ئەقىللىق مايمۇن

Esimda

	بۇرۇن بىر چىغ قالپاق ساتىدىغان ئادەم ئۆتكەنىكەن. ئۇ ھەر كۈنى ناھايىتى تىرىشىپ تىجارەت قىلىدىكەن. بىر كۈنى، ھېرىپ-ئېچىپ ئۆيىگە مېڭىپتۇ ۋە بىردەم ھاردۇقىنى چىقىرىش ئۈچۈن بىر تۈپ دەرەخنىڭ تۈۋىدە ئولتۇرۇپ ئۇخلاپ قاپتۇ. ئويغىنىپ قارىسا قالپاقلىرى يوق. دەرەخنىڭ ئۈستىگە قارىسا، بىر توپ مايمۇن ھەر بىرى بىردىن قالپاقنى كىيىپ ھەييارلىق بىلەن ھېجىيىشىپ تۇرغىدەك. ئۇ ئادەم مايمۇننىڭ دورامچى مەخلۇقلىقىنى ئېسىگە ئېلىپ بېشىدىكى قالپاقنى يەرگە ئاتقانىكەن، مايمۇنلارنىڭ ھەممىسى بېشىدىكى قالپاقنى يەرگە ئېتىپتۇ، ئۇ قالپاقلارنى يىغىشتۇرۇپ ئۆيىگە قايتىپتۇ ۋە بولغان قىزىق ئىشنى بالا-چاقىلىرىغا ھېكايە قىلىپ بېرىپتۇ. نۇرغۇن يىللاردىن كېيىن ئۇنىڭ نەۋرىسى بوۋىسىنىڭ كەسپىگە ۋارىسلىق قىلىپتۇ. بىر كۈنى، ئۇ قالپاق سېتىپ ھېرىپ كېتىپ يول بويىدىكى دەرەخ تۈۋىدە ئۇخلاپ قېلىپ بوۋىسى ئۇچرىغان ئىشنىڭ نەق ئۆزىگە يولۇقۇپتۇ. ئۇ بوۋىسىنىڭ دەپ بەرگىنى بويىچە قالپاقنى بېشىدىن چۆرۈپ ئېتىپتۇ. ئەمما قارىسا مايمۇنلار جىممىدە قارىشىپ تۇرغىدەك. ئۇ ھەيران بولۇپ تۇرسا، دەرەخنىڭ كەينىدىن بىر قېرى مايمۇن چىقىپتۇ ۋە:<< نېمە؟ مېنىڭلا بوۋام بار دەپ ئويلاپ قالغانمىدىڭ؟ بىزنىمۇ بوش چاغلىما!>> دەپتۇ. ھېكمەت: ئۆتمۈشتىكى مۇۋەپپەقىيەت تەجرىبىلىرى بەزى ھاللاردا بۈگۈننىڭ مەغلۇبىيىتىگە ئۇرۇق سېلىپ بېرىدۇ. مەنبە: <<بايقىساڭ توپىمۇ ئالتۇن>> دېگەن كىتابتىن ئېلىندى. باشقا مۇنبەرگە چاپلىماقچى بولسىڭىز مەنبەسىنى ئەسكەرتىشنى ئۇنۇتماڭ. باشقىلارنىڭ ئەمگىكىگە ھۆرمەت قىلىڭ. رەھمەت.

كارۋان

	بۇنى غۇلجىلىق ھەمراجان  بىر نەچچە سورۇندا يۇمۇر قىلىپ ئېيتقان.مەن نەچچە ئاڭلىغان.بولىدۇ ئىشقىلىپ.

يولتۇز

	مەن ئاڭلىماپتىكەنمەن بۇلىدىغان ھېكمەتكەن

aa0998

	مېنىڭمۇ بۇ چاخچاقنى ئەمدە ئاڭلشىم شۇنداق تەربىۋي ئەھمىتى ياخشى ئېكەن

kaqmixlar

	مەن ئاڭلاپ بوغان

parlak/889

	بەزى ئادەملەردە ھازىر شۇ مايمۇنچىلىك ئەقىل يوق،

armi

	ھەمراجان  ئىيىتقان  يۇمۇر  بۇ  ،  مەنمۇ   پىلاستىنكىللرىنى  كۆرگەنىدىم  ئۇ  ئاكاشنىڭ .

aptap104

	بەزى ئەبلەخلەردە مايمۇنچىلىك كاللىمۇ يوق ....

saralik312

	مەنمۇ ئاڭلاپ بولغان ، يەنە ئاڭلىسىمۇ يەنە قىزقارلىق تۇيلىدىكەن ئادەمگە....

subhidikixabnam

	تەربىيۋى ئەھمىيەتكە ئىگە ئىكەن .