مۇھەببەتتىكى ئوڭۇشسىزلىقتىن پىسخىكىلىق ياردەم سورايمەن

bika-qi

	ئەسسالامۇ ئەلەيكۇم تورداشلار، مۇھەببەت جەھەتتە زور بىر ئوڭۇشسىزلىققا ئۇچرىدىم،دوست بۇرادەرلىرىمدىن مەسلىھەت سورىسام ئۇلارنىڭ مازاق قىلىشىدىن ياكى مېنى باشقىچە چۈشىنىشىدىن ئەنسىرەپ مەۋھۇم دۇنيا بولغان مىسرانىمغا يولىدىم. كۆپچىلىكنىڭ ياردەم قىلىشىنى سورايمەن. بۇ تىل مۇھەببىتىم بىلەن يۈرىۋاتقىلى 4 يىل بولغان ئىدى، ھازىر ئۇ ئايرىلىپ كېتىمەن دەپ مەن بىلەن ئالاقىلەشمىگىلى ھەم ماڭا كۆرۈنمىگىلى ھەپتە بولۇپ قالدى، ئىچىم بەك تىت -تىت بولىۋاتىدۇ... بۇندىن ئىلگىرى ئۇنىڭ بىلەن يۈرۈپ 2 يىل بولغاندا ئۇنىڭ خاتالىقى سەۋەبلىك ھەمدە ئاچچىقىمنى باسالماسلىق سەۋەبلىك ئۇنىڭغا قول تەگكۈزدۈم... ئارلىقتىن نەچچە كۈن ئۆتۈپ ياخشى بولۇپ قالدۇق ھەم ئۇنىڭغا بۇنىڭدىن كېيىن بۇنداق قىلماسلىققا ۋەدە بەرگەن بولدۇم... ئارىدىن يەنە يېرىم يىلچە ئۆتۈپ ئارىمىزدا ئۇرۇش ماجرا باشلانغىلى تۇردى، كۈندە دېگۈدەك تالىشىدىغان، بىر-بىرىمىزنىڭ گېپىنى ئاڭلىمايدىغان بولۇپ قېلىشتۇق... بىر قېتىم گەپكە كىرگۈزەلمەي ئۇنىڭغا قول تەگكۈزىۋەتتىم... ئارقىدىن ئۆزۈمنىڭ خاتا قىلغانلىقىمنى بىلىپ ئۇنىڭغا جىق يالۋۇردۇم،گېپىمنى ئاڭلىمىدى،ئايرىلىپ كېتەيلى،مېنىڭ ئاتا-ئاناممۇ ئىلگىرى مۇشۇ ئۇرۇش جېدەل سەۋەبلىك ئاجىرىشىپ كەتكەن،شۇنىڭ بىلەن ئۇكام ئىككىمىز يېتىم قالدۇق، ئانام بىلەن ئۇكام،دادام بىلەن مەن قالدىم، مەن بۇنداق تۇرمۇشنى خالىمەيمەن، مېنىڭ بالىلىرىمنىڭمۇ مۇشۇنداق سەۋەبلەر تۈپەيلى يېتىم بولىشىنى خالىمايمەن دېدى،شۇنچىلىك جىق گەپ قىلساممۇ،كەچۈرۈم سورىساممۇ ئەسلىگە كەلمىدى... خاتا قىلغانلىقىمغا پۇشايمان قىلىپ تامغا مۇش بىلەن نەچچىنى ئۇرىۋەتتىم،قولۇم قاناپ قان چىقىشقا باشلىدى،شۇ ۋاقتنىڭ ئۆزىدە ئۇ بارلىق گەپلەرنى قويۇپ مېنىڭ قولۇمدىن ئېقىۋاتقان قاننى توختىتىشقا تىرىشتى،قان توختىمىدى،مەن