قۇرئاندىكى 77- سۈرىنىڭ ئۇيغۇرچە تەرجىمىسى!

jangqi

	77-سۈرىنىڭ(مۇرسەلات سۈرىسىنىڭ) ئۇيغۇرچە تەرجىمىسى! (50 ئايەت) ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن ئارقىمۇئارقا چىققۇچى (لەرزان) شاماللار بىلەن قەسەمكى.(1)قاتتىق چىققۇچى بورانلار بىلەن قەسەمكى.(2)(بۇلۇتلارنى ﷲ خالىغان تەرەپلەرگە) تارقاتقۇچى شاماللار بىلەن قەسەمكى.(3)(ھەق بىلەن باتىلنىڭ، ھارام بىلەن ھالالنىڭ) ئارىسىنى ئايرىغۇچى پەرىشتىلەر بىلەن قەسەمكى.(4)(بەندىلەرگە) ئۆزرە (قالدۇرماسلىق) ياكى (ﷲنىڭ ئازابىدىن) ئاگاھلاندۇرۇش ئۈچۈن ۋەھىينى (پەيغەمبەرلەرگە) ئېلىپ چۈشكۈچى پەرىشتىلەر بىلەن قەسەمكى.(5)(6)(ئى ئىنسانلار!) سىلەر ئاگاھلاندۇرۇلغان ئىش (يەنى قىيامەت، ھېساب ۋە جازا) چوقۇم مەيدانغا كەلگۈچىدۇر.(7)يۇلتۇزلارنىڭ (نۇرى) ئۆچۈرۈلگەن چاغدا.(8)ئاسمان يېرىلغان چاغدا.(9)تاغلار تىتىلىپ (شامالدا ئۇچۇپ يۈرگەن زەررىلەردەك) ئۇچۇپ يۈرگەن چاغدا.(10)پەيغەمبەرلەرگە (ئۇلار بىلەن ئۈممەتلىرى ئارىسىدا ھۆكۈم چىقىرىلىشقا) ۋاقىت بەلگىلەنگەن چاغدا (ۋەدە قىلىنغان قىيامەت مەيدانغا كېلىدۇ) .(11)(پەيغەمبەرلەرنىڭ قەۋملىرىگە ئائىت ئىشلار) قايسى بۈيۈك كۈنگە كېچىكتۈرۈلدى؟ .(12)خالايىقنىڭ ئارىسىدا ھۆكۈم چىقىرىلىدىغان كۈن ئۈچۈن (تەخىر قىلىندى) .(13)ھۆكۈم چىقىرىلىدىغان كۈننىڭ نېمىلىكىنى (يەنى ئۇنىڭ دەھشىتىنى) قانداق بىلەلەيسەن؟ .(14)بۇ كۈندە (ئۇ كۈننى) ئىنكار قىلغۇچىلارغا ۋاي! .(15)(پەيغەمبەرلىرىنى ئىنكار قىلغانلىقلىرى ئۈچۈن) ئىلگىرىكىلەرنى ھالاك قىلمىدۇقمۇ؟ .(16)ئاندىن ئۇلارغا ئەگەشتۈرۈپ كېيىنكىلەرنى ھالاك قىلدۇق.(17)گۇناھكارلارنى مۇشۇنداق قىلىمىز (يەنى جازالايمىز) .(18)بۇ كۈندە (ئۇ كۈننى) ئىنكار قىلغۇچىلارغا ۋاي! .(19)سىلەرنى بىز ئاجىز مەنىدىن ياراتمىدۇقمۇ؟ .(20)ئۇنى بىز مەلۇم ۋاقىتقىچە (يەنى تۇغۇلغۇچە) پۇختا ئارامگاھ (يەنى بەچچىدان) دا قىلدۇق.(21)(22)بىز (ئۇنى ئابىمەنىدىن يارىتىشقا) قادىر بولدۇق، بىز (ئۇنى ئەڭ چىرايلىق شەكىلدە يارىتىشقا) نېمىدېگەن ياخشى قادىر بولغۇچىمىز! .(23)بۇ كۈندە (ئۇ كۈننى) ئىنكار قىلغۇچىلارغا ۋاي! .(24)زېمىننى بىز ئۆز ئىچىگە ئالىدىغان قىلمىدۇقمۇ؟ .(25)(يەنى) تىرىكلەرنى ۋە ئۆلۈكلەرنى (ئۆز ئىچىگە ئالىدىغان قىلمىدۇقمۇ؟) .