قەشقەر پاراڭلىرىدىن ...

ozturukbiz

	قەشقەر پاراڭلىرىدىن ...      مەنمۇ قەشقەر پاراڭلىرىدىن ئۆز قۇلاقلىرىم بىلەن ئاڭلىغانلىرىمنى كەڭ تورداش دوستلا بىلەن ئورتاقلاشسام... ئالدىنقى قېتىم بىر غۇلجىلىق ئاغىنەم بىلەن قۇش سېتىۋېلىش ئۈچۈن تاختا كۆۋرۈكتىكى قۇش بازىرىغا باردۇق. مەخسەت قۇش سېتىۋېلىش بولسىمۇ بىردەم بازار ئارىلىدۇق. قەشقەردە قۇغۇن-تاۋۇزنى پىچىپ ساتىدىغان كاسىپلارمۇ كۆپ، ئاغىنەم بىلەن قۇغۇن تىلدۇرۇپ يىمەك بولۇپ بىر تىلىمدىن پىچىپ بەرسىلە، دېۋىدۇق شارتتىدە قىلىپ نىپىز تىلىپ تۇتقۇزۇپ قويدى، بىز ئامالسىز ئاغزىمىزغا ئەمدە ئاپىرىشىمىزغا يەنە بىرياشانغان كىشى قۇغۇن تىلدۇردى، قۇغۇنچى شارتتىدە قىلىپ نىپىز تىلىپ تۇتقۇزۇپ قويدى،ئۇ كىشى سەل رەنجىپراق قۇغۇننى قولىغا ئالدىدە تەنە قىلغاندەك قۇياشقا تەڭلەپ < بۇنىڭدىن نېمۇ كۆرۈنىدۇ؟>دېۋېدى، قۇغۇنچى  دەرھاللا <ئاكا، يەۋەسىلە، بۇ تەرەپتىن قارىسىلا ئافاق خوجا مازىرى،ئۇ تەرەپتىن قارىسىلا ھېيتگاھ كۈرىنىدۇ>...دېمەسما ئەتراپتىكىلەر پاراققىدە كۈلۈشۈپ كەتتى،ئۇ كىشى گەپمۇ قىلماستىن  قۇغۇننىڭ پۇلىنى بېرىپلا كىتىپ قالدى، كىيىنمۇ شۇ ئىش توغۇرسىدا خېلى ئۇزاقلارغىچە كۈلۈشۈپ يۈردۇق. بىر كۈنى بىر قىز ساۋاقداش 17-يولنىڭ ئاپتۇبۇسېغا چىقىپ تۇرۇشىغا ئارقىدىن بىر چوڭ ئانا ئاپتۇبۇسېغا چىقىپتۇ، يېنىدا پارچە پۇل يوق ئىكەن ، دەماللىققا خىجىل بولۇپ قاپتۇ، ئۇنىڭغىچە قىز ساۋاقداش يېنىدىن بىر يۇەن چىقىرىپلا ئۇ چوڭ ئانىنىڭ پۇلىسىنى تۆلىۋېتىپتۇ. چوڭ ئانا رەھمەت ئېيتىپ قىز ساۋاقداشنىڭ يېنىدا كىلىپ ئوتۇرۇپتۇ-دە بۇ ياخشى قىزغا قاراپ كۈلۈمسىرەپ ئولتۇرۇۋېرىپتۇ...نەچە بىكەت ئۆتكىچە شۇنداق قاراۋېرىپتۇدە، شۇنىڭ بىلەن قىز <چوڭ ئانا نىمانچە قايلاۋېرلا؟>دېسە،<قىزىم مېنى تۇنۇپ قاپلا ھە؟>دەپتۇ، قىز تېخىمۇ ھەيران بۇلۇپ <ۋۇي مەن سىلىنى قانداق تونۇيدىكەنمەن؟>دېيىشىگە چوڭ ئانا جاۋابەن<مېنىغۇ تونىمىسىلا ، ئەمما ئوغلۇمنى تۇنۇمدىكىن دەيمىيا..>  دەپتۇ...ھاھاھا... مەنبە؛قەشقەردە كۆرگەن ئاڭلىغانلىرىم.

ANWAR425

	2- بەك قىزىقارلىقكەن 1- ئۈزگىچە پاراڭ ئىشقىلىپ ئاڭلىسا بىرخىللا بۇلۇپ قالىدۇ ئادەم  !!

MTBPAZIL

	قەشقەرلىكنىڭ گەپلىرى خۇددى يومۇرلاردەك قىزقارلىق....

چىقىن

	چۈشتە داموللامنى خوچىزەندىن يولغا  سېلىپ بولاپ، دۇككانغا توڭلىتىش ساندۇقى (بىڭگۈي) ئالغىلى خۇەنجاڭغا كىردىم. 650 لىتىرلىق يوغان بىر توڭلىتىش ساندۇقىنى سودىلاشتىم.   _ ما بىڭگۈي نەچچە پۇلكەن؟ _باھا قويايمۇ يا نەخ يېرىنى دەيما؟ _نەخ يېرىنى دىسە. _5500 كوي بەسىللىرى بولىدا، شەھەر ئىچىدىكى ھەرقانداق ئورۇنغا يەتكۈزۈپ بىرىمىز. _4000 كوي بەسەم بولا؟    _تىلپۇن نومۇرلىرىنى دەپ بەسە.   _ نىم قىللا؟   _زاۋۇتقا دەپ پۇللىرىغا لايىقنى ياسىتىپ بىرەي، پۈتكەندە تىلپۇن قىلاي.   _كەم بولا دىسىللىرى بوممامدا سىسىق گەپ قىغۇچە، 200 كوي قاتسام كىلەمدا؟   _كەم بولا.    _ خېلى چوڭكەن، بىرە كالىنىڭ، تۆت بەش قوينىڭ گۆشى پاتىغاندەك قىلىدۇ.   _ قاسساپ ئوخشىماملا، ياز ۋاقتىدا ئىسسىپ كەتسىللىرى بىرە كالىنىڭ، تۆت بەش قوينىڭ گۆشىگە ياندىشىپ ئۆزلىرىمۇ كىرىپ پۇتلىرىنى سوزۇپ يىتۋاسىللىرىمۇ پاتىلا.   كۈلۈپ كەتتىم.     _ قايلىسا، مانى جىق تالاشمايلى، سىلى 4500 كوينى كۆزلەتىلا. 100 كوي سورىۋالاي، 4400 كويغا بەلىما؟ _يوۋ، چۆيۈندەك سودا قىلىدىغان بالىكەنلا ئەمما، سىلى چۈيۈن بوسىللىرى مەن بۇشۇگاڭ، 4500 كويغا ئاغىللىرى بوسا ئاسا. _بوپتۇ ئالسام ئالاي، ئۇلۇغچاتقا يەتكۈزۈپ بىرەلا؟ _ئۇلۇغچات دىگەن ئى ھىيتكانىڭ كەينىدىكى يە شۇما؟ (ئۇلۇغچاتنىڭ نەدىلكىنى بىلىدۇ، قەستەن شۇنداق دەۋاتىدۇ). _90 كىلومىتىر كىلىدۇ شەگە.   _خاپۇممىسىا، شەنىڭ ئىچى بولغان بولسا مىڭ مىرەتى يەتكۈزۈپ، دۇككانلىرىغا ئورۇنلاشتۇرۇپ، قويلىرىدىن تۆتنى، كالىللىرىدىن بىرنى پارچىلاپ سەپ بىرىپ كەيگۈەنسىنى بىسىپ بىرىپ كىلىتىم. لىكىن ئۇلۇغچاتقا يەتكۈزۈپ بىرەممەيمەن.   شۇنداق قىلىپ 6500 كوي دىگەن توڭلىتىش ساندۇقىنى 4500 كويغا ئېلىپ يىنىپ چىقتىم.   توڭلىتىش ساندۇقىنى پىكا ماشىندىن يولغا سېلىۋىتىپ تىلپۇن بازىرىنىڭ يېنىدىن ئۆتۈپ قاپتىمەن. ئالتە يەتتە كىشى بىر تىلپۇن سودا قىلىۋۋاتقان يەگە ژىغىلۋاپتۇ. بېرىپ كۆرۈپ باقتىم. LG تىلفۇننىڭ سودىسى بولىۋىتىپتۇ.     _ئۇكام مانى بەسەڭ 350 كويغا ئەپ قوياي، ما باللا سالا قىلىپ 50 كوي قوشتۇرۋەتتى.   _كەم بولا، تۆت يۈز كويدىن بىر موچەن كەم بوسا ساتمايمەن. _ھە بولاپتا، ساتماي كەچتە ئۆيۈڭگە ئاپىرىپ ئوينا ئۇكام. تۆيۈزكويغا بېشىمغا بىللادىننىڭ AK قىرق يەتتە تاپانجىسىنى تەڭلەپ تۇرۇپ ئالامسە دىسەڭمۇ ئالمايمە تىلپۇنۇڭنى...   ئەتراپتا پاراققىدە كۈلكە كۆتۈرۈلدى، كۈلگەچ كىتىپ قالدىم.   كەچتە ئاكامنىڭ ئۆيىنىڭ يېنىدىكى كەپتەر بازىرىغا باردىم. ھەرەڭ سەرەڭ كەپتەرلەر...  ئارىلاپ يۈرۈپ ياپمىسى كىلىشكەن، قىزىلىمۇ ناھايىتى ئۆلچەملىك، پايپاقلىرى قاناتتەكلا ئۆسۈپ كەتكەن پۇزۇر قىزىلچىدىن بىر جۈپكە كۆزۈم چۈشتى.   قولامغا ئېلىپ ئۆرۈپ چۆرۈپ كۆرۈپ بولغاندىن كىيىن قېرى كەپتاۋازغا: _ما بىر جۈپ قىزىلچىغا نەچچە پۇل بىرىمە ئاكا؟   _ راس ئاغىللىرى بامۇيا ئۇكېېېم؟ ماۋۇ ئادەتتىكى قىزىلچى ئەمەس، پۇلى سەل قىممەترەك.   _ئالغۇم بولمىسا سورىمايتىم، ھە باھا قويسا. _1600 كوي بەسە، ئۇنىڭدىن جىق دىسەم قوقاپ كەتمىسلە يەنە.     _800 كوي بەسەم كىلەمدا؟ _ ھى ھى، بەلەن سولا ئۇكام بەلەن سولا، رەخمەت. مىنىڭ ئۆيەم ئى توققۇستاش مەچىتنىڭ كەينىدە، بىر ئايدىن كىيىن 800 كوي پۇلنى كۆتىرەپ چىسىللىرى مانىڭ تۇخۇمىدىن بىرەي...     قىزىلچىنى قەپەسكە سەپ قوياپ گەپ قىلماي كىتىپ قالدىم. ھەي مۇشۇ قەشقەلىقلەرنى زە ...

ئاپتاپ

	قوغداپ قالغۇدەك گەپلەر ، ئۇ گەپلەر ئىنتايىن جانلىق تىلدا ئىپادىلەپ بىرىلگەن .

nazigul8

	قەشقەر پارىڭى دىسە قىزىقمايدىغان ئادەم يوقمىكىن، قەشقەر پارىڭىدا ھەم يۇمۇرلۇق ھەم بەك مەنىلىك تېگى بار گەپلەر بولىدىچۇ.

مسكىنÍÍ

	ئاڭلىسام ئاڭلىغۇم كېلىدۇ مۇشۇ قەشقەر پاراڭلىرنى، ئاللاھ بېرىشقا نىسىپ قىلسا ، بىركۆرسەم دەيمەن.

wissal@131

	ھەقىقەتەن مەنىسى چوڭقۇر  يۇمۇرلۇق پاراڭلار بار جىما   ما  قەشقەدە

ONLY212

	نىمدا قۇلقۇم قىززىيدىكىن دىسەم ئەسلى بۇ يەردە بىزنىڭ گەپلەر بولاۋىتىپتىدە ...

joda☠

	خە خە خە ..ئاڭلاپ باقمىغىنىكەن بۇ .  داۋاملىق يوللاپ تۇراسىز ....