆھبىتى.

aa0998

	مىسۋاك: ئەسسالامۇ ئەلەيكۇم! تاماكا: مەرھابا! مىسۋاك: تاماكا! ياخشىمۇ سىز؟ تاماكا: ياخشى، سىزچۇ؟ مىسۋاك: اللەغا شۈكۈر، ياخشى. بىر ئاز پاراڭلاشساق بولامدۇ؟ تاماكا: بولىدۇ، چاتاق يوق. مىسۋاك: سۆزۈمنى كىچىككىنە بىر سوئال بىلەن باشلايمەن: سىزنىڭ بۇ دۇنيادا بولۇشىڭىزنىڭ پايدىسى نېمە؟ تاماكا: مەن، ئىستېمالچىلىرىمغا ھاياتبەخش ئاتا قىلىش، ئۇلارنىڭ كۆڭلىنى ئېچىش ۋە ئىچ پۇشىقىنى چىقىرىش ئۈچۈن بۇ دۇنيادا بار. مىسۋاك: لېكىن ئەمەلىيەت ئۇنداق ئەمەس!!! تاماكا: سىلەر باشقىلارنى شۇنداق خاتا چۈشىنىسىلەر! مىسۋاك: سىلەرنى خاتا چۈشەنگىنىمىز يوق، ئەمەلىيەت شۇنداق ئەمەسمۇ. تاماكا: ئومۇمەن ئېيتقاندا پىكرىم توغرا، غايەم ياخشى، مەن بۇنىڭغا ئىشىنىمەن. مەن بىرقانچە مىنۇتقا بارمايدىغان بۇ قىسقىغىنا ھاياتىمنى باشقىلارنىڭ بەختى ئۈچۈن قۇربان قىلغانلىقىمدىن ئۆزۈمنى ناھايىتى بەخىتلىك ھېس قىلىمەن. مىسۋاك: ئى تاماكا! سېنىڭ ھاياتىڭ نېمىدېگەن يامان ھايات! سېنىڭ ئۆمرۈڭ بىر-ئىككى مىنۇتقا بارمايدۇ. سەن ئۆزۈڭنى باشقىلارنىڭ سالامەتلىكىگە زىيان يەتكۈزۈش ۋە مال-مۈلكىنى يوق قىلىش ئۈچۈن كۆيدۈرىسەن. يەنە تېخى ئۆز پىكرىم توغرا، غايەم ياخشى دەۋاتىسەنغۇ؟!!! تاماكا: خوش! ئى تەمەچ! سېنىڭ بۇ ھاياتتا نېمە پايداڭ بار؟ مىسۋاك: بۇ سوئالنى سورىغانلىقىزغا رەھمەت. مېنىڭ پايدام ناھايىتى چوڭ. ئىستېمال قىلغۇچىلىرىمدىن اللەنىڭ رازى بولۇشىمۇ يېتىپ ئېشىپ قالىدۇ. پەيغەمبەر ئەلەيھىسسالامنىڭ مۇنداق بىر ھەدىسى بار: «مىسۋاك قىلىش ئېغىزنى پاكلايدۇ، اللەنى رازى قىلىدۇ». ئىستېمال قىلغۇچىلىرىمدىن اللەنىڭ رازى بولۇشىدىن چوڭ پايدا بارمۇ؟ مېنىڭ ئەسلىم پاك بىر ئۆسۈملۈك، داۋاملىق پاك تۇرىمەن، پۇرىقىم ياخشى. مەن ئېغىزلارنى پاكىزلاشقا تىرىشىمەن. دايىم ھۆل تۇرىمەن. مېنى چوڭ-كىچىك ھەممە ئادەم ئىستېمال قىلىدۇ. مەن پاك جايلاردا ۋە خاسىيەتلىك ۋاقىتلاردا ئىستېمال قىلىنىمەن. مېنىڭ پاك بولۇشۇم ۋە مېنى پاك ئادەملەرنىڭ ئىستېمال قىلىشى اللەنىڭ ماڭا قىلغان چوڭ ئىنئامى. قىسقىسى مەن، كىشىلەرنىڭ اللە رازىلىقىغا ئېرىشىشى ئۈچۈن بار. ئىككىمىزنىڭ ھاياتىنى سېلىشتۇرىدىغان بولساق، ئاجايىپ پەرق كۆرىسەن. تاماكا: قېنى! مىسۋاك: يۇقىرىدا دەپ ئۆتكىنىمدەك