كۆڭۈلدىكى سۆز(ئاتئال)

yaprah0999

	بۇرۇن مۇنبەرگە "كۆڭۈلدىكى سۆزلەر"نى تۆككەندە كونا مۇنبەرداشلار ئارىسىدا خېلى قىززىق بەس-مۇنازىرە بولغان ئىدى ئەمما كىيىن تۈرلۈك سەۋەبلەر تۈپەيلى توختاپ قالدى مانا بۈگۈن يەنە شۇ سۆزلەرنى ئېلىپ كەلدىم. كۆڭۈلدىكى سۆز         بىلەمسەن جانىم،سەن ئۈچۈن خاتىرە بەتلىرىگە كۆڭۈل ئۈنچىلىرىنى تىزمىغىلى ئۇزۇن بولدى، بۇنداق دىسەم ئارىدىكى جۇدالىق داۋاملىشىپ كېلۋاتقان،ئېيتىپ-ئېيتىپ تۈگىتەلمەيدىغان يۈرەك سۆزلىرىمنى توختاتقان چېغى دەپ قالما،ھەرگىز ئۇنداق ئەمەس يېقىندىن بۇيان كۆڭۈل سۆزلىرىنى پەقەتلا قەلبىمنىڭ ئەڭ چوڭقۇر قاتلىرىغا قاتمۇ-قات تىزىپ ساقلاپ كېلۋاتىمەن.         بۈگۈن نىمىشقىدۇر بەت يۈزىگە كۆڭۈل سۆزلىرىنى بۇرۇنقىدەك قالدۇرۇپ قويۇشنى ئويلاپ قالدىم،ھايات چەكلىك ئەمما ساڭا بولغان مۇھەببىتىم چەكسىز. كۈنلەرنىڭ بىرىدە ھاياتىم سەندىن بۇرۇن ئاياغلىشىپ قالسا بۇ سۆزلەرنى ئۆزۈم بىلەن بىرگە ئېلىپ كېتىشنى خالىمىدىم، بۇ رىئال دۇنيادا سەن ئۈچۈن يازغان ئازغىنا يازمىلىرىم بولسىمۇ ساڭا ھەمراھ بولۇپ قالسۇن. بۇلارنى ساقلاپ قويۇپ مېنى سېغىنغاندا كۆرىدىغانلىقىڭغا ئىشىنىمەن.          ھاياتىم، ھازىر قارىماققا ئارىمىزدا پەقەتلا دوستلارچە مۇناسىۋەت ساقلىنىپ قالغاندەكلا كۆرۈنسىمۇ،بۇرۇنقى شېرىن-تاتلىق سۆزلەر،ئۇزۇندىن-ئۇزۇن مۇڭدىشىشلارغا خاتىمە بېرەلگەن بولسىمۇ ھەرئىككىمىزنىڭ كۆڭلى بىر-بىرىمىزگە خۇددى ئەينەكتىكى سىمادەكلا ئايان.         مەن ئەزەل-ئەزەلدىن كۆڭۈلنى بەك ئۇلۇغ دەپ بىلىپ كەلگەن ئىدىم،ئەپسۇس بۇ ئۇلۇغلۇققا ھازىر چەك قويۇلىۋاتىدۇ. بەك بەك ئەپسۇس...         يېقىندىن بۇيان سەن بىلەن ئۇزۇنراق پاراڭلاشقان شۇ كۈندىكى ئۇچۇرلارنى تېخى تېلفوندىن ئۆچۈرگىنىم يوق، جانسىز ئۇچۇرلار بىردە  ئېزىلگەن يۈرىكىمگە ئازدۇر-كۆپتۇر مەلھەم بولسا ،بىردە مېنى تېخىمۇ بەك ئېزىپ كېتۋاتىدۇ ، ھەر بىر سۆز-جۈملە كاللامغا ئاللىقاچان ئورناپ كەتتى،شۇنداقتىمۇ پەقەتلا ئۆچۈرگۈم يوق.          