ئىنسان4...(ئىپارە)

ئىپارە

	ئىسلامىيەتتە ئىنسان  ئورنىنىڭ  بۇ قەدەر يۈكسەك  بولىشى   قارىماققا سەل  ھالقىپ كىتىشتەك كۆرىنىدۇ ،لېكىن ئۇ ئنسانىيەتكە  قۇرئان كۆرسەتمىسىگە ماس ھالدا بىرىلگەن  ئادىل تەقسىمات، خىلمۇ- خىل ساھە ۋە بارلىق شارائىتلاردىكى بارلىق ئىسلام ئىمام -ئالىملىرى ئىنسانىيەتنىڭ اللەنىڭ مەخلۇقلىرى ئىچىدىكى  ئەڭ ئۇلۇغ مەخلۇق ئىكەنلىكىنى  بىردەك تەن ئالىدۇ. ئالىم ئەبۇ بەكر ئىبنۇل ئەرەبى ئېيتىدۇ:<<اللەنىڭ ئىنساندىن چىرايلىق مەخلۇقى يوق. اللە ئىنساننى تىرىك ،بىلىدىغان،كۈچلۈك، سۆزلەيدىغان ،ئاڭلايدىغان، كۆرىدىغان ،پىلانلايدىغان ، ھىكمەت بىلەن ئىش قىلىدىغان قىلىپ ياراتتى>>.بۇلار اللەنىڭ سۈپەتلىرى ئىدى. ئىمام غەززالى ئۆزىنىڭ <<ئىھيا>>دىگەن كىتابىدا اللەنىڭ بەندىنى ياخشى كۆرىشىدىكى سەۋەپلەرنى ئىزاھلاپ كېلىپ اللەنىڭ زاتى بىلەن ئىنساننىڭ زاتى ئارىسىدا ئازراق مەنىۋى ئوخشاشلىق ۋە ماس كىلىشى بارلىقىنى تىلغا ئالىدۇ . ئۇ شۇنداق دەيدۇ:<<بۇ ئوخشاشلىق ۋە ماسلىق سۈرەت ۋە شەكىلدىكى ئوخشاشلىق ۋە ماسلىق ئەمەس ،ئىچكى قىسىمدىكى ئوخشاشلىق ۋە ماسلىقتۇر.مەسىلەن،اللە كۆرىدۇ، ئاڭلايدۇ، بىلىدۇ، سۆزلەيدۇ، پىلانلايدۇ، ھىكمەتلىك  ئىش قىلىدۇ، ھەممىنى قىلالايدۇ ...ئىنسانمۇ بۇلار بىلەن سۈپەتلىنىدۇ، لىكىن اللەدەك كامالەت دەرىجىسىدە  ئەمەس. بۇ  ئوخشاشلىق ۋە ماسلىقنىڭ بەزىسىنى يىزىشقا بولسىمۇ كۆپىنچىسىنى يىزىشقا بولمايدۇ.>>.ئۇ دەيدۇ:<<بەندىنىڭ پەرۋەردىگارىغا بولغان يىقىنلىقى پەرۋەردىگارى ئۇنۇڭغا ئەگىشىشكە ۋە ئۈلگە قىلىشقا بۇيرىغان ئىلاھى ئەخلاق سۈپەتلىرىدىلا بولىدۇ.>> بىز ئادەتتە ئاڭلاپ  تۇرۇدىغان <<اللەنىڭ ئەخلاقى بىلەن ئەخلاقلىنىڭلار>>دىگەن سۆزدىن كۆزدە تۇتۇلغىنىمۇ دەل بىلگۈچىلىك ، ياخشىلىق ،ئىھسان، مىھرىبانلىق، مەرھەمەت، مەخلۇققا رەھىم قىلىش ،كۆيۈنۈش ،ھەقكە باشلاش،باتىلدىن توسۇش قاتارلىق ئىلاھى سۈپەتلەرنى ئۆزلەشتۈرىشىدۇر. بۇلارنىڭ ھەممىسى بەندىنى اللەقا  يىقىنلاشتۇرىدۇ ۋە اللەنىڭ ئەخلاقى بىلەن ئەخلاقلىنىش بولىدۇ. ئەمما كىتاپلارغا يىزىشقا بولمايدىغىنى ئىنساننىڭ ئۇنىڭ بىلەن بولغان ئالاھىدە ،خاس مۇناسىۋىتىدۇر.