ئۇنىڭغا يەنە ئايرىلىپ كېتىمەن دېسەڭ سېنى ئۇرغان قولۇمنى سۇندۇرىۋالىمەن دېدىم... شۇنىڭ بىلەن ئۇنىڭ ئاچچىقى ياندى. ياخشى بولۇپ قالدۇق، ھەممە ئىشلار ئىزىغا چۈشتى شۇندىن ئېتىبارەن بىرەر ئايچە ناھايىتى ياخشى ئۆتتۇق،ئارقىدىن ئۇششاق جېدەللەر يەنە كۆپىيىشكە باشىدى،ھەر قېتىم ئۇرۇشۇپ قالساق ياكى گەپ تالىشىپ قالساق ئاچچىقىم كەلسە ئۇنىڭغا قول تەگكۈزمەيمەن دەپ قولۇمنى تامغا ياكى باشقا بىر ئۇسۇللار ئارقىلىق ئۆزۈمنىڭ ئاچچىقىنى ھەم ئۆزۈمنىڭ ئاچچىقىنى بېسىپ كەلدىم... 3يىل بولغاندا بۇنداق ئىشلار ئۇنىڭغا چوڭ تەسىر قىلماس بولۇپ قالدى، ھەم مەنمۇ بۇنداق ئىشلارنى بەك جىق قىلىپ كەتتىم، كېيىن ئۆي ئىجارىگە ئېلىپ ئولتۇردۇم، ئۇ پات پات كېلىپ تامىقىمنى ئېتىپ بېرەتتى، بىر كۈنى تاماق يەۋېتىپ(ئادەتتە ئۇ تاماق ئېتىپ بەرسە ئوخشاپتۇ دەپمۇ قويمايتىم،لېكىن ئۇنىڭ تاماقلىرىنىڭ شۇنچىلىك تەملىك ئىكەنلىنى ھېس قىلاتتىم، ئۇنىڭدىن مەمنۇن ئىدىم) كىچىككىنە بىر ئىش ئۈچۈن سوقۇشۇپ قالدۇق، ئاچچىقىمدا قولۇمدا يەۋاتقان تاماقنى ئۈستەلگە قويۇپ قويۇپ باشقا ئىشلارنى قىلىپ ئولتۇردۇم، شۇنىڭ بىلەن جىدەل تېخىمۇ چوڭايدى، ئاچچىقىمدا ئۈستەلنى ئۆرىۋەتتىم، ئالدىمغا ئۇچرىغانكى نەرسىنى ئۇرۇپ چاقتىم ۋە ئۆيدىن چىقىپ كەتتىم، ئارىدىن 2-3 كۈن ئۆتۈپ ئۇنىڭ ئالدىغا باردىم، ياخشى بولۇپ قالدۇق. ئارىدىن 3 ئاي ئۆتۈپ چەتئەلگە چىقىپ كەتتىم، چىقىپ بولۇپ 7-8 ئاي بولغاندا ئۇمۇ كەلدى، كېلىپ 20 كۈن بولغاندا ئورۇنسىز كۈنلەش سەۋەبلىك سوقۇشۇپ قالدۇق، باشقىلارنىڭ ئالدىدا قالايمىقان گەپ قىلغاچقا قاتتىق ئاچچىقىم كەلدى، يېنىپ كېلىپ ئۇنىڭ بىلەن جىق پاراڭلاشتىم ئۇ بەك جاھىل بولغاچقا ئاچچىقىمدا يەنە قول تەگكۈزىۋەتتىم ۋە ئۆيدىكى نەرسىلەرنى چېقىپ ۋەيران قىلىۋەتتىم، ئەتىسى خاپىچىلىقتىن پۇشايمان قىلىپ، قىزىققانلىق قىلغانلىقىمدىن كەچۈرۈم سورىدىم ۋە ئۇنى ھەقىقى ياخشى