مانا بۇ بىزنىڭ شىنجاڭ(شېئىر)

esil817

	(شىنجاڭغا مەدھىيە) ئۇيغۇرۇم  ياشاۋاتقان  ھەر  بىر   زىمىندا، مىللىتىم ئۈنسىز تۆككەن قان، تەر ھىدى بار. قوينى كەڭدۇر بۇ گۈزەل يۇرىت-دىيارىمنىڭ، تۇرغان  جايىم  ماكانىم ، ماڭا ھەمدەم يار. ئوينىسام  ئىلى  دەريا ،  يايلاقلىرىدا، كىيىكتەك يايراپ ئۇندا كەلگەندە باھار. گاھ   چۈمۈلۈپ  قاراقاش  دەريالىرىدا، سۈزۈپ چىقسام خەلقىم دەپ ئۈنچە- مارجانلار. ئوت ماكان  كارىز  سۈيى ، بۇلاقلىرىنىڭ، شۇ  تاتلىق  سۇلىرى  ھەم  تىلىنى  يارار . تەكلىماكان كەبى  قۇملۇق  شۇ چۆللەردىنمۇ ، خەلقىمنىڭ   كىسىلىگە   داۋا   تىپىلار. ئاقسۇ ، ئالتاي ھەم قەشقەر، قۇمۇللار ئارا، سەلتەنەتلىك خاندانلىقتىن  باردۇر ئىزنالار. شەھەرلەر كۆركى بولغان شۇ ئۈرۈمچىدە ، كۆزنى  قاماشتۇرغىدەك ، ھەيۋەت  بىنالار . ماختىسام   تۈگىمەيدۇ  بۇ   دىيارىمنى ، شۇ  مۇنبەت  تۇپرىقىدا كۆپتۇر  بايلىقلار. تەرىپلەشكە تىگىشلىك بىزنىڭ بۇ شىنجاڭ ، قانچىلىك مەدىھلىسەم سۆز كەملەپ قالار. ۋە لىكىن  تۇغۇلۇپ ئۆسكەن  شۇ  زىمىن، ئۆزگىچە  ھىس- تۇيغۇدا ئۇ  سىغىندۇرار . كىندىك  قىنى تۆكۈلگەن  ئەزىز  تۇپراققا، ۋەتەنپەرۋەر ئوغلاننىڭ چوڭقۇر ئىشقى بار  . ئەمدى بۇنىڭغا ئاپتۇنۇم رايۇن ، ئۆلكە ئايرىپتۇ دەيدىغانلار بولسا مۇنبەردە تىللاپ ، قولىڭىزنى ئاۋارە قىلىپ يۈرمەي،   ئۇدۇللا ماڭا تىلفۇن قىلىڭ .    (قەشقەرگە مۇھەببەت دىگەن شېئىرىمنى ئوقۇپ  ،يۇرىتۋازلىق قىلىپتۇ دىگەنلەرگە) ئۆزى تۇغۇلۇپ ئۆسكەن يۇرىتنى سىغىنىش ، مەدىھلەش قانداقمۇ يۇرىتۋازلىق بولسۇن. مەنبە: ئۆزۈم 2013.01.07

sawapkar

	ياىشى يېزلىپتۇ قەشقەردىن  يېزىپ شىنجاڭغا كەپسىز ئەتە بېيجىڭنى مەدىھلەپ  يازاسىز چاخچاق جۇمۇ مۇكاپاتلىق ئەسەر بۇپ  تالىنىشنى ئۈمۈت قىلمەن

Suchi

	شائىرنىڭ مەقسىدى،بۇ ئۇلۇغ زېمىننى ۋە بۇ تۇپراقتا ياشاۋاتقان خەلقنى ئۇنىڭ ئۇزاق شانلىق تارىخىغا باغلاپ ،تەڭرىتاغنىڭ جەنۇب،شىمالى،ئىلى ۋادىلىرىنىڭ ئۆزگىچە گۈزەل تەبئى مەنزىرلىرىنى ۋە بۇ زېمىندىكى ئاجايىپ تىلسىماتلارنى،كۆمۈلۈپ ياتقان  چەكسىز بايلىقلارنى مەدھىيلەشنى،بۇ ئانا تۇپراققا بولغان چەكسىز مېھرى مۇھەببىتىنى تولىمۇ پاساھەتلىك سۆز ئىبارىلەر بىلەن يۈكسەك ۋەتەنپەرۋەرلىك تۇيغۇسىدا تۇرۇپ ئىپادىلىمەكچىكەن،لېكىن شېئىردا ئىپادىلەنمەكچى بولغان مەركىزى ئىدىيە،قاپىيە،شېئىرى تىلدا يەنىلا يېتەرسىزلىكلەر بار تۇرۇدۇ،زاغرا تىل بىلەن ئېيتقاندا سەل تۇسسىز بولۇپ قاپتۇ.قايناپ تاشقان ھىسسىياتنى ئىپادىلەش مۇكەممەل ئەمەس.شائىرنىڭ بۇ ھەقتە يەنە كۆپرەك ئەجىر قىلىشىنى تەۋسىيە قىلىمەن(سەمىمى تەكلىپ) .