(26)بىز زېمىنغا ئېگىز تاغلارنى ئورناتتۇق، سىلەرنى تاتلىق سۇ بىلەن سۇغاردۇق.(27)بۇ كۈندە (ئۇ كۈننى) ئىنكار قىلغۇچىلارغا ۋاي! .(28)(ئۇلارغا دوزاخ مۇئەككەللىرى) «سىلەر (دۇنيادىكى چېغىڭلاردا) ئىنكار قىلغان (دوزاخ) ئازابىغا بېرىڭلار، ئۈچ شاخلىق سايىگە بېرىڭلار» (دەيدۇ) .(29)(30)ئۇ سايە (جەھەننەمنىڭ تۈتۈنى بولۇپ كىشىنى) سەگىدەتمەيدۇ، (جەھەننەمنىڭ) يالقۇنىنىمۇ توسمايدۇ.(31)ئۇ يالقۇن قەسىردەك (چوڭ) ئۇچقۇنلارنى چىقىرىدۇ.(32)ئۇ ئۇچقۇنلار قارا-سېرىق تۆگىلەرگە ئوخشايدۇ.(33)بۇ كۈندە (ئۇ كۈننى) ئىنكار قىلغۇچىلارغا ۋاي! .(34)بۇ كۈندە ئۇلار سۆز قىلالمايدۇ.(35)ئۇلارنىڭ ئۆزرە ئېيتىشىغا ئىزنى بېرىلمەيدۇ.(36)بۇ كۈندە (ئۇ كۈننى) ئىنكار قىلغۇچىلارغا ۋاي! .(37)بۇ (خالايىقنىڭ ئارىسىدا) ھۆكۈم چىقىرىلىدىغان كۈندۇر، (ئۇ كۈندە) سىلەرنى ۋە ئاۋۋالقىلارنى (يەنى ئۆتكەنكى ئۈممەتلەرنى) (ئاراڭلاردا ھۆكۈم چىقىرىش ئۈچۈن) يىغىمىز.(38)ئەگەر (ئازابتىن قۇتۇلۇشقا) بىرەر چارەڭلار بولسا، چارە قىلىپ بېقىڭلار.(39)بۇ كۈندە (ئۇ كۈننى) ئىنكار قىلغۇچىلارغا ۋاي! .(40)شۈبھىسىزكى، تەقۋادارلار سايىلەردىن، بۇلاقلاردىن ۋە كۆڭلى تارتقان مېۋىلەردىن بەھرىمەن بولىدۇ.(41)(42)(ئۇلارغا) «دۇنيادا قىلغان (ياخشى) ئەمەللىرىڭلار ئۈچۈن خۇشال-خۇرام يەڭلار ۋە ئىچىڭلار» (دېيىلىدۇ) .(43)شۈبھىسىزكى، بىز ياخشى ئىش قىلغۇچىلارنى مۇشۇنداق مۇكاپاتلايمىز.(44)بۇ كۈندە (ئۇ كۈننى) ئىنكار قىلغۇچىلارغا ۋاي! .(45)(كۇففارلارغا) «(دۇنيانىڭ لەززەتلىرىدىن) ۋاقىتلىق يەڭلار ۋە بەھرىمەن بۇلۇڭلار، شۈبھىسىزكى، سىلەر گۇناھكارسىلەر » (دېيىلىدۇ) .(46)بۇ كۈندە (ئۇ كۈننى) ئىنكار قىلغۇچىلارغا ۋاي! .(47)ئۇلارغا: «رۇكۇ قىلىڭلار» دېيىلسە، ئۇلار رۇكۇ قىلمايدۇ.(48)بۇ كۈندە (ئۇ كۈننى) ئىنكار قىلغۇچىلارغا ۋاي! .(49)ئۇلار (شانلىق دەلىللەرنى ئۆز ئىچىگە ئالغان، پاساھەت-بالاغەتتە ئەڭ يۇقىرى بولغان بۇ قۇرئانغا ئىشەنمىسە) باشقا قايسى سۆزگە ئىشىنىدۇ.(50). مەنبە  قۇرئان كەرىم ئۇيغۇرچە تەرجىمىسى

jangqi

	بۇ تىمامغا يانداش ماۋۇ تىمىلارنىمۇ كۇرۇپ قۇيۇڭ........... جەننەت توغرىسىدىكى ئايەت ۋە ھەدىسلەردىن تاللانما ماۋۇ ئادرىستا......... /thread-88876-1-1.html دەۋزاخ توغرىسىدىكى ئايەت ۋە ھەدىسلەردىن تاللانما ماۋۇ ئادرىستا......... /thread-89932-1-1.html

