بىر ھېكايە بىر ھېكمەت!...(ئىپارە)

ئىپارە

	يەمەندە تۇرۇشلۇق ئۇجەيىپ قەبىلىسىنىڭ 13 مۇسۇلمان ئەردىن تەشكىللەنگەن ئەلچىلەر ئۆمىكى مەدىنگە كەلدى. رەسۇلۇللا خۇرسەن بولۇپ ھۆرمەت بىلەن كۈتۈۋالدى. بىلالغا ئۇلارنى ياخشى مېھمان قىلىشنى  تاپىلىدى. ئۇلار رەسۇلۇللاھدىن دىن بىلىملىرىنى ئۈگەندى ئۇلار ئانچە ئۇزۇن تۇرماي رەسۇلۇللاھنىڭ تەلىمىنى خەلىققە ئۈگۈتۈش ئۈچۈن يۇرتىغا قايتىشىقا ئالدىراشتى ۋە رەسۇلۇللا بىلەن خوشلاشقىلى كەلدى. رەسۇلۇللا ئۇلارغا بىلالنى ئىۋەتىپ ئەڭ ياخشى مۇكاپاتلارنى بەردى ۋە ئاراڭلاردىن بىرەرسى قېپقالدىمۇ ؟ دەپ سورىدى . ئۇلار-ھەئە ، ئارىمىزدىكى ئەڭ كىچىك بىر بالىنى يۈك- تاقلىرىمىز قىشىدا قالدۇرۇپ قويدۇق...دىدى، رەسۇلۇللا          ئۇنى چاقىرىڭلار،دىدى. ئۇلار يۈك- تاقلىرى قېشىغا بېرىپ :ھاجىتىڭنى ئادا قىلىۋالغىن ، بىز ھاجىتىمىزنى ئاداقىلىپ خوشلۇشۇپ بولدۇق، دىدى. بالا رەسۇلۇللانىڭ قېشىغا كەلدى ۋە:ئى رەسۇلۇللا مەن ئەبزا جەمەتىدىن بولىمەن،ھازىر      قېشىڭدىن بارغان ھەمراھلىرىم سىنىڭ ئۆز ھاجەتلىرىنى ئادا قىلىپ بەرگەنلىگىنى ئېيتتى، ئەمدى مىنىڭ ھاجىتىمنى ئادا قىلساڭ دىدى. رەسۇلۇللا:قانداق ھاجىتىڭ بار؟ دەپ سورىدى. بالا: -مىنىڭ ھاجىتىم  ھەمراھلىرىمنىڭكىگە ئوخشىمايدۇ، ئۇلارئىسلامغا كىرىشكە قىزىقىپ زاكات ماللارىنى ھەيدەپ كەلدى. مەن ئاللاھقا قەسەمكى شەھرىمدىن پەقەتلا سىنىڭ ئاللاھدىن ماڭا گۇنايىمنىڭ مەغپىرەت بولىشىنى   ۋە ماڭا رەھىم قىلىشىنى ۋە قەلبىمنىڭ باي قىلىنىشىنى سوراپ بېرىشىڭ ئۈچۈن كەلدىم دىدى.، رەسۇلۇللا مۇنداق دسىدى:<<ئى ئاللاھ ئۇنۇڭ گۇناھىنى مەغپىرەت قىلغىن، ئۇنۇڭغا رەھىم قىلغىن،ئۇنۇڭ قەلبىنى باي قىلغىن>>، ئاندىن    ئۇنۇڭغا ھەمراھلىرىغا بەرگەن مىقداردا سوۋغات بىرىشكە بۇيرىدى. ھىجرىيىنىڭ 10- يىلى رەسۇلۇللا مىنادىكى چىغىدا ئەلچىلەر كەلدى ۋە ئۆزلىرىنى ئەبزا جەمەتىدىن دەپ تونۇشتۇردى. رەسۇلۇللا ئۆتكەندە كەلگەن ھېلىقى بالا قانداقراق؟دەپ سورىدى.ئۇلار: -ئى رەسۇلۇللا ، بىزئۇنۇڭدەك ئادەمنى كۆرىمىدۇق، ئارىمىزدا خۇدانىڭ بەرگىنىگە ئۇنۇڭدىنمۇ بەكرەك قانائەت قىلىدىغان ئادەم يوق. كىشىلەرنىڭ ھەممىسى دۇنيا تالىشىۋاتسىمۇ ئۇ بالا دۇنياغا كۆزقىرىنى سالمايدۇ، دىدى. رەسۇلۇللا :ئاللاھقا مەدھىيە ،ئۇلارنىڭ ھەممىسىنىڭ ئۆلىشىنى ئۈمۈد قىلىمەن دىدى.