1778 پارچە ھېكايە

tang-xamili

	1778 پارچە ھېكايە                                                     ( ھېكايە )   1997- يىلى 6- ئاينىڭ 12 - كۈنى ئايالىمنىڭ قورسىقى ئاغرىپ ئوپراتسىيە قىلىندى . دوختۇر ماڭا :     __ ئايالىڭىزنىڭ كېسىلى يامان سۈپەتلىك ئۆسمە ئىكەن ، راك ھۈجەيرىلىرى كىچىك ئۈچەي ۋە قورساق پەردىسىگە يامراپ بوپتۇ ، بىر يىلمۇ ياشىيالماسلىقى مۈمكىن ، __ دېدى . مەن ئۆزۈمنى گويا چۈش كۆرۈۋاتقاندەك ھېس قىلدىم . ھالبۇكى ، بۇ يۈزلەنمىسەم بولمايدىغان رېئاللىق ئىدى .    مەن ھەقىقى ئەھۋالنى ئايالىمدىن يۇشۇردۇم . 7- ئاينىڭ باشلىرىدا ئايالىم بالىنىستتىن چىقتى . ئۇ ئېھتىيات بىلەن ئىلگىركىگە ئوخشاشلا تۇرمۇش كەچۈرىۋاتاتتى ھەمدە پات-پات تەكشۈرتۈپ تۇراتتى . مېنىڭ ئايالىمغا قىلىپ بېرەلەيدىغىنىم پەقەت ئۇنىڭ جىسمانى ۋە روھى جەھەتتىكى ئازاپلىرىنى تىرىشىپ ئازايتىشلا ئىدى . دەسلىپىدە مەن ئۇنىڭغا ساغلاملىق دورىلىرىنى ئىچۈردۈم . بىراق ساغلاملىق بۇيۇملىرىنىڭ ئۈنۈمىنىڭ زادى قانچىلىك ئىكەنلىكىگە بىر نېمە دىگىلى بولمايتى ، يەنىلا دوختۇرخانا ۋە دوختۇرغىلا تايىناتتۇق .    ئايالىم بالىنىستتىن چىققاندىن كېيىن مەندە << قانداق قىلسام ئايالىمغا ئازراق بولسىمۇ بىر ئىش قىلىپ بېرەرمەن >> دىگەن خىيال پەيدا بولدى . ئەينى ۋاقىتتا مېنىڭ ئويلىغىنىم پەقەت بىرلا ئىش ، يەنى ھەر كۈنى بىر يېڭى ھېكايە يېزىپ ئۇنىڭغا ئوقۇتۇش بولدى . بەزىلەر بىر ياخشى ئەسەرنىڭ قۇدرىتى تەڭرىنىمۇ تەسىرلەندۈرەلەيدۇ ، دېيىشىدۇ . ئەلۋەتتە ، مەن ئۆزۈمنىڭ يازغانلىرىنىڭ ئۇنچىلىك كارامىتى بارلىقىغا ئىشەنمەيتىم . لېكىن ئەگەر راك كېسەللىكى بىمارلىرى ھەر كۈنى خوشال كەيپڭياتنى ساقلىيالىسا ، بەدەننىڭ كېسەلگە قارشى تۇرۇش كۈچىنى ئۇشۇرغىلى بولىدىغانلىقىنى ئاڭلىغانىدىم . ئايالىم كېسەل بۇلۇپ قالغاندىن كېيىن مەن ئىمكانقەدەر كاماندىروپكىغا چىقىدىغان ئىشنى قىلمىدىم ، ھەتتا ماقالە يازىدىغان ئىشنىمۇ ئىنكانىيەتنىڭ بارىچە ئازايتىپ ئۇنىڭغا ھەمرا بولدۇم . ئايالىم ئۆزىنىڭ سالامەتلىك ئەھۋالىنىڭ خىزمىتىمگە تەسىر يەتكۈزۈپ قويۇشىدىن ئەنسىرگەن بولسا كېرەك ، دائىم مېنى كۆپرەك يېزىشقا دەۋەت قىلاتتى . شۇنداق بولغاندىكىن ، مەن نېمىشقا ئايالىمغا بەزى ئەھمىيەتلىك ھېكايىلەرنى يېزىپ بەرمەيمەن ؟ ئىلگىرى مەن خېلى كۆپ قىسقا ھېكايىلەرنى يازغان ، شۇڭا بۇ ئىشنى قىلىپ كېتەلەيدىغانلىقىمغا ئىشەنچىم بار ئىدى . مەن ئايالىمدىن :    __ سىزگە ھەر كۈنى بىردىن ھېكايە يېزىپ بەرسەم ئوقۇمسىز ؟ __ دەپ سورىدىم . بۇرۇندىنلا كىتاپ ئوقۇشقا ھېرىسمەن ئايالىم خالايدىغانلىقىنى بىلدۈردى .    شۇنىڭ بىلەن مەن 1997 - يىلى 7- ئاينىڭ 16- كۈنى بىرىنجى پارچە ھېكايەمنى باشلىدىم . مەن ھەر كۈنى يېزىقچىلىق بىلەن شۇغۇللىنىدىغان ۋاقتىم ئىنتايىن چەكلىك ، يەنە كىلىپ ئوقۇرمىنىم پەقەت كېسەلچان ئايالىملا ئىدى ، شۇنىڭ بىلەن بىرگە مەن يەنە ھېكايلىرىمگە تۆۋەندىكىدەك چەكلىمىلەرنىمۇ قويغان ئىدىم .    