barquk8

	Suchi يوللىغان ۋاقتى  2013-1-7 10:38 PM شائىرنىڭ مەقسىدى،بۇ ئۇلۇغ زېمىننى ۋە بۇ تۇپراقتا ياشا ... سىزنىڭ پىكىرىڭىز بەك ئورۇنلۇق بوپتۇ قېرىندىشىم . مەنمۇ سىزنىڭ قارىشىڭىزغا ئەگىشىمەن . قىممەتلىك ۋاقتىڭىز يار بەرسە مىنىڭ ئەسەرلىرىمنىمۇ كۆرۈپ سەمىمىي تەكلىپلىرىڭىزنى ئايىماسلىقىڭىزنى ئۈمىد قىلىمەن !

esil817

	Suchi يوللىغان ۋاقتى  2013-1-7 10:38 PM شائىرنىڭ مەقسىدى،بۇ ئۇلۇغ زېمىننى ۋە بۇ تۇپراقتا ياشا ... يول كۆرسەتكىنڭىزگە رەھمەت . مەنمۇ بۇنى ئالدىراپلا يىزىپ پۈتتۈرۋەتتىم ..(بەلكىم سەۋىيەم شۇنچىلىكتۇ ) ئالدىنقى تىمامدا  ئۆز يۇرتۇم قەشقەرنى (بەلكىم كۆرگەنسىز)سىغىنىش ھىسسىياتى ئىپادىلەنگەن بىر شېئىر يازسام،  ئاز ساندىكى بەزىلەر سىلىق تەكلىپ- پىكىرلىرنى بەرمەي ، مىللەتلەر ئىتتىپاقلىقى ياشىسۇن.... دەپ شۇئار توۋلۇشۇپ ، ئىتتىپاقسىزلىق قىلىپ ماڭا قاتتىق تەگكەن . شۇڭا بۇنى شۇنداقلا جاۋاپ (رەددىيە يوسۇندا) يازغان . خاتا يىرنى ، مۇكەممەل بولمىغان يىرنى چوقۇم تۈزتىمەن . ئاتىدارچىلىق قىلاسىز .

بارخان

	شائىرىمىز ‹‹ئېسىل›› غا رەھمەت . يۇرتىمىز شىنجاڭنى مەدىھىلەپ يېزىپتۇ. ھەقىقەتەن مەھمۇت ئەۋلادى دىسەك بۇلىدۇ . يۇرتىمىزنى ئاتا-ئانىمىزدەك بىلگەندىلا يۇرتنىڭ يۇرتىمىزنىڭ ئىززىتى بولىدۇ. يۇرتىمىزنى بىز بەكرەك مەدىلىسەك تېخىمۇ ياخشى بولىدۇ. شائىرىمىزنى مەن قوللايمەن.

esil817

	Suchi يوللىغان ۋاقتى  2013-1-7 10:38 PM شائىرنىڭ مەقسىدى،بۇ ئۇلۇغ زېمىننى ۋە بۇ تۇپراقتا ياشا ... ھازىرچە ئازراق ئۆزگەرتىش كىرگۈزدۈم.

lawa0998

	ساپ ئۇيغۇر تىلىدا يېقىشلىق چىققان بۇ شېئىرغا خەنزۇچە ئاتالغۇ ئالاشتۇرۇلماي، ئەدىبى شەكىلدىكى ئۇيغۇر دىيارى....دىگەندەك ئۆز تىل ئاتالغۇسى ئىشلىتىلگەن بولسا تېخىمۇ جانلىق چىقارمىدى-دەپ ئويلاپ باقتىم.....مەسىلەن؛ ماختىسام   تۈگىمەيدۇ  جاھانىمدا ، شۇ  مۇنبەت  تۇپرىقىدا كۆپتۇر  بايلىقلار. تەرىپلەشكە تىگىشلىك بۇ ئۇيغۇر دىيارى، قانچىلىك مەدىھلىسەم سۆز كەملەپ قالار. باشقا تەرەپلىرىنى قېرىندىشىمىز سۇچى كۆرسىتىپ ئۆتۈپتۇ...تىما ئىگىسى قېرىندىشىم-كۈلدۈرۈپ ئۆتكەنلەرنىڭ ھەممىسى دوستىمىز بولىشى ناتايىن بولغىنىدەك، ئاغرىتىپ ئۆتكىنىنىڭ ھەممىسىلا دۈشمىنىمىز بولىشى مۇمكىن ئەمەس، پىكىرىمنى توغرا چۈشىنىشىڭىزگە تىلەكداشمەن.

BengBashBala

	«شىنجاڭ» نىڭ ئۇيغۇرچە ئاتىلىشى يوقمۇ؟!

nazi0997

	شىنجاڭنىڭ ئۇيغۇرچە ئاتلىشى ؛يېڭى زىمىن دەپ  چۇشەنسەك بۇلار