كۆرگەچكە چىن كۆڭلۈمدىن كەچۈرۈم سورىدىم... ھەپتە ئۆتۈپ ئەسلىمىزگە كېلىشتۇق... ئارىدىن 2 ئاي ئۆتتى،ئارلىقتا ئوقۇشىمىز ئالدىراش، ئارلىقىمىز يېقىن بولمىغاچقا پەقەت مەكتەپتىلا كۆرۈشۈپ ئۆتتۇق، بىر كۈنى يەنە ئورۇنسىز كۈنلەش سەۋەبلىك ھەمدە باشقىلارنىڭ ئالدىدا مېنى شۇ سەۋەبلىك ئوسال قىلىپ قويغانلىقتىن( مەن دوستلىرىم بىلەن بىللە بولغاچ ھەمدە مېنى ئىزدەپ تېلفۇن قىلغان دوستۇمغا قوپاللىق قىلغاچ، دوستۇمنىڭ ئالدىدا تولىمۇ خىجىل بولدۇم،يۈزۈم تۆكۈلگەندەك ھېس قىلدىم) ئاچچىقىمدا كېچە بولغاندا ئۆيىنىڭ ئالدىغا بېرىپ تېلفۇن قىلسام ئۇلانماي دېرىزىسىنى چېكىپ توۋلىدىم، خېلى ئۇزاق قاققاندىن كېيىن سىرتقا چىقتى، ئاچچىقىم يانغان بولسىمۇ تېلفۇننى ئېتىۋېتىپ دېرىزىنى چەكسەم تەستە چىققانلىق سەۋەبتىن ھەم سىرتقا چىققاندا قاپىقىنى سەت قىلىپ چىققانلىقتىن ۋە جاھىللىق قىلغانلىقى سەۋەبتىن يەنە قولۇم تېگىپ كەتتى، بۇ قېتىم سەل قاتتىقراق تەگدى، ھەم مەھەللىدىكى خوشنا خۇلۇم، ئۆيدىكى ھەمراسى.... قاتارلىقلارنىڭ ھەممىسى بۇنى سېزىپ قالدى... 2 كۈن ئۆتۈپ بۇنىڭدىن كېيىن ھەرگىز بۇنداق قىلمايدىغانلىقىمغا ئۇنىڭمۇ ئۆزىدە بار بولغان ئىللەتلەرنى تۈزىتىشى كېرەكلىكىنى ئېيتىپ ياخشى بولۇپ قېلىشتۇق... ئۇرۇش جېدەل بېسىقىپ خېلى ياخشى كېتىپ باراتتۇق، ئارلىقتىن 2 ھەپتە ئۆتۈپ ئۆي ئىگىسى ئۇنى كۆچۈپ كەت دەپتۇ ھەمدە مەن توغرىسىدا ئاز تولا ئېغىر گەپ قىلىپتۇ، شۇنىڭ بىلەن ئۇ ئۆي كۆچتى، ئارقىدىنلا ماڭا بولغان مۇھەببىتى سۇسلاشقانلىقىنى ھېس قىلىپ يەتتىم... شۇ سەۋەب تۈپەيلى مېنى سۈرۈشتۈرۈپ تېلفۇنمۇ قىلمايدىغان، ئۆزى ئاكتىپلىق بىلەن مەن بىلەن ئالاقىلاشمايدىغان بولدى، شۇنىڭ بىلەن مېنىڭ ئىچىم سىقىلىدىغان بولۇپ قالدى، كەيپىياتىم پۈتۈنلەي تەڭشەكسىز ھالەتكە ئۆتتى، ئۇنىڭدىن جىق سۇئال سورايدىغان، ئالدىدا كىچىك ئىشلارغىمۇ ئاسان چېچىلىدىغان بولۇپ قالدىم. ئۇنىڭدىن