1. چوڭ ھەجىملىك ئەسەرلەرنى يېزىشقا ۋاقتىم يەتمەيدۇ ، چوقۇم كىسقا ھېكايىلەرنى يېزىشىم كېرەك .    2. پەقەتلا ھېكايە يېزىشىم ، نەسىر يازماسلىقىم كېرەك .    3. ھەرگىزمۇ ئالۋاڭ ئۈچۈن ، قولۇمنىڭ ئۇچۇدىلا يېزىپ قويماسلىقىم ، ھەر بىر پارچە ھېكايىنى بىۋاستە مەتبۇئاتتا ئېلان قىلدۇرغىلى بولغىدەك سەۋىيەدە يېزىشىم كېرەك .    4. كۆڭۈلنى غەش قىلىدىغان مەزمۇنلارنى ، يەنى كېسەللىك ، ئۆلۈمگە ئائىت ئىشلارنى ، جىددى مەسىلىلەرنى ، مۇتەئەسسىپ ، رېئاللىققا ماس كەلمەيدىغان قۇرۇق سەپسەتىلەرنى ، چۈشىنىكسىز كەسپى سۆزلەرنى ئارلاشتۇرۋالماسلىقىم كېرەك .    5. رومانتىك مۇھەببەت ھېكايىلىرىنى يازماسلىقىم ، مۇھەببەت ھەققىدە تەپسىلى توختالماسلىقىم كېرەك .    6. ھېكايىنى ئونۋېرساللىققا ئىگە قىلىش ئۈچۈن ، پېرسوناجلارغا كونكېرىت ئىسىم قويۇلماستىن ، ئىنگىلىزچە ھەرىپلەرنىڭ تەرتىپى بويىچە A , B , C ....  لارنى ئىشلىتىشىم ، ئىشلىتىپ بولغاندىن كېيىن يەنە قايتىدىن A دىن باشلاپ ئىسىم قويۇشۇم كېرەك .    7. فانتازىيەلىك ياكى تازا ئەقىلگە سىغمايدىغان ھېكايە بولسىمۇ بولىۋېرىدۇ ، لېكىن ھېكايىنىڭ مەلۇم بىر تەرىپى چوقۇم ئەمىلى تۇرمۇش بىلەن مۇناسىۋەتلىك بولۇشى كېرەك .    8. يازغان ھېكايىلەر ياشلارغا نىسبەتەن مەنىسىز تۇيۇلسىمۇ بولىۋېرىدۇ .    راست گەپنى قىلغاندا بۇنچە كۆپ چەكلىمىلەر بىلەن قىسقا ھېكايىلەرنى يازغاندا تېما دائىرسى بەكلا كىچىكلەپ كېتەتتى . لېكىن ئۇنداق بولغاندا نېمە بوپتۇ ؟ << مىكرو ھېكايە >> بولسىمۇ بولىۋېرىدۇ ئەمەسمۇ ؟ ھەممىدىن مۇھىمى ئەسەرلىرىم ئوقۇغان ئادەمنى قاقاقلاپ كۈلدۈرەلىشى ياكى يېقىملىق تۇيغۇ بېرەلىشى كېرەك ئىدى .    ئايالىمنىڭ ئىنكاسى ئاستىلاشقا باشلىغاندىن تارتىپ ، مەن ئۇنىڭ يېنىدا ئولتۇرۇپ ھېكايىلەرنى ئوقۇپ بەردىم ، كېيىن ئۇنىڭ ئاڭلاشقىمۇ مادارى يەتمەيدىغان بولۇپ قالغاندا بەزى چەكلىملەرنى بۇزۇۋەتتىم . ھېكايە يېزىشنى باشلاپ ئۈچ ئاي بولغاندا ئايالىمنىڭ :    __ چارچاغان بولسىڭىز زورۇقماڭ ، توختىتىپ قويساقمۇ بولىدۇ ،__ دېگنى ئېسىمدە . __ بۇ خۇدادىن ئارزۇسىنىڭ ئەمەلگە ئېشىشىنى قايتا قايتا تىلىگەنگە ئوخشاش بىر ئىش ،__ دېدىم مەن . ئەينى چاغدا مەندە يەنى ھېكايە يېزىشنى توختىتىپ قويساملا ئۇنىڭ كېسىلى تېخىمۇ ئېغىرلاپ كېتىدىغاندەك بىر خىل تۇيغۇ بار ئىدى .    ھەيران قالارلىقى شۇكى ، ھېكايە يېزىشنى داۋاملاشتۇرىۋاتقان مەزگىللەردە مەن يېزىشقا ۋاقىت چىقىرىش ئۈچۈن شۇنچە قىينالغان بولساممۇ ، لېكىن ھەر كۈنى بىر پارچە ھېكايە يازىدىغان ئىشنى قىلچە جاپا ھېس قىلمىدىم ، ئەكىسچە بىر خىل تۇلۇپ تاشقان ھېسيات بىلەن قىلىشقا تىگىشلىك ئىشىمنى قىلىۋاتقاندەك تۇيغۇدا بولدۇم .    ھېكايە يېزىش 2002- يىلى 5- ئايغىچە داۋاملاشتى ، مەن 1778 پەرچە ھېكايەم ئارقىلىق ئايالىمنى 1778 كۈن ھاياتقا ئېرىشتۈردۈم .                                                    ئاپتۇر : قەيسەر داۋۇت ( ت )

