غۇلجىدىكى قارا تاكسىچىلارغا سۆزۈم بار

uzbik

	ئەسسالامۇ ئەلەيكۇم قېرىنداشلار! غۇلجا شەھىرىمىزدە يېقىنقى يىللاردىن بۇيان شەخسى ماشىنلار كۆپىيىشكەئەگىشىپ، بىر قىسىم شوپۇرلار ئۆز ئالدىغا كىرا قىلىشقا باشلىدى،بۇ تاكسى يېتىشمەسلىكتەك قىيىن مەسىلىنى قىسمەن جەھەتتىن ھەل قىلغان بولسىمۇ لېكىن بىر قىسىم شوپۇرلار سەۋەبىدىن،خەلق ئارىسىدا:"قارا تاكسى مۇقىم باھا،ئېغىزىغا كەلگەننىلا ئالىدۇ"دەيدىغان سۆزلەر تارقىلىشقا باشلىدى.بۇ ئەلۋەتتە بىكاردىنلا چىققان سۆز ئەمەس..... قايسى كۈنى ھاۋا سوغۇق ھەم شىۋىرغانلىق بىر كۈن بولدى،ئىشتىن چۈشسەم كۈن ئولتۇرايلا دەپ قاپتۇ،ئىشتىن چۈشكەن يۇقىرى دولقۇن ۋاقتى بولغانلىقتىن ئالدىراشلىقتا قارا تاكسى بولسىمۇ توساي دەپ بىر ماشىنا تورىدىم ،مەنزىلگە يېتىپ كەلگەندە شوپۇر10سوم دېمەمدا؟"ۋىيە،5سوملۇق يولغۇ بۇ ؟"دېگىنىمنى بىلمەن،"ماشىنا ھەيدەپ بېقىڭە سىز،باشقىلار بولسا بۈگۈنكىدەك كۈندە 15سوم ئالاتتى...."ئاخىردىكى گەپنى ئاڭلاشقا تەخىر قىلىپ تۇرالماي ماشىنىدىن چۈشۈپ كەتتىم.ئۆيگە كىرىپ بولغان ئەھۋالنى ھەدەمگە ئېيتتىم،ھەدەم"مەنمۇ قايسى كۈنى تاكسى توسۇپ بولالماي قارا ماشىنىدىن بىرىنى تورىغانتىم ،چۈشكەندە 20سوم بەرسەم 10سوم قايتۇرۋاتىدۇ،بۇ نىمە ئىش دېسەم:قارىسام قورسىقىڭىزنى سۆرەپ(ھەدەم ئېغىر بوي ئىدى)تۇرۇپ كىتىپسىز،سوغۇقتا ئېلىۋالغانغا خوش بولۇڭ"دەيدۇ،ئاچچىقىمدا ئىشىكنى جاققىدە يېپىپ چۈشۈپ كەتتىم،توۋۋا ۋاڭقادىردىن دۆڭمەھەللىگە ئەكىلىپ قويغانغىمۇ 10سوم ئالامدۇ ..."مانا بۇنىڭدەك ئىشلار نۇرغۇن،ئەلۋەتتە ھەممە شوپۇرلار بۇنداق ئەمەس،يېقىندىلا قارا تاكسىغا چۈشمەيمەن دەۋەتكەن ئادەم ماشىنا توراپ بولالماي يەنە شۇ قارا تاكسىغا چۈشتۈم،شوپۇر 40ياشلار ئەتراپىدىكى ئادەمكەن،بەيتۇللاغا كەلگەندە يول ياقىسىدا بىر موماي قوللىرىدا بوپا، تۇرۇپ كېتىپتۇ.شوپۇر ماشىننى توختىتىپ:چوڭ ئانا ،نەگە بارىلا؟ئاپىرىپ قوياي"دېدى،مومايغا موك ياقتى بولغاي ماشىنىغا چىقىپلا:"بالام شەرىق مەھەللىگە 5سومغا ئاپىرىپ قويامسەن؟"دېدى،شوپۇر كۈلۈپ:"چىقىپ بولدىلا چۈشۈرۋەتكىلى بولماس،بولدى نەۋرىلىرى خەجلىسۇن پۇلنى،مۇنۇ قىزنى تاشلىۋېتىپ سىلىنى ئاپىرىپ قوياي"دېدى،موماي خۇشاللىقىدىن كوماك چىشلىرىنى چىقىرىپ كۈلۈپ تۇرۇپ دۇئا قىلىپ كەتتى....   مەقسىتىم ھەرقانداق ئىش بولىشىدىن قەتئىنەزەر پاك ياشايلى،بۇ دۇنيانىڭ ئىگىسى بار..خەققە قىلدىم دىگەن بىلەن ئايلىنىپ ئۆزىمىزگە كىلىپ قالىدۇ...رول تۇتىۋاتقان ئادەم ھالالدىن رىسقىلانمىسا تېخمۇ بولماس؟