بانكىر

	ئىھ اللا، ئۇ دۇنيا ۋە بۇدۇنيادا بارلىق مۇسۇلمان قىرىنداشلىرىمنى، ئاتا-ئانامنى، بىر تۇققان قان قىرىنداشلىرىمنى، بارلىق ھەمشىرىلىرىمنى، بارلىق تاغىلىرىمنى، بالىلىرىمدىن تارتىپ، بارلىق ئەۋلادىمغىچە دوزاقتىن ساقلىغايلا! ئىھ، اللا، بىز راسلا بۇدۇنيادا ئازغۇچىدۇرمىز. گۇناھلىرىمىزنى مەغپىرەت قىلغايلا! پەيغەمبەر ئەلەيھىسالامنىڭ ئەڭ يىقىن ئۈممەتلىرىدىن قىلغايلا، دىلىمىزنى ئىمان بىلەن، كۆزىمىزنى ئىسلام نۇرى بىلەن يۇرۇتقايلا! ئامىن!

TAXBALIK

	ئاللاھ بەرگەن كۈنلىرگە مىڭ شۈكرى

zumrettash

	ئەسسالامۇئەلەيكۇم،دائىملا شۇنداق ئەھمىيەتلىك تېمىلارنى يوللايسىز قېرىندىشىم،ئاللا ئەجرىڭىزنى بىرەر...

0996yaprak

	تىما ئىگىسىگە كۆپ تەشەككۇر!ھارمىغايسىز!

sawapkar

	ئاللاھ  ھەمىمىزگە ھىدايەت  ئىسلام  نۇرى ئاتا قىلسۇن ئامىن

hekmat-uyghur

	ئەگەر ھەقىقەتەن قۇرئاندىكى ھۆكۈملەر بىلەن ئىنسانلارغا جەننەت بىلەن دوزاخ بېكىتىلسە   كۆزۈمگە بۇ ئاي - بۇكۈنلەردە دوزىخى بولۇپ كېتىدىغانلار كۆپتەك كۆرۈنۈپ كېتىدۇ.  بولۇپمۇ  ھەر قېتىم ئېكرانلاردا تۈرلۈك سەنئەت كېچىلىكلىرىنى كۆرسەم.

hekmat-uyghur

	ئۇلۇغ ئاللاھدىن دىيارىمىزغا،مىللىتىمىزگە  شەيتاننىڭ ئۇرۇقىنى چېچىپ، ياشلىرىمىزنىڭ ئىدىيسىنى بۇرمىلاۋاتقان  نەغمىكەشلەرنىڭ ۋۇجۇدىغا ئىمان ۋە   ھىدايەت ئاتا قىلىشىنى تىلەيمەن.

شۈكرانە

	بىزنى يوقلىقتىن بار قىلغان ھەم بارلىقتىن يوق قىلالايدىغان ھەممىگە قادىر ئاللاھىم ھەممىمىزنى ئۆز پاناھىدا ساقلىسۇن...ئككى دۇنيا بەخىت سائادەتكە باشلايدىغان ياخشى ئەمەل ئىبادەتلەرنى چىن نىيەت بىلەن ئىھسان بىلەن قىلىشقا كۈچ قۇۋۋەت بەرسۇن...كىم زەررىچلىك ياخشى ئىش قىلدىكەن ئۇنىڭ ياخشىلىقنى ئۈزى كۆرىدۇ،كىمكى زەررىچلىك يامانلىق قىلدىكەن جازاسىنىمۇ ھەم ئۈزى كۆرىدۇ.ئاللاھ ئادىلدۇر.ھىكمەت بىلەن ئىش قىلغۇچىدۇر..... قولىڭىزغا دەرىت بەرمىسۇن.ئاللاھ رەھمەت قىلسۇن...