ئۇنى قارامايدا كۆرگەن ئىكەنمەن

wapadarim912

	ئەسسالامۇ-ئەلەيكۇم تۇغقانلار ،ساق سالامەت تۇرۇشتۇق ،ئۆي چېقىلىدىكەن ،مەھەللە كېتىدىكەن دەپ قىشنى قىش دېمەي ،خىزمەتنى ئىش دېمەي كېچە كېچىلەپ  سالدۇق ئۆينى ،ھازىر ھويلىلاردا كۈن كۆرۈنمەس ، مەھەلىمىز بەئەينى بىر ئەسكىپۇرۇشخانىغا ئوخشاپ قالدى ،بوۋىسىدىن مىراس قالغان قورو جايى كېتىدىغان گەپ پەيدا بولغان بۇ كۈنلەردە دادام بۆلەكچىلا بولۇپ قالدى ،ھويلىدا ئۆي سېلىنمىغان كىچىككىنە يەر قالغان ئىدى  ئۆي سېلىۋىتىلى قۇرۇق يەرگە دېسەك ،ياق بالام مۇشۇ پېتىمچە تۇرۇپ تۇرسۇن، نەگىمۇ كېتەرمىز  ،رەھمىتى دادام ئاپاملار يۈرگەن بۇ ھويلىدا بىر كۈن بولسىمۇ خىياللىرىم بىلەن ياشاي دەپ  سۆزلەپ كەتتى  دادام . توزۇپ كېتەرمۇ  بۇ بەرىكەت ، بۇ مەھەللە كەتسە جىمىلىخان ،ساجىدەم،تاجەملەر بىلەن تارىلىپ كېتەرمىزمۇ،  كۈندە تاماق سۇنىشىدىغان بۇ قېرىنداشتەك قوشنىلارتاراپ كېتەرمىزمۇ  دەپ ئاپاممۇ بەك سولغۇن .... ھەي ،بىرلىرىمىزنىڭ كۆزى كېلىدىغان پۇلدا ،لېكىن ئانىلارنىڭ، ئاتىلارنىڭ كۆزى نەم ،يۈرىكى چىدىمايدۇ دە تۇغقاندەك بولۇپ كەتكەن قوشنىلارغا ،سانسىز  جىنازىلار نى ئۇزاتقان مەھەللە يوللىرىغا !     قېينى ئاتاملارنىڭ مەھەللىسى چېقىلىپ  پەقەت  ئالتە ئائىلىك قالغان ئىدى ،بۇ ئالتە ئائىلە  قۇربان ھېيتتا ئاخىرقى قېتىملىق مەھەللە پەتىسى قىلىپتۇ ،ھېيت كۈنى  قېينى ئاتام داستىخان ئۈستىدە پەتىچىلەر ھەققىدە سۆزلەپ ئۇھسىنىپ كەتتى  ،توزۇپ كەتتۇق ،تاراپ كەتتۇق ،قېنى قوشنىلار ،قېنى تۇغقانلار ،قېنى ھېيت كۈنلىرى توپ توپ بولۇپ ياش ئايرىمىسى بويىچە پەتىلەيدىغان جامائەت ، بىزلەر چوڭلارغۇ  ئۆلگۈچە ھېيت كۈنى بولسىمۇ پەتىلىشىپ ئىزدىشىپ ئۆتىمىز ،لېكىن سىلەر ياشلار ئەمدى تۆت تامغا پالىنىپ  تارىلىپ  كەتتىڭلار ،قوشنىدارچىلىق ،تامقوشنا ئېلىم بېرىم مۇناسىۋىتى ئاستا ئاستا سۇسلىشىدۇ ،ئاستا ئاستا ،بىلىنەر بىلىنمەس ھالدا ياتلىشىپ كېتىسىلەر ،قوشنا دېگەن ئۇقۇم ئاستا ئاستا كاللاڭلاردىن سۇسلىشىدۇ ،يوقىلىدۇ ...... قېينى ئاتامنىڭ بۇ گېپى ماڭا بەك تەسىر قىلغان ئىدى ،ئۇلارنى ئۇزىتىپ بولۇپ ئۆيدە مۇشۇ ئىشلارنى ئويلاپ ئۇزاقتىن ئۇزاق ئولتۇرۇپ كېتىپتىمەن ،بۇ كوچىلاردا بىز 30يىلنى ئۆتكۈزگەن ،لېكىن ئۇلارنىڭ ياشلىقى  ،ھاياتىنىڭ تەڭدىن تولىسى ئۆتكەن ،مەھەللىدىكى ھەر بىر دوقمۇش ئۇلارنىڭ يۈرىكىدە ! چۈنكى تاماق ۋاقىتلىرىدا بىزلەرگە دەپ بېرىدىغان كوممۇنا ۋاقتىدىكى قايسى بىر قىزىق ئىش ،قىزىق ئادەم ، ئەستە قالغۇدەك گەپلەر ئەنە شۇ دوقمۇشلاردا يۈز بېرىپ ئۇلارنىڭ خاتىرىسىگە ئورناپ كەتكەن .     