قارىغۇچىسى يوقلار بىر سائەت ئىچىدە پاناھلاندۇرۇلىدۇ

ئەلشىپا

	قارىغۇچىسى يوقلار بىر سائەت ئىچىدە پاناھلاندۇرۇلىدۇ     مۇخبىرىمىز ياڭ يىڭچۈن خەۋەر قىلىدۇ: ئاپتونوم رايونلۇق خەلق ئىشلىرى نازارىتى يېقىندا ‹‹قارىغۇچىسى يوقلارنى پاناھلاندۇرۇش، باشقۇرۇش خىزمىتىنى يەنىمۇ ئىنچىكە، ئەمەلىي ئىشلەش توغرىسىدىكى جىددىي ئۇقتۇرۇش››نى تارقىتىپ، ھەر دەرىجىلىك خەلق ئىشلىرى تارماقلىرى ۋە پاناھلاندۇرۇش، باشقۇرۇش ئاپپاراتلىرىدىن قارىغۇچىسى يوقلارنى پاناھلاندۇرۇش خىزمىتىنىڭ سالمىقىنى ئاشۇرۇپ، قارىغۇچىسى يوقلار ياكى ئۇلارغا ئائىت يىپ ئۇچى بايقالغاندا بىر سائەت ئىچىدە نەق مەيدانغا بېرىش ھەم پاناھلاندۇرۇش، ئارىلىق يىراق، دەل ۋاقتىدا بېرىشقا ئىمكانىيەت بولمىسا، يېزا–بازار(كوچا باشقارمىسى)، كەنت ئاھالىلەر كومىتېتى، خالىس كىشىلەرنىڭ جىددىي پاناھلاندۇرۇشىغا يېتەكچىلىك قىلىپ، قارىغۇچىسى يوقلارنىڭ تۇرمۇش كىرىزىسىنى ھەل قىلىشنى تەلەپ قىلدى.     ھازىر قەھرىتان سوغۇق بولۇۋاتىدۇ، ‹‹ئۇقتۇرۇش››تا يەنە مۇنۇلار تەلەپ قىلىندى: ھەر دەرىجىلىك خەلق ئىشلىرى تارماقلىرى پاناھلاندۇرۇش، باشقۇرۇش ئاپپاراتلىرىنىڭ خىزمىتىگە يېتەكچىلىك ۋە ھەيدەكچىلىك قىلىپ، ناچار ھاۋارايى شارائىتىدا پاناھلاندۇرۇش، باشقۇرۇش خىزمىتىنى ياخشى ئىشلەپ، قارىغۇچىسى يوقلار، سەرگەردانلارنىڭ سوغۇق، ئاچارچىلىق، كېسەللىك سەۋەبىدىن كېلىشمەسلىككە ئۇچرىشىنىڭ ئالدىنى ئېلىپ، ئۇلارنىڭ قىشتىن بىخەتەر چىقىشىغا كاپالەتلىك قىلىشى؛ تاراتقۇلاردا جامائەت پاراۋانلىقى ئېلانى بېرىش، ئاھالىلەرگە پاناھلاندۇرۇش تەشۋىقات ۋەرەقى تارقىتىش، ئاھالىلەرنى تەشكىللەپ پاناھلاندۇرۇش، باشقۇرۇش ئاپپاراتلىرىنى ئېكسكۇرسىيە قىلدۇرۇش قاتارلىق شەكىللەر ئارقىلىق، جەمئىيەتتىكىلەرنى پاناھلاندۇرۇش، باشقۇرۇش سىياسىتىدىن خەۋەردار قىلىپ، ئاممىنى قارىغۇچىسى يوقلارنى بايقىغاندا 110غا تېلېفون ئۇرۇپ ج خ ئورگانلىرىغا مەلۇم قىلىش ياكى پاناھلاندۇرۇش قىزىق لىنىيەسىگە تېلېفون ئۇرۇشقا سەپەرۋەر قىلىشى؛ بېكەت، يەر ئاستى ئۆتۈشمە يولى، كۆۋرۈك سۈڭگۈچى قاتارلىق قارىغۇچىسى يوقلار توپلاشقان جايلاردا چارلاپ تەكشۈرۈشنى يولغا قويۇش ئاساسىدا، قۇرۇلۇش مەيدانلىرى، شەھەر بىلەن يېزا تۇتاشقان جايلارنىمۇ چارلاپ تەكشۈرۈش دائىرىسىگە كىرگۈزۈپ، پاناھالاندۇرۇش مۇلازىمىتىنى ياخشى قىلىپ، قۇرامىغا يەتمىگەنلەر، ياشانغانلار، ئېغىر بىتاپلار، روھىي كېسەللەر، مېيىپلەرگە ئالاھىدە كۆڭۈل بۆلۈپ، پاناھلاندۇرۇش مۇلازىمىتى بىلەن ۋاقتىدا تەمىنلىشى؛ شەھەر، ناھىيە(رايون)، يېزا–بازار(كوچا باشقارمىسى)، كەنت تۆت دەرىجىلىك پاناھلاندۇرۇش تورىنى كۈچەپ مۇكەممەللەشتۈرۈپ، جامائەت پاراۋانلىقى خەير–ساخاۋەت تەشكىلاتلىرى، مەھەللە تەشكىلاتلىرىنى يىپ ئۇچى بىلەن تەمىنلەشكە سەپەرۋەر قىلىپ، پاناھلاندۇرۇشقا تېگىشلىكلەرنى ۋاقتىدا پاناھلاندۇرۇشى كېرەك. ئەسلى مەنبە: http://www.xjtsnews.com/news/con ... /content_253627.htm

