تۇز: ئۇيىلىشمۇ ئىبادەتتۇر

.tuz.

	خىجالەتچىلىكنىڭ ئۆزىمۇ ئىبادەتتۇر . ياراتقۇچىغا قەرزدار ئىكەنلىكىڭىزنى ھېس قىلىشقا باشلىدىڭىزمۇ ، دېمەك ، ئىمانىڭىزغا قۇۋۋەت كىرۋاتقىنى شۇ . ئىمام ئەزەم دۇكاندا چىت تەخلەۋاتقان شاگىرتىنىڭ ئاغزىدىن : _____ بۇ بۇ دۇنيانىڭ گۈللىرى شۇنداق چىرايلىق بولغان يەردە ، جەننەتنىڭ گۈللىرى قانچە گۈزەلدۇر - ھە ؟ ئى ياراتقۇچى ئۇلۇغ زات ، جەننىتىڭنى بىزگىمۇ نېسىپ قىلغىن ! - دېگەن خىتابىنى ئاڭلاپ ، جىددىلىشىپ كېتىپتۇ . چىرايى تاتارغاندەك بولۇپ : - بولدى ،ئىش تامام ، تاقاڭ دۇككاننى ، - دەپتۇ-دە ، ئۆيىگە راۋان بوپتۇ . خاتىرجەمسىزلەنگەن شاگرت كەچتە ئۇنىڭدىن خەۋەر ئالغىلى كەلسە ، ئۇستازى جەيناماز ئۈستىدە يىغلاپ تۆكۈلۈپ ئولتۇرۇپتىمىش . ئىبادەتتىن كېيىن ئۇستاز ئۇ شاگرتقا نېمە دەپتۇ دەڭ ! ____ سىز بۈگۈن نامەقبۇل ئىش قىلدىڭىز ، بىز نېمە ئۈچۈن ناماز ئوقۇيمىز ، بىلەمسىز ؟ قىلغان گۇناھلىرمىز ئۈچۈن توۋا قىلغىلى ، كەچۈرۈم سورغىلى ! سىز بولسىڭىز جۈرئەت بىلەن جەننەت سوردىڭىز _ ھە ؟! _ دەپ كايىغان ئىكەن . بۇ گەپكە سىز - بىز ئۈچۈن قورقۇنچلىق بىر ھەقىقەت يېتىپتۇ ، بۇرادەر . ياراتقۇچى ئۇلۇغ زاتنىڭ "سورا ،بېرىمەن !" دېگەن ۋەدىسى بار . ئەمما بىزگە ساخاۋەت ۋە مۇھەببەت بىلەن قارىغان بۈيۈك زاتنىڭ بۇ مەرھەممىتىگە بىز لايىقمۇ ، ئەمەسمۇ ؟ سورغانكى ئادەمگە سورغانكى نەرسىنى(ئەمەل قىلمىغان ئادەمگە) بېرىۋەرسە ، " ساۋاپ " ، "گۇناھ" ، "جەننەت" ، " دوزاخ"  دېگەن نەرسىلەر قەيەردە قالىدۇ ؟ غاپىل بولمايلى ، ھەممە ئىش ھېساب - كىتابلىق . ھەقنىڭ تارازىسىدەك ئادىل ئۆلچۈگۈچ يوق ! ئېيتىڭچۇ ، پەرزەنتلىرىڭىز سىزدىن رازىمۇ ، ئاكا -ئىنىلىرىڭىزچۇ ؟ ھېچكىمنىڭ دىلىنى ئاغرىتماي ياشاۋاتامسىز ؟ خەير - ئېھسان ئېسىڭىزدىمۇ ؟ دۇنياپەرەسلىك قىلمايۋاتامسىز ؟ ھېچكىمگە ئازار قىلمىدىڭىزمۇ ؟ ئەگەر مۇشۇ تەرەپلەردىن كۆڭلىڭىز توق بولۇپ ، ياخشى ئەمەللەر بىلەن ياشاپ كېلىۋاتقان بولسىڭىز ، ئىبادەتتىن ئۈمىد بار ! ئەڭ ياخشى ئىبادەت ياراتقۇچىدىن سوراشلا ئەمەس ، ئۇنىڭدىن ئۇيىلىشتۇر . مەنبە : ئۆمۈر بىر كېلۇر ئاپتۇر : تۇرسۇنئەي سادىقۇۋا يوللىغۇچى : تۇز

aa0998

	ھازىرقى جەمىيەتتە كېشىلەرنىڭ كۆڭلىنى ئاغرىتماي ياشاۋاتىمىز دېيەلمەيمىز، ئۇرۇق تۇققانلار بىزدىن رازىمۇ رازى ئەمىسمۇ بۇنىڭغا جاۋاپ بەرمەك تەس!!! خەيىرئېسان جەھەتتە پۇل پۇچەك جەھەتىن خەيىر ئېھسان قىلمىسامۇ زىكىر تەسبىي جەھەتتە خەيىر ئېھسان قىلۋاتىمەن ئاللاھ قوبۇل قىلغاي. بۇ يازما ئادەمنى ھەقىقەتتەن ئويلاندۇرۇپ قويدىغان يازما بولاپتۇ مۇشۇ يازما ئۈستىدە قاتتىق ئويلۇنۇش كېرەك دوسلار!!!

ئەلرام

	ياخشى تىما، رەھمەت.

qaraxani

	بۇ ماۋزۇ نىمەدىگەن يېقىملىق ھەم پەلسەپىۋى قىممەتكە  تويۇنغان ...رەھمەت تۇز!

يولتۇز

	ئىسل تىما ئىسلى تەربىيە رەھمەت ، تىمىلىرىڭىز تۇزدەك تېتىملىق جۇمۇ سىزنىڭ

TáwpéK0903

	ئىسىل تىما بوپتۇ .تىما ئىگىسىگە تەشەككۇر !!!!!!!!!!!!!!!

بەرگى

	ئىسىل تىمىدىن بىزنى بەھرىمان قىلغىنىڭىزغا تەشەككۈر .

faruk063

	تېمىڭىزغا تەشەككۈر، ھەقىقەتەنمۇ ئېسىل تېما ئىكەن. ھەقىقى ئابىدلار نەق ئاشۇنداق بولىدۇ، جەننەت سوراشتىن ئۇيىلىدۇ، گۇناھىنىڭ مەغفىرىتىنى تىلەيدۇ.

abdulahad

	مىسرانىمنىڭ تۇزىنى تەڭسەپ تۇرۋاتسىز ! رەھمەت ، سىزگەئاللاھنىڭ رەھمىتى بولسۇن!

zumrettash

	قىلىۋاتقانلىرىمىز ئاللاغا ياراۋاتامدۇ،دىگەن يېرىدىن چىقىۋاتامدۇ بىلمەيلا ئۆزىمىزچە ئۇنىڭدىن ئېسىل مەرتىۋە تىلىسەك سەت تۇرامىكىن،ئاللاغا تۆۋەنچىلىك بىلەن ئىبادەت قىلىش كېرەك....ئاللادىن تۆۋەنچىلىك بىلەن ئۆزۈمنى ھىدايەتكە باشلىشىنى تىلەيمەن...ئەھمىيەتلىك تېما ئىكەن،رەھمەت.