ئۇ اللەنىڭ سۆزى كۆرسەتكەن نەرسىدۇر؛<<ئۇلار سەندىن روھنىڭ ماھىيىتى ھەققىدە سورىشىدۇ. <<روھنىڭ ماھىيىتىنى پەقەت پەرۋەردىگارىملا بىلىدۇ>>دىگىن، سىلەرگە پەقەت ئازغىنا ئىلىم بېرىلگەن>>(سۈرە ئىسرا 85- ئايەت). اللە روھنىڭ مەخلۇقلار ئەقلىدىن سىرىت پەقەت ئۆزىگە خاس ئىش ئىكەنلىگىنى  بايان قىلدى. بەزى ساددا كىشىلەر رەسۇلۇللانىڭ:<<اللە ئادەمنى ئۆز سۈرىتى بىلەن ياراتتى>>دىگەن ھەدىسىنى ئىزاھلىشىپ بۇ ھەدىستە دىيىلىۋاتقان سۈرەت سەزگۈ ئەزالار بىلەن بىلىنىدىغان ئاشكارە سۈرەت ۋە چىرايدىن باشقا نەرسە ئەمەس دەپ ھۆكۈم چىقىرىشتى،نەتىجىدە اللە ئادەمگە ئوخشاش دەپ پەرەز قىلدى.   اللەنى ماددا دەپ تونىدى. اللەنى تەسۋىرلىدى.ئالەملەرنىڭ پەرۋەردىگارى اللە ئۇ بىلىمسىزلەرنىڭ دەۋاتقىنىدىن پاك،ئۈستۈندۇر.بۇنى اللەنىڭ مۇسا ئەلەيھىسالامغا ئېيتقان بۇ سۆزى ئىشارەتلەيدۇ. <<ھەي مۇسا كىسەل بولۇپ قالسام مىنى  يوقلىمىدىڭغۇ؟مۇسا ئېيتتى: ئى رەببىم سەن قانداق كىسەل           بولىسەن ؟مەن قانداق يوقلايمەن؟اللەئېيتتى: پالانى  بەندەم كىسەل بولۇپ قالغان ئىدى .ئۇنى يوقلىمىدىڭ، ئۇنى يوقلىغان بولساڭ، مىنى يوقلىغان بولاتتىڭ.>> بۇ يىقىنلىق اللە قۇددىسىي ھەدىستە ئېيتقاندەك، پەرز ئەمەللەردىن كىيىن نەپلى ئەمەللەرنى كۆپ قىلىش بارلىققا كىلىدۇ:<<بەندەم ماڭا ئەمەللەر بىلەن يىقىنلىشىدۇ، شۇنۇڭ ئۈچۈن مەن ئۇنى دوست تۇتىمەن. مەن ئۇنى دوست تۇتسام ئۇنىڭ  ئاڭلايدىغان قۇلىقى، كۆرىدىغان كۆزى سۆزلەيدىغان تىلى ...بولىمەن...>> ئىمام ئىبنى قەييۇم مۇنداق دەيدۇ:<<بىلگىنكى،اللە ئۆز مەخلۇقلىرى ئارىسىدىن ئىنساننى ھۆرمەتلەش،ئارتۇق بىلىش ،ئۇنى ئۆزى ئۈچۈن يارىتىش مەخلۇقلارنى ئۇنىڭ  خىزمىتىگە بوي سۇندۇرۇپ بېرىش بىلەن ئالاھىدە ئورۇنغا ئىگە قىىلدى ..ئىنسانغا ئاسمان ۋە زىمىن ھەم ئۇلار ئارىسىدىكى    نەرسىلەرنى بويسۇندۇرۇپ بەردى. ھەتتا ئۆزىگە ئەڭ يىقىن پەرىشتىلىرىنىمۇ ئۇنۇڭ خىزمىتىگە سالدى. ئۇنىڭ ئويغاقلىقىدا  ، ئۇيقىسىدا، ياتقىنىدا، تۇرغىنىدا ئۇلارنى پەرىشتىلەرگە قوغداتتى. ئۆزى تەرەپتىن ئەلچى قىلدى . شۇنىڭ ئۈچۈن ئىنساننىڭ ئىشى ھىچقانداق مەخلۇقنىڭ ئىشىغا ئوخشىمايدۇ. مەنبە:ئىمان ۋە ھايات كىتاۋىدىن تەرمىلەر باشقۇرغۇچىلار بۇ تېمامنى ئۆچۈرۋەتمىسەڭلار،مەن بەك تەستە يازدىم. بىر مۇنچە ۋاقىت كەتتى.

