ئۈلگىلىك ياش ـــــــ پاتىگۈل ئەخمەت

ۋەلىجان

	پاتىگۈل ئەخمەت 1980-يىلى خېجىڭ ناھىيىسدە تامچى ئائىلىسىدە دۇنياغا كەلگەن. ئۇ كىچىكىدىن باشلاپ ناھايىتى زېرەك، ئەقىللىق ، ئەخلاقلىق قىز بۇلۇپ ، باشلانغۇچ، تۇلۇقسىز، تۇلۇق ئوتتۇرا مەكتەپلەرنى ئەلا نەتىجىلەر بىلەن پۈتتۈرگەن. 1999-يىلى ئالىي مەكتەپكە ئۆرلەش ئىمتاھانىدا يۇقۇرى نۇمۇر بىلەن «شىنجاڭ ئىگىلىك باشقۇرۇش كادىرلار شۆيەنىنىڭ كارخانا باشقۇرۇش كەسىپ»گە چاقىرىق كەلگەن بۇلۇپ، ئائىلىسىنىڭ قىيىنچىلىقى سەۋەبىدىن ئوقۇشقا بارالمايدۇ. لېكىن ئوقۇشتىن قېلىپ قېلىش، بۇ قىزنىڭ ئىرادىسىنى قەتئىي بۇشۇتۇپ قويمىغان . ئۇ ئائىلىسىنىڭ قىيىنچىلىقىنى كۆزدە تۇتۇپ، ئېتىز-ئېرىقلاردا جاپالىق ئەمگەك قىلىپ، تاپقان پۇللىرىنى قالايمىقان خەجلىمەي يىغىپ، 2006-يىلى 9-ئايدا «شىنجاڭ ھازىرقى زامان ئالاقىلىشىشى، رېمىنۇت مەركىزى»دە ئالتە ئاي تەربىيلىنىپ، ئوقۇشنى ئەلا نەتىجە بىلەن پۈتتۈرۈپ، خېجىڭغا قايتىپ كىلىپ، چاققانغىنا بىر دۇكاننى ئىجارىگە ئېلىپ، يانفۇن ياساش كەسىپى بىلەن شۇغۇللاندى. دەسلەپتە تىجارەت باشلىغاندا قىيىنچىلىققا يۇلۇققان بولسىمۇ، ئۆزىنىڭ قىيىنچىلىققا باش ئەگمەس ئىرادىسى بىلەن بارا-بارا خېرىدارلارنى ئۆزىگە جەلىپ قىلىپ، ئۇلارنىڭ قارشى ئېلىشىغا مۇيەسسەر بولدى. تىجارىتىنىڭ كۈندىن-كۈنگە روناق تېپىشىغا ئەگىشىپ، ناھىيىمىزنىڭ ئاۋات يانفۇن بازىرىدىن بىر كىشىلىك دۇكاننى 500 سومغا ئىجارىگە ئېلىپ تىجارەت قىلدى. تىجارەت دائىرىسىنى كىڭەيتىش ئۈچۈن، ئۈرۈمچىدىن ئۆزى بېرىپ يانغۇن سېتىۋىلىپ، دۇكىنىغا كىرگۈزۈپ يانغۇن رېمىنۇتچىلىقى بىلەن بىرگە ئېلىپ باردى. تىجارىتىنىڭ كۈندىن-كۈنگە ياخشىلىنىشقا باشلىدى. ھازىر ئائىلىسىنىڭ چىقىملىرىنى چىقىرۋىتىپ، ئايدا 2000-2500مىڭ سومغىچە كېرىم قىلالايدىغان سەۋىيىگە يەتتى. جەمئيتىمىزدە پاتىگۈل ئەخمەتكە ئوخشاش قىيىنچىلىق ئالدىدا ئۆزىنى يۇقۇتۇپ قويمايدىغان ياشلىرىمىز كۆپلەپ چىقىپ، جەمىئىيەتكە تۆھپە قۇشالىسا، قىزلارنىڭمۇ تىرىشسىلا، نۇرغۇنلىغان ئىشلارنى ۋۇجۇتقا چىقىرالايدىغانلىقىنى تۇنۇتتى. بىز بۇ ياشتىن ئۈلگە ئېلىپ، قىيىنچىلىق ئالدىدا ھەرگىزمۇ باش ئەگمەي، تىرىشىدىغانلا بولساق، جەمىيتىمىزدە تىقىرقاپ ياشلىرىمىز ئاز بولغان بۇلاتتى. ياخشى ئۈلگىلاردىن ئىلھام ئېلىپ، جەمىئيەتكە بىر كىشىلىك ھەسسسىمىزنى قوشساق.

hasalharisi

	ھالال ئەجرى ئارقىلىق تۇرمۇشىنى خاتىرجەم ئۆتكۈزۈش يولىنى تاپقان پاتىگۈل، بىر قىسىم  كىچىك ئىشنى ياراتمايدىغان،چوڭ ئىشنى تاپالمايدىغان قۇرۇق سۆلەت ياشلارنىڭ ئۆگىنىشىگە ئەرزىيدۇ. ئەھمىيەتلىك تېمىڭىزغا رەھمەت.

NAZIF

	ئىنشائاللا تىجارىتى تېخىمۇ روناق تاپقاي!

مارشال

	قورسىقىغا كۆپ بىلىم توپلاپتۇ،ئەمەلىي ئۆگەنگەن ھۈنەر بىر ئۆمۈر جانغا ئەسقاتىدۇ. پاتىگۈل ئەخمەتنىڭ تىجارىتىنىڭ روناق تېپىشىنى ھەم تېخىمۇ كۆپ نەتىجىلەرنى قولغا كەلتۈرىشگە تىلەكداشمەن!

يولتۇز

	قىزلار مۇشۇنداق بۇلىشى كىېرەك ئۈزىدە ئەرلەرگە خاس قىيىنىچىلىقتىن قۇرقمايدىغان باتۇرانە جاسارەتنى ، قىزلارغا خاس شەرميى -ھايانى يىتىلدۈرىشى ، باشقىلارغا ئەمەس ئۈزىىگە تايىنىپ ياشىشى كېرەك .

kukhelal

	ھالال تەردىن ئاققان نىممەت بەخىت دىمەكتۇر

Gulmerem786

	تىرىشقان تاغ ئاشار دەپتىكەن ، ئاللاھ ئەجىرىڭىزنى بەرسۇن !

arkenkaxka

	بۇنداق تىرىشچانلاردىن ئاق نانچىلار ئۈلگە ئالساق بولغدەك. تېخىمۇ تىرىشڭ قىزچاق. سىزگە ئۇتۇق تېلەيمەن.

jangqi

	اللە پاتىگۇلنىڭ تىجارتىگە بەركەت بەركەي.

patkak