مۇرات ناسىروفنىڭ ھاياتى ۋە ئۆلۈمى

riallik

	مۇرات ناسىروف : 1969-يىلى 12-ئاينىڭ 3-كۈنى قازاقسىتاننىڭ ئالماتا شەھرىدە بىر مۇزىكانـــت ئائىلىسىدە دۇنياغا كەلگەن.ئەسلى ئىسمى ( Murat ismailovoch Nasirov )،باشلانغۇچ-ئوتتۇرا مەكتەپنى قازاقسىتاندا ئوقۇغان.ئۇنىڭ ئانىسى غۇلجىدىن،دادىسى ئىسمائىل ئاكا ئۈچ ۋىلايەت مىللىي ئارمىيەسىنىڭ جەڭچىسى بولۇپ،1950-يىللاردا قەشقەردىن قازاقسىتانغا كۆچۈپ كەلگەن.ئىسمائىل ئاكا سەنئەتكار بولۇپ،مۇراتنىڭ ناخشىچى بولۇپ يېتىلىشىدە رولى ۋە تەسىرى ناھايتى چوڭ بۇلغان.                 مۇرات ھەربىي ۋەزىپە ئۆتىگەندىن كېيىن مۇسكىۋاغا بېرىپ  Gnesop مۇزىكا ئۇنىۋېرسىتىتىغا ئوقۇشقا كىرگەن،1996-يىلى  ئۇنىۋېرسىتىتنى ئەلا نەتىجە بىلەن پۈتكۇزگەن.1991-يىلى مۇرات ناسىروف قارا دېڭىز بويىدىكى قىرىم يېرىم ئارلىدىكى يالتا شەھرىدە ئۆتكۈزۈلگەن خەلقئارا ياشلار مۇزىكا بايرىمىدا مودا مۇزىكا ساھەسى بويىچە 1-دەرىجىگە ئېرىشكەن.شۇنىڭدىن ئېتىبارەن ئۇ رۇسىيە تەۋەسىدىكى سەنئەتخۇمار ياشلار قەلبىدىن ئۇرۇن ئىلىشقا باشلىغان. مۇرات ناسىروفنىڭ << مەن دېمەك سەن،سەن دېمەك مەن >>،<< ئايدىڭ كېچە >>،<< مېنىڭ تارىخىم >> قاتارلىق يۈزلىگەن ناخشىلىرى كىشلەرنىڭ سۆيۈپ ئاڭلىشىغا ئېرىشكەن.مۇرات ناسىروف ھاياتىنىڭ ئاخىرغىچە << مېنىڭ تارىخىم >>،<< ئويغاتقىن مېنى >>،<< كىمدۇر بىرى ئەپۇ قىلىدۇ >>،<< بۇ ئىشلار مەن بىلەن بۇلمىغان >>،<< قالدىم يالغۇز >> قاتارلىق بەش توپلامنى نەشىر قىلدۇرغان بولۇپ.ئۇنىڭ پىلاستىنكىلىرى كەڭ بازار تاپقان.90-يىللارنىڭ ئاخىرى ئۇنىڭ ئەڭ داڭ چىقارغان دەۋرى بولۇپ،ئۇنىڭ بىر قېتىملىق ناخشا كېچىلىكىدە 50 مىڭ ئادەم قاتنىشىشتەك رېكورت يارىتىلغان.                       ئۇ ئايالى ناتالىيە خانىم بىلەن 1992-يىلى موسلىۋادىكى گېنىس مۇزىكا ئۇنىۋېرسىتىتدا تونۇشقان ھەمدە بىرگە ئوقۇغان.ئەنە شۇنىڭدىن باشلاپ ئۇلار ئارىسىدا كۈچلۈك مۇھەببەت يالقۇنلاپ.جاپا-مۇشاقەتتە بىرگە بولۇپ،ئوقۇشنى بىرلىكتە پۈتكۈزگەن. ( ھاياتلىق ) گېزىتىدە ئېلان قىلىنغان سۆھبەتتە بايان قىلىنىشچە ناتالىيە بىلەن مۇراتنىڭ توي قىلىشىغا دەسلەپتە مۇراتنىڭ ئالمائاتادا تۇرۇشلۇق ئاتا-ئانىسى قۇشۇلمىغان بۇلسىمۇ لىكىن ئۇلار بىلەن ناتالىيەنىڭ چۇڭقۇر مۇھابىتىنى چۈشىنىپ ئۇلارنى قۇللاش قارارىغا كەلگەن ھەمدە ناتالىيەگە ئىسلام دىنىي ۋە ئۇيغۇرلارنىڭ نىكاھ قائىدىسى بويىچە مۇراسىم ئۆتكۇزۇش تەكلىپىنى بەرگەن.