بىر ئەلچى:ئى رەسۇلۇللا ھەممە ئادەم ئۆلدىغۇ؟ دىدى. رەسۇلۇللا ئۇلارغا كىشىلەرنىڭ خىلمۇ- خىل ئۆلىدىغانلىغىنى بايان قىلىپ مۇنداق دىدى:ھەۋىسى ۋە ئىرادىللىرىنى دۇنياغا بېغىشلىغان ئادەمنى ئاشۇ دۇنيا جىلغىللىرىنىڭ بىرىدە ئۆلۈم تىپىۋىلىشى مۈمكۈن ،ئاللاھ ئۇنداق ئادەمنىڭ قانداق بىر جىلغىدا ئۆلىشىگە پەرۋا قىلمايدۇ، دىدى. ئەلچىلەر: ئۇ بالا ئارىمىزدىكى ئاللاھنىڭ رىزقىغائەڭ قانائەتچان ، دۇنياغائەڭ كەم ئامراق،ئەڭ ئەۋزەل ھالەتتە ياشايدۇ دىدى. رەسۇلۇللا ۋاپات بولىۋىدى، بىر تۈركۈم يەمەنلىكلەرئىسلامدىن يانغىلى تۇردى.ئۇ خەلقى ئىچىدە تۇرۇپ ئۇلارغا ئاللاھ ۋە ئىسلامغا تەرغىپ قىلدى ، شۇنىڭ بىلەن ھىچكىم دىندىن  يانمىدى . ئەبۇ بەكرى سىدىق ئۇ بالىنى ئەسلەپ ئەھۋالىنى سۈرۈشتۈردى ۋە ھازىرقى ئەھۋالىنى ئۇقۇپ،ئورنىدا تۇرۇپلا زىياد ئىبنى لۇبەيدكە ئۇ بالىغا     ياخشىلىق قىلىشنى تاپىلاپ خەت يازدى. مانا بۇ قەلبى ئىمان بىلەن گۈللەنگەن ياشنىڭ ھېكايىسى. ئۇ ياش نۇرغۇن كىشىلەردەك دۇنيا تۇرمۇشنىڭ گۈل- چىچەكلىرى بىلەن مەپتۇن بولۇشنى قوغلاشماي، ئۆز ئىرادىسىنى ھەممىدىن ياخشى بولغان  ئاللاھنىڭ قىشىدىكى ساۋاپقا باغلىدى. ئۇنىڭ رەسۇللادىن تەلەپ قىلغان ھاجىتى :پەقەت ئاللاھتىن ئۆزىگە مەغپىرەت ۋە رەھمەت سوراش، قەلبىنى باي قىلىشنى سوراش بولدى. خالايىقلار ئۆزلىرى نىمە ئۈستىدە ياشىغان بولسا شۇنۇڭدا ئۆلىدۇ ، كىمكى ھاجەتلىرىنى ئاخىرەت ئۈچۈن جەملەپ ياشايدىكەن ، شۇ ھالدا ئۆلىدۇ. كىمكى ھاجەتلىرىنى دۇنيا ئىشلىرىغا قارىتىپ ياشايدىكەن، شۇنىڭ بىلەن ئۆلىدۇ. ئاز كىشىلەر ، بەلكى ئىنتايىن ئاز كىشىلەر بىر غايە ئۈچۈن ياشايدۇ . ئىرادىسىنى بىرىگە تىكلەيدۇ، شۇ ئىرادە ئۈچۈن  ياشاپ، شۇ ئىرادە ئۈچۈن ئۆلىدۇ. مانا بۇ ئۆز غايىسىنى ئاللاھقا تىكلىگەن ، يولىنى ئاللاھنىڭ كۆرسەتمىسىگە ئەگىشىش قىلغان ،بارلىقىنى ئاللاھقابېغىشلىغان ، شۇ بويىچە ئۆلگەن ھەقىقى مۆمىن مانا بۇ ئۇنىڭ جاكاسى:<<(ئى مۇھەممەد!)ئېيتقىنكى :مىنىڭ نامىزىم، قۇربانلىقىم، ھاياتىم ۋە ماماتىم (دۇنيادا قىلغان ياخشىلىقلىرىم ۋە تائەت ئىبادەتلىرىم) ئالەملەرنىڭ پەرۋەردىگارى ئاللاھ ئۈچۈندۇر. ئاللاھنىڭ شېرىكى يوقتۇر، مەن مۇشۇنۇڭغا يەنى يالغۇز ئاللاھقىلا خالىس ئىبادەت قىلىشقا بۇيرۇلدۇم، مەن مۇسۇلمانلارنىڭ    ئەۋۋىلىمەن.>>(سۈرە ئەنئام 163-ئايەت) مەنبە:ئنمان ۋە ھايات كىتاۋىدىن تەرمىلەر.

