نىمشېھىت شېئىرلىرى

ۋەلىجان

	يۇرتۇمغا خەت             مىڭ پىغان-يۈز مىڭ پىغان بېشىمغا چۈشتى ئىپتىخار،             ئولتۇرۇپ قان يىغلىسام، بولماس يېتىپ يول يىراق.             كۆيدۈرۈپ كۈل قىلدى جانۇ تېنىمنى ئوتلۇق پىرىق،             ئەمدى پۇرقەت ئۇتىغا كۆيمەككە تاقەت بولدى تاق.            ھەددىدىن ئاشتى سېغىنماق- جاندىن ئۆتتى ئىشتىياق،            خانۇ ماندىن ئاجرىغاننىڭ تەلىپى بولمايدۇ ساق .            ئىككى كۆزنىڭ چەسمىسىدىن ئاقار ھامانۇ قان بۇلاق،            كۆزگە زىنداندەك كۆرىنەر گۈلچىمەندە سايرىماق.           ھەر كىشى ئايرىلمىسۇن ئەۋلادىدىن- ئەلدىن يىراق،           جۈپتى قىل يارەب مۇسەللىم، ھەرگىزمۇ قىلما زىدى تاق.           «ئاھ...!»دېدىم مەن دوسلىرىم چۈشتى بېشىمغا ئوت-پىراق.           ئەل پىراقۇ، ئەل پىراقۇ، ئەل پىراقۇ، ئەل پىراقۇ.                                                                      1929-يىلى ، قەشقەر                        ئۇكام ساڭا            سالام يوللاي ۋەتەن ئۈچۈن جان كۆيدۈرۈپ،           ئىشلەۋاتقان قىزغىن روھلۇق ئۇكام ساڭا !          چىن كۆڭۈلدىن بەلنى باغلاپ خەلق ئۈچۈن،          تىنماي ئىشلە نىشانسىزلىق ھارام ساڭا!         شەخسىي ئىشىڭ ۋەتەن-ئەلگە بېغىشلانسۇن،         پەن مەرىپەت ئىشلىرىغا قىل جان پىدا!...        ئېغىرچىلىق - قىيىنچىلىق تالدۇرمىسۇن،       ھاردىم دېيىش زور ئەيىپتۇر ئۇكام ساڭا!       خەلقمىزنىڭ كۈتكىنىنى ئادا قىلىش،       ئىجاد قىلىش، مېھنەت قىلىش قەرىزدۇر ساڭا!       ئەۋلادلارغا نەمۇنىلار قالدۇرۇشقا ،       ئۆمۈر بۇيى ئىشلىگىنىڭ راھەت ساڭا!       ھەركىم ئەگەر ئىستىقپالىغا سېلىپ نەزەر،       ئىش باشلىسا ئۇ، بولغۇسى ئۇستاز ساڭا.       ئوتلۇق يۈرۈك قەلبىڭ تازا بولسۇن ھامان ،       ۋىجدانلىق ئەر مەزلۇم ئەلگە چوڭ بىر پاناھ!...       كېلەچەكنىڭ مېمانلىرى ئەستە بولسۇن،       قالدۇرغىنىڭ ئۇلار ئۈچۈن ئارتسۇن يانا!       ئاناڭمۇ ھەم ساڭا بەرگەن سۈتلىرىگە،       رازى بولسۇن  كۈتكىنىدەك ئىشلە ئۇكا!       خۇشال بولسۇن سېنىڭ ئۆسكەن ئايماقلىرىڭ،       ۋەزىپەڭنى جان كۆيدۈرۈپ قىلغىن ئادا.       تەكەببۇرلۇق، ئىككى يۈزلۈك، يالغانچىلىق،       مەغرۇرلۇقنى سەن ئۆزۈڭگە ھېچ يۇلاتما.       قىزغىن روھلۇق، ئۆتكۈر كۆزلۈك، چىداملىق بول،       ئونتۇمىغىن ئەلنى دائىم ئەستە ساقلا.       بۇ سۆزۈمنى ئىش يۈزىدە كۆرسىتىشكە،      «سۆزى باغدا ، ئىشى تاغدا» بۇلۇپ قالما!      كونا تۇرمۇش ئادىتىدىنى ئارزۇ قىلما،      قۇرۇق مېڭە جاھىللارغا ئۇرغىن پەشۋا!        گۈللەپ ئۆتسۇن يۇرتىمىزدا مەدەنىيەت،      قانلار يۈتسۇن كۆرەلمەسلەر ھەم ئىپلاسلار!     ئارزۇلارنى كۆڭۈل قۇيۇپ ئىشلىگەندە،     قەتئىي بۇلۇڭ كۈچلۈك بىلەك سىزدەك ياشلا!     بۈگۈن سىنىڭ بۇ شەرەپلىك خىزمەتلەرنى     ئۆتەش ۋاقتىڭ، سۇسلۇق قىلما سەن بۇ يولدا.    خەلق ئۈچۈن ئىشلەيدىغان يارەنلەرگە،   ئىلھام بولسۇن ئىلتىماسىم ئۆز ۋاقتىدا.    سېزىلسە ئەگەر خەلق ھاياتىنى قىرقىغۇچى،    يوقۇتۇشقا بىر مىنۇتمۇ سۇسلۇق قىلما !    يالغۇز ئەگەر نۇرغۇن دۈشمەن ئارا كىرسەڭ،    بومبا بۇلۇپ پارتلا ئۇنى تىتىپ تاشلا!...    قايناپ تۇرسۇن قىزىق قېنىڭ ۋولقانلاردەك،    پۇرسەت بەرمە ئالدامچىغا ئىنىم ئەسلا!    ئۆگىنىشتە تىرىشچانلىق يۇلۇڭ بولسۇن،    يانجىپ تاشلا ئەگەر يۇلۇقسا تۇسالغۇلا!    چېلىش -كۆرەش مەيدانىدا جەۋلان قىلغىن ،    ئارتتا قالغان ئوغلانلارنى ئالغا باشلا !    شۇ مەقسەتتە ئىشلەردىغان بارلىق ئۇكام،    نىمشېھىتنىڭ تىلىكى شۇ بېسىڭ ئالغا !...                                                                 1941-يىلى 23- ئاۋغۇست  ، ئاقسۇ

bugaltir

	[img][/img]

tax☆kampit

	ئەجرىڭىزگە تەشەككۈر!!!!!!!!

〓重新开始〓

	ياخشې  شېر  لا

ababaiker

	يۈرەكتىن چىكىدۇ  ھە

yalkun085

	مەزمۇنى چوڭقۇر شېئىركەن.

تېرەك

	ئىسىل شېرىلاردە بۇ.

baheram

	بۇشئرلار ناھايىتى ياخشى ئكەن

aa0998

	مەن نىمشېىت ئەپەندىمنىڭ جاھان رانارلىرى دىگەن شېئىرنى بەك ياخشى كۆرىمەن