غاردىكى ئۈچ ئادەم

پىنھان00

	ئەسسالامۇ ئەلەيكۇم ئەزىز قېرىنداشلار، ‹ياخشىلار باغچىسى› دىكى، غارغا قامىلىپ قالغان ئۈچ ئادەم توغرۇلۇق ‹ھەدىس› نى ھەم شەرھىسىنى دىققىتىڭلارغا سۇندۇم. بۇ ھەر بىر، قىز، ئايال، يىگىت ھەم ئەر ئۈچۈن ياخشى بىر دەرىسلىك بولۇپ قىلىشى مۈمكىن، شۇڭا قېرىنداشلىرىمىزنىڭ بۇ ‹ھەدىس› نى ئەستايىدىللىق بىلەن ئوقۇپ، ئوبدان ئويلىنىشىنى تەۋسىيە قىلىمەن.     ئابدۇللاھ ئىبن ئۆمەر رەزىيەللاھۇ ئەنھۇ رىۋايەت قىلىپ مۇنداق دەيدۇ: رەسۇلۇللاھ ئەلەيھىسسالامنىڭ مۇنداق دىگەنلىكىنى ئاڭلىغانىدىم: سىلەردىن ئىلگىرى ئۆتكەنلەردىن ئۈچ كىشى ماڭە-ماڭە كەچ كىرىپ قېلىپ، بىر غارنىڭ ئىچىگە كىرىۋالىدۇ. بۇ چاغدا بىر قورام تاش يۇقىرىدىن دومىلاپ چۈشۈپ، غارنىڭ ئاغزىنى توسىۋالىدۇ. شۇنىڭ بىلەن ئۇلار بۇ غاردىن قۇتۇلۇش ئۈچۈن،‹ئۆز ئارا ھاياتىمىزدا ئىشلىگەن ئەڭ ئەۋزەل ئەمەلىمىزنى تىلغا ئېلىپ، اللە غا سېغىنايلى› دىيىشىدۇ. ئۇلارنىڭ بىرى، ئى اللە مېنىڭ ياشىنىپ قالغان ئاتا-ئانام بار ئىدى. مەن ھەمىشە ئالدى بىلەن ئاتا-ئانامنى غىزالاندۇرۇپ، ئاندىن ئەھلى-ئايالىم ۋە خىزمەتچىلىرىمنى غىزالاندۇراتتىم. بىر كۈنى مەن ماللىرىمنى ئوتلىتىش ئۈچۈن يىراق جايلارغا كېتىپ كەچرەك قايتىپ كەلدىم. ماللىرىمنى سېغىپ، سۈتىنى ئېلىپ كەلسەم، ئاتا-ئانام ئۇخلاپ قاپتۇ. ئۇلارنى ئويغىتىشنى ۋە ئۇلاردىن بۇرۇن ئەھلى-ئايالىم ۋە خىزمەتچىلىرىمنى غىزالاندۇرۇشنى خوپ كۆرمەي، تاڭ ئاتقانغا قەدەر قاچا قولۇمدا ئاتا-ئانامنىڭ ئويغىنىشىنى كۈتتۈم. كىچىك بالىلىرىم قورسىقى ئاچ ھالدا ئايىقىمدا يىغلاپ تۇرىشاتتى. ئاتا-ئانام ئويغىنىپ كەچلىك تامىقى بولغان سۈتنى ئچىشتى. ئى اللە مۇشۇ ئىشنى سېنىڭ رازىلىقىڭ ئۈچۈن قىلغانلىقىمنى بىلگەن بولساڭ، بۇ تاشنى كۆتۈرۈۋەتكىن دىدى. شۇنىڭ بىلەن قورام تاش بىر ئاز كۆتۈرۈلدى، لىكىن ئۇلار بۇنىڭ بىلەن چىقىپ كېتەلمەيتى. ئۇلارنىڭ يەنە بىرى:ئى اللە مىنىڭ تاغامنىڭ مەن ياخشى كۆردىغان قىزى بار ئىدى.مەن ئۇنىڭ بىلەن بىر يەردە بولۇشنى تەلەپ قىلدىم.ئۇ تەلپىمنى رەت قىلدى،قەھەتچىلىك بولۇپ كەتكەن بىر يىلى ئۇ مىنىڭ قىشىمغا كەپتۇ،ئۇنىڭ ئىختىيارىنى ماڭا تاپشۇرۇش شەرتى ئاستىدا ئۇنىڭغا 120تىللا بەردىم،ئۇ تەلپىمگە ماقۇل بولدى.ئۇنى نىمە قىلسام شۇنى قىلالايدىغان چىغىمدا،ئۇ، اللە دىن قورقىن،نىكاھسىز يىقىنلاشمىغىن دىدى،شۇنىڭ بىلەن ئۇنى تاشلاپ كەتتىم،ھالبۇكى مەن ئۇنى ياخشى كۆرەتتم ئۇنىڭغا بەرگەن ئالتۇنلارنىمۇ ئۇنىڭدىن قايتۇرۋالمىدىم.