قۇرۇپ كەتكەن تېرەكلەردە ئۇلار ياشلىق مەزگىللىرىدە ئويۇۋەتكەن خاتىرە ئىسىم ۋە سانلار قالغان ،شۇڭا  بۇ كوچىلار ئۇلارغا تۇتىيا ،40-50يىلنى ئۆتكۈزگەن قوشنىلار ۋە شۇ مۇناسىۋەت ئۇلار ئۈچۈن مۇقەددەس ..... پات ئارىدا يوقىلىدىغان بۇ مەھەللىلەرنى ،كۈندۈزى بىنادا تۇرغۇسى كەلمەي دادا سوغاق دېسەكمۇ ئۇنىماي بىر كۈننى ھويلىدا ئۆتكۈزىدىغان ،ھويلىدىكى ھەر بىر دەرەخنى سىيلاپ سۆزلەپ كېتىدىغان دادامنى ،مەھەلىمىزدىن ئۆلۈپ كەتكەن رەھمەتلىكلەرنى ئەسلەپ قاچانلاردىكىن ئۇيقىغا كېتىپتىمەن .... "چىڭجىن "ناملىق بىر ئاچچىق چۈچۈكخانىنىڭ ئايرىمخانىسىدا  رەڭلىك سورۇن تۈزۈپ تۆت قىز يىگىت  ھاراق ئىچىپ ئولتۇرغۇدەكمىز ،بۇلۇڭغا بىر ئىندىئان ئايالنىڭ باش ھەيكىلى تىزىپ قويۇلغان بولۇپ تامغا ئۇنىڭ رەسىمى چىرايلىق رامكىغا ئېلىپ ئېسىپ قويۇلغانىمىش  .قەيسەريالغان مەس بولۇپ قۇچقىچىنى  تاماشا قىلىۋاتاتتى ،ئەخمەت بولسا قۇچقىچىغا ھاراق ئىچىرىپ ئۇنى مەس قىلىش بىلەن ئاۋارە ئىدى ،قالغان ئىككى  قۇچقاچ ھاجىمەمەت بىلەن بۇيرۇق ئويۇنى ئويناپ بىر بىرىنى سۆيۈشىۋاتاتتى ،كىيىملىرىنى سېلىشىۋاتاتتى ، ھاراقنىڭ كۈچى بىلەن مىللى غورۇيۇم قايناپ بىر قولۇمدا رومكىنى تۇتۇپ،بىر قولۇم يانچۇقتا  ئىندىئان ھەيكىلى ۋە رەسىمىگە قاراپ  سۆزلەپ كەتكۈدەكمەن :     ھەي ئىندىئان ھەي ،ئىندىئان ،مېنى مەس دەپ قالما ،مەن مەس ئەمەس ،مەن ماۋۇ لاتىلاردەك ئىككى رومكا ئىچىپ يالغان مەس بولۇۋالىدىغانلاردىن ئەمەس،ئانىمىز بىزنى ئوغۇل بالا دەپ تۇغقان  ،ئادەتتە  ئىچمەيمىز ،ئىچسەك ئۆلگۈدەك ئىچىمىز ،ئوينايمىز ،كۈلىمىز ،بىز ھېلى "روس كۇلۇبى"غا بېرىپ گۈزەل قىزلىرىمىزنىڭ يالىڭاچ ئۇسۇلىنى كۆرىمىز ،ئۇلارغا پۇل ئۆرۈيمىز ،ئۇلارنى ئەپچىقىپ پۇل بېرىپ بۇزىمىز ،ئەتىسى بۇ بۇزۇقلارنى دوسىتلىرىمىزغا سۆزلەپ بېرىمىز ،ئاندىن دوستىمىزنى بىرگە باشلايمىز ،بۇ بۇزۇقلارمۇ دوسىتلىرىنى باشلايدۇ ،ئاندىن ئوپچە بۇزىلىمىز ،بۇ بۇزۇلۇش شۇنداق داۋام ئېتىپ بۇزۇقچىلىق تېخىمۇ ئەدەيدۇ ،سەن بۇلارنى بىلمەيسەن ،سەن راھەتنى ،ھاراقنى ،تاماشانى ،لەززەتنى بىلمەيسەن چۈنكى سەن بىر ھەيكەلسەن ھەيكەل ! سۆزلىگەنچە غورورلىنىپ ،قىززىپ كەتكۈدەكمەن .رومكىدىكى ھاراقتىن بىر ئوتلاپ قولۇمدا رامكىدىكى ھىندىئان قىزنىڭ خۇددى مىدىرلاۋاتقاندەك مىسكىن قوي   كۆزلىرىنى سىلىشىمغا ئاپپاق نۇر ئەتراپنى يورۇتۇپ خۇددى چۆچەكلىرىمىزدىكى  دىۋە بوتۇلكىنىڭ قېچىپ چىققاندەك ھالەت يۈز بېرىپ بۇ ھىندىئان  رەسىمى  كۆز ئالدىمدا  مەن دېمەتلىك بىر ھىندىئانغا ئۆزگەرگۈدەك ،ئەتراپىمدىكىلەر مەس پېتى قېتىپ قالغۇدەك ، قورقۇنۇچتىن غىل غىل تىترەپ كەتكۈدەكمەن ، ئۇ ماڭا سۆزلىدى : رەھمەت ساڭا ۋاپادارىم ،مېنىڭ ئېتىم ئىزنا بولىدۇ ، ،مەن بۇ رامكىغا بەنت بولغىنىمغا تولىمۇ  ئۇزۇن يىللار بولدى ،ھەر كىرگەن كىشى ماڭا قارايدۇ ،مېنى ئۆلۈك دەيدۇ ،لېكىن مەن ھايات ، مېنىڭ كۆزلىرىمگە قارا ،مەن ئاخىرقى  ھىندىئان بولىمەن ،سەن مېنى قۇتقۇزۇپ  قالدىڭ ،مېنى بۇ رامكىدىن قۇتقۇزدۇڭ ،كەل مېنى تۇت ،پەيلىرىمنى سىيلا ،مېنى قۇچاقلا ،سۆي . ياق ،سەن ئادەم ئەمەس تۇرساڭ ،سېنى قانداقمۇ تۇتاي ،سېنى قانداقمۇ قۇچاقلاي ، يوقال دەپ يىغلاپ كەتكۈدەكمەن ، -توۋا دېدى ئىزنا قولۇمدىكى ھاراق رومكىسىنى يەرگە ئۇرۇپ ،ئەجەبا سەنمۇ ئۇلاردەك ئەسكىمۇ ،ئۇلارمۇ بىزنى ئادەم ئەمەس دەپ تىللايتى  ،ئەمدى سەنمۇ مېنى ئادەم ئەمەس دەۋاتىسەن ،سەن مېنى يوقال دېدىڭ ،توغرا ،مەن بۇ يەردىن ،سىلەردەك ئەركەكلەر باشقا قىزلارنى بۇزىدىغان ،ئەرلىك بۇزۇقلار باشقا ئەرلەرگە نايناقلاپ بۇزۇلىدىغان بۇ بۇزۇقچىلىق ئورنىدىن يوقىلىمەن ،ئەمدى مەن رامكىدىن چىقىپ باشقا يەرلەردىكى قېرىنداشلىرىمنى ئىزدەپ باقاي  ،سەن مېنىڭ ئورنۇمدا بۇ رامكىغا بەنت بول ،كىشىلەر ئاچچىق چۈچۈك يېمەكلىك يېگەنچە سەندىن ھوزۇرلانسۇن ،ساڭا قاراپ ئۇيغۇر ئاتلىق بىر قەۋمنىڭ بۇرۇنلاردا ياشاپ ئۆتكەنلىكىنى ،ھازىر يەر شارىدىن يوقالغانلىقىنى بىلىپ يېنىك ئەسنەك بىلەن ئۇف ياكى مەنسىتمىگەن ھالدا تۈف دەپ قويسۇن ،كىر  دەپ دۈمبەمگە نەيزىسىنى نىقتاپ مېنى رامكا ئىچىگە كىرىشكە ئۈندۈگىدەك ،مەن قورقۇنچ ۋە غەزەپتىن تىترەپ ياق ، سەن ئاخىرقى ھىندىئان ،لېكىن مەن ھەرگىزمۇ ئاخىرقى ئۇيغۇر ئەمەسمەن ،يوقال دەپ سىرىتقا قاراپ قاچقۇدەكمەن ... كەل ۋاپادارىم ،قاچما ،سەن بۇ رامكىغا ئەڭ لايىق ،سەن چوقۇم كىرىشىڭ لازىم ،ئۇ نەيزىسىنى بوغۇزۇمغا نىقتاپ تۇرۇپ مېنى رامكىغا ئىتتۈردى .. ياق ...........يوقال ،ئاخىرقى ئىندىئان ،مەن ئاخىرقى ئۇيغۇر ئەمەس ياق ... چۆچۈپ ئويغاندىم ؛ مەن ئۇنى نەدە كۆرگەن ،ئۇ مېنى قانداق تونۇپ قالدى ، ئۇ نېمانچە تونۇش چىراي ،،،،،سەھەر 5لەرگە بارماي توۋا ئىستىغبارلار ئىچرە ئۇ خۇددى كومپىيوتۇرۇم ئىچىدە باردەك بارلىق رەسىملەرنى ئىزلىدىم ،توغرا ،مەن ئۇنى تاپتىم ،ئۇنى قارامايدا كۆرگەن ئىكەنمەن ،بۇلتۇر ئۆكتەبىر كۈنلىرى قاراماي شەھرىگە ساياھەتكە بارغاندا دوسىتلار باشلاپ كىرگەن ئاچچىق چۈچۈكخانىـــــــــــــنىڭ تېمىغا ئېسىلغان يەردە ئۇنى خۇددى ھاياتتەك ھېس قىلىپ رەسىمگە تارتىۋالغان ئىكەنمەن ... بايىقى چۈشلەرنى ئويلاپ رەسىمگە قورقۇپراق تىكىلدىم ،ئۇ خۇددى ھاياتتەك ،قوي كۆزلىرىدىن ھېلى ياش تۆكۈلىدىغاندەك ،بېشىدىكى پەيلىرى ھېلى مىدرلايدىغاندەك ماڭا تىكىلىپ قالغان ئىدى ... ئاھ بىسەرەمجان چۈشلەر ،ئاھ بىسەرەمجان ۋاپادارىم 2012-يىل 1-نويابىر ،شەھرى بورتالادا يېزىلىپ بېقىلدى

