مۇھەممەدجان راشىدىن شېئىرلىرىدىن

barstekin

	ئۆز يارىڭ                   ئۆزگە باغقا كۆز سالما، ئۆز بېغىڭدا گۈلزارىڭ ،           نىمە تەشۋىش ئالەمدىن،تۇرسا ياندا ئۆز يارىڭ؟.          ئاشناڭ ساڭا ئاش بەرمەس ،قازىنىدا ۋاپانىڭ،         ئاغرىپ قالساڭ ئاشلايدۇ،ئاپئاق ناندا ئۆز يارىڭ..        پىچاق كەسسە قۇلۇڭنى ، ھىچكىم ئۇنداق تاڭالماس،        تىكەن كىرسە پۇتۇڭغا ،ھىچكىم ئۇنداق ئالالماس   .        يۈلەپ يۈرەر ئۆمۈرلۈك، بولۇپ قالساڭ ماڭالماس،       نىجاتلىق بار سەن ئۈچۈن ياققان شامدا ئۆز يارىڭ..      يۈگۈرۈپ چىقار ئالدىڭغا ،قايتىپ كەلسەڭ سەپەردىن،      ئېسىلىدۇ بوينۇڭغا ،ئامان چىقساڭ خەتەردىن،       يامان كۈن يوق ئالەمدە يارسىز يالغۇز ئۆتەردىن،       تۈنەپ چىقار سەن بىلەن ئەسكى تامدا ئۆز يارىڭ.          چىنىسىدىن ئىلغايدۇ ،قىيمىسىنى چىنەڭگە ،        ئاش ئۇسقاندا بىچارە،بىللە چىقىپ  بېنەمگە.        باي بولغاندا ياتقۇزار ئاۋۋال سېنى گىلەمگە،        تولغىنىسەن راھەتتە، ئويغاتقاندا ئۆز يارىڭ.                         ياشىسۇن           يۆلەكسىزنى يۆلىگەنلەر ياشىسۇن،       يۆگەكسىزنى يۆگىگەنلەر ياشىسۇن.       ئۆزى ئالماي ،يامغۇر ياغسا ئاسماندىن،      ئەلگە يامغۇر تىلىگەنلەر ياشىسۇن.      سۇغارغاندەك سايە بەرگەن چىنارنى،     ئاتا قەرزىن تۆلىگەنلەر ياشىسۇن.    ئېتى ھارسا ئانا چۈشكەن ھارۋىنىڭ،   ئۆزى ئات بوپ سۆرۈگەنلەر ياشىسۇن.    ئۆزگىلەرنىڭ بەختى ئۈچۈن دەرت تارتىپ،     ئۆزى  راھەت  كۆرمىگەنلەر   ياشىسۇن .    يوقسۇزلۇقتا ئوتى ئۈچكەن يالغۇزنىڭ،    ئوچىقىنى پۈۋلىگەنلەر  ياشىسۇن.     ھالدىن كەتكەن غېرىپلارنىڭ بېشىغا،     چىراق يېقىپ تۈنۈگەنلەر ياشىسۇن.     ئۇنتۇلمىسۇن ئارمان بىلەن ئۆتكەنلەر،     ئۈمۈدلىرى ئۆلمىگەنلەر ياشىسۇن. ئاپتورنىڭ‹‹ياخشىلارغا ناخشىلار تولا››ناملىق توپلىمىدىن ئېلىندى.

ehrami

DOPPIQI

	ساقلىۋالدىم رەھمەر سىزگە!

ۋاقتىم

	ئېسىل شېئىرلار جۇمۇ بۇ ...

guzal417

	رەھمەت سىزگە!

XIKASTA9098

	بۇنىڭدىن كىيىن بۇنداق ياخشى شىئېرلارنى كۆچۈرگەندە دىققەت قىلىشىڭىزنى سورايمەن. بەزى مىسرالارنى ئۆزگەرتىۋىتىپسز.

تەلقىنى

	ھەقىقىي خەلق شائىرى دېگەن مانا مۇشۇنداق بولىدۇ

qolyigiti

	ھەقىقى خەلق شائىرى  ، ئېسىل شېئىرلارنى ياراتقان ھە .................

ababaiker

	ياخشى شىئرلار ، يۈرەكنىڭ يېغنى يەيدۇ... ئەمما بەزى جايلىرى ئۆزگۈرۈپ كەتكەندەك . قايتا قاراپ بېقىڭ ،

Rabiya525

	پەخرىمىز سىز مۇھەممەدجان بوۋا ،ئاللاھ ئۆمرىڭىزگە بەرىكەت ،ئەجرىڭىزگە ئەجىر بەرسۇن ،