قول تەگكۈزگىنىم توغرىسىدا قايتا قايتا كەچۈرۈم سورىدىم لېكىن بۇرۇنقىدەك ياخشى بولالمىدۇق... ئارلىقتا بىر كۈن ئۇنىڭ بىلەن بۇ ئىشلار ھەققىدە ئايرىم پاراڭلاشتىم، لېكىن ئۇ بولدى قىلايلى، مېنىڭ سىزگە كۆڭلۈم قالمىدى، 1 ئايدىن بېرى ئۆزۈمنى زورلاپ كەلدىم لېكىن ئۈنۈمى بولمىدى، سىزنى ۋە ئۆزۈمنى يەنە ئالداپ ئۆتۈشنى خالىمايمەن دەپ چىڭ تۇرىۋالدى، ئارلىقتا 1-2 كۈن ئۆتۈپ ئۇنى چاقىرىپ يەنە پاراڭلاشتىم... نەتىجە يەنىلا ئوخشاش بولدى، ئارقىدىن 1 ھەپتە بولدى يا مەن بىلەن كۆرۈشمىدى، تېلفۇنىنى ئېتىۋېلىپ غايىپ بولدى، ھەر كۈنى ئىزدىدىم، بىلىدىغان جايلىرىمنىڭ ھەممىنى 5-6 كۈندىن بېرى توختىماي ئىزدەپ يۈردۈم، ھېچ يەردە ئۇچرىتالمىدىم، دوستلىرىدىن سورىسام ياخشى تۇرىۋېتىپتۇ لېكىن شۇنچىلىك كۈچىسەممۇ مەن بىلەن كۆرۈشكىسى يوق.... مەن ئۇنى ھەقىقى ياخشى كۆرەتتىم، سەۋدايىلارچە ياخشى كۆرەتتىم، بىر كۈن كۆرمىسەم يېنىمدا بىر نەرسە كامدەك ، مۇھىم بىر نەرسەمنى يوقىتىپ قويغاندەك قىسقىسى تولا خىيال سۈرىدىغان، كېچىسى ئۇيقۇم كەلمەيدىغان، پەقەت ۋە پەقەت ئۇنى تېپىۋېلىشنىلا ئويلايدىغان بولۇپ قالدىم... ئۇنىڭدىن ھەرگىزمۇ ئايرىلغۇم يوق، بۇ مۇقەررەر، چوقۇم ئايىغىغا چىقىرىشقا تىرىشىمەن، شۇنىڭ ئۈچۈن كۆپچىلىكنىڭ ئايرىلىپ كەت بولدى دېگەن گەپنى قىلماسلىقىنى ئۈمىد قىلىمەن. پىسخىكامدا چوڭ ئۆزگىرىشكە تېگىشلىك قانداق ئىشلار بار مۇشۇ ھەقتە يول كۆرسەتسەڭلار، ھازىرچە ئۇنى داۋاملىق تۈردە ئىزدەپ تاپايمۇ ياكى ئۇنىڭغا بىر ئاز ۋاقت بېرەيمۇ؟ ئۇنىڭ ئالدىمغا كېلىشىنى كۈتەيمۇ ياكى ئۇنىڭ ئالدىغا ئۆزۈم بارايمۇ؟ قىسقىسى قانداق قىلسام ئۆزۈمدىكى بۇ پىسخىك ناچارلىقىنى تېز تۈگىتەلەيمەن؟ قانداق قىلسام ئۇنىڭ بىلەن ياخشى بولۇپ قالالايمەن... ئۇنىڭ بىلەن 4 يىل ۋاقتىمنى بىللە ئۆتكۈزدۈم، ئۇنى بۇ ھالەتتە قويۇپ قويغۇم يوق، ھەم ئۆزۈمنىمۇ بۇ ھالەتتە تاشلاپ قويغۇم يوق

