تۇداخۇن

barstekin

	تۇداخۇن           (مۇخەممەس) چاخچاقچىلار ئىچىدە زور ئاتالغان تۇداخۇن، توي-تۆكۈندە،سورۇندا چاڭ چىقارغان تۇداخۇن، بەرمەس باينىڭ قۇلىدىن نان چىقارغان تۇداخۇن، ‹‹رەقىبى››نىڭ ئىچىدىن‹‹قان››چىقارغان تۇداخۇن، ئەلنى سۆيۈپ دىلىدىن نام چىقارغان تۇداخۇن. تۇداخۇنلار كەلگەندە كۈلكە، چاخچاق قىزىيتتى، ھىسامكام ھەم ياقۇپلار نەچچە يەردە ئېزىيتتى، تۇداخۇنلار چاخچاقنى مارجان كەبى تىزىيتتى، ئۆرۈمىنى شۇڭلاشقا سۈپۈرگىدەك سېرىيتتى، چاخچاقچىلىق بابىدا ‹‹خان››ئاتالغان تۇداخۇن. بەزى ئېيتار :تۇداخۇن، ئۆزى ۋىجىك چامداندەك، بۇيى ئەجەپ ئۆسمىدى ،خۇددى بوران سوققاندەك، ئۆزى ۋىجىك بولسىمۇ ئولتۇراتتى ئۇ خاندەك، چاخچىقىنىڭ ۋەزنى بار، بازغان بىلەن سوققاندەك، ئەقىل-ئىدراك بابىدا‹‹جان››ئاتالغان تۇداخۇن. چاخچاق بىلەن سورۇندا چىقتى سىزنىڭ نامىڭىز، ئېنىق ئىدى سىزنىڭكى، ئۇندا نومۇس-ئارىڭىز، يېقىن ئىدى ۋە لېكىن ئاۋام بىلەن ئارىڭىز، ئاۋام كۈلسە ،خۇش بولسا ساقىياتتى يارىڭىز، مېھرۇ-ۋاپا بابىدا ‹‹نان›› ئاتالغان تۇداخۇن. سۇناتتىڭىز تاپقاننى ئالدى بىلەن نامراتقا، قەددى سۇنۇپ پۈكۈلگەن، پۇل-پۈچەككە ئۇ ياتقا، ھاجەتمەنلەر كۈلگەندە ئايلىنىپ سىز بىر شادقا، سۈرۈپ تاشلاپ قايغۇنى چاخچاق بىلەن بىر ياققا، ساخاۋەتلەر بابىدا ‹‹نۇر››ئاتالغان تۇدا خۇن. سالام بىلەن ئېگىلىپ چوڭ-كىچىكنى كۆرگەندە، گۈلدەك ئۆتكەن ئۆمرىڭىز دەريا بويى، گۈلشەندە، چىللاپ كىلىپ ئاۋامنى، قايماق چاينى ئىچكەندە، لېكىن يالغۇز كەچتىڭىز ،لاي-كېچىكنى كەچكەندە، ئەدەپ-ئەخلاق بابىدا ‹‹گۈل››ئاتالغان تۇدا خۇن. باھاركېلىپ ياز بولۇپ ،ئەتراپ گۈلگە تولغاندا، ئالتۇن كۈزنىڭ شەپىسى قۇلاقلارغا ياققاندا ، ئالمىلارنى شائىرلار قۇشاقلارغا قاتقاندا، كېتىپ قاپتۇ تۇداخۇن قۇياش كۈلۈپ باققاندا، نامۇ-خىسلەت بابىدا ‹‹ھۆر››ئاتالغان تۇداخۇن. تۇداخۇننىڭ ئەلىمى ئۆتۈپ كەتكەچ يۈرەككە ، نامە يازدىم لۈكچۈندىن ئەقلى ئويغاق ،زىرەككە، كۈچۈم لېكىن يەتمىدى شۇ نامىدىن بۆلەككە، يەنە يىتىم مۇھتاجدۇر ، تۇداخۇندەك يۆلەككە، ئىلمۇ-ھىكمەت بابىدا ‹‹دۇر›› ئاتالغان تۇداخۇن؟!...    2013    -يىلى 1 ئاينىڭ  -  1-كۈنى يېزىلدى، شەھىرى لۈكچۈن.

rahatmakan

	ئاپىرىن..............ئاپىرىن.........ئاپىرىن......................

Dautjan

	رەخمەت   سىزگە  .راس  تۇداخۇننىڭ  چاخچاقچىلىق  ساھاسىدىكى  ئورنى  بۆلەكچە  !

abuzar786

	ئاللاھ مەرھۇمنڭ ياتقان يېرىنى جەننەتتە قىلسۇن،  ياخىش يىزىپسىز!.... قالتىس........

almas114

	جانابى اللاھ مەرھۇمنىڭ ياتقان يېرىنى جەننەتتە قىلغاي (ئامىن)

!UYGHURJAN

	abuzar786 يوللىغان ۋاقتى  2013-1-6 02:50 PM ئاللاھ مەرھۇمنڭ ياتقان يېرىنى جەننەتتە قىلسۇن،  ياخىش  ... تۇداخۇن تىچلىقتۇ ؟

barstekin

	!UYGHURJAN يوللىغان ۋاقتى  2013-1-6 02:54 PM تۇداخۇن تىچلىقتۇ ؟ بۇ تېمىنى ئوقىسىڭىز بىلىسىز.

atax6

	ياخىش يىزىپسىز!....

qog

	!UYGHURJAN يوللىغان ۋاقتى  2013-1-6 02:54 PM تۇداخۇن تىچلىقتۇ ؟ تۇداخۇن قازا قىلدى ئۇيغۇرجان

abuzar786

	!UYGHURJAN يوللىغان ۋاقتى  2013-1-6 02:54 PM تۇداخۇن تىچلىقتۇ ؟ سىز نەدە قالدىڭىز ۋوي ئۇيغۇرجان  . ۋاپات بولدىغۇ تۇداخۇن ئاكىمىز!