rango

	كورلىدىمۇ خېلى بار بۇنداق ماشنا،لىكىن قىشنىڭ سوغۇقىدا چىقماي ئامال يوق،

tohrah

	شۇنداق ...  بۇ ئىش مەنمۇ بىر قىتىم دەريا بويدىن ماشىنىغا چىقىپ توپ تىرەككە بولغىچە ئارىلىققا  10 سوم ئالغان  5 سومدىغۇ دىسەم 10 سوم  ئۇكا  ماي ئۆرلەپ كەتتى دەيدۇ مەنمۇ ئوشۇق گەپ قىلماي 10  سوم بىرىپ چۇشۇپ كەتكەن  ئۇنداقسا  يۇقىرى باھا ئومۇملىشىپ قالغان ئوخشايدۇ ... ئادەم چۇشمەي دىسە باشقىلاغا بەرگەن پۇلنى  ئۆزىمىزنىڭ باللىرى ئالسۇن دىسە شۇنداق قىلىمىز ئەمەسمۇ بىز.......... ھەي

sawapkar

	ھەر ئىش  ئىنساپ  بىلەن قىلمساڭ ئىنساپ  بىلەن يېقىلسەن  پەشۋاپ بىلەن

mahatjan

	يالغۇز غۇلجىدىلا ئەمەس قەشقەردىمۇ شۇنداق ئەھۋاللار بولىۋاتىدۇ.قاريېغىپ يول تېيىغاق،ھاۋا بەك سوغۇق بولغاچقا،قۇچقاچنى قار ياققاندا تۇت دىگەندەك ئىش بولىۋاتىدۇ.

مارشال

	rango يوللىغان ۋاقتى  2012-12-31 02:47 AM كورلىدىمۇ خېلى بار بۇنداق ماشنا،لىكىن قىشنىڭ سوغۇقىدا ... كورلىدا ئەرزانمىكىن دەيمەن قار تاكسىلارنى،30يۈەنگە باردىغان يولغا كۆپ ۋاقىتتا 20يۈەنگە چىقىمەن مەن.

sargarda

	بىزنڭ   ناھيەدە      ،   ناھيەنىڭ   قەيرىگە  بارسا  ئىككى   يۈەن  ئالىدۇ .

izqel

	شەىسى ماشىنىسى بارلار تاكسى يىتىشمەس بولۇپ قالغاندا كىرا قىلسا بولىدىكەن.ئۈرۈمچى بىلەن كورلىدا باھا قارىغاندا ئەرزان ئوخشايدۇ.

kakkuk11

	چۈشكەندە 20سوم بەرسەم 10سوم قايتۇرۋاتىدۇ،بۇ نىمە ئىش دېسەم:قارىسام قورسىقىڭىزنى سۆرەپ(ھەدەم ئېغىر بوي ئىدى)تۇرۇپ كىتىپسىز،سوغۇقتا ئېلىۋالغانغا خوش بولۇڭ"دەيدۇ، :"چىقىپ بولدىلا چۈشۈرۋەتكىلى بولماس،بولدى نەۋرىلىرى خەجلىسۇن پۇلنى،مۇنۇ غۇلجىلىقلار چاقچاقچى دېگەن سۆزنى مۇشۇ يەردىن چۈنەمدۇق ئەمدى .