ئەلپىدا2

	مېھرىبان ئاللاھ سىزنى ئىككىلا دۇنيادا ئەزىز قىلسۇن قېرىندىشىم......يازمىڭىز ھەقىقەتەن بىر بىرىدىن ئېسىل بولۇۋاتىدۇ.....

qirakpay

	...قەدىر-قىممىتىڭىز ئىككىلا دۇنيادا زىيادە بولغاي !ئىسلامى تەپەككۇرىڭىز ئەنە شۇنداق رۇشەن بولغاي..!    سىزگە ھۆرمەت بىلەن چىراقپاي.

zulqinay

	يارەببىم!سېنىڭ رىزىقىڭ بىلەن كۈتۈندۇق،ئېھسان ۋە ئېلتىپاتىڭ بىلەن تۇرمۇش كەچۈردۇق. ئاللاھىم بىزنى بۇ دۇنيادا ئەزىز قىلدىڭ، ئۇ دۇنيادىمۇ ئەزىز قىلشىڭنى ئۈمىد قىلىمىز.

gogum

aa0998

	ئاللاھ  ئەجرڭىزنى بەرسۇن رەخمەت سېزىگە ياخشى يازما يولاپسىز

ئىپارە

	ئەلپىدا2 يوللىغان ۋاقتى  2013-1-6 01:03 AM مېھرىبان ئاللاھ سىزنى ئىككىلا دۇنيادا ئەزىز قىلسۇن قې ... رەھمەت، ئاللاھىم سىزگىمۇ ئىككى دۇنيالىق سائادەت ۋە ئەزىزلىك ئاتا قىلسۇن! ئامىن!

ئىپارە

	qirakpay يوللىغان ۋاقتى  2013-1-6 02:30 AM ...قەدىر-قىممىتىڭىز ئىككىلا دۇنيادا زىيادە بولغاي !ئ ... ئاللاھىم سىزگىمۇ ئىككى دۇنيالىق ئەزىزلىك ئاتا قىلغاي! رەھمەت سىلەرنىڭ قوللىشىڭلار بولسىلا داۋاملىق ياخشى تېمىلارنى يىزىشقا تىرىشىمەن. بۇ كىتاپنى ئاتاقلىق فەتىھ-قانۇنشۇناس، يىتۈك شائىر ، مول مەھسۇلاتلىق ئىسلام ئالىمى   يۈسۈپ قەرزاۋى چاغداش (ھازىرقى زامان )ئىسلام دۇنياسىنىڭ ئىدىلوگىيە ۋە ئىسلامشۇناسلىق ساھەسىدە ئۆزىگە خاس ئورۇن تۇتقان مۇھىم شەخس ۋە جامائەت ئەربابى  بولغان يۈسۈپ قەرزاۋى يازغان مىللىتىمىزگە بۇ مول مەھسۇلاتلىق ئىلىمنى يەتكۈزگۈچى <<ئىسلام تېكىن>> تەرجىمە قىلغان . تۆۋەندە ئۇنىڭ يۈرەك  سۆزلىرىنى     ئازغىنە يىزىپ قوياي: ئەسەرنى كەڭ  ئوقۇرمەن  قېرىنداشلارنىڭ ئاچقان يېرىگە بارىدۇ، ئۇلارنىڭ ئالدىدا ئىمان بىلەن ھاياتنىڭ  ئورگانىك مۇناسىۋىتىگە قارىتا يىڭى ۋە پارلاق بىر تەپەككۈر كەڭلىكىنىڭ دەرۋازىسىنى ئېچىپ ،ھەمىمىزنىڭ يىقىندىن ئوزۇق ،ئىلھام ئالىدىغان مەنىۋى ئۈلپىتىگەئايلىنىدۇ، دىگەن ئۈمۈدتىمەن. شەپقەتلىك اللەبۇ ئۈمۈدۈمنى تولۇقى بىلەن  ئىشقا ئاشۇرۇپ بەرگەي.ئامىن!                                                                                        ئىسلام تېكىن ئاللاھتىن شۇنى تىلەيمەنكى، يازغۇچى ۋە تەرجىمان ھەر ئىككىسىنى ئاللاھ ئىككى ئالەملىك سائادەتكە يەتكۈزگەي، ئاللاھ رەھمەت قىلغاي، ھەم ئۇلارنى تىلەكلىرىگە يەتكۈزگەي! ئامىن!

ئىپارە

	gogum يوللىغان ۋاقتى  2013-1-6 02:57 PM رەھمەت، مۇشۇنداق ياخشى ناخشىنى كىرگۈزگىنىڭىزگە، بۇ بىر تۇپراقتا ئىچىلغان بىرگۈل        بوپ كۆرۈندى كۆزۈمگە، بۇ ناخشىنى ئاڭلاپ ،ئاللاھنى ئەسلەپ يىغلاپ كەتتىم. رەھمەت بۇ ناخشىڭىز ئارقىلىق ئاللاھقا تېخىمۇ يىقىنلاشتۇرغىنىڭىزغا،    بىزئاللاھنى ئەسلەپ يىغلىغان ۋاقتىمىزدا پەرىشتىلەرنىڭ قانىتى بىزگە تىگىدىكەن.