مەن مۇھەببەت بىلەن ياشاۋاتىمەن

320nurzat

	مەن مۇھەببەت بىلەن ياشاۋاتىمەن تەقدىرنىڭ چاقچىقى بىلەن يورۇق دۇنيانى قاراڭغۇلۇق سۈپىتى بىلەن كۆرۋاتىمەن . بۇ كۆزۈمنىڭ ماڭا كۆرسەتكىنى ئىدى، ئەمما قەلب كۆزۈمنىڭ كۆرسەتكىنى بۇلسا يېڭىچە دۇنيا_ مەن مۇھەببەت بىلەن ياشاۋاتقان دۇنيا ئىدى. بۇرۇن تەقدىرنىڭ بۇ ئادالەتسىزلىكى ئۈچۈن ياش تۆككەن ئىدىم ، ئۆمۈرۈمنىڭ باھار پەسلىدە ئۇچۇرغان بۇ قېسمىتىم ئۈچۈن ياش تۆككەن ئىدىم . ئەمما ھازىر ھايات يولىدا كۈرەش ئۈچۈن مۇشت تۈگدۈم . چۈنكى ، مۇھەببەت ماڭا بەخت بىغىشلىدى، قوياش زېمىنغا كۈلۈپ باققاندەك ، ھاياتقا مەردانە كۈلۈپ بىقىشقا ئىلھاملاندۇردى . شۇڭا مەن مۇھەببەت بىلەن ياشاۋاتىمەن . تەقدىر بولسا گەر قانچە رەھىمسىز ، ھەر ۋاقىت ھۇشيار بۇل بولما تەبىرسىز. كۈرەش قىل بەرمىگىن ئۇنىڭغا بوي ، بولما ئالدىدا شۇنچە قەدىرسىز . < دۇنيا ئۆزىنى سۆيگەنلەر بىلەن گۈزەل > ، شۇنداق دۇنيا ئەسلىدىنلا گۈزەل ئىدى ، ئۇ ئۆزىنى سۆيگەنلەرنىڭ مۇھەببىتى بىلەن يۈكسەك گۈزەللىكنىڭ تەختىدە سۇلتان بولدى . مەن ئەنە شۇ يۈكسەك گۈزەللىكنىڭ شاھىدى بولدۇم ، كۆزۈم بىلەن ئەمەس ، قەلبىم بىلەن شاھىدى بولدۇم . مەن ئۆز نىشانىم بىلەن ھايات يولىدا مېڭىۋاتىمەن گۈزەل مەنزىلگە قاراپ . مەن ئىزلەيمەن ھاياتتا بىلىم خەزىنىسىنى ، ئىزلەيمەن ھەم دۇنيانىڭ ھەقىقىتىنى ، تاكى يارالمىش قېسمىتىم ئاخىرلاشقۇچە . ئەمەستۇر ئارمىنىم نىشانسىز ياشاش ، ئەمەستۇر ئادىتىم دۇنيادىن قاقشاش . ھاياتنى سۆيىمەن چۈنكى مەن ئادەم ، مەقسىتىم ھاياتنى گۈللىتىپ ياشاش . < يۇم كۆزۈڭنى ، كۆزگە ئايلانسۇن كۆڭۈل >  .  مېنىڭ كۆزۈم قاراڭغۇلۇق بىلەن يۇمۇلدى ، كۆڭلۈم بولسا ئەتراپىمدىكىلەرنىڭ مۇھەببىتى بىلەن كۆزگە ئايلاندى . مەن تەقدىرىمنىڭ تۆمۈرچىسى بولدۇم . ھاياتقا بولغان مۇھەببىتىم___ تەقدىرىمنىڭ تەلپۈنىشى ، ئىتىقادىمنىڭ كۈرەش نىشانى ، كىشىلىك تۇرمۇشۇمنىڭ قېممەت ئۆلچىمى بولدى . مەن ئۆز تەقدىرىمنىڭ تارىخچىسى بولدۇم ، تارىخ يېزىۋاتىمەن . قەلب كۆزۈم بىلەن تارىخىمنى توغرا رەۋىشتە يېزىشقا تىرىشۋاتىمەن . چۈنكى تەڭرى ماڭا قەغەز-قەلەم بەرگەن بىلەن ئۆچۈرگۈچ بەرمىگەنىدى ، كۆزۈمدىن ئايرىغان بىلەن مۇھەببەتتىن ئايرىمىغانىدى. شۇڭا مەن مۇھەببەت بىلەن ياشاۋاتىمەن . بەختىمگە قارا سانىما ئەي قارا پەلەك ، بۇ مېنىڭ ئەجرىمدىن ، قان تەردىن كەلگەن . ھاياتىم نۇرانە ، كۆز قىزارتمىغىن ، ئىجادىي ئەمگىكىمدىن ئالتۇن ھەل بەرگەن . مەن مۇھەببەت بىلەن ياشاۋاتىمەن ، شۇڭا ھەر ۋاقىت دەيمەن :< مۇھەببەتنى ئۆزىنىڭ چىن مەناسى بىلەن يۇقىرى پەللىگە كۆتۈرەلىگەن ئادەم __ ئەڭ بەختىلىك ئادەم .> دەپ . مەنبە : ئۆزۈم

othor

	مەنمۇ مۇھاببەت بىلەن ياشاۋاتىمەن ، باشقا بىرسىگە ئەمەس ، بەلكىم ئۆزۈمگە بولغان مۇھاببىتىم بىلەن ياشاۋاتىمەن .. مەن بەلكىم شەخسىيەتچىدۇرمەن ...

مىرشاپ

	دۇنيا ئەدەپ-ئەخلاق ، ئنسانى پەزىلەت بىلەن گۈزەلدۇر. ئىشەنچ بىلەن ئالغا ئىلگىرلەش كېرەك.

ئنتىزار

	دۇنيا. مۇھەببەت بىلەن گۈزەل لىكن ئۇ مۇھەببەت ھەممە ئادەم گە نىسىپ بولمايدۇ مۇھەببەت قەدىرلىگەنلەگە مەنسۇپ

noriya

	مەن نان چاي بىلەن ياشاۋاتىمەن

nazigul8

	مۇھەببەتنى ئۆزىنىڭ چىن مەناسى بىلەن يۇقىرى پەللىگە كۆتۈرەلىگەن ئادەم __ ئەڭ بەختىلىك ئادەم!

ONLY212

	ئىككى ئالەمدىكى ‹مۇھەببەت› ئىچىدە ، بەندىنىڭ رەببىسىگە بولغان مۇھەببىتىدىن باشقا مۇھەببەت ئارتۇق بولسا بولمايدۇ .... بۇ دۇنيادىكى ‹مۇھەببەت›ئىچىدە، ئانىنىڭ پەرزەنتىگە بولغان مۇھەببىتى ئەڭ ئۇلۇغ ھەم ئىزچىل بەدەل تۆلىگەن ‹مۇھەببەت›... بۇ دۇنيادىكى ئەڭ شىرىن ‹مۇھەببەت› ئىچىدە، ئىككى مۇسۇلمان كىشىنىڭ نىكاھ مۇھەببىتى ... بۇ دۇنيادىكى ئەڭ ئاچچىق ‹مۇھەببەت›ئىچىدە ، سىز ئۇنى ياخشى كۆرۈپ ، ئۇ خەقنى ياخشى كۆرۈش بۇ ئەڭ ئاچچىق مۇھەببەت ... بۇ دۇنيادىكى ئەڭ رەزىل ‹مۇھەببەت›ئىچىدە ، مال-دۇنياغا بولغان مۇھەببەت، بۇ مۇھەببەت ئەڭ رەزىل بولۇپ ، مال-دۇنيانى ياخشى كۆرۈپ قالسىڭىز، كىشىلەرنىڭ ھەم رەببىمىزنىڭ نەزىرىدىن چۈپ كىتىسىز !   ‹مۇھەببەت› بەك كۆپ ، .....

مسكىنÍÍ

	ئۆزۈمگە مۇھەببىتىم يوق ،باشقىلارغا ئەسلا ،ئەمما مۇھەببىتى بارلارنىڭ مۇھەببىتىنى قەدىرلىمەيۋاتىمەن، ھايات ياششىمدىكى بىردىنبىر كۈچ ئۆزۈمنىڭ ئىنسان ئىكەنلىكىمنى بۈلىمەن ، گەدىنىمدە قەرزىم كۆپ،بۇنى تۆلىۋەتمەي كەتكىلى بولمايدۇدە ............

dolathenim

	دوستۇم سىز بەك غەيرەتلىك ئىكەنسىز  ،غەيرىتىڭىزگە بارىكاللا! مۇھەببەت بىلەن ،ئىشەنچ بىلەن ياشاڭ!  مەن  باشقىلارغا بولغان چىن ئەقىدەم،ساپ مۇھەببىتىم بىلەن ياشاۋاتىمەن . دوستۇم مەن ئالدىڭىزدىلا،ھەر قېتىم سىزگە كۈلۇپ قاراشنى ئۇنتۇپ قالمايمەن.

ozturukbiz

	ۋوي  سىز مۇھەببەت جەھەتتە  مۇھەببەت  پىشۋالىرىدىن تەلىم ئالغانمۇ يا