╰︶￣原地守候

	مەن بۇنىڭغا نېمە دىسەم بولار؟ قارىغاندا سىز پەقەت ئۆزىڭىزنىڭ ھېسىياتىنىلا ئويلاپ، ئۇنىڭ ھېسىياتىنى پەقەتلا ئويلىمايدىكەنسىز. ئۇنى باشقىلارنىڭ ئالدىدا ئىززىتىمنى قىلىمىدى دەپ ئويلاپسىز ھەم بۇئىشلار سىزگە ئېغىر كىپتۇ. شۇ سەۋەبلىك ئۇنىڭغا قول تەگكۈزۈپسىز. لېكىن ئۇنىڭ نېمە سەۋەبتىن شۇنداق قىلغانلىقىنى ئويلاپ كۆرمەپسىز. ئۇنىڭ سىزنى ئورۇنسىز كۈنلىشى بەلكىم ئۇنىڭمۇ سىزنى خۇددى سىز ئۇنى سۆيگەندەكلا سۆيگىنىدىن بولغان. سىز ئۇنىڭغا ئىشەنىچ تۇيغۇسى بېرەلمىگەچكە شۇڭا سىزنى كۈنلەيدۇ. ئەگەر ئۇ باشقىلارنىڭ ئالدىدا سىزنى خىجىل قىلغان بولسا، ئۆزىڭىز چاندۇرماي گەپ بىلەن ئۇنىڭغا پاس چىقىرىپ دوستىلىرىڭىزنىڭ ئالدىدا ئوڭايسىزلىقنى تۈگىتىپ، كېيىن يالغۇز قالغاندا ئۇنىڭغا تەربىيە قىلسىڭىز، ئۆزىڭىزنى چۈشەندۈرسىڭىز بولاتتى. لېكىن ئۇنى ئۇرۇپ توغرا قىلماپسىز. سىلەر تېخى ئارلىشىش باسقۇچىدا، توي قىلمىغان تۇرۇپ سىزنىڭ ئۇنى ئۇرۇشقا ھىچقانداق ئاساسىڭىز يوق. توي قىلماي تۇرۇپلا ئۇنىڭغا قول تەككۈزگەن بولسىڭىز، ئۇ يەنە قانداقمۇ سىز بىلەن يۈرەكلىك ھالدا توي قىلىپ، يۈرىكىنى خاتىرجەم ھالدا سىزگە تۇتقۇزالايدۇ. تويدىن بۇرۇن تەگگەن تاياق ئۇنىڭدا تويدىن كېيىن تەگمەسمۇ؟ ئۇ ھەر قانچە ئەقىلسىز، گالۋاڭ بولسىمۇ بۇ ئويلاپ يېتەلەيدىغاندۇ بەلكىم. ئۇرۇپ بولۇپ كەينىدىن كەچۈرۈم سورىغان بىلەن، يۈرەك ئاغىرقى تۈگەپ كېتەمدۇ؟ تۇنجى قېتىملىقىغۇ ماقۇل كەچۈرۈم بىلەن تۈگىگەن بولسۇن، ئىككىنچى، ئۈچىنچى، تۆتىنچى قېتىممۇ بولغان تۇرسا، ئۇ تاياقلىرىڭىز ئۇنىڭ يۈرىكىدە يىغىلىپ ئاخىردا چوڭ بىر نارازىلىق، بىزارلىقنى كەلتۈرۈپ چىقىرىشى ئۇ بەرھەق. ئۇنىڭ قىلغانلىرى پۈتۈنلەي توغرا دېيەلمەيمەن. لېكىن سىزنىڭ قىلغانلىرىڭىز ھەرگىزمۇ توغرا ئەمەس. مەن پەقەت مۇشۇنچىلىك پىكىر بايان قىلاي. ئىشقىلىپ ئۇنىڭ ئورنىدا مەن بولغان بولساممۇ سىزنى مەڭگۈ كەچۈرمىگەن، سىزنى يۈرەك قەسىرىمدىن مەڭگۈلۈك قوغلاپ چىقارغان بولاتتىم.

quxtikiakku

	سزنىڭ پىسخىكىڭىز بەكلا تۇراخسىزكەن ئەڭ ئاۋال ئۆزىڭىزنى پىسخىكا جەھەتتىن تەڭشەڭ. چۇنكى سىز ھازىرقى ھالىتىڭىزدا ئۇنى ئىزدىسىڭىز ئۇنى يەنە ئۇرۇپ قويىسىز. پىسخىكا جەھەتتىن تەڭشەلگەندىن كىيىن ئىزدەڭ . ھەقىقى مۇھەبەت ئۇچۇن قۇربانلىق بىرەلىشىڭىز ھەم تەھدىم قىلالىشىڭىز كىرەك. ئۇرۇش جىدەل بىلەن قۇرۇلغان ئائىلە ھامىنى ۋەيران بولىدۇ.

mirzadam

	بىرىنچى قەۋەتتىكى توردىشىمىزنىڭ  گېپىنى قوللايمەن ، كۆز قارىشىم ئوخشاش قىز دوستىڭىزنىڭ قەلبىدىكى ئوبرازىڭىزنى پۈتۈنلەي يوق قىلىۋېتىپسىز. قىزلار ئۆزىنى ئاسرايدىغان قوغدايدىغان يۈلەنچۈككە مۇھتاج ، ھەرگىزمۇ ياخشى ياخشى كۆردۈم دەپلا ئۆزىنىڭ خاھىشى بۇيىچە ئىش كۆرىدىغان، قارشى تەرەپنىڭ پىكرىگە ھۆرمەت قىلمايدىغان كىشىلەرگە ياتلىق بۇلۇشنى خالىمايدۇ. سىز ئەڭ ياخشىسى قىزلارنى چۈشىنىشنى ئۈگىنىۋېلىڭ