بىلسەڭ جىنىم، ساڭا گەرچە رىئاللىققا يۈزلىنىش توغرىسىدا تەكلىپ بەرگەن بولساممۇ ئەمما ئۆزۈم تاكى ھازىرغا قەدەر بۇ رىئاللىقنى قۇبۇل قىلىپ بولالمايۋاتىمەن.         توۋۋا دەيمەن،دىگىنىمدەك كۆڭلۈل راست بەك ئۇلۇغ ھە؟مېنى ياد ئەتكەن ۋاقتىڭ دەل مېنىڭمۇھەم سېنى ياد ئەتكەن ۋاقتىم ئىكەن. مۇشۇنداق توغرا كېلىشلەر يەنە كىملەر بىلەن بولىشى مۇمكىن...          ئەسلىدە ھاياتىم ، سەنمۇ بۇرۇن كەلگۈسىمىز ھەققىدە شېرىن خىياللارنى سۈرگۈن ئىكەنسەن-ھە؟ نىمىشقا ماڭا بۇلارنى بۇرۇن ئېيتمىغان؟ ئەمدىلىكتە مېنى تېخىمۇ بەك ساڭا قىيالمىسۇن دىدىڭمۇ؟ ئەمەللىيەتتە  مېنىڭمۇ ئېيتىپ تۈگەتكۈسىز ئارمانلىرىم بار ئىدى لېكىن ئەپسۇس ئارزۇ-ئارمانلىرىمىز چېچەك ئاچماي تۇرۇپلا نابۇت بولدى...          بىلىمەن جىنىم ،سېنىڭسىز ئۆتكەن بۇ كۈنلەر ماڭا قانداق تەس كېلۋاتقان بولسا ساڭىمۇ شۇنداق تەس كېلۋاتىدۇ،يەنە شۇنى بىلىمەن ھەر ئىككىمىزگە ھەر كىملەر كىمدۇر بىراۋلارنى ساي-ساي قىلىدۇ ئەمدى،بىراق ئۆزىمىز شۇ يەردە تۇرغان شۇ دەقىقىلەردە خىياللىرىمىز ئاللىقاچان بىر-بىرىمىزگە قاراپ قانات قاقىدۇ.بۇ خىل ھېسياتنى ئوبدان چۈشىنىمەن.          نە چارە بىزدە؟ئۆزىمىزدىكى چىن مۇھەببەتنى قۇربان قىلىش بەدىلىگە يىنىمىزدىكى يېقىنلىرىمىزنى خاتىرجەم قىلىشنىڭ ئۆزى بىر بۇرۇچ ئىكەن ئەمەسمۇ؟ "بۇرۇچ" بۇ سۆزنى قىلۋىتىپ كاللامدا يالت قىلىپ ئەجەبا چىن مۇھەببەتتە بۇرۇچ بولمامدۇ دىگەن سوئال چاقناپ ئۆتتى ھەم دەررۇ جاۋابىنى بېرىپ ئۆزۈمگە تەسەللىي ئىزدىدىم شۇنداققۇ بىز ئەمەللىيەتتە ئۇنچىلىك مەسئۇلىيەت تۇيغۇسى يوقلاردىنمۇ ئەمەس، ۋاز كېچىشنىڭ ئۆزىمۇ ھەقىقىي مۇھەببەت ئىكەنلىكىنى چۈشەنگەن كىشى بۇنىڭغا ھەرگىز خاتا قاراشتا بولمايدۇ ئەلۋەتتە...          