ئانا تىلىم- ئانام بەرگەن تىل!‹مۇكاپاتلىق ئەسەرلەر پائالىيىتىگە›

orhunogli

	مىسرانىم،مەشرەپ مۇكاپاتلىق ئەسەرلەر پائالىيتىگە: ئانا تىلىم- ئانام بەرگەن تىل ئوسمانجان مۇھەممەد ئورخۇن ئوغلى ئانا تىلى مۈرىۋەتلىك  تىل، زەپەر ھەمراھ ھۆرمەتلىك تىل. ساتقىنلارغا سايىسىز  قوياش، ھەقدار ئۈچۈن قىيامەتلىك تىل. بالاغەتنىڭ جىلۋىسى  سەندە پاساھەتنىڭ قىبلىسى  سەندە. ئەجداتلارنىڭ گۈل ئىزى سەندە، كۆيگەنلەرگە ھالاۋەتلىك  تىل. ئۇيغۇر تىلى ئانام بەرگەن تىل، ئەلمىساقتىن خىزىر بەرگەن تىل. مىنى كۆككە كۆتىرىدىغان تىل، قەددىم ئۈچۈن جاسارەتلىك تىل. ئانا تىلىم  پاساھەتلىك  تىل، ئەجداتلاردىن ئامانەتلىك تىل. قوياش بولغان زامان  كۆكىدە، ئەۋلاتلارغا  ئامانەتلىك  تىل. ئەبجەش قىلدى سىنى تالايلار، شۇڭا دۈشمەن دېدى گادايلار. روھىمىزدىن  باسسا قۇرايلار ، نىچۈن دەيمىز ھاقارەتلىك تىل. قەددىڭ سىنىڭ پۈكۈلمەس ھەرگىز، قەلىبلەرگە  ئاقتۇرۇپ   ئەگىز . ساڭا شەيدا مىليۇن ئوغۇل-قىز ، قەددىمىزگە جاسارەتلىك  تىل . ئۆتمۈش دېدى جاراھەتلىك تىل، تۇرساڭ تۈركۈم جامائەتلىك تىل. قىزىل گۈلدەك ماتامەتلىك تىل، ئازغۇنلارغا  پاراسەتلىك   تىل. مەغرىپتىمۇ  قاياشىمىز  بار، خەندانىمىز،كۆز ياشىمىز بار. زۇلمەتلەردە قوياشىمىز  بار ، ئالەملەردە ھارارەتلىك تىل. يىلتىزىڭ  ئۇ، تەكلىماكاندا، ياشناپ كەلدىڭ ھەر زامانلاردا. بىرلا  ئۇيغۇر  قالسا  جاھاندا ، ئۆچمەيدىغان ھارارەتلىك  تىل. يىلتىزىڭ  بار  ئانا  ۋەتەندە، ئۇلۇغلۇقنىڭ چەشمىسى سەندە. جاراڭلايسەن ماكان –ماكاندا، ئەمەستۇرسەن جاراھەتلىك تىل. سەن  تونۇتتۇڭ  ماڭا  ئەغيارنى ، ھەمراھ قىلدىڭ جەڭگاھتا تۇلپارنى. زىمىستاندا  تەڭلەپ   باھارنى ، يالقۇن كەبى  ھارارەتلىك  تىل. تاشلاپ كەتسە سەن تاشلىمايسەن، ھالاكەتنى    باغاشلىمايسەن  . ئۇلغۇيسەن   ياۋاشلىمايسەن ، توققۇزۇڭ تەل كامالەتلىك تىل. سىنىڭ ئۈچۈن جان بەرگەنلەر كۆپ، ۋۇجۇدۇڭغا  قان  بەرگەنلەر  كۆپ. كەلدۇق دىلغا مىڭ ئارمان پۈكۈپ، سىنى  سۆيۈپ  قىيامەتلىك  تىل . شەھرى قەشقەر ئوسمانجان مۇھەممەد ئورخۇن ئوغلى

YAZR

	ھازىر ھەممە يەردە ئانا تىلىم يەسلىسى دىگەن تەشۋىقاتنى  ئۇچراتقىلى بولىدۇ ،  تەخىرسىز ھالغا كەپ قاغان دىمىسىمۇ ،  مۇشۇ تەرەپتە مۇشۇنداق يازمىلار بىلەن  ئانا تىلىمىزنىڭ  مۇھىملىقىنى تەشۋىق قىلىش خېلى ئۈنۈملۈك رول ئوينايدۇ

wapadarjallat

	يوللانمىڭىزغا كوپ رەخمەت ئاناتىل99غا ئەگەشتىم توغرا گەپ قىپتۇ

marjan

marjan

	راستىنلا  توۋا دىگۈدەك ئىش بوپتۇ، ئىنكاس يوققۇ ماۋۇ تېمىغا ؟ بىز مانا مۇشۇنداق مىللەت، بۇنداق تېمىلارغا ئانچە قىزىقمايمىز، لېكىن سۆيگۈ-مۇھەببەت تېمىلىرىغا ئوت كېتىدۇ ...

aygul517

	ياخشى يېزىپسىز . ئانا تىلىمىزنى قوغدايلى!