yalguzbora

	بىرىنچى قەۋەتتىكى توردىشىمىزنىڭ  گېپىنى قوللايمەن ، كۆز قارىشىم ئوخشاش قىز دوستىڭىزنىڭ قەلبىدىكى ئوبرازىڭىزنى پۈتۈنلەي يوق قىلىۋېتىپسىز. قىزلار ئۆزىنى ئاسرايدىغان قوغدايدىغان يۈلەنچۈككە مۇھتاج ، ھەرگىزمۇ ياخشى ياخشى كۆردۈم دەپلا ئۆزىنىڭ خاھىشى بۇيىچە ئىش كۆرىدىغان، قارشى تەرەپنىڭ پىكرىگە ھۆرمەت قىلمايدىغان كىشىلەرگە ياتلىق بۇلۇشنى خالىمايدۇ.

yurkimzida

	ئەسسالامۇ ئەلەيكۇم! يالۋۇردۇم دىگەن يەرلىرنى ئۇقۇۋېتىپ سەت خۇيۇم تۇتۇپ كەتتى ،نىمىشقا دىسڭىز ئوغۇلبالا شۇ ھەقىقەتنى بىلىشى كىرەككى. سۇنغان چىنە ھەرگىز ئەسلىگە كەلمەيدۇ،سىز ئۇنى پەم بىلەن يەملەپ قويغان ھالەتتىمۇ يەنە چانىدۇ قېرىندىشىم! ياخشى كۈرمە سەۋدايىلارچە دەپسىز،سىزگە شۇنى دەپ قۇياي ياخشى كۆرگىنىڭز ئادەمغۇ سىزنىڭ؟ئادەتتە ئادەم دىگەن ئۈزى ياخشى كۆرگەن ھەرقانداق نەرسىنى ئاسرايدۇ،قەدىرلەيدۇ،ئۈزڭىزدىن شۇ سۇئالنى سوراپ بېقىڭ سىز مۇھەبىتڭىزنى قەدىرلەپسىزمۇ؟ئاسراپسىزمۇ؟ ئاخىردا سىزگە دەيدىغنىم سىز نىڭ تىلىڭىزغا،تايغىڭىزغا چىدايدىغان ماشىنا ئادەمدىن بىرنى تېپىپ مۇھەببەتلىشىڭ سىز!

520bulbul

	قىزبالا نىمۇ ئۇرغان بارمۇ؟شۇنداختۇرۇپ ئوزەڭنى ئەرچاغلامسەن!

kaLGundi

	يالۋۇرغىنىڭىز قاملاشماپتۇ.   كەتسە كەتسۇن يول ئۇچۇق                                                                جاھاندا قىزلار ئاز ئەمەس بۇنچە قىلىپ نىمە كەپتۇ ئەمدى؟