ئەلرام

	ئەلشىپانىڭ ئاجىزلارغا شىپا بولغۇدەك ئۇچۇرنى مۇنبەرداشلارغا يەتكۈزگىنىدىن خۇرسەن بولدۇم.ئەجرىڭىزگە تەشەككۇر.

kax-tax

	بەك ياخشى بوپتۇ! ئەمما ئىككى ئىشتىن ئەنسىرەپ قالدىم: بىرى ،ھۆجەتتىغۇ ناھايىتى ياخشى دىيىلىپتۇ ،لېكىن تۆۋەنگە ئوموملاشقاندا ئەھۋال قانداقراق بولاركىن؟ يەنە بىرى ،بەزى ۋاپاسىز پەرزەنتلەر ياشىنىپ قالغان ئاتا-ئانىسىنى كۆۋرۈك ئاستىغا دىگەندەك يەرلەرگە كۆچۈرۈپ قويارمۇ ؟بۇنداقلارنى يوق دېگىلى بولمايدۇ ،ئاللا ھەممىمىزگە ئىنساپ بەرسۇن!

kalbim35538

	ياخشى ئىش بولۇپتۇ .... ئاللاھ رەھمەت قىلسۇن!!!

gadankax111

	كۆۋرۈك ئاستىدا دوپپا بىلەن يايما ئېچىپ، ‹‹ئۆزەم تېلەمچى›› چەكلىك شېركىتى ئۈچۈن ئاكتىپ مەبلەغ توپلاۋاتقانلارنىڭ كېرىمىگە تەسىر يەتسە ھۆكۈمەت تولۇقلاپ بىرەمدىكەن.

bityon2

	ئاتا- ئانىسىنى دەرىزىدىن تاشلايدىغانلارنى بىر  نەرسە دىگىلى  بولمايدۇ .

nazi0997

	ياخشى بولغان تەشۋىقات خەۋرىنى بىگە يەتكۇزگىنىڭىزگە رەخمەت .

abdulahad

	ياخشى خەۋەركەن!

ئەلپىدا2

	ياخشى ئىشتىن خەۋەردار قىلغىنىڭىزغا رەھمەت..... بىراق مۇشۇ پەرمەن يەرلىككە كەلگەندە پۇتلىكاشاڭ بەك جىق بولامدىكىن دەيمەن.......

ئۆل

	ئەمدى تاشلىندىغانلار كۆپۈيۈپ كېتەمۇ؟....بۇمۇ ياخشى ئىشكەن ..ھىچ بىر تۇقىنى يۇق ئادەملەرمۇ بولدىكەن ...تۇقانلار تۇرۇپمۇ تاشلىنىپ قالدىغانلارمۇ بولدىكەن ...ئىشقلىپ ئادەملەرگە ئىنساب بەرسۇن،