ئى اللە مەن سىنىڭ رازىلىقىڭنى دەپ شۇنداق قىلدىم.بۇ تاشنى بىزدىن كۆتىرۋەتكىن دىۋىدى،تاش يەنە بىر ئاز كۆتۈرۈلدىيۇ، لىكىن ئۇلار بۇنىڭ بىلەن چىقىپ كىتەلمىدى.ئۇچنجىسى:مەن نۇرغۇن مەدىكارلانى ئىشلەتكەن ئىدىم، مەن ئۇلارنىڭ ئىچىدە، ئىش ھەققىنى ئالماي كەتكەن بر ئادەمدىن باشقا، ھەممىسىنىڭ ئىش ھەققىنى  بەرگەن ئىدىم.مەن ئۇنىڭ ئىش ھەققىنى ئىشلىتىپ كۆپەيتىپ قويدۇم.ئۇنىڭ ماللىرى كۆپىيىۋەردى،بىر مۇددەتتىن كىيىن ئۇ ئادەم كىلىپ ئى اللە نىڭ بەندىسى،مىنىڭ ئىش ھەققىمنى بەرگىن دىدى،مەن ئۇنىڭغا:سەن كۆرۋاتقان ئاشۇ نەرسىلەرنىڭ ھەممىسى سىنىڭ ئىش ھەققىڭ دىدىم.ئۇ ئى اللە نىڭ بەندىسى مىنى زاڭلىق قىلما دىدى،مەن ئۇنىڭغا:سىنى زاڭلىق قىلۋاتقىنىم يوق دىدىم.ئاندىن ئۇ ھىچ نەرسىنى قويماي ھەممىنى ئىلىپ كەتتى. ئى اللە مۇشۇ ئىشنى سېنىڭ رازىلىقىڭ ئۈچۈن قىلغانلىقىمنى بىلگەن بولساڭ، بىزدىن ئۇ تاشنى كۆتۈرىۋەتكىن دىدى، تاش پۈتۈنلەي كۆتۈرۈلۈپ كەتتى، ئۇلار غاردىن چىقىپ كەتتى.     (ئىمام بۇخارى، ئىمام مۇسلىم رىۋايەت قىلغان)             ‹ھەدىس› نىڭ مۇھىم نوقتىلىرى. 1-كىشىلەرنىڭ بېشىغا كۈن چۈشكەن قىيىن ۋاقىتلاردا بىر اللە غا ئىلتىجا قىلىپ، قىلغان ياخشى ئەمەللىرىنى تىلغا ئىلىپ دۇئا قىلىشنىڭ ياخشى ئىكەنلىكى. 2-ئاتا-ئانىغا ياخشىلىق قىلىش، ئۇلارنىڭ خىزمىتىنى قىلىش، ئۇلارنى باشقا ھەر قانداق ئادەمدىن، خوتۇن، بالا چاقىدىنمۇ ئارتۇقراق كۆرۈشنىڭ ئۇلۇغ ئىكەنلىكى. 3-اللە چەكلىگەن ھارام ئىشلاردىن ساقلىنىپ، ئىپپەتلىك بولۇش، بولۇپمۇ ئۇنىڭغا قادىر بولۇپ تۇرۇقلۇق، اللە رازىلىقىنى تىلەشتەك خالىس نىيەت بىلەن ھارامنى تەرك ئېتىشكە رىغبەتلەندۈرۈلگەن. 4-ۋەدىگە ۋاپا قىلىش، ئامانەتنى ئىگىسىگە تاپشۇرۇش، ئۆز ئارا مۇئامىلىدە كەڭ قورساق بولۇش، ئادىل بولۇشنىڭ ئىسىل پەزىلەت ئىكەنلىگى. 5-بىشىغا ئېغىر كۈن چۈشكەن ئادەمنىڭ چىن ئىخلاس بىلەن اللە غا ئىلتىجا قىلىپ، اللە دىن ياردەم سوراپ قىلغان دۇئاسى، ئىجابەت بولىدىغانلىقى، ئىلگىرى ياخشى ئەمەللەرنى قىلغان كىشىلەرنىڭ بولسا تېخىمۇ شۇنداق بولىدىغانلىقى. 6-اللە ياخشى ئەمەللەرنى قىلغان كىشىنىڭ ئەجرىنى بىكار قىلىۋەتمەيدىغانلىقى.          مەنبە: ‹ياخشىلار باغچىسى› شىنجاڭ خەلق نەشرىياتى 2005-يىلى نەشىر قىلغان كىتاپتىن ئىلىندى.

