تەنتەك خىياللار

arkaksu68

	تۇمۇچۇق     ئۇيقۇم ئېچىلدى.    كۆڭلۈم بېغىدا غەمسىز سايراۋاتقانلىقىىڭدىن چەكسىز سۆيۈنۈپ ، ئۇنى قايتا بېزەشكە كىرىشتىم...     كۆكرىكىمنى قەپەز، يۈرىكىمنى ئۇۋا،   مېھرىمنى ئوزۇقلۇق، ئەقىدەمنى ئۇسسۇزلۇق قىلىپ ، ساڭا تەييارلىغىنىمدا سەن ئاللىقاچان ئۇچۇپ كەتكەن ئىكەنسەن...      كۆكرىكىم ئۈمچىيىشكە باشلىغاندا يۈرىكىم ئاللىقاچان  قانسىراپ ، نىمجان بولۇپ قاپتۇ....      سەندىن سوراپ باقاي:      يۈرىكىمنى قاچان ئەسلىگە كەلتۈرەرسەن؟!                                                  بىچارە سۇئال        يۈرىكىم سۆيگۈ تەشنالىقىدا چاك - چاك يېرىلىپ ، نىمجان ھاياتتىن ئۈمىدىمنى ئۈزگەن تەرىزدە بۇ يورۇق دۇنيا بىلەن ۋىدالىشىۋاتقىنىمدا ، غايىپتىن دىگۈدەك پەيدا بولدۇڭ. زەئىپ ھالىم ئىچىڭنى ئاغرىتسا كېرەك ، كۆزۈڭدىن ئىككى تامچە ياش مەڭزىڭنى بويلاپ دومىلىدى...  يۈرىكىم ياشاردى. ساڭا تىزلاندىم: ئەي ۋاپادار مەھبۇبەم ! يەنە غايىپ بولارسەنمۇ؟!                                                           مەڭگۈلۈك ئۆكۈنۈش       چۈشۈمدە سېنى كۆردۈم...قاتتىق ۋەھىمىدىن بولسا كېرەك ، مېنى چىڭ قۇچاقلاپ تۇرۇپسەن. ئەشۇ دەقىقىدە يىراقتىن غۇۋا، ئەمما بەتبەشىرە  بىر سىيما  بىزگە يېقىنلىدى. سەن ماڭا تېخىمۇ مەھكەم يېپىشتىڭ. ئۆزۈمنى چەكسىز بەخت ئىلكىدە سېزىۋاتقىنىمدا ئۇ ئىككىمىزگە قارا قولىنى ئۇزاتتى.  ۋەھىمىلىك چىرقىرىشىڭدىن ئويغىنىپ كەتتىم. كىچىككىنە يۈرىكىم << چىم>> قىلىپ توختاپ قالدى.سەن پۈتۈن ۋۇجۇدۇمغا سىڭىپ كەتكەن ئىدىڭ. ئازاپلىرىڭ كەتسىكەن نېرى تاشلاپ كەتتىڭ ئۈنسىز ، ئۈمىدسىز، مىسكىنلىكتە قالدۇرۇپ مېنى. ئېپكەتتىغۇ شورلۇق بىر قىسمەت، ۋەدىمىزدىن تاندۇرۇپ سېنى. تەنھا قالدىم چىمەندە شۇنداق، .ەتراپىمغا قارايمەن ئۈنسىز. ھاياتىمنىڭ نېمە مەناسى، قانداق تۇراي چىمەندە سەنسىز. مىسكىن ھېستا ياندىم چىمەندىن، بارارىمغا مەنزىلىممۇ يوق. بەربات بولدى سۆيگۈمىز ئاخىر، يار بولمىغاچ ۋەدىگە ئۇتۇق. ئۆتۈپ كەتتى تاتلىق سۆيۈشلەر ، ئۆتۈپ كەتتى ئىللىق قۇچاقلاش. ئۆتۈپ كەتتى ھەممە ھەممىسى، چۆلدە يۈتكەن قامغاققا ئوخشاش. مەن بارمايمەن چىمەنگە ئەمدى، سەنمۇ ئىزلەپ كەلمەيسەن مېنى. ئۇنتۇپ كېتەي ، ئاھ ئۇنتۇپ كېتەي، ئازابلىرىڭ كەتسىكەن نېرى. ئۇنتۇپ كېتەي ئاھ ئۇنتۇپ كېتەي، ئۇنۇتقاندەك ئەسكى پايپاقنى. مەنبە : << ئەركەكسۇ ئىجادىيەت خاتىرىسى>> دىن

kar0923

	سەۋر قىللى قېرىندىشىم

كارتون

	لىرىكىنى  ياخشى يىزىپسىز...

zulayha

	قەلىمىڭىزدىن تۆكۈلگەن تەنتەكلىكتىكى خىياللىرىڭىزنىڭ روجەكلىرىدىكى مۇڭدىن،ئاشىقلىققا باغلانغان ساپ بىر قەلبنى كۆرگەندەك بولدۇم. ۋۇجۇدىڭىزغا چەكسىزلىتىكى چىن مۇھاببەتنى ھەم مەڭگۈلۈك بەخىتنى تىلەيمەن .

ANSWER

	بالىلىق ھەي بالىلىق

ah~tilek

	يېڭى يىلىڭىزغا مۇبارەك بولسۇن !! سىزگە بەخت ۋە ئامەت يار بولسۇن !!!