قايغۇرماڭ ئاللاھ سىز بىلەن بىرگە

ne-sin

	قايغۇرماڭ ئاللاھ سىز بىلەن بىرگە                                      دوكتۇر ئائىز قەرنى                                              قايغۇرماڭ    كائىناتنى ياراتقان بىر زات سىزنى مۇھاپىزەت قىلۋاتسا نىمگە قايغۇرسىز ؟ قەدەرنى يازغۇچى، مەغپىرەتلىكتۇر. ئىشلارنى ئاسان قىلغۇچى ۋە رىزىق بەرگۈچىدۇ. ھەممىنى كۆرۈپ تۇرغۇچى ۋە ئاڭلاپ تۇرغىچىدۇر. ئۇنۇتماڭكى ئۇ ئىشلىرىڭىز ۋە ھاياتىڭىز ئۇنىڭ قولىدىدۇر. ئۇ سىزگە زىمىندىكى بارلىق نەرسىلەرنى يارتىپ بەرگەن رەببىڭىز ئاللاھدۇر. قايغۇرماڭ ! چۈنكى سىز ئاللاھقا ۋە ئۇنىڭ پەرىشتە، پەيغەمبەرلىرىگە شۇنداقلا ئاخىرەت كۈنىگە، ياخشىلىق ۋە يامانلىقنىڭ قەدەر بىلەن بولدىغانلىقىغا ئىشەنگەن بىر مۇسۇلمانسىز، مۇئمىنسىز ! قايغۇرماڭ ! ئەگەر گۇناھ ئۆتكۈزگەن بولسىڭىز تەۋبە قىلىڭ، ئۇ رەھمەتلىك زات كەچۈرىدۇ، ئەگەر خاتا ئىش قىلۋاتقان بولسىڭىز، ئۇ ئىشىڭىزدىن يېنىڭ، مەرھەممىتى كەڭرى بولغان ئۇ زات سىزگە رەھمەت ئىشىكىنى ئاچىدۇ. قايغۇرماڭ ! بولغان ئىش بوپ بولدى، ئىبرەت ئېلىڭ، ھازىرقى ئىشىڭىزدا تەدبىرلىك بولۇڭ، قەدەر قەلىمىڭىز قۇرۇپ بولدى، تەقدىر سەھىپىڭىز تېخى ئۇزۇن، ھەممە ئىش ئورۇنلىشىپ بولغان، سىزنىڭ قايغۇ ھەسرىتىڭىز بىرەر ئىشنى ئىلگىرى سۈرەلمەيدۇ ياكى كېچىكتۈرۈلمەيدۇ. قوشۇپ قويالمايدۇ ياكى ئېلۋىتەلمەيدۇ.( ئۆتكەندىن ئىبرەت كەلگۈسىگە ھىكمەت بىلەن قاراڭ ) قايغۇرماڭ ! قايغۇ ھەسرىتىڭىز بىلەن زاماننى توردۇرماقچى، قۇياشنى توختاتماقچى، سائەتنىڭ ئىستىرىلكىسىنى كەينىگە ياندۇرماقچى.(ئارزۇ قىلغان بىر زامانىڭىزغا قايتىۋالماقچى بولسىز ) ئۇنداق ئەمەس، قايغۇڭىز ھېچ نەرسىنى ئۆزگەرتەلمەيدۇ. قايغۇرماڭ ! چۈنكى قايغۇ قاتتىق بوراندور، ساپ ھاۋانى بۇزۇپ، سۇلارنى دولقۇللىتىپ ئاسماننى توپا چاڭغا توشقۇزۇپ باغچىدىكى دەل دەرەخلەرنى سۇندۇرۋەتكەنگە ئوخشاش ( كەيپىياتىڭىزنى بۇزۇپ، سىزنى ئۈمۈتسىزلىك ۋە ھورۇنلۇق كۆچسىغا سورەيدۇ) قايغۇرماڭ ! نمگە قايغۇرسىزكى ، سېزنىڭ رەببىڭىز بار، دۇئا قىلالايسىز ، پادىشاھلارنىڭ شاھىنىڭ رەھمەت ئىشىكى ئالدىدا مىسكىن قولۇڭىڭىزنى  كۆترۈپ تۇرالايسىز. كىچىنىڭ ئاخىرقى يېرىملىرىدا ئاللاھىم دەپ نىدا قىلالايسىز ، ۋە ئاللاھقا ئەڭ يېقىن بولدىغان سەجدگە پىشانەڭىڭزنى  قويۇپ يىغلىيالايسىز. قايغۇرماڭ ! ئاللاھ سىزگە زىمنىدىكى بارلىق نەرىسىلەرنى يارتىپ بەرمىدىمۇ؟ مىۋلەرنى باغچىلارنى ئۈندۈرۈپ بەرمىدىمۇ؟ ھەر تۈرلۇك دەرەخلەرنى،بوستانلىقلارنى يارتىپ بەرمىدىمۇ ؟ ئۈستىڭىزدىكى نۇرلۇق يۇلتۇزلارنىچۇ ؟  يەنە نىمگە قايغۇرسىز ؟ قايغۇرماڭ ! پاكىزە سۇلارنى ئىچۋاتسىز، ساپ ھاۋادىن نەپەس ئېلۋاتىسز ، ساق سالامەت مېڭۋاتىسىز، كېچلىكى راھەت ئۇخلاۋاتسىز، سىز نىمگە قايغۇرسىز ؟ قايغۇرماڭ ! قارا بۇلۇتلارنىڭ قانداق تاراپ كېتۋاتقانلىرنى كۆرمەيۋاتامسىز؟ قاراڭغۇ كېچە قانداق يورىۋاتىدۇ؟ قاتتىق بوراق قانداق توختاپ قېلىۋاتىدۇ؟ ( ئاللاھ ھاياتىڭىزنى ئۆزگەرتىشكە ، ۋە سىز قۇتلۇشنى ئارزۇ قىلغان مۇشكىلاتلاردىن قۇتۇلدۇرۇشقا قادىر ئەمەسمۇ ؟) قايغۇرماڭ ! بەخىتلىك ھاياتىڭىزنى خيال سۈرۈش، ۋە كېچىللىرى غەم قايغۇ بىلەن ئۆتكۈزۋەتمەڭ،ۋە ئىسراپ قىلماڭ ، ئاللاھ ئىسراپخۇرلارنى ياخشى كۆرمەيدۇ. ئەڭ ئاخىرىدا دەيىدىغىنىم يەنىلا قايغۇرماڭ !!! (ھايات ئەمەلىيەت ۋە ھەركەتتۇر، خيال سۈرۈش ۋە غەم قايغۇ ئاجىزلارنىڭ ئۆزىنى ئالداش يولىدىن ئىبارەت )      دوكتۇرنىڭ  شۇ ناملىق ماقالىسىدىن ئۆزلەشتۈرۈپ تەرجىمە قىلىندى (ۋولقان)