كارتون

	مەنىسى خىلى چوڭقۇردەك قىلامدۇ؟!

مىرشاپ

	بەك ياخشى يېزىپسىز قېرىندىشىم . بۇ چۈشىڭىز ئارقىلىق خېلى كۆپ تەربىيەگە ئىگە بولغانسىز؟مەنمۇ ھەم شۇنداق . ئۇلۇغ[اللا]بارلىق مۇسۇلمان بەندىللىرىگە ئىمان ئاتا قىلسۇن...............

zulayha

	سىز بۇ چۈشنى قارامايدا كۆرگەنمىدىڭىز؟ ....

sawapkar

	بىر  نەرسلەرنى چۈشەنگەندەك  بولدۇم  قېرندىشىم

oyqan0999

	ياخشى تېما.تېما ئېگىسىگە يەنە بىر قىتىم تەشەككۈر!!!! ياخشى تېمىللىرىڭىز مۇنبەردىن ئۈزۈلۈپ قالمىسۇن.

qirakpay

	ۋاپادارىم 912قېرىندىشىم!...قارمايدا كۆرگەن...بۇ چۈشىڭىز...يېڭىچە ئۇسلۇپ بىلەن،ئاجايىپ ياخشى...نامايەن بوپتۇ...شاۋقۇن-سۈرەنگە تولغان بۇ دۇنيادا،....ئاخىرقى ئۇيغۇر بولۇپ قالماسلىقنى ئولۇغ اللا دىن تىلەيلى!

awatbag

	بىرسوم پىلانىنىڭ قۇرغۇچىسى،ساخاۋەتچى قېرىندىشىمىزئەيساجاننى مىسرانىمدائۇچراتقىنىمدىن ئىنتايىن خۇشالمەن.

yasinawut

	بۇنداق ئۆي چىقىش-كۈچۈشلەر ئۇ يەردىلا ئەمەس بىزنىڭ يۇرۇتتىمۇ بار ،لىكىن بىز نەگىلا بارمايلى يەنىلا ئىجىل - ئىناق ياشايمىز . بىزنىڭ قوشنىدارچىلىقىمىز مەڭگۈ توختاپ قالمايدۇ  ! .......رەخمەت .