كەچۈر ئانا تىلىم

سۇمۇرۇغ

	ئوسمانجان ئىسمائىل (دولانى) ئانا تىلىم، مېنى كەچۈر … ئانا تىلىم، سەن مېنى باغرىڭغا باستىڭ، ئۆزۈڭنىڭ روھى ئوزۇقۇڭ بىلەن مېنى پەرۋىش قىلدىڭ، مەن سېنىڭ ئىللىق باغرىڭدا ئوزۇقلاندىم، تەربىيلەندىم… ئانا تىلىم مەن سەن ئارقىلىق ئۆزۈمنى تونۇدۇم ،يۇرتۇمنى تونۇدۇم ،ئاتا-ئانامنىڭ مۇبارەك نامىنى سەن بىلەن بىلدىم .سەن ئارقىلىق مىنى ياراتقۇچنىڭ مۇقەددەس ھەدىسلىرىنى بىلدىم ،نەسىھەتلىرىنى ئاڭلىدىم قانداق ئادەم بولۇش كىرەكلىكىنى ئۈگەندىم . ئاناتىلىم، مەن سەن ئارقىلىق  ئۆز بۇرچۇمنى ،مەسئولىيتىمنى بىلدىم ،سەن ئارقىلىق كىيىنكى نىشانلىرىمنى بىكىتتىم،ئۆزۈمنىڭ قايسى يولدا مىڭىشىم كىرەكلىكىنى تونۇپ يەتتىم . ئانا تىلىم مەن  ئۆزۈمنىڭ قانداق قىلغاندا ياخشى ئادەم بولالايدىغىنىمنى سىنىڭ ئاشۇ  نەپىس تىللىرىڭ بىلەن،ئۈنچە-مارجاندەك تاۋۇشلىرىڭ بىلەن تونۇپ يەتتىم . ئىھ،ئانا تىلىم ،سەن مەن ئۈچۈن ئاز بولمىغان ئەجىرلەرنى سىڭدۈردۈڭ ، ئەمما مەن سىنىڭدەك بىر مىھرىبان ئانىنىڭ مەندەك بىر ۋاپاسىز،بېلى بوش پەرزەنتىڭدىن كۈتكەن ئۈمۈدۈڭنى ئاقلىيالمىدىم ،ئەكىسچە مەن سىنىىڭ ئاشۇ ئوماق تاۋۇشچاقلىرىڭنى ،مۇنچاق -مۇنچاق سۆزلىرىڭنى ،مەردانە جۈملىلىرىڭنى ،قوغداپ قالالمىدىم ،ھەم شۇنداقلا باشقا قىرىنداش مىللەتلىرىمىز نىڭ گەپ سۆزلىرىنى  شۇ پىتى ئۇلارغا ئارلاشتۇرۇپ تاشلىدىم .شۇنىڭ بىلەن بىر بىلەن ‹‹پەمىدۇر››دىگەن سۆز ‹‹شوخلا››،‹‹تىلىۋىزور›› دىگەن سۆز ‹‹دىيەنشى››،‹‹كىرئالغۇ››دىگەن سۆز ‹‹شىجى››،‹‹يان تېلفۇن››دىگەن سۆز‹‹شوۋجى››…دىگەندەك بىر قىسىم چۇشۇنۇكسىز گەپلەر ئۇلارنىڭ ئارىسىدا ئەۋج ئىلىپ كەتتى . ئانا تىلىم  ، ئەسلىدە سېنىڭ ھەربىر تاۋۇشلىرىڭدا بىر ئاڭلاپلا چۈشەنگۈدەك  مەنە چىقىپ تۇرىدۇ ،بىر ئاڭلىغان ياكى كۆرگەنلەر شۇ ھامان مەنىسىگە يىتەلەيىتتى،ئەمما ھىلىقىدەك گەپلەرنىچۇ ،ئۇنى ھىچكىم بىر قاراپ ياكى كۆرۈپ چۈشۈنۈپ بولالمايدۇ.بۇنداق گەپ سۆزلەر سەن ئۈچۈن بىرتوپ پارازىت قۇرتلاردىن باشقا نەرسە ئەمەس، ئەمما ئۇلار توختىماستىن كۆپىيىۋاتىدۇ ،ئوغلۇڭ بولغان مەن ئۇلارنى توسۇش ئۇياقتا تۇرسۇن ئەكىسچە ئۇنىڭغا يول قويىۋاتىمەن . بۇنداق بولىۋەرسە بىزدىن كىيىنكى ئەۋلاتلارغا نىمە قالىدۇ ،بىرتوپ ئەخلەتلەرمۇ؟! ئىش شۇنداق تۇر سا مەن تۇزكور ،ۋاپاسىز بولماي يەنەكىم ۋاپاسىز بولسۇن؟! ئاناتىلىم، جىنىم ئاناتىلىم مېنى راستىنلا كەچۈرگىن !

ئەلىكىم

	بۇ  سىزنىڭ  خىيالىڭىزمۇ  ياكى  ئەسىرىڭىزمۇ؟

fireman

	ھەي ي ي ي ي ي ي ي

كارتون

	ما لىرېكا ياخشى چىقىپتۇ...

othor

	ئاتا تىلىم ، سىنى خارلىغانلارنى كەچۈرمە!!!

bugaltir

	[img][/img]

bugaltir

	ئانا تىلىم مەن سەن ئارقىلىق ئۆزۈمنى تونۇدۇم ،يۇرتۇمنى تونۇدۇم ،ئاتا-ئانامنىڭ مۇبارەك نامىنى سەن بىلەن بىلدىم .سەن ئارقىلىق مىنى ياراتقۇچنىڭ مۇقەددەس ھەدىسلىرىنى بىلدىم ،نەسىھەتلىرىنى ئاڭلىدىم قانداق ئادەم بولۇش كىرەكلىكىنى ئۈگەندىم .

سۇمۇرۇغ

	ئەلىكىم يوللىغان ۋاقتى  2012-12-25 05:49 PM بۇ  سىزنىڭ  خىيالىڭىزمۇ  ياكى  ئەسىرىڭىزمۇ؟ بۇ ئوسمانجان ئىسمائىل (دولانى)نىڭ ئەسىرى ئىكەن،قايسى بىر توربەتتىن كۆرۈپ شۇ دوستىمىزنىڭ نامىدا بۇ بېكەتكە يوللىغانتىم.

faruk063

	ئۆزۈمنىڭ تىلى بولغانلىقىدىن ناھايىتىمۇ پەخر ھېس قىلىمەن، تىلىمىزنى قەدىرلەيلى! ئاتا- ئانىمىز گەرچە كۆپ ئوقۇمىغان بولسىمۇ، بىزنى ئانا تىلىمىزنى بىلىدىغان، چۈشۈندىغان قىلىپ ئۆستۈردى، ئەمدى بۇ ۋەزىپە بىزگە يۆتكەلدى، بىزمۇ شۇنداق قىلالامدۇق- يوق؟!.......

DOPPIQI

	ئانا تىلىم  ، ئەسلىدە سېنىڭ ھەربىر تاۋۇشلىرىڭدا بىر ئاڭلاپلا چۈشەنگۈدەك  مەنە چىقىپ تۇرىدۇ ،بىر ئاڭلىغان ياكى كۆرگەنلەر شۇ ھامان مەنىسىگە يىتەلەيىتتى،ئەمما ھىلىقىدەك گەپلەرنىچۇ ،ئۇنى ھىچكىم بىر قاراپ ياكى كۆرۈپ چۈشۈنۈپ بولالمايدۇ.بۇنداق گەپ سۆزلەر سەن ئۈچۈن بىرتوپ پارازىت قۇرتلاردىن باشقا نەرسە ئەمەس، ئەمما ئۇلار توختىماستىن كۆپىيىۋاتىدۇ ،ئوغلۇڭ بولغان مەن ئۇلارنى توسۇش ئۇياقتا تۇرسۇن ئەكىسچە ئۇنىڭغا يول قويىۋاتىمەن ! بۇ تىمىنى بەك ياقتۇردۇم بولۇپمۇ مۇنۇ قۇرلارنى....