faruk063

	ياخشى تەرجىمە قىپسىز. ئاللاھ رەھمەت قىلسۇن، تەرجىمىڭىزنى تېخىمۇ ياخشى قىلسۇن! ئائىز ئەلقەرنىينىڭ قايغۇرمىغىن (لا تەھزەن) كىتابىدا بارمىدۇ؟

ONLY212

	ئازاپ-ئوقىبەت، قايغۇرۇش،خاپىلىق،ماتەم...ئىنساننىڭ بىشىغا كۆپ كىلىدۇ ... بېشىڭىزغا دەرت كەلگەندە، ھەي تەڭرىم مېنىڭ دەردىم بار دىمەي، ھەي دەرت مېنىڭ تەڭرىم بار دېيىشنى ئۈگۈنۈڭ.

مسكىنÍÍ

	ماڭىلا ئاتاپ يازدىڭىزمۇ نېمە ما تېمىنى . كۆپ تەشەككۈر. ھارمىغايسىز.

musilina

	اللاھ رەھمەت قىلسۇن،مەزمۇنى چوڭقۇر،تەربىيىۋى قىممەتكە ئىگە، ناھايىتى ئەھمىيەتلىك ،دۇردانە نەسىھىتنى بىزگگ سۇنغىنىڭىزغا كۆپ تەشەككۈر....

qirakpay

	.....مۆمۈنلەر ئۈچۈن نىمىدىگەن ئولۇغ چاقىرىق ۋە خىتاب-بۇ...رەببىمىزنى تۇنىساقلا.......‹قاغۇرماڭ،باتۇرلارچە ياشاڭ›!

YAZR

	بۇنىمۇ  ساقلاپ  قۇياي

azizgul

	ئەسسالامۇ - ئەلەيكۇم ، اللە كۆپ ئەجىرلەر ئاتا قىلسۇن ، ئىلىمىڭىزنى زىيادە قىلسۇن ، ئامىن !

BARBI

	تەقدىر سەھىپىڭىز تېخى ئۇزۇن، ھەممە ئىش ئورۇنلىشىپ بولغان، سىزنىڭ قايغۇ ھەسرىتىڭىز بىرەر ئىشنى ئىلگىرى سۈرەلمەيدۇ ياكى كېچىكتۈرۈلمەيدۇ. قوشۇپ قويالمايدۇ ياكى ئېلۋىتەلمەيدۇ.                                    قايغۇرمايمەن   بۇ كۈنلەرمۇ     ئۆتۇپ كىتىدۇ.

ئىپارە

	يەنە بىر ياخشى تېمىدىن بىرنى ئوقۇدۇم، رەھمەت سىزگە !