gurbet_kizi

	ياخشى تىمايوللاپسىز ئاللاھ ئەجرىڭىزنى بەرسۇن

rizwangul0995

	رەھمەت بەك ياخشى تېما يوللاپسىز ئاللاھ ئەجرىڭىزنى بەر سۇن قېرىن دىشىم

Suchi

	ھەربىر ئىنسان يۇقۇردىكى رىۋايەت ئارقىلىق ئۆزى توغرىسدا ئوبدان ئويلىنىشى كېرەك،گەرچە ھەر بىر ئادەم ئۆمرىدە شۇنداق ئوخشاش بىر قىسمەتكە يولۇقمىغان تەقدىردىمۇ،بىز ئۆز ئۆزىمىزگە شۇنداق سوئال قويۇشىنى بىلىشىمىز كېرەك،يەنى مەن مۇشۇ ئۆمرۈمدە شۇنداق تەسىرلىك ساۋاپلىق ئىشتىن بىرەرنى قىلىپ باقتىممۇ يوق؟!ئەگەر قىلمىغان بولسام ھازىردىن باشلاپ ساۋاپلىق ئىشلارنى قىلاي!!! ئۆتكەندە دوستلار ئولتۇرشىدا مەن مۇشۇ رىۋايەتنى ئاغىنىلەرگە دەپ بېرىۋېتىپ،بىز ھەممىمىز ئاشۇ 3كىشىدەك غارنىڭ ئىچىگە سولىنىپ قالايلى دەپ پەرەز قىلايلى،ئاندىن ھەممىمىز ئاللاھ رازىلىغى ئۈچۈن ئۆزىمىز قىلغان تەسىرلىك ياخشى ئىشتىن بىرەرنى دەپ باقمايلىمۇ دېسەم،ھەممە شۈك بولۇشۇپ كەتتى،ھەرنىمە قىلىپمۇ ئېغىزغا چىققۇدەك ياخشى ئىشتىن بىرى ئوتتۇرغا قويۇلمىدى ،ئاللاھ تۈگۈل ئۆزىمىزنى تەسىرلەندۈرىدغان بىرەر خەيرىلىك ئىش-ھەركەت قىلغىنىمىز ئېسىمىزدە يوق!دېمەك بىز بىر توپ شۇ غارغا سولىنىپ قالغان ئەھۋال ئاستىدا بىز ئۇ يەردىن چىقىپ كېتەلمىگۈدەكمىز،بۇ نىمە دېگەن ئېچىنىشلىق ئەھۋال دوستلار!

abdulahad

	ياخشىلىققا بۇيرۇپ، يامانلىقتىن تۇسۇش  كىشىنى ئىككىلا ئالەملىك سائادەتكە ئىرىشتۈرىدۇ.

@يۇرتۇم@

	ئۇدۇنيادا ئاللاغا يارىغۇدەك بىرەر ئەمەل ھەركىتىمىز بولسۇن .

maraz886

	ئىبرەتلىك تىما !ھارمىغايسىز ،ئەقرىڭىزنى ئاللاھ بەرسۇن !

13999749790

	ياخىشىلىق قىل قولىڭدىن كەلسە

uyghur05

	بولسا  ۋاقتىڭىز بولسا تېخىمۇ كۆپرەك ھەدىسلەرنى يوللىسىڭىز ئاللاھ ئەجرىڭىزنى بېرەر

faruk063

	ئاللاھ ئەجرىڭىزنى بەرسۇن