abdulahad

	ھاياتقا ئىرىشتۈردۇم ئەمەس- كۈنلىرىنى ئازاپتىن خالاس قىلىدىم دەڭ!!!

mujahitmen

	ھېكايە يېزىش 2002- يىلى 5- ئايغىچە داۋاملاشتى ، مەن 1778 پەرچە ھېكايەم ئارقىلىق ئايالىمنى 1778 كۈن ھاياتقا ئېرىشتۈردۈم . ۋاپادارلىقىڭىز  ۋە  ساداقىتىڭىزدىن  اللا رازى بولسۇن قىرىندىشىم،بىزنىڭ قىز ئايالىرىمىز ئۆز ئەرلىرىنىڭ سىزدەك ۋاپادار ساداقەتمەن بولۇشنى نەقەدەر ئارزۇ قىلىدۇ ھە!! لىكىن قىرىندىشىم ھاياتقا ئىرىشتۈرۈش پەقەت ۋە پەقەت ياراتقۇچى اللانىڭ قولىدىنلا كىلىدۇ،بىز پەقەت سەۋەپكار  خالاس.

يامان

	ياخشى قىپسىز قىرىندىشىم

naildin

	hakikatan  oginiximizga arziydu, ras bolgan ixmu ya ?

kanat

	بۇ تەرجىمە ئەسەردەك قىلىدۇ شۇڭا ھاياتقا ئېرىشتۈردۈم دەپ ئېلنىپتۇ.

musilina

	ھەقىقىي كۆيۈنۈش ۋە مېھر -مۇھەببەت دېگەن مۇشۇ... بەك تەسىرلىك ھېكايىكەن....

mahatjan

	ئايالىڭىزنى دوختۇر فىزو لوگىيلىك جەھەتتە داۋالىسا،سىز پىسخولوگىيلىك جەھەتتە داۋالاپسىز.

╰︶￣原地守候

	ھەممە ئەرلىرىمىز مۇشۇنداق بولغان بولسا قانچىلىك ياخشى بولاتتى-ھە؟  لېكىن ھازىر كۆپۈنچە ئەرلىرىمىز ئايالى ئاغىرىپ قالسىلا پۈتۈنلەي ئۆزگىرىپ كېتىدۇ. خۇددى ئايال كىشى چوقۇم ئەرنىڭ ئالدىدا مەڭگۈ مەزمۇد تۇرىشى، قەتئى ئىگىلىپ قالماسلىقى كېرەكتەك. ئايالى كېسەل ئازابى تارتسا كۆڭۈل قويۇپ كۈتىدىغان ئەر ناھايىتىمۇ ئاز ھازىر.