AYNAZI

	ئانا تىلىمنى مەڭگۈ سۆيىمەن...

zumrettash

	ئانا تىلىمنى كۈيلىگەن ھەرقانداق شەكىلدىكى ئەسەر ماڭا نادىرلىمىسا قەتئىي بولمايدىغاندەك ھېس قىلىمەن.شېئىرىڭىز ئارقىلىق ئوغۇز تىلىم -ئۇيغۇر تىلىمنىڭ قىممىتىنى تېخىمۇ بەك تۇنۇدۇم.تېخىمۇ ئېسىل ئەسەرلەرنى مۇنبەرگە سۇنىشىڭىزنى ئۈمۈد قىلىمەن.

alimjan65

	ئانا تېلىم ئانامنىڭ تېلى شۇنداقلا ئەجداتلىرىمىزنىڭ تېلى بۇنى قوغداش ، ۋارىسلىق قىلىش ، كېيىنكى ئەۋلاتلارغا يەتكۈزۈش بىز ئۆزىمىزنى ئۇيغۇر دەپ ئاتىغان ھەر بىر  ۋىژدان ئىگىسىنىڭ باش تاريىپ بولمايدىغان بۇرچى .ئانا تېلنى قوغداش شەرەپ ! ئانا تېلنى ئارلاشتۇۇرۇپ سۆزلەش شەرمەندىچىلىك ! ئانا تېلنى ئۇنتۇش ئانىسىنى ئۇنتۇغانلىق ! ئانا تېلنى كەمسىتكەنلىك ئەجداتىمىزنى كەمسىتكەنلىك ! ئانا تېلنى ھاقارەتلىگەنلىك ئانىسىنى ھاقارەتلىگەنلىك ۋە دادىسىنى تۇنۇمۇغانلىق . ھەر بىر ئۇيغۇر مەيلى ماڭايلى مەيلى تۇرايلى دايىم جەمىيەتنى كۈزۈتۈپ ، تىلىمىز ھەم ھەركىتىمىز ئارقىلىق بىلىملىرمىز بارلار بىلىمىمىز ئاقىلىق ئىقتىزادىمىز بارلار ئىقتىزادىمىز ئارقىلىق ئانا تىلىمىزنىڭ جەمىيەتتىكى ئۆرنىنى يەنىمۇ جۇلالاندۇرۇپ ، قەددىنى كۈتۈرۈپ ئانا تىلىمىزغا ھەر تۈرلۈك سەۋەپ بىلەن ھاقارەت كەلتۇرۋاتقان كىشىلەرگە ئانا تىلىمىزنىڭ خەلقئارا تىللا قاتارىغا كىرەلىگىدەك پەۋەققۇلادە يۇقۇرى مەرتىۋىگە ئىگە ئىكەنلىگىنى تۇنۇتۇپ ئۇلارنى پۇشايمان قىلدۇرايلى ! ئۇندىن باشقا ئانا تىلىمىزنىڭ جەمىيەتتىكى ئورنىنى يۇقۇرى كۈتۈرۈش ئۈچۈن تىجارەتچىلەر  ئۆزىنىڭ ماللىرغا ماركا ئىشلەتكەندە چوڭ زاۋۇت قۇرغۇچىلار ،ئىگىلىك تىكلىگۈچىلەر چۇقۇم ھەممە مەشخۇلاتلىرىنى ئۇيغۇرچىلاشتۇرىشى ، ئادەم قۇبۇل قىلغاندا خەنچىنى بىلەمسەن دەپ سۇرىماستىن ئانا تىلنى بىلەمسىز دەپ بىر شەرىت قىلىشى ، ئىدارىدىكى خىزمەتچىلەر چۇقۇم ئانا تېلنى قوغداش ئۈچۈن ئىمكانىيەتنىڭ بېرىچە كۈچ چىقىرىشى ............  شۇنداق قىلغاندا ئانا تىلنىڭ قىممىتىنى تېخىمۇ يۇقۇرى كۈتەرگىلى بولىدۇ . يەنە داۋاملىق ياخشى پىكىر - تەكلىپلەرنى بىرىپ ئورتاق كۈچ چىقارساقلا ئانا تىلنى قوغداش نىشانىمىزغا چۇقۇم يىتەلەيمىز .