52arslan

	ئەسلى بۇنداق تىمىلارغا ئانچە ئىنكاس قايتۇرۇپ كەتمەيتىم ، بۇرۇن بېشىمدىن ئانچە - مۇنچە ئىشلار ئۆتكەندە مەنمۇ شۇنداق بىرسىنىڭ ياردىمىگە ، يول كۆرسىتىشىگە شۇنداق مۇھتاج بولغان . شۇڭا ئانچە مۇنچە سۆز قىلغۇم كىلىپ قالدى . ئالدى بىلەن دەيمەنكى :خاتالىق سىزدە كۆوپرەككەن ، مەسلەن ، قىز دوستىڭىز سىزنى ھەتتا تىللاپ ۋەتىۋەرىكىنىڭىزنى چىقىرىۋەتكەن تەقدىردىمۇ ئۇنى ئۇرسىڭىز بولمايدۇ ، ىوتۇن كىشىنى ئۈچ كۈندە بىر ئۇرۇپ تۇرمىسا يولدىن چىقىدۇ دىگەن قۇرۇق گەپ ، ئىشەنمەڭ بۇنداق گەپكە ، ئاچچىقىڭىزنى كەلتۈرسە سۆزلەڭ ، ۋارقىراڭ  ، لىكىن يالغۇز قالغان جايدا بولسۇن ، ھەرگىز ئۇنىڭ دوسلىرىنىڭ ئالدىدا يۈزىنى چۈشۈرىدىغان ئىشنى قىلماڭ . ئوغۇل بالا بولغاندىكىن ھەممە ئىشتا باراۋەر بولىمىز دەپ ئويلىماڭ ، ئىسىڭىزدە بولسۇن ئوغۇللار بىلەن قىزلار ئوتتۇرسىدا مەڭگۈ باراۋەرلىك بولمايدۇ  ، قىزلار ئاجىز ، دىلى نازۇك ، شۇڭا ئۇنىڭغا يول قويمىسىڭىز بولمايدۇ ، ئېچىپراق دىسەم ، ئۇ تېخى قىز دوستىڭىزكەن ، ئېلىپ قويغان خوتۇنىڭز ئەمەس ، ئۇرغان بولسىڭىز  ، ئۇرغان ئەركەكتەك تۇرۇڭ ، يەنە بېرىپ يالۋۇرماڭ ، يالۋۇرۇشنى ئېغىر كۆرسىڭىز ئۇرماڭ ، ئۇرۇپ بولۇپ ئەپۇ سورسىڭىز بىر قېتىمنىغۇ بولدى دەر ، ئىككى قېتىمغىمۇ چىدار ، سىزگە ئوخشاش بۇنداق ئەركىن مۇشلاش مەشىق قىلىۋاتقاندەك ئۇرىۋەرسىڭىز ، كىيىنچە ھەرقانچە كاللىڭىزنى كىسىپ بەرسىڭىزمۇ سىزگە ئىشەنمەيدۇ . ئۇنى تاياق بىلەن ئەمەس ، سەمىمىيەت ، ئاق كۆڭۈللۈك ، راسچىللىق بىلەن گىپىڭىزنى ئاڭلايدىغان قىلىڭ . قايسى قىزبالا جاھىل ئەمەس ! ئۇ پەقەت قىز دوستىڭىز بولغاچقىلا ھەممىدە مىنىڭ راس دىسڭىز بۇ ئادىللىق بولمايدۇ ، ھەم بىر ئەر كىشى بولغاندىكىن ھەمىشە قىزبالا بىلەن ئادىللىق تالىشىمەن دەپ ئولتۇرماڭ ، سالاپىتىڭىزنى ساقلاپ ، ئۆزىڭىزدىن ئەيمىندۈرۈپ يۈرۈدىغان قىلىڭ ، گەپنىڭ پوسكاللىسى پەردە - شەپ كۆتۈرلۈپ كەتسە ھېلىغۇ تۇتۇپ قويغان قىز دوستىڭىزكەن ، ئېلىپ قويغان خوتۇنىڭز بولسىمۇ ‹خېتىمنى بەر !›  دەپ چىقىۋىرىدۇ !  