بۇرۇن بىراۋ ئاللىقاچان ئوغۇرلاپ كەتكەن كۆڭۈلنى باشقا بىراۋغا بېرىش بۇ ئېغىزدا ئېيتىلغاندەك ئۇنچە ئاسان ئىش ئەمەس ئىكەن، بۇ ھەر ئىككىمىزگە بەكلا تەسكە چۈشۋاتىدۇ،سېغىنىش يەنىلا ئۆز نۆۋىتىدە يۈرىكىمىزنى دوزاخ ئوتىدا ئۆرتەۋاتىدۇ ئەمما نە ئامال بىزدە، بىز ئەسلىدە بۇ يولدىكى ۋاقتلىق يولۇچىلار ئىكەنمىز خالاس. بۇ يولنى بىرگە داۋاملاشتۇرۇش بىزگە نىسىپ بولمىغان ئىكەن.ئېھتىمال بۇمۇ بىزنىڭ پېشانىمىزگە پۈتۈلگەن تەقدىردۇر.كاج تەقدىرگە باش ئەگكۈمىز كەلمەيدۇ-يۇ بىراق يەنە باش ئىگىپ قول قوشتۇرۇپ تۇرماقتىن باشقىسى ھەر ئىككىمىزنىڭ قولىدىن كەلمىدى.تەقدىرگە تەن بېرىش دىگەن شۇ بولسا كېرەك.         ئەمدىكى گەپ جىنىم،توغرا بىر-بىرىمىزنى ئۈن-تۈنسىز سېغىنىشقا ھەقلىقمىز.سېغىنساق بولىدۇ چۈنكى ھامان بۇنىڭغا بىز چەك قويالمايمىز.مېنىڭچە ھەقىقىي ئاشىق-مەشۇقلار بۇ نۇقتىنى ئوبدان چۈشىنىدۇ.بىراق بىز ئۇشىبۇ ھالىمىزغا كۆنۈشكە مەجبۇر،ئۆز ھالىمىزغىلا ئەمەس يەنە نۇرغۇن-نۇرغۇن ئىشلارغا،ئازابلارغا،تېخى ۋاقتى-سائىتى كەلسە كىيىنىكى تۇرمۇشىمىزدا بىزگە ھەمراھ بولغۇچىغا كۆنۈشكە مەجبۇرمىز.بىزدە "كۆيگەندىن كۆنگەن يامان" دەيدىغان بىر گەپ بارغۇ دەل شۇنداق ...كۈنلەرنىڭ بىرىدە كىم بىلىدۇ كۆنۈپ كەتسەك كۆيگەنلىرىمىز ئاللىقاياقلاردا قالامدۇ تېخى؟ بۇنىڭغا ئىشىنەمسەن...          ئېيتىلغاندەك ھاياتىمىزدا تەس ئىكەنلىكىنى بىلىپ تۇرۇپ ئاللىقاچان بىر-بىرىمىزنى يوقاتتۇق.بۇنىڭدىن بۇرۇنلا مەھرۇم قېلىشنىڭ قەدرىنى ئۇدا نەچچە رەت تېتىپ ئۆتكەن بولساقمۇ يەنىلا بىلىپ تۇرۇپ يەنە بۇ خىل خاتالىققا خالاپ-خالىماي يول قويدۇق. شۇنداق ئىكەن ئەمدى يەنە ئارىمىزدا يەنە مۇشۇنداق سۈكۈتتىن باشقا يەنە نىمە بولسۇن؟قارىسام بۇ خىل سۈكۈتنىڭ ئۆزىگىمۇ يەنە چوڭقۇر بىر سۆيگۈ يوشۇرۇنغان...        جانىم،بۈگۈن كۆڭۈل سۆزلىرىمنى مۇشۇنچىلىك تۆكەي...ئىشلىرىڭغا ئاللاھ دىن ئاسانلىق تىلەيمەن. گۈلۈم-ئاتئال يازمىلىرىدىن 2012-يىلى12-ئاينىڭ23-كۈنى

