بالاڭ ئۇيغۇر بولسۇن دېدىم

wapadarim912

	ئاغىنەمنىڭ ئايالى يەڭگىپ قىرىق سۈيىنى قۇيىدىغان ۋاقتىدا نەق ئۆيىگە كىرىپ قالسام بولىدۇ،قارىسام بىر مۇنچە كىچىك بالا چۇقىرىشىپ  باڭ باڭ تاڭ يەپ سۇنكۇڭ باجې بولۇپ قوغلاشماق ئويناۋاتقان ئىكەن . داستىخان راسلاقلىق ئىكەن ،مەنمۇ كەلدىم .. چاي پاي ئىچكەچ  ئاغىنەم بىلەن بىردەملىك پاراڭغا چۈشتۇق. ھەي ،26ياشتىن ئېشىپتۇق،بىر چاغلاردا بىزمۇ ئەنە ئاۋۇ بالىلاردەك بالا ئىدۇق ،مانا ئەمدى ئالدىمىز بالىلىق بولۇپ ئارقىمىز قىزلارنى قوغلاپ دېگەندەك تويغا جابدۇنۇپ ئولتۇرۇپتۇق،بىر چاغلاردا مۇشۇ ئاغىنەم ۋە باشقا بالىلار بىلەن كۈندە  كۆرۈشمىسەكمۇ ئىككى كۈندە دېگۈدەك كۆرۈشۈپ ئاجايىپ يېقىن ئۆتەتتۇق،ھازىرغۇ مۇناسىۋىتىمىز  يىرىك ئەمەس ،شۇ بىر كەملەردە "ئۈچ دوسىت"دېگەن ئەسەرلەردىكى ئېسىل دىئالوگلارنى ئوقۇپ ئۆزىمىزنى كامىل،ھېكمەت ،مۇراتلارغا ئوخشىتىپ مەڭگۈ ئىناق ئۆتۈشكە ،تېخى بالىلىرىمىزنى  ئۆز ئارا چېتىشقا،كۈندە يوقلىشىپ كۆرۈشۈپ يۈرۈشكە  ۋەدىلەر قىلىپ ئويناپ كېتەتتۇق ، قاراپ باقسام مانا توي قىلغاندىن بۇيان بۇ بالىلار بىلەن ئايدا بىر يامان بولمىسا قۇربان ،روزى ھېيىتلاردا بىر  كۆرۈشمىسەك ،كۈندە كەچتە ھاراق ئىچىشىدىغان ۋاقىتلىرىمىز بىر يەرلەردە قاپتۇ ،شۇنىڭغا قاراپ ئويلاپ قالدىم ،كىشى بىر ئىش ئۈچۈن تولىمۇ ۋاي دات دەپ ئۆزىنى ئالدۇرۇپ قويمىسىمۇ بولغۇدەك ،ھەر نەرسىگە كۆنىدىكەنمىزغۇ ئاخىر ؟ بىر چاغلاردا ئانىلىرىمىز بىزلەرنىڭ قىرىق سۈيىمىزنى قۇيغان،مانا ئەمدى بالىلىرىمىزنىڭ قىرىق سۈيىنى قۇيماقچى بولىۋاتىمىز ، ئاغىنەمنىڭ ئايالىمۇ  قۇيىدىغان سۇلارنى تەييار قىلىپ تىلەك تېلەش باشلاندى .. چوڭلار بىر قۇر تىلەك تىلەپ ئالىم بولسۇن ،تەتقىقاتچى بولسۇن ،ئوقۇتقۇچى بولسۇن ...دەپ تېلەكلەر تېلەشتى .. (توۋا ،ھېچكىم دېھقان بولسۇن دەپ تىلەك تىلەپ قويمايدىكەن ،ھەتتا شۇ دېھقان ئاكاممۇ بالىسىغا تىلەك تىلىگەندە داداڭنى دورىغىن دېمەس ) ئاڭغىچە ئاغىنەمنىڭ ئايالى قوشۇقنى بالىلارغا بەردى ،بۇ بالىلار ئاغىنەمنىڭ ئاكا ھەدىلىرىنىڭ ،يېقىن تۇغقانلىرىنىڭ باللىرى ئىدى .. بىرىنچىسى قوشۇقنى ئېلىپ بولۇپ   كۈلۈۋىتىپ : بوشى بولسۇن دېدى . بالىلار چۇرقىراشتى .. يەنە بىرسى قوشۇنى ئالدى دە ئالىم بولسۇن دېدى . يەنە بىرسى تەمتىرىگىنىچە جىياۋشۇ بولسۇن  دېدى .. ئارقىسىدىن بىرسى لاۋشى بولسۇن ،لاۋشى دېگەن ...دېدى .. يەنە بىر كىچىكىرەكى قوپۇپ ئوۋتىمەن بولسۇن دېگەن ھاياجاندىن تېلىقىپ قالدى .... ئاداش ،ئۆيۈڭدە ئىجارە ئولتۇرىدىغان خەنسۇلارنىڭ بالىلىرىنىمۇ چاقىرىپسەندە دېدىم ئاغىنەمگە چاقچاق قىلىپ ، ئۇ ئازىراق قىزاردى ۋە نەچارە دېگەندەك مۈرىسىنى كۆتۈرۈپ قويدى دە قوشوقنى ماڭا بەردى .. تۈگىمەس ئوي پىكىرلار،جاۋاپسىز سوئاللارغا بېلىق كۆزى  لىق تولغان كاللامغا مۇنۇ ناجىنىس تىلغا كۆنۈۋاتقان  شاكىچىكلەرگە بىر نەچچە ئېغىز تەربىيە قىلاي دېدىميۇ "ئەمدى گەپ تىرىكلەر ئۈستىدە قالدى "دېگەن مىسرانى ئېسىمگە ئېلىپ ،چوڭ كىچىك ،ئەر-ئايال ،ئۇيغۇرۇ-مۇسۇلمان ھەننىۋاسىغا ئاڭلىتىپ: بالاڭ ئۇيغۇر بولسۇن ، بالاڭ ئۇيغۇر بولسۇن ، بالاڭ ئۇيغۇر بولسۇن  . دەپ  قوشۇقنى ئۈچ قېتىم سۇغا تىقتىم .... شۇ چاغنىڭ ئۆزىدە يۈرىگم ئاغقاندەك بولۇپ كۆزۈمگە لىق ياش ئولاشتى .دە يەنە تۇرۇشنى ئەپسىز بىلىپ تېلىفونغا قارىغاندەك بولۇپ چىقىشقا تەرەددۇت قىلدىم ....ئىبارە خۇدايا ،ھېلىمۇ قىرىق سۈيىمىز قۇيۇلغاندا پوپ بولسۇن يەنە بىر نېمە بولسۇن دەپ تىلەك تىلەنمەيدىكەن ..... ئاتا ئانا بولغۇچى ،بالاڭنى ئۇيغۇر قىلىپ تەربىيلىگىن ..قەبرەڭدە ۋاي دادام-ئانام  دەپ يىغلاشقا شۇلار كېرەك ! مۆرىمىكى لازىمغۇ ، كالا بولسا كالىمىز . ئۇيغۇر تۇغقىن ئانىلار ، ئۇيغۇر بولسۇن بالىمىز ، 2009-يىلى 23-ماي ،شەھرى بورتالادا يېزىلىپ بېقىلدى