ناتالىيە بۇنىڭا قۇشۇلغان.ئۇلار ئىسلام يۇسۇندا توي قىلغان.( ناتالىيە كېيىن ئىسلام دىننى قوبۇل قىلغان ) بۇنداق بولۇشىدىكى سەۋەپ مۇراتنىڭ ئاتا-ئانىسى دىننىي ئېتقادى كۈچلۈك ئادەم بولۇپ.ئۇ ئالمائاتادىكى ئۇيغۇرلار ئارىسىدا نامى بار دىننىي زات ئىدى.ئۇ ئۇغلىنىڭ ئۇيغۇر قىزىغا ئۆيلىنىشنى ئارزۇ قىلاتتى.1996-يىلى مۇرات ناسىروفنىڭ تۇنجى قىزى لىيە،2000-يىلى ئۇغلى ئاكىم تۇغۇلغان.                       مۇرات ناسىروف دادسى،ئانىسى بىلەن بىللە ئۇ 1997-يىلى << تامبوۋغا بارماقچى بۇلغان بالا >> ناملىق ناخشىسنى يېزىپ بىر كېچىدىلا داڭلىقلار قاتارىدىن ئۇرۇن ئالغان،كېيىن مۇرات ناسىرف رۇسىيەلىك داڭلىق ناخشا چولپىنى ئاپىنا بىلەن بىللە << ئايدىڭ كېچە >> دېگەن ناخشىنى ئېيتىپ تاماشىبىنلارنىڭ قەلبىدىكى ئۇرۇننى يەنە بىر مەرتەم يۇقۇرى كۆتۈرگەن.شۇنىڭدىن كېيىن ئۇ داۋاملىق موسكىۋادا ياشاپ ئىجادىيەت بىلەن شۇغۇللىنىپ ئۆز كۈچى ۋە تالانتىغا تاينىپ 300 مىليـون نۇپۇسلۇق مۇستەقىل دۆلەتلەر بىرلەشمىسىگە تەۋە ھەرقايسى دۆلەتلەردە يۇقىرى شان-شۇھرەتكە ئىگە سەنئەتكارغا ئايلانغان. موسكىۋادا نەشىر قىلىندىغان داڭلىق << نۇر >> ژورنىلىدا ئۇ تۇغۇرلۇق << زامانىمىزدىكى ئەڭ ئۇلۇغ ئۇيغۇر سەنئەتكار >> دېگەن بىر پارچە ماقالە ئىلان قىلىنغان. ( ئۇلۇغلۇق ئاللاغا خاستۈر ). ئۇنىڭ مۇزىكىسى بولسا ئىنتايىن رىتىملىق،ئاۋازى شۇنچىلىك يىقىملىق،ياڭراق،مۇلايىم كىشلەرگە بىر خىل راھەت بىغىشلايدۇ.مۇرات ناسىروف قەلبىمىزدە يېگانە ئوبرازى بىلەن ئۆزىنىڭ ئىستېداتى ۋە تالانتىنى نامايەن قىلىپ كېلۋاتقان بىر ھۆرمەت ئىگىسى،پەخىرلىك ئۇغلانىمىز ئىدى. مۇرات ناسىروف 2007-يىلى 1-ئاينىڭ 20-كۈنى ئۇشتۇمتۇت ئۇلۇغۋار ئارزۇ-پىلانلىرىنى ئۈمىدسىز قالدۇرۇپ بۇ دۇنيادىن ۋاقىتسىز ئايرىلدى.37 ياشلىق مۇرات ناسىروفنىڭ ۋاپاتى پەقەت ئۇنىڭ ئائىلە تاۋابىئاتىغىلا قايغۇ ئېلىپ كەلمەستىن،بەلكىم ئۇنىڭ ناخشىلىرىنى ياقتۇرۇپ ئاڭلايدىغان ۋە ئۇنىڭ تالانتىغا قايىل بولغان سانسىزلىغان ھەر مىللەت ياشلىرىنىڭ قايغۇسى ۋە ئېچىنىشىنى قۇزغىدى. مۇرات ناسىروف ھەقىقەتەن قازاقسىتان،قىرغىزسىتان،ئۆزبېكسىتان،ۋە باشقا جۇمھۇرىيەتلەردە ياشايدىغان ئۇيغۇرلارنىڭ ئەڭ پەخىرلىندىغان،ئەڭ قەدىرلەيدىغان تالانت ئىگىسى بولۇپ قالغانتى.

