كىچىك ساۋات: سۇغا چۈشۈپ كەتكەن رەقەملىك ئۈسكۈنىلەرنى قانداق قىلىپ

snei

	نۇرغۇن بىپەرۋا كىشىلەر دائىم ئۆزىنىڭ ئامراق يانفون ياكى سىفىرلىق كامېرا دېگەندەك نەرسىلىرىنى سۇغا ياكى ئوبۇرنىغا چۈشىرىۋېتىپ قاراپ ئولتۇرىدۇ. بەزى بەگزادە ياكى مەلىكىلەر تېخى بۇنداق خاتالىقلارنى تەكرار سادىر قىلىشقا كۆنۈك. بىر ئىستاكان كولا ياكى قەھۋەنى لەپتوپقا ئېھتىياتسىزلىقتىن تۆكۈۋەتكەندىن كېيىن چىرايىڭىزنىڭ قانداق بولۇپ كېتىدىغانلىقىنى چوقۇم بىلىسىزغۇ دەيمەن؟ بىراق، تۆۋەندىكى بۇ كىچىك ساۋاتلار بەلكىم سىزنىڭ بۇ پۇشايمىنىڭىزنى ئازراق بولسىمۇ يەڭگىللىتەلىشى مۇمكىن. ئىشلىتىۋاتقىنىڭىز تەڭداشسىز NOKIA بولمىسا ئالدىراپ پو ئاتماڭ! 1. توك مەنبەسىنى ئۈزىۋېتىش ئېلىكترونلۇق ئۈسكۈنىلەر سۇغا چۈشۈپ كەتكەندىن كېيىن بىرىنچى بولۇپ قىلىدىغان ئىش، توك مەنبەسىنى ئۈزىۋېتىش. ھەرىكىتىڭىز چاققان بولسۇن! سۇ كىرىپ كېتىش ئاساسى تاختا قىسقا تۇتاش بولۇپ قېلىپ كەلتۈرۈپ چىقىرىدىغان زىياننىڭ باش جىنايەتچىسى بولۇپ ھېسابلىنىدۇ. ناۋادا باتارىيەنىمۇ چىقىرىش تەس بولمىسا، ئۇنداقتا چىقىرىۋېلىشقا ئالدىراڭ. ناۋادا پوققا چۈشۈپ كەتكەن تېلىفونىڭىز قولغا ئالغاندا ئېتىك بولسا، ئەڭ ياخشى ئېچىشقا ئالدىرىماڭ. بولسا كەلگۈسى نەچچە كۈن ئىچىدە داۋاملىق ئىشلىتىشنى چۈشىڭىزدىمۇ ئويلاپ يۈرمەڭ! 2. ئۈسكۈنىنى چۇۋۇش چۇۋىغىلى بولغۇدەكلا نەرسىلىرى بولسا ئامال بار ھەممىنى چۇۋۇۋېتىڭ. كەينى قاپ، SIM كارتا، ئاۋاز مەنبەسى دېگەندەكلەرنىڭ ھەممىسىنى چىقىرىۋېلىڭ. چىقىرىۋالغان نەرسىلىرىڭىز قانچە كۆپ بولسا شۇنچە ياخشى. ئەمما ئىچ-قارنىنى چۇۋۇۋېتىپ بۇزۇپ قويماڭ. قانچە كۆپ مىقداردا چۇۋۇش ئېلىپ بارسىڭىز، ئۈسكۈنە ئىچىگە تولىدىغان ھاۋا مىقدارىمۇ شۇنچە جىق بولىدۇ، ئاندىن ئىتتىك قۇرۇيدۇ. 3. سۇنى سۈمۈرىۋېلىش ناۋادا سىزدە نەيچىسى بار ۋاكۇئۇملۇق چاڭ-توزان سۈمۈرگۈچ بولسا، ئۇنداقتا ئىشلار خېلى ئاسانلىشىدۇ. سىز بۇ سۈمۈرگۈچ ئارقىلىق ئۈسكۈنە ئىچىدىكى سۇنىڭ سۈمۈرىلىشىنى تېزلىتەلەيسىز. ئىلگىرى بىرەيلەننىڭ تېلىفونى شورپىغا چۈشۈپ كېتىپ، تىڭشىغۇچ ۋە توكلىغۇچ تىقىدىغان تۆشۈكىدىن شورپىنى شۈمۈپ چىقىرىۋالغانلىقىنى، بۇ ئارقىلىق شورپىنىڭ ئىسراپ بولۇشىنىڭ ئالدىنى ئېلىپلا قالماي، يەنە تېلىفونىنىمۇ قۇتقۇزىۋالغانلىقىنى ئاڭلىغان ئىدىم. 