مىھمان

parixta1980

	مىھمان (ھىكايە) رىستۇراننىڭ رەڭگا-رەڭ چىراقلىرى خۇددى جىددى ۋەزىپىسى باردەك،لاپ-لاپ،لاپ-لاپ قىلىپ ئۆچۈپ –يېنىپ ،كىشىنى  بىرخىل جىددىچىلىك ئىچىگە سۆرەپ كىرسە،ئادەمگە بىئاراملىق ھېس قىلدۇرىدىغان سۇس يورۇقى،بىر كۈن ئىشلەپ قاتتىق چارچاپ كەتكەن ئادەمنىڭ ھارغىن چىرايىنى ئەسلىتەتتى.ئۇسۇل سەھنىسىدىكى كىشىلەر بولسا،تېز تانسا موزىكىسىغا ئەگىشىپ بىر-بىرىنىڭ بەل-قوللىرىنى تۇتىۋىلىپ ئۇياندىن-بۇيانغا يۈگۈرۈپ يۈرىشەتتى.كۆڭلۈمدە« ماۋۇ خەخلەر نىمانداق كەچ قالغان بازارچىدەك يۈگۈرۈپ يۈرۈيدىغاندۇ؟»دىگەنلەرنى ئويلاپ، ئۇنىڭغا دەپ بىرەي دەپ بۇرۇلۇپ قارىدىم.بۇرۇن مۇشۇنداق قىززىق گەپلەرنى قىلىپ بەرسەم ئۇ خۇددى كىچىك بالىدەك تېلىقىپ كۈلۈپ«سىززە مۇخبىر بولغاچقا ئېغىزىڭىزدىن قىززىق گەپلەر چاقماقتەك چىقىدۇ،ھە.»دەپ مېنى ماختايتتى. بىراق بۈگۈن ئۇنىڭغا گەپ قىلغۇم كەلمىدى. بايا ئۇ ماڭا«ئەلفىرە تانسا ئوينايلىمۇ؟» دېگەندە مەن ئۇنىڭ كۆزىگە بىر ھازا تىكىلىپ قارىۋىتىپ ئاندىن مەسخىرىلىك كۈلگىنىمنى كۆرۈپ،مەندىن كۆزلىرىنى ئىتتىك ئېلىپ قېچىپ تاماكىسىنى پۇرقىرتىپ چىكىپ ئولتۇرغان ئىدى.مانا ئەمدى دائىمقىدەك نېمە دىيىشىنى،نېمە قىلىشىنى بىلەلمەي خۇددى دادىسىنىڭ ئالدىدا گۇناھ ئۆتكۈزۈپ قويغان كىچىك بالىدەك يەرگە قاراپ ئولتۇراتتى.شۇ تاپتا ماڭا ئۈستەل ئۈستىدىكى قورۇمىلارمۇ بەك بىچچارە كۆرۈنۈۋاتاتتى. ئۇ مېنى«قىممەت باھالىق زىننەت بويۇملىرىنى ئېلىپ بەرسەم،مۇشۇنداق ھەرخىل كۆڭۈل ئېچىش سورۇنلىرىغا ئېلىپ كەلسەم،مېنى كەچۈرۋىتىدۇ» دەپ ئويلاپ قانچە زورۇققانسىرى،ئۇ كۈندىكى مەنزىرە دائىم كۆزئالدىمدىن كەتمەي مېنى بىئارام قىلاتتى. مەن مۇخبىرلىق كەسپىمنى بەكمۇ قىزغىن سۆيەتتىم.شۇنىڭ ئۈچۈن يىراق ناھىيەلەرگە زىيارەتكە بارغىنىمدا نەچچە كۈن تۇرۇپ كىتەتتىم.