snei

	ياتقان يىرى جەننەتتە بولسۇن ...    ئامىن

2012yadikar

	تېخى ياشكەنتۇق بۇ بايقۇش

ئەلرام

	«تەڭرىتاغ ئىكرانى» ژۇرنىلىنىڭ 2012.يىللىق 2.سانىدا «مۇرات ناسىرۇفنىڭ ھاياتى ۋە ئۆلۈمى»توغرىسدا تەپسىلى بايانلار بار. تېما ئىگىسىگە رەھمەت، ياخشى تېما يوللاپسىز!

riallik

	ئاخىرى با :  يىزىپ بۇلغىچە ئىشخانغا يۇلداش كىلىپ قىلىپ يۇللىنىپ كېتىپ قالدى.داۋامىنى ھازىر يۇللايمەن.

bagu-bostan

	2012yadikar يوللىغان ۋاقتى  2012-12-26 06:44 PM تېخى ياشكەنتۇق بۇ بايقۇش قېرىندىشىم، سىزنىڭ مۇرات ناسىروفقا بولغان تونۇشىڭىز ئازمۇ قانداق؟ چاقچاق قىلدىڭىزمۇ؟نىمە ئۈچۇن ئۇنى بايقۇش دەپ قالدىڭىز؟

naildin

	مەن  باشقىلارنىڭ  قەست قىلىشى بىلەن  بۇ دۇنيادىن كەتكەن   دەپ بىر يەردە كۆرگەندەك قىلغان. ياتقان يېرى جەننەتتە  بولغاي!

riallik

	داۋامى ؛   رۇسىيە مەتبۇئاتلىرىدا مۇرات ناسىروفنىڭ ئۆلۈمى ھەققىدە تۆرلۈك كۆز قاراشلار ئىزچىل تۈردە ئېلان قىلىنىپ كەلمەكتە.ئۇنىڭ ۋاپاتىنىڭ ھەقىقىي سەۋەبى ھەققىدە تېخى ھازىرغىچە ئېنىق يەكۈن يوق.بۇنىڭ بەلكى بىر سىر بولۇپ قېلىشى ئېھتىماللىقى زور.ھادىسە يۈز بەرگەن كۈنى موسكىۋا شەھەرلىك تېببىي مەسىللەرنى تەكشۇرۇشكە مۇناسىۋەتلىك بىر ئۇرۇن مۇراتنىڭ قېنىدىن ئىسپىرىت ماددىلىرى ۋە زەھەرلىك چىكىملىك ماددىلىرى تېپىلمىغانلىقىنى ئېلام قىلدى.نەتىجىدە ساقچىلارنىڭ مۇراتنىڭ،زەھەرلىك چىكىملىك ۋە ھاراقتىن ئۆزىنى ئۆلتۈرۋالدى.دېگەن يەكۈنى ناتۇغرا بولۇپ چىقتى.بۇ زادى قانداق ئۆلۈم ؟ ئاللاھنىڭ ئىرادىسى بويىچە يۈز بەرگەن ئۆز ئەجىلىدە ئۆلۈشىمۇ ياكى باشقا بىر يۇشۇرۇن كۈچ تەرپىدىن پەيدا قىلىنغان ئۆلۈممۇ ؟ بۇ تېخىچە نەمالۇم سىر.مۇرات ناسىروف بىلەن باغلىنىشى بۇلغان بىر شىركەت  مۇرات ناسىروفنىڭ ئۆلۈمىنىڭ سىرنى يىپ ئۈچى بىلەن تەمىنلىگەنلەگە 1 مىليۈن ياۋرو بىردىغانلىقىنى ئاشكارلىغان. بەزىلەر ئۇنى قەسىتكە ئۇچىردى دېسە بەزىلەر ئۆزىنى ئۆلتۈرۈۋالدى،دېيىشتى.يەنە بەزىلەر ئۇ چۈشكۈنلۈك سەۋەبىدىن ھاراقنى كۆپ زىيادە كۆپ ئىچىۋالدىغان ئادەتنى يېتىلدۇرۋالغان،دېگەندەك سۆز-چۆچەكلەرنى قىلىشتى. ئۆز ئىجادىيەتلىرىدە تىنىمسىز ھالدا ئۇيغۇرنىڭ ھىدىنى،رۇھىنى ئىزدەۋاتقان بىر روھ،بىر تالانـــت ئىگىسى ئەنە شۇنداق ھاياتقا سۇئال،سۇئالغا جاۋاپ تاپالماي ھەسىرەت ۋە ئارمان ئىچىدە ھاياتىنى ئاخىرلاشتۇردى.ئۇ كەڭ ئوتتۇرا ئاسىيا داللىرىدىكى قەيسەر،قەھرىمان،ۋە مەدىنيەتلىك ئۇيغۇر مىللىتىنىڭ مىللى ئۆرۇپ ئادىتى بۇيۇنچە دەپنە قىلىندى.بىز ئۇنى چوڭقۇر سېغىنىش ئىچىدە ئەسلەيمىز.ئائىلە تاۋابىئاتلىرىغا تېنىچ-ئامانلىق،گۆدەك باللىرىغا گۈزەل كەلگۇسى تىلەيمىز.ئۇ كەتتى لېكىن ئۇنىڭ ۋەتەن،مىللەت دېگەن سادالىرى ۋەتەن بىلەن بىللە كەتتى.لېكىن ئۇنىڭ ئۈزۈلمەس ناخشىلىرى سىز بىز بىلەن بىللە. مەنبە : تەڭرىتاغ ئىكرانى ژورنىلى دىن ئىلىندى.

huxqiray