4. قۇرۇتۇش نۇرغۇن تور بېكەتلەردە ئادەتتە سۇ كىرىپ كەتكەن تېلىفون قاتارلىقلاردىكى سۇنى گۈرۈچ ئارقىلىق سۈمۈرىۋېلىش تەۋسىيە قىلىنىدۇ، ھالبۇكى، بۇ ئۇسۇل ھەقىقەتەن ئۈنۈملۈك ئۇسۇللارنىڭ بىرى. بىراق، مېنىڭ تېخىمۇ مۇكەممەل بولغان يەنە بىر خىل ئامالىم بار، بۇنىڭ سۈرئىتى سىز ئىلگىرى ئاڭلىغان ئۇسۇللاردىنمۇ تېز، يەنى – ئەتىگەنلىك ناشتىدا ئىشلىتىدىغان تالقان! بۇنىڭ سۇنى سۈمۈرۈش سۈرئىتى تېخى دۈملىمىگەن خام گۈرۈچكە قارىغاندا خېلىلا تېز. يېڭى قاپتىن بىرنى تېپىپ، ئىچىگە ئازراق تالقان تۆكۈپ، ئاندىن تېلىفوننى سېلىپ قويۇڭ، ئىككى كۈن ئىچىدە تېلىفوننى ئېچىپ سالماڭ، ئارىلىقتا تېلىفوننى ئۆرۈپ قويسىڭىزمۇ بولىدۇ. ئۇنىڭدىن باشقا بورنىڭمۇ سۇ سۈمۈرۈش ئىقتىدارى ياخشى. 5. سىناپ بېقىڭ 48 سائەتتىن كېيىن، تېلىفوننى تالقاننىڭ ئارىسىدىن چىقىرىڭ. ناۋادا ئېكران ۋە باشقا جايلاردا تېخىچە نەملىك ھىدى بولسا، تېلىفوننى داۋاملىق جايىغا قويۇپ قويۇڭ. ناۋادا تېلىفون قارىماققا قۇرىغاندەك بولسا، ئۇنداقتا باتارىيەسىنى سېلىپ سىناپ بېقىڭ. تېلىفونىڭىزنىڭ ئوڭشىلىشى ئۈچۈن دۇئا قىلغانلا بولسىڭىز، مەنچە بىر گەپ بولىدۇ. ئېسىڭىزدە چىڭ تۇتۇڭ، تۆۋەندىكى ئۇسۇللارنى سىناشتىن ھەزەر ئەيلەڭ: 1. چاچ قۇرۇتقۇچ، دوخوپكا، كاۋاپدان دېگەنلەر بىلەن ھەپىلىشىپ يۈرمەڭ. پەقەت بىر قىسىم ئوماقلار مۇشۇنداق قىلىشقا ئامراق كېلىدۇ. يۇقىرى تېمپراتۇرا ئۈسكۈنىنىڭ ئىچىگە زىچ ئورۇنلاشتۇرۇلغان زاپچاسلارنى ئېرىتىۋېتىدۇ. ناۋادا چاچ قۇرۇتقۇچنىڭ پەقەت شامال چىقىرىش ھالىتىنى ئىشلەتسىڭىز(قىززىتىدىغان يېرىگىچە ئېچىۋالماڭ)، ئۇنداقتا بەك چوڭ مەسىلىمۇ يوق. 2. مىكرو دولقۇنلۇق ئوچاق ئىشلەتمەڭ. پەقەت تېلىفونىڭىزنى تۇخۇمدەك پىشۇرۇپ يىگۈڭىز بولمىسىلا. 3. كۈچەپ سىلكىش. دەسلىۋىدە بۇ ئۇسۇل ئازراق ئەسقېتىشى مۇمكىن، ئەمما بۇ ئۇسۇل پەقەت ئۈسكۈنىنىڭ سىرتقى يۈزىدىكى سۇغا نىسبەتەنلا ئۈنۈملۈك. لېكىن بەزىدە ئۇقۇشماي تېشىدىكى سۇنى سىلكىپ ئىچىدىكى تېخىمۇ چوڭقۇر جايلارغا كىرگۈزىۋېتىشىڭىز مۇمكىن. بۇنداق ئىشلارنى قىلىپ سالماڭ، قۇرۇق لۆڭگە بىلەن پاكىز ئېيتىۋەتسىڭىزلا بولدى. ھازىر كۆپ قىسىم تېلىفونلارنىڭ سۇدىن ساقلىنىش ئىقتىدارى بار، بىراق، يەنىلا بۇنداق مەسىلىلەرگە دۇچ كەلمەيمىز دېگىلى بولمايدۇ. قېنى كۆپچىلىكنىڭ بۇنىڭدىن باشقا قانداق ئۈنۈملۈك ئۇسۇللىرى باركىن؟ مەنبە : تورخۇمار