مەرت بولۇڭ ، ئۇششاق ئىشلارغا پەرۋا قىلماڭ ، ئۇششاق گەپ تالاشماڭ ،  بىر گەپ قىلسام چوقۇم ئىشىنىڭ : بىر قىزبالا بىلەن سىز يالغۇز ئەمەس ، يەنە ئون ئەركىشى بىللە گەپ تالاشسىڭىزمۇ ئۇتالمايسىز ، كونىلارنىڭ بۇ گىپى بىكار ئېيتىلمىغان . ئاچچىقىڭىز كەلگەندە قۇرۇق قىدەلنى قويۇپ ئاغىنىللىرىڭىز دوسلىرىڭىز بىلەن ئويناپ ئىككىلىڭلارنىڭ ئاچچىقى يانغاندا ئاندىن پاراڭلىشىڭ . قىزبالىدىن ماڭا بۇنى ئۆزگەرتىپ بەر ، ئۇيەرىڭنى ئۆزگەرت دەپ تەلەپ قىلماڭ ، بۇ پەقەت قاملاشمايدۇ ، ئەگەر كۆزىڭىزگە بەك سىغمىسا ، ئايرىلىپ كىتىپ ئۆزگەرتىش كەتمەيدىغان بىرسى بىلەن توي قىلىڭ ! يىغىنچاقلاي ھەم سىزگە ھەم باشقا ئەركەكلىرىمىزگە نەسىھەت بولۇپ قالسۇن ! بىر قىزبالا يىگىرمە يىللاپ ئۆزىنىڭ ئۆيىدە ، ئاتا - ئانىسىنىڭ قۇچىقىدا ئۆز خان ، ئۆز بەگ بولۇپ ياشايدۇ ، بىر كۈنى سىز بىلەن تونۇشىدۇ ، ئۆزىنى سىزگە بېغىشلايدۇ ،  ئاغزىغان چىش چىقىپ يىگىرمە نەچچە ياشقىچە كۆرۈپ باقمىغان سىزنىڭ دادىڭىز - ئانىڭىزنى بىر ئۆمۈر دادا - ئانا قىلىدۇ ، كۈندە ئۆيىڭىزنىڭ ، سىزنىڭ ، ئاش تامىقىڭىزدىن تارتىپ پايپىقىڭىزغىچە ئۇنىڭغا كۆتۈرە قالىدۇ . ئاللاھ نىسىپ قىلسا ، مىڭ ئۆلۈپ بىر تىرىلىپ يەنە شۇ سىزنىڭ پۇشتىڭىزدىن بولغان بالىڭىزنى سىزگە تۇغۇپ بىرىدۇ ، بالا تۇغۇشنى ئەمەس ، تاماقنى جىقراق يەپ سالغاندىكى ئاش قازىنىڭىزنى قانچىلىك بىئارام بولىدىغىنىنى ئويلاپ بېقىڭ ، خوتۇن كىشىگە ئاسانمۇ ؟ يەنە شۇنداق تۇرۇپ ئەقەللىي ھۆرمەت ھەم ئۇ ئىنتىلگەن خۇشاللىقىنى بىرەلمىسەك بىزمۇ ئازراق ئويلىنىپ بېقىشىمىز كىرەكمۇ يوق ؟! جىقراق سۆزلەپ قويدۇم ، بەزىلىرى بەلكىم كۆڭلىڭىزگە تىگخشى مۇمكىن ، لىكىن ئامال يوق ، راس گەپ كۆپىنچە قۇلاققا قاتتىق تىگىدۇ ! سىز ھەم ئەركەكلىرىمىزگە گەرچە بۇ تىما بىلەن بەك قويۇق مۇناسىۋىتى بولمىسىمۇ يېقىندا يازغان ‹ئەركەك ›نەملىق شىئېرىمنى قالدۇراي !:بىراۋنى سۆيگەن بولساڭ <<سۆيىمەن >> دە ، يوشۇرما ، يالغان گەپنى ياكى ئېيتىشقا خىجىل بولىدىغان گەپنى يوشۇرىمىز ، بىراۋنى سۆيگىنىڭ يالغانلا بولمىسا خىجىل بولىدىغان ئىش ئەمەس. :بىراۋنى سۆيەلىگىنىڭدىن ئىپتىخارلان، ھەم ئۇنىمۇ ئىپتىخارلاندۇر. ئىسىڭدە   بولسۇن بىراۋنى ياخشى كۆرۈش دىگەنلىك ئۆزىنى قۇربان قىلىپ تۈگەشتۈرىۋىتىش دىگەنلىك ئەمەس ، مۇھەببەت دىگەن بەخىت ، خۇشاللىق يارىتالايدىغان بولىشى كىرەك. ئەلكۈيدىكى مۇناسىۋەتلىك تىمام

╰︶￣原地守候

	52arslan يوللىغان ۋاقتى  2012-12-29 03:13 PM ئەسلى بۇنداق تىمىلارغا ئانچە ئىنكاس قايتۇرۇپ كەتمەيتى ... يائاللا نىمانچە ئوبدان گەپ قىلىۋەتتىڭىز دەيمەن. ئوغۇللار ياخشى ئويلانسا بولىدۇ مۇشۇنى.