ۋاي ئىسىت(مۇكاپاتلىق ئەسەرلەر سەھىپىسىگە)

تەلقىنى

	ۋاي ئىسىت                 (تەلقىنى) بۇ ئەسىرىم ھەقىقىي بولغان ۋەقەدىن يىزىلغان،ئەسەردىكى ئىككى ئوغۇل چوڭى سەككىز ياش،كىچىكى ئالتە ياشتا ئانا مىھرىدىن مەھرۇم قالىدۇ ئەمما ئۇلارنىڭ ئاتىسى ئۇلارنى خۇددى ئانىسى بارلارغا ئوخشاش باقىدۇ،يىتىملىكنى بىلدۈرمەيدۇ،ئەمما ئارىدىن ئون يىلدىن كىيىن ئاتا كىسەل بىلەن ئاللاھنىڭ يىنىغا كېتىدۇ ئەمما بۇ ئىككى ئوغۇل ناھايىتى ئىسىل تەربىيىلەنگەن بولۇپ كىشىلەر ئۇلارنىڭ بىر ئاتىنىڭ قولىدا ،ئانىسىز ھالدا تەربىيىلەنگەنلىكىدىن گۇمان قىلىدۇ،ئەمما بۇ ھەقىقەتتۇر.بۇ ئەسەر ئەنە شۇ ئىككى ئوغولنىڭ كىچىكىنىڭ تىلىدىن يىزىلدى. ھاياتىڭدا قەدرىڭنى بىلمەپتىمەن ۋاي ئىسىت، مانا ئەمدى ئارقاڭدىن يىغلاپتىمەن ۋاي ئىسىت. بىر ماڭىلا تەسەددۇق بولۇپتىكەن بارلىقىڭ، ئەمما نادان ئەقلىمگە كەلمەپتىمەن ۋاي ئىسىت. ئادەم بىلەن ئادەمدۇر بۇ دۇنيادا ئادەملەر، گاھ كۈلىدۇ قاقاقلاپ گاھى كىلەر ماتەملەر، سەندە ئىكەن شادلىقىم كۈندە ئويناپ ئايەملەر، مانا بۈگۈن تىكەندەك يالغۇز قالدىم ۋاي ئىسىت. ئۆتتى ئۆمرۈڭ«بالام»دەپ كىچە-كۈندۈز غەم بىلەن، ئانىسى يوق بىزلەرگە «ئانا»بولدۇڭ پەم بىلەن، بەلكى ئاشۇ ھەر مىنۇت ساڭا ئاچچىق تەم بىلەن، شۇ كۈنلەردە ھەسەلدەك زەھەر يەپسەن ۋاي ئىسىت. ۋاقتى كەلسە بىز ئۈچۈن ئەركەك تۇرۇپ ئاش ئەتتىڭ، ھىيت-بايرامدا خوتۇندەك ساڭزا سالدىڭ،ئۆي قاقتىڭ، كىر-قات يۇساڭ بەزىدە،بەزى يەنە نان ياقتىڭ، ئىككى ئوغۇل بىشىڭغا بالا بوپتۇق ۋاي ئىسىت. چىداپ كەتتىڭ بىز ئۈچۈن ساڭا كەلسە ھەر كۈلپەت، تاللىۋالدىڭ جاپانى بەختىمىزگە قىپ ئۈلپەت، تەغدىر ساڭا تاج بەردى،ئەركەكلىكتە سەن خەلپەت، ئاشۇ جەبىر-جاپانى«بەختىم»دەپسەن ۋاي ئىسىت. «يىتىم ئوغۇل،بويتاق ئەر»بولدۇق خەقنىڭ تىلىدا، ئەمما شۇنداق دېگەنلەر ئاقساپ قالدى يولىدا، ھاقارەتكە بوي بەرمەي چاپتىڭ مەردلىك ئىتىدا، ئەسلى سەن بىر زۇلپىقار غىلاپلانغان ۋاي ئىسىت. ساڭا يەنە قول قۇيدى بەزى ئەرلەر-ئاياللار، ئەتىمالىم ئۇلارنى چىرماپ ئالدى خىياللار، ئەنە شۇنداق كۈنلەردە سەندە گۈزەل ئارمانلار، شۇ ئارمانغا دەرماننى تاپالماپسەن ۋاي ئىسىت. سىنى بىزدىن ئايرىدى قىيامەتلىك كاج پەلەك، شۇنداق ئىكەن بۇ جاھان بىر پىلەكتە مىڭ خەمەك، بۈگۈن يىسەڭ گۆش مانتا ئەتە بەلكىم تەرخەمەك، ئاللاھ بەرسۇن جەننەتنى تىلەپ قالدىم ۋاي ئىسىت. تىنەپ قالدىم ھاياتتا مانا سەندىن ئايرىلىپ، ئۇچالمىدىم سامادا سۇنغاچ قاناتىم قايرىلىپ، قېقىلدىم ھەم سوقۇلدۇم ھەر قەدەمدە خارلىنىپ، سەنسىز ھەربىر كۈن ماڭا دوزاخ بولدى ۋاي ئىسىت. ياشلار ئاقتى كۆزۈمدىن سىنى كۈندە سېغىنىپ، نەچچە باردىم قەبرەڭگە«قايتىپ كەل»دەپ يىلىنىپ، تىلەپ قالدىم باش ئۇرۇپ بىر ئاللاھقا تىۋىنىپ، لىكىن يەنە ئۈمىدسىز قايتىپ كەلدىم ۋاي ئىسىت. پەخىرلەندىم ھەر قېىتىم سىنى «ئاتام»دىگەندە، ئەينى چاغدا سەن ئەتكەن ئاشنى خوشال يىگەندە، ۋۇجۇدۇمغا بال تامدى سەندىن شەربەت ئىچكەندە، مانا بۈگۈن غېرىپتەك بويۇن قىستىم ۋاي ئىسىت. بۇ ئەلەملىك دۇنيادا ئىنسان گويا بىر خاككەن، ناگاھ كۈلسە ئامەتتىن ناگاھ تەككەن كالتەككەن، تۈنۈگۈنكى شاھزادە ئەنە بۈگۈن سولتەككەن، ئۇشبۇ چاقى پەلەكنىڭ رەھىمسىزكەن ۋاي ئىسىت. مەنبە:تەلقىنى قەلىمى

kokbora520

	مىھرىبان ئانىلارغا .كۇيۇمچان دادىلارغا ئاللاھ ئىگەم جەننەت ئاتا قىلغاي.ئامىن.

kokbora520

	بەك ياخشى يېزىپسىز قېرىندىشىم

qiqak0998

	ياخشى يىزىپسىز

sabira11

	ياخشى يىزىپسىز ،ئاللا ئەجرىڭىزنى بەرسۇن.

يولتۇز

	قەلەم قۇۋىتىڭىزگە ئاپىرىن مۇكاپاتقا ئىشرىشىشىڭىزگە تىلەكداشمەن

yurkimzida

	ئىنتايىن ياخشى چىقىپتۇ،مەنمۇ سىزنىڭ مۇكاپاتقا ئىرشىشڭىزنى ئۈمىت قىلىمە !

garmun

	بەك ياخشى يېزىپسىز .مۇكاپاتقا ئىرىشكەيسىز

人格化

	ھەممىمىزنىڭ   كۆڭلىدىكىنى تىپىپ  يىزىپسىز  ،  بارىكاللا  !