mahatjan

	بىر ھىكايە بىر ھىكمەت،شۇنداق .   مانا بۇ بىر ھىكايە.                     توختى ئەزمىنىڭ ھارۋۇسى                           (ھىكايە)     توختى ئەزمىنىڭ ھارۋۇسى غىچچىر-غىچ،غىچچىر-غىچ قىلىپ ماڭغان پىتى ھويلىسىغا كىرىپ كەتتى.                                                                           تۈگدى

gadankax111

	mahatjan يوللىغان ۋاقتى  2012-12-28 09:39 PM بىر ھىكايە بىر ھىكمەت،شۇنداق .   مانا بۇ بىر ھىكايە.        ...    گوڭگا شېئىر دەپ ئاڭلىغان بىراق گوڭگا ھېكايە دەپ ئاڭلاپ باقماپتىكەنمەن. سىزنىڭ ئىنكاسىڭىزدىكى ئۇ ھېكايىنى نېمە دەپ ئاتىساق بولا.

yawayi-0998

	بىر ھىكايە بىر ھىكمەت . بىر ھىكايە بىر  ئەقىل دىگەن سۆزلەگە  مەن ئىشىنىمەن . شۇ ئارقىلىق كىشىنىڭ يوللۇققان ھەر بىر ئىشىغا بەرگەن ھۆكىمى قانداق شۇنى بىلگىلى بولىدۇ ھەم  ئۆز تۇرمىشىغا  تەدبىقلىغىلى بولىدۇ

musilina

	مەزمۇنى چوڭقۇر،ئادەمنى ئويغا سالغۇدەك ،تەربىيىۋى ئەھمىيەتكە ئىگە ھېكمەتلىك ھېكايىكەن.... بىزگە مۇشۇنداق ھېكمەتلىك ھېكايىنى سۇنغان ئەجرىڭىزگە تەشەككۈر...

rana1221

	چوڭقۇر مەزمۇنلۇق ياخشى تېمىدىن بىرنى يوللاپسىز.............رەھمەت سىزگە!

qartekin

	رەھمەت!~

ئەلپىدا2

	سىز ھەر زامان مۇشۇنداق ياخشى مەزمۇنلارنى مۇنبەرگە يازىسىز.....ئاللاھىم ئىككى ئالەملىكىڭىزگە بەخت ۋە بەرىكەت نېسىپ قىلغاي.....

ئىپارە

	ئەلپىدا2 يوللىغان ۋاقتى  2012-12-28 11:36 PM سىز ھەر زامان مۇشۇنداق ياخشى مەزمۇنلارنى مۇنبەرگە ياز ... رەھمەت سىزگە مىنى چۈشىنىدىغانلارمۇ خىلى باركەن ھە؟بەزىلەرنىڭ بۇ تېمامنى چاخچاققا ئايلاندۇرغىنىغا ھەيران قالغان ئىدىم  توۋا چاقچاققا ئايلاندۇرىدىغان تېمىما بۇ دەيمەندە ؟ ئىشنى قىلىپ سىلەرگە ئازراق بولسىمۇ نەپ بولسا مەن شۇنۇڭغا خوش! ئاللاھ سىزگىمۇ ئىككى ئالەملىك سائادەت ئاتا قىلسۇن، ئامىن!

ئەلپىدا2

	ئىپارە يوللىغان ۋاقتى  2012-12-28 11:43 PM رەھمەت سىزگە مىنى چۈشىنىدىغانلارمۇ خىلى باركەن ھە؟بە ... ماڭا تىلىگەن ياخشى تىلەكلىرىڭىزنى ئاللاھ يۈز ھەسسىلەپ سىزگە قايتۇرغاي.......ئامان بولۇڭ......