TáwpéK0903

	بىلۋالدىم رەخمەت !!!!

يولتۇز

	مەنمۇ بىلىۋالدىم رەھمەت

Azizan

	بۇرۇن ئۇنىۋېرسىتېتتا ئوقۇيدىغان چاغدا ، بىر بۇرادىرىمىز بولىدىغان ، مەخسۇس پوققا چۈشۈپ كەتكەن تېلېفوننى سۈزۈشكە ۋە تازىلاپ ئوڭشاشقا ماھىر . بۇ بالا كېيىن تېخى مۇتەخەسىس بولۇپ ، باشقىلار مۇشۇ بالىنى ئىزدەپ سوراپ يۈرۈپ ، پۇل خەجلەپ ، پوققا چۈشۈپ كەتكەن تېلېفونلىرىنى سۈزدۈرەتتى . بۇ بالىمۇ مۇشۇ ئوقەتكە تايىنىپ خېلى ئوبدان كۈن كۆرۈۋالغان ...

zapar

	ھزازىرچە تېلفۇن يېڭىلاش خىيالىم يوق، بولمىسا ىۇتۇن كىر يۇيغاندا كىرئالغۇغا تاشلاپلا ئاندىن يۇقارىقى ئۇسۇللارنى سىناپ باقاتتىم چاقچاقمۇ قىلدىم، رەھمەت، قوللىنىشچان ئاماللاركەن.

axek13999649893

	ناۋادا ئالاممىساق  قاندا قىلىتمىز

faruk063

	ئەگەر تېلىفۇن سۇغا چۈشۈپ كەتسە، تېلىفۇننى دەرھال سىلكىۋەتكەندىن كېيىن قۇرۇق گۈرۈچكە چۆكتۈرۈپ سېلىپ قويسا، تېلىفۇندىكى سۇنى پاكىز سۈمۈرىۋالىدۇ. چۈنكى گۈرۈچنىڭ نەملىكنى سۈمۈرۈش ئىقتىدارى يۇقىرى، گۈرۈچ گەرچە تېلىفۇننىڭ سىرتىدا بولسىمۇ، نەملىك سۈمۈرش ئىقتىدارى بولغاچقا تېلىفۇن ئىچىدىكى سۇ ۋە نەملىكنى ئوبدان سۈمۈرىدۇ.

TEM^TAS

	مەن ئاباي تور خۇماردىن كۆرگەن ، رەخمەت سىز گە . باشقىلارمۇ پايدىلنىپ قالسۇن ، بولوپمۇ iphoneئىشلىتىدىغانلار .

كارتون

	faruk063 يوللىغان ۋاقتى  2012-12-25 05:59 PM ئەگەر تېلىفۇن سۇغا چۈشۈپ كەتسە، تېلىفۇننى دەرھال سىلك ... بۇمۇ بولدىغان ئۇسۇلكەن

bugaltir

	axek13999649893 يوللىغان ۋاقتى  2012-12-25 05:48 PM ناۋادا ئالاممىساق  قاندا قىلىتمىز يېڭىدىن بىرنى سېتىۋالىسىز  .