salkin-ay

	ئاداش ،ئۆيۈڭدە ئىجارە ئولتۇرىدىغان خەنسۇلارنىڭ بالىلىرىنىمۇ چاقىرىپسەندەمۇشۇ جۈملىنى ئاڭلىغان ئاتا- ئانىلاردا قانداق ئىنكاس بولغاندۇ ؟ ئۆزلىرىچە بالىلىرىنىڭ ئارلاشما سۆز قىلغىنىدن پەخرلەنگەنمىدۇ ياكى ئۆزىگە ئېچىنغانمىدۇ ؟

Sebr@

	ئاللاھ ئۆزى بىلگۈچى......ھەييييييييييييييييييي

aa0998

	ﻣﺎﺳﻼﺷﻤﯩﺪﯨﯔ ﺯﺍﻣﺎﻧﻐﺎ ، ﺋﯘﻳﻐﯘﺭ ﺗﯩﻠﯩﻢ ﺋﻪﻟﯟﯨﺪﺍ . ﻳﯧﺘﻪﻟﻤﯩﺪﯨﻢ ﺋﺎﺭﻣﺎﻧﻐﺎ ، ﺋﯘﻳﻐﯘﺭ ﺗﯩﻠﯩﻢ ﺋﻪﻟﯟﯨﺪﺍ .

delazar

	ئاداش ،ئۆيۈڭدە ئىجارە ئولتۇرىدىغان خەنسۇلارنىڭ بالىلىرىنىمۇ چاقىرىپسەندەمۇشۇ جۈملىنى ئاڭلىغان ئاتا- ئانىلاردا قانداق ئىنكاس بولغاندۇ ؟ ئۆزلىرىچە بالىلىرىنىڭ ئارلاشما سۆز قىلغىنىدن پەخرلەنگەنمىدۇ ياكى ئۆزىگە ئېچىنغانمىدۇ ؟     مەندىمۇشۇخىيال

BAHADER1

	ھەي  بۇنىڭغا نىم دىگۈلۈك ئەمدى شۇنداق ئىشلار بەكمۇ ئاۋاپ كىتىپ باردۇ ياخشىتىمىكەن

nazigul8

	قىسقا لېكىن بەكلا ئەھمىيەتلىك يازما بوپتۇ.

kar0923

	بەزى بالىلار شۇ ئانا تىلدا سۆز قىلساق چۈشەنمەيدۇ .    ئۈرۈمچىدە ئىشلىگەن چېغىمدا نۇرغۇنلىغان خەتنە توي ، گۈل تويلارغا كارتون رىياسەتچىلىكى قىلغىلى بارغان . ھېلىقى بالىلارغا ئۇيغۇرچە گەپ قېلىپ رەتكە سالالىساق نېمە دەي .يۇمىلاق چەمبەر بۇلۇڭلار دەپ چەمبەر قىلالمىغان . ئاللاھ ئۆزى بار ئەمدى ئاتا _ ئانىلارنىڭ بالىلىرىنى نېمىدەپ ئىغىزلاندۇرىشىغا ...

oygan0

	ئۇيغۇربولسۇن بالىلار.....

karwan365

	مەسئۇلىيەتسىز ئاتىلار  دەل مىللەتنىڭ ئاسسىملاتىسيە بولىشىغا ئۇل ھازىرلايدۇ        ئۆزلىرىچە بالىلىرىغا تىل ئۈگەتكەن يەرلىرى ئۇلارنىڭ   ئۆرگىلەي                              خېلى تونۇلغان ئىجدىمائى شەخىسلىرىمىزمۇ  بالىسىنى  كۇسۇكقا چۈشكەن قانجۇقتەك غىلجىڭ بىر نىملەرنى تەربىيەلەۋاتمامدۇ  ھۇ دەيۈزلە