0908220

	ئى ئاللاھ ئازغانلارنىڭ كۆڭلىگە ھىدايەت ئاتا قىلغايلا

sawapkar

	ھەي قىزچاق  نىمە ئۈچۈنكىن تاڭ  ھېچ بىلمدىم بىز ئادىيلا سەۋەپسىز ئايرىلدۇق.سەن كەتتىڭ مەن بىلەن خوشللايشمايلا كىتىپ قالدىڭ...لىكىن مەن سەندىن رەنجىمدىم .پەقەت بىزنىڭ ئىلگىركى كۈنلىرمىز شىرىن قەلبىمىزگە تولغان ئارزۇ ئىستەك ئارمانلىرمىز مانا ئەمدى ئۆتمىشكە ئايلىنىپتۇ ..ئۇ گۈزەل چاغلار سېنىڭ ئالدىڭدا ھېچنىمگە ئەرزىمەس بۇپ قالغان ئوخشايدۇ .سېنىڭ ئالدىڭدا ئەمدى ئۇ كۈنلەر كىلشى ئەسلا مۇمكىن ئەمەسكەن ئۇ خۇشاللىق كۈنلەر پەقەت مەن ئۈچۈن ئەسلەشكە قالغان ئوخشايدۇ خالاس.مەن رەنجىمدىم......ئەمدى ھەم رەنجىشكە ھەقلىقمۇ ئەمەسمەن چۈنكى سىنىڭ ماڭا قەلبىڭدە ئازراقمۇ ئۇرۇن يوق ئىدى .سەن كەتتىڭ  تىنىقلىرىڭنى تىنىقلىرىمدىن مۇڭلۇق كۈيلىرىڭنى دىلىمدىن ،خۇمار كۆزلىرىڭنى كۆزلىرىمدىن تىرىك تۇرۇپ ئولگەن مۇھابىتىڭنى قەلبىمدىن ئېلىپ كەتتىڭ بىراق بىرلا نەرسنى ئۇنتۇپ قالدىڭ ئۇ بولسىمۇ مەندىكى بىر ئۇچۇر ئازاپ مەن گەرچە سېنىڭدىن غېربانە ئايرىلغان بولسامۇ  يەنلا ساڭا بەخت تىلەيمەن ..ئەڭ ئاخردا سەندىن شۇنى ئۈتۈنمەنكى سەن بۇ ئۆمرىڭدە ۋىجدانلىق غۇرورلۇق بىلەن ياشا..سەن ھېچكىمنىڭ ئالدىغا سويگۈ تىلەپ بارما ئەمما ئۈزۈڭ ئىرىشكەن سويگۈ مۇھابىتىڭنى ئۆمۈر بۇيى قەدىرلە... مانا بۇ ساڭا نەسىھەت بولسۇن خەيرى بەختلىك بول جانان ....ساڭا بەخت تىلىپ ...ئاشقىڭ ســــــــــــەۋەپــــــــكـــــــــــار

ئىپارە

	توۋاشۇنداق مۇھەببەتمۇ بولىدۇ ھە؟ لىكىن بۇ بەك ئازاپلىق. ئاللاھ يەنە بىر يولىنى بېرەربەلكىم!

xoh

	مىنىڭ قىزلارغا بولغان ھىسياتىم ئۆلدى . بۇنىڭ سەۋەپچىسىمۇ قىزبالا شەيتان ....

mustapa222

	تۇنجى مۇھەببەت مەڭگۈ ئۇنتۇلماس!

TáwpéK0903

	mustapa222 يوللىغان ۋاقتى  2012-12-26 09:09 AM تۇنجى مۇھەببەت مەڭگۈ ئۇنتۇلماس! توغرا دەيسىز . تۇنجى مۇھەببەتنى ئۇنتۇش ھەقىقەتەن مۇشكۇلكەن .ئۇنتۇپ كىتەي دەپمۇ ئۇنتىغىلى بولمايدىكەن .بەلكىم بىر ئومۇر ئۇنتۇش مۇمكىن ئەمەس ئوخشايدۇ !!!!

يولتۇز

	ئۇيقۇدىن بىدار بىر كىچە بۇلدى بۇ ، ئورنۇمدىن دەس تۇرۇپ كەتتىم نەچچە رەت . سۈيۈشتىن سەسكەندىم سۈيۈلۈشتىنمۇ ، خەيرى -خوش شەيتاندەك ئازغۇن مۇھەبەت.

320nurzat

	بۇ دۇنيادا بىرى بىرىگە  ئىنتىزار، بىرىگە زار بولۇپ ئۆتۈپ كىتىدىغان ئوخشايدۇ . ھەي................

mustapa222

	TáwpéK0903 يوللىغان ۋاقتى  2012-12-26 10:56 AM توغرا دەيسىز . تۇنجى مۇھەببەتنى ئۇنتۇش ھەقىقەتەن مۇشك ... شۇنداق ھەقىقەتەنمۇ بىر ئۆمۈر ئۇنتۇغىلى بولمايدىكەن! ئامال يوق...