بىراق بۇ قېتىم توي قىلغىنىمىزغا نەچچە ئايلا بولغان سۆيۈملۈك ئىرىمنى يالغۇز قويۇشقا كۆڭلۈم چىدىماي، زىيارەتنى تىزلا تۈگۈتۈپ،بەلگىلەنگەن مۆھلەتتىن ئىككى كۈن بۇرۇن قايتىپ كەلدىم. مەن بىكەتتە ئاپتۇبۇستىن چۈشۈپلا ئۇنىڭغا تىلىفۇن قىلماقچى بولدۇم.ئۇ «بىنىس» ماركىلىق چىرايلىق ماشىنىسىنى ھەيدەپ كىلىپ مېنى ئېلىپ كىتەتتى.بىراق دەرھال بۇ ئويۇمدىن ياندىم.مەن«بالدۇرراق ئۆيگە بىرىپ ئۇ كەلگىچە تاماق ئىتىپ تۇرسام،ئۇ ئىشتىن ھېرىپ كەلگەندە،ئۆيدىكى مىزىلىك تاماق پۇرىقىدىن مېنىڭ كەلگىنىمنى بىلىپ خۇشال بولۇپ كېتىدۇ» دەپ ئويلىدىم-دە، تاكسى توستۇم. مەن ئۆيگە كېرىپ كىيىملىرىمنى ئالماشتۇرىۋىتىپ، ئۆينى بىرەر قۇر رەتلىۋەتكەندىن كىيىن،سۆيۈملۈك ئىرىمنىڭ ئەڭ ئامراق تامىقى لەڭمەنگە تۇتۇش قىلدىم.خېمىر يۇغۇرۇپ،چىرايلىق پىلتە قىلدىم.ئاندىن لەڭمەننىڭ قورۇمىسىنى قورىدىم. ئۇنىڭ دائىم تاماقنى يەپ بولۇپ «سۆيۈملۈگۈم قولىڭىز ئۆزىڭىزدەكلا تاتلىق جۇمۇ!» دېگەندەك ماختاشلىرىنى ئويلاپ ھوزۇرلىنىپ تۇراتتىم،سىرتتىن ماشىنا كىلىپ توختىغان ئاۋاز ئاڭلاندى.ئىتتىك بالىكونغا چىقىپ ئەينەكتىن قارىدىم-دە، بۇ مەنزىرىدىن ھەيران قالدىم. مېنىڭ سۆيۈملۈك ئىرىم «بىنىس» ماركىلىق ماشىنىسدىن چۈشتى-دە، ماشىنىسىنىڭ ئالدىدىن ئايلىنىپ ئۆتۈپ، ماشىنىنىڭ ئوڭ تەرەپ ئىشىگىنى ئېچىپ،ئوڭ قولىنى ئالقىنىنى ئۇستى تەرەپكە قىلىپ ماشىنا ئىچىگە ئۇزاتتى.ماشىنا ئىچىدىن، بارماقلىرى چوكىدەك ئىنچىكە،تىرنىقىغا قىپ-قىزىل خىنە قويۇلغان، تۈلكە جىننىڭ قوللىرىدەك بىر قول چىقىپ ئىرىمنىڭ قولى ئۈستىگە قويۇلدى.ئارقىدىنلا تۈلكە جىننىڭ بېشى كۆرۈندى. ۋۇي! ئۇنى تۈلكە جىنغا ئوخشىتىپ ئاددى تەرىپلەپ قويۇپتىمەن ئەمەسمۇ؟ ئۇ خۇددى سۇنۋۇكۇڭنىڭ كىنوسىدا رول ئالغان پاسىق سۆڭەك ئالۋاستى ئىكەن.ئۇنىڭ مۈرىسىدە يېيىلىپ تۇرغان دولقۇنسىمان ئۇزۇن چاچلىرى ،قېنىق سۈرمە سۈرتۈلگەن يوغان كۆزلىرى،تۈلكە جىننىڭكىدەك ئىنچىكە ئۇچلۇق بۇرنلىرى ئەينەكتىن قارىسا راستىنلا ئۇيغۇر خەلىق چۆچەكلىرىدىكى قان شورىغۇچ يالماۋۇزغىلا ئوخشايتتى. بىراق مېنىڭ سۆيۈملۈك ئىرىم،ئىگىز پاشنىلىق ئۆتۈك كىيگەن،ھوشۇقىغا كەلگۈدەك ئۇزۇن پەلتۇ كىيگەن بۇ جانان قىزنىڭ قولىدىن مەھكەم تۇتقىنىچە قورۇنىڭ ئىشىگىدىن كىرىپ كەتتى.پاھ، نېمە دېگەن رومانتىك،ھە! بالكۇننىڭ دەرىزىسىنى ئېچىۋەتتىم.سىرتتىن كىرگەن،يانۋارنىڭ مۇزدەك شامىلى يۈزۈمگە، ياق يۈرۈگۈمگە نەشتەردەك سانچىلدى. نېمە قىلىشىمنى بىلمىدىم.ئۆيدىن ئوقتەك چىقىپ كەتكۈم بار ئىدى. تۇيۇقسىز پاسىق سۆڭەك ئالۋاستىنىڭ كۈلگەن ئاۋازى ئاڭلاندى. -ھا،ھا،ھا! ئايالىڭىزنىمۇ مۇشۇنداق كۆتۈرۈپ ئېلىپ چىققانمۇ؟ھا،ھا،ھا! بۇرنۇم زىڭڭىدە ئىچىشقاندەك بولدى-دە،كۆزلىرىمگە ياش كەلدى.ئۆزۈمنى قاتتىق تۇتۇۋالدىم. «توغرا مېنىڭ سۆيۈملۈك ئىرىم ئۆيگە مىھمان باشلاپ كېرىۋاتىدۇ.مىھماننى چىرايلىق قارشى ئېلىش ساھىبخاننىڭ مەجبۇرىيتى.» مەن مىھماننى كۈتۈۋېلىش ئۈچۈن ئىشىكنىڭ ئالدىغا باردىم. قۇلۇپقا ئاچقۇچ سېلىنغان ئاۋاز ئاڭلاندى.«قېنى مەرھەممەت».ئىرىمنىڭ مۇنداقمۇ يېقىملىق سۆزلىرى بار ئىكەن ئەمەسمۇ؟خۇددى مىھمانخانا كۈتكۈچىلىرىدەك. -ئەسسالامۇ ئەلەيكۇم! -ۋەئەلەيكۇم ئەسسالام. ئۆيگە ئەركىلەپ كىرىپ كەلگەن قىزنىڭ ئاۋۋال پۇتۇمغا چۈشكەن كۆزلىرى،ئاستاغىنە يۇقۇرى كۆتۈرۈلۈپ مېنىڭ ياش لىغىرلاپ تۇرغان كۆزلىرىم بىلەن ئۇچراشتى-دە،چەكچىيىپ كەتتى. جاۋاپ سالىمىمنى ئاڭلاپ،ئۇ قىزنى ئىتتىرىپ دېگۈدەك ئۆيگە كىرگەن سۆيۈملۈك ئىرىم بولسا«ئەلفىرە!سىز...»دېگىنىچە داڭقېتىپ تۇرۇپلا قالدى. 2012-يىلى12-ئاينىڭ 19-كۈنى.         مەنبە:يازمام.

albax

	راستمۇ يا ماۋۇ ئىش ؟    تۇقۇلما بولسا مۇنبەردە يوق ئادەملەرنى بار ئادەملەر تىللاپلا ئۆزىنى يۇقىتىپ قۇيىدۇ جۇمۇڭ !

ئەلرام

	پەرىشتە، ھېكايىڭىز ياخشى چىقىپتۇ، ئۇتۇقى بىلەن سىزنى تەبرىكلەيمەن.  «مېھمان» نىنىڭ بىزنى خىيال ئىچىگە ئەكىرەلىگنى رېئاللىقىمىزدىكى «يۈزى قىلىن ئۈچۈنجى شەخس»لەرنى بىزگە كۆرسىتىپ بىرەلىگىنى.

yurkimzida

	يامان خوتۇنكەن ماۋۇ!!!!!!!!!!!!كاللىسى ئىشلەپ قويدىكەن ئىشقىلىپ!

subhidikixabnam

	توي قىلىپ  نەچچە ئاي ئۆتە-ئۆتمەيلا  ئۆيگە ‹‹مېھمان›› باشلاپ كىلىدىغان  نىمانداق  ئادەم ئۇ؟

alxir521

	ھېكايىڭىز ياخشى چىقىپتۇ،

armi

	بۇنداق  ئەھۋاللار  كۆپقۇ  !   مىنىڭ  مەھەللەمدە   بىرەيلەن  ئېرىنى  شۇنداق  ياخشى  كۆرىدۇ  .  ھەم  بەك ھۆرمەتلەيدۇ  .  ئېرىمۇ  ئۇنىڭغا  بەك  ئامىراق  ئىدى  .   كىم  بىلسۇن  دەيسىز  توي  قىلىپ  4  ئاي  ئۆتكەندە  ئېرى  خوتۇننىڭ  ئالدىدىلا باشقا  بىر  مىكىجىننى   ئۆيىگە  ئەكىلىپ  ئايالى  بىر  ئۆيدە  ياتسا   بۇلار   باشقا  ئۆيدە  يىتىپ  ئىنجىقلىشىپ  شۇنداق  يىتىپ  شۇنداق  قوپۇپ  چىقىپ كىتىشىپ  يۈردى  .  ھەتتا  ئۆزلىرى  ياتقان  ھوجىرىدىن  ئايالىنى  چىقىرۋىتىپ   ئاشۇ  پاسسىق  مىكىجىننى  ئەكىرىپ  ئۆيمۇ  تۇتۇپ  بەردى  . بىچارە  ئايالى  ئېرىنى  بەك  ياخشى  كۆرگەچكە  نىملا  كۈن  كۈرسە  مەيلى   دەپ  ئاتا  ئانىسىغىمۇ  دىمەي  [  ئېرىنىڭ  ئاتا  ئانىسى  يوق  قېرىنداشلىرى بار  بىراق  ئۇلار   كارى  بولماي  تاشلىۋەتكەنىدى   دىمەك  ھاي  دەيدىغان   ئادەم  يوق  ئىدى  ]  دەردىنى  ئىچىدە  بىلىپ ، كىتەي  دىسە  ئاتا  ئانىسىغا   بىر  تەرەپتىن  ئەلەم  بولمىسۇن  دەپ  ،  بىر  تەرەپتىن  ئېرىنى  ياخىشىلىشىپ  قالسا ئاتا  ئانىسنىڭ  ئالدىدا  تىلى   قىسقا  بولۇپ  قالمىسۇن  دەپ  يۈرۈپ  ، ئاتا   ئانىسى  بىلىپ  قالسا  يۇشۇرۇپ  يۈرۈپ  بىر  يىلدىن  كۆپىرەك ۋاقىت  ئۆتۈپ  كىتىپ  ئۇ  قىز  ئاغرىپ  قالدى  .   دوختۇرخانىدا  ياتقىننى  ئاڭلاپ  بارساق  ئۇ  قىز  يۈرەك  كىسەل  بولۇپ  كىتىپتۇ  . شۇ  چاغدا   ئەلەمگە  چىدىمىغان  قىز  ئاجىرشىش  نىيىتىگە  كەلگەندە   ئېرى  ئەقلىنى  تىپىپ  كەلدى  .  بىراق  ئۇ  قىزمۇ   ئاتا  ئانىسمۇ   ،  ئۇ  ئېرىنى قەتئى  كەچۇرمىدى  .  چۇنكى  قىزنىڭ  كۆزدىن  ئاققىنى  ياش  ئەمەس   قان  ئىدى   .  بىزمۇ  شۇ  قىزنىڭ  ئەلىمىگە  چىدىماي  يىغلاپ  سالدۇق .

بەرگى

	ئاچچىق كەچمىشتىن كۆڭكۈم تولىمۇ يېرىم بولدى .

ahmak.

	ھەي كۈڭلىم بۇزلۇپ قالدى  ،ياخشى يىزىپسىز.

musilina

	ئاچچىق رىئاللىق قەلىمىڭىز ئاستىدا ئۆز ئىپادىسىنى جايىدا تېپىپتۇ....