مەن پاك، پۇرىقىم ياخشى، مېنىڭ ئۆمرۈم سېنىڭ ئۆمرۈڭدىن ئۇزۇن، كىشىلەر مېنى تولا چاغدا مەيدە يانچۇقىدا قويىدۇ. مېنىڭ ئېغىزنى پاكىزلاش، اللەنى رازى قىلىش ئۈچۈن ئىستېمال قىلىنىشىم نېمىدېگەن ياخشى ئىش! نەرقىم ئەرزان، پاكىز جايلاردا ۋە ياخشى ۋاقىتلاردا ئىستېمال قىلىنىمەن. پۈتۈن پاكىزلىق ۋە ياخشىلىق سۈپەتلرى مەندە. ساڭا كەلسەك، سەندىن اللە ئۆز پاناھىدا ساقلىسۇن، كۆرۈۋاتىمەنكى سېنى ئىمانى ۋە ئەقلى ئاجىز كىشىلەر ئىستېمال قىلىدۇ، سەن سېسىق پۇراق بىر نەرسىسەن، ئوت بىلەن كۆيدۈرۈلىسەن ئاندىن ئاياغلار ئاستىدا يانچىلىسەن، ئۆزىنىڭ بەختى ۋە كۆڭۈل خۇشاللىقى ئۈچۈن سېنىڭ قىسقا ئۆمرۈڭنى ئاخىرلاشتۇرغانلار ساڭا شۇنى رەۋا كۆرىدۇ. تاماكا: ئۇنداق ئەمەس! توغرا، مەن ساڭا باشتا «غايەم ئىستېمال قىلغۇچىلىرىمنى بەختلىك قىلىشتۇر» دېدىم. بۇ، مېنىڭ كۆرۈنۈشتىكى غايەم. مېنىڭ مەخپىي غايەمگە كەلسەك، مېنىڭ ئەسلى مەقسىتىم ئىستېمال قىلغۇچىلىرىمنى ئىچىدىن كۆيدۈرۈپ پارچە-پارچە قىلىۋېتىشتۇر. سەن مېنى ئۇلارنىڭ ھاقارەتلىرىدىن خەۋەرسىز ئوخشايدۇ دەپ ئويلاپ قالما. مىسۋاك: مەن ساڭا، سەن مەينەت بىر نەرسە دېمىدىممۇ؟ سەن ئەنە شۇنداق بىر نەرسە تۇرۇقلۇق ماڭا، مېنى خاتا چۈشىنىۋاتىسەن دەپ تۆھمەت قىلدىڭغۇ؟؟؟!!! كاشكى قەۋمىم بۇنى بىلسە ئىدى! سەن مالغا، ھەر نەرسىدىن ئاۋۋال دىنغا ۋە ئەقىلگە زىيانلىق بىر نەرسىسەن. اللە ساڭا خۇمار بولۇپ قالغانلارنى سەندىن قۇتقازسۇن. سېنى چەككۈچىلەر بىلسۈنكى، سېنى تەرك ئەتكەنلەرگە اللە سەندىن ياخشىسىنى ئاتا قىلىدۇ. يوقال! ھېچ قايتىپ كەلمە! اللە سېنى ياسىغان ۋە سېنى ئېلىپ ساتقانلارغا بەرىكەت بەرمىسۇن! ساڭا مۇپتىلا بولغانلارنى سەندىن قۇتقازسۇن. (ئامىن) مەنبە توردۇنياسى؟

faruk063

	ئاللاھ رەھمەت قىلسۇن! قېرىندىشىم.

sahar007

	بەك ياخشى تېمىكەن.

sahar007

	بەك ياخشى تېمىكەن.

sahar007

	بەك ياخشى تېمىكەن.

sahar007

	بەك ياخشى تېمىكەن.

sabira11

	ئاللاھ ئەجرىڭىزنى بەرسۇن قىرندىشىم ھەقىقەتەن ياخشى تىمىكەن.

weten520

	بۇنداق چوڭقۇر مەزمۇنلۇق ئەسەرنى كۆرمىگىلى خېلى ئۇزۇن بۇلاپتۇ.ياخىشىكەن،تىما ئىگىسىگە رەخمەت

يولتۇز

	ئىسل تىما رەھمەت سىزگە

karima228

	اللە